കാഞ്ഞിരപ്പള്ളി: സെന്റ് ഡൊമിനിക്സ് കത്തീഡ്രൽ ഇടവക കത്തോലിക്ക കോൺഗ്രസും കോട്ടയം കാരിത്താസ് ആശുപത്രിയും സംയുക്തമായി നാളെ രാവിലെ 8.30 മുതൽ ഉച്ചയ്ക്ക് 12.30 വരെ കത്തീഡ്രൽ മഹാജൂബിലി ഹാളിൽ സൗജന്യ മൾട്ടി സ്പെഷാലിറ്റി മെഡിക്കൽ ക്യാന്പ് നടത്തുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു.
കാരിത്താസ് ആശുപത്രിയിലെ വിദഗ്ധ ഡോക്ടർമാരുടെ നേതൃത്വത്തിൽ ജനറൽ മെഡിസിൻ, ഓർത്തോപീഡിക്സ്, ഓങ്കോളജി, ഇഎൻടി, ഗാസ്ട്രോ എൻറോളജി, കാർഡിയോളജി, പൾമനോളജി എന്നീ വിഭാഗങ്ങളുടെ സേവനം ലഭിക്കുന്നതിനോടൊപ്പം എക്കോ, ഇസിജി, രക്തപരിശോധന, മരുന്ന് വിതരണം, സ്ത്രീകൾക്കായുള്ള ആധുനിക രീതിയിലുള്ള കാൻസർ നിർണയം തുടങ്ങിയ സേവനങ്ങൾ സൗജന്യമായി മെഡിക്കൽ ക്യാമ്പിൽ ഉണ്ടായിരിക്കും. മുൻകൂട്ടി പേര് രജിസ്റ്റർ ചെയ്യാനും സൗകര്യമുണ്ടായിരിക്കും. ഫോൺ: 9495405980, 9745606963, 8547972547.
ഡയറക്ടർ ഫാ. വർഗീസ് പരിന്തിരിക്കൽ, കെ.കെ. മൈക്കിൾ, റെജി കൊച്ചുകരിപ്പാപറമ്പിൽ, മെൽബിൻ പോളശേരി, മെഡിക്കൽ ക്യാമ്പ് ചെയർമാൻ ഫിലിപ്പ് പള്ളിവാതുക്കൽ, ജിജി പുത്തേട്ട്, ജിജി പുതിയിടം, സാബു കൊച്ചുപുരയ്ക്കൽപറമ്പിൽ, ജയിംസുകുട്ടി ആശാരിപറമ്പിൽ, പി.എം. ജോസഫ് പണ്ടാരക്കളം, സുനു മുത്തിയപാറ, ജോഷി പുൽപ്പേൽ എന്നിവരുടെ നേതൃത്വത്തിൽ വിവിധ കമ്മിറ്റികൾ ക്യാന്പിന്റെ വിജയത്തിനായി പ്രവർത്തിച്ചുവരുന്നു.
പ്രസിഡന്റ് കെ.കെ. മൈക്കിൾ കിഴക്കേൽ, ട്രഷറർ മെൽബിൻ പോളശേരി, മെഡിക്കൽ ക്യാമ്പ് ചെയർമാൻ ഫിലിപ്പ് പള്ളിവാതുക്കൽ, വൈസ് പ്രസിഡന്റ് ജിജി പുത്തേട്ട്, ജോയിന്റ് സെക്രട്ടറി ജിജി പുതിയിടം, ജയിംസ്കുട്ടി ആശാരിപറമ്പിൽ എന്നിവർ പത്രസമ്മേളനത്തിൽ പങ്കെടുത്തു.