എഫ്രേംസ് ട്രോഫി ഇന്‍റർ സ്കൂൾ ബാസ്ക്കറ്റ്ബോൾ ടൂർണമെന്‍റ് ആരംഭിച്ചു : Deepika.com Nattu Visesham

KOTTAYAM

എഫ്രേംസ് ട്രോഫി ഇന്‍റർ സ്കൂൾ ബാസ്ക്കറ്റ്ബോൾ ടൂർണമെന്‍റ് ആരംഭിച്ചു

Saturday, September 28, 2024 5:29 AM IST

മാന്നാനം: സെന്‍റ് എഫ്രേംസ് ഹയർ സെക്കൻഡറി സ്കൂളിൽ 19-ാമത് ഇന്‍റർസ്‌കൂൾ സൗത്ത് ഇന്ത്യ ബാസ്ക്കറ്റ് ബോൾ ടൂർണമെന്‍റിന് തുടക്കമായി. അന്തർദേശീയ ആം റെസ്‌ലർ ജോബി മാത്യു ഉദ്ഘാടനം ചെയ്തു.

സ്കൂൾ മാനേജർ റവ.ഡോ. കുര്യൻ ചാലങ്ങാടി അധ്യക്ഷത വഹിച്ചു. സിഎംഐ സെന്‍റ് ജോസഫ്സ് പ്രൊവിൻസ് കോർപറേറ്റ് മാനേജർ റവ.ഡോ. ജയിംസ് മുല്ലശേരി മുഖ്യപ്രഭാഷണം നടത്തി.

ജില്ലാ പഞ്ചായത്ത് മെംബർ ഡോ. റോസമ്മ സോണി, പിടിഎ പ്രസിഡന്‍റ് അഡ്വ. സി.ആർ. സിന്ധുമോൾ, ജില്ലാ സ്പോർട്സ് കൗൺസിൽ പ്രസിഡന്‍റ് ബൈജു വി. ഗുരുക്കൾ, ജില്ലാ ബാസ്ക്കറ്റ്ബോൾ അസോസിയേഷൻ സെക്രട്ടറി ബിജു ഡി. തേമാൻ, പ്രിൻസിപ്പൽ ടെസി ലൂക്കോസ്, ഹെഡ്മാസ്റ്റർ ബെന്നി സ്കറിയ എന്നിവർ പ്രസംഗിച്ചു. ബാസ്ക്കറ്റ്ബോൾ താരം ജിൻസ് കെ. ജോബി പ്രതിജ്ഞ ചൊല്ലിക്കൊടുത്തു.

ആൺകുട്ടികളുടെ വിഭാഗത്തിൽ സെന്‍റ് എഫ്രേംസ് മാന്നാനം, ലിറ്റിൽഫ്ലവർ സേലം, വേലമ്മൽ ചെന്നൈ, പി എച്ച്എസ്എസ് പന്തല്ലൂർ മഞ്ചേരി, സെന്‍റ് ജോസഫ്സ് പുളിങ്കുന്ന്, ഗിരിദീപം കോട്ടയം, ജിവിഎം കുന്നംകുളം ടീമുകളും പെൺകുട്ടികളുടെ വിഭാഗത്തിൽ സെന്‍റ് ജോസഫ്സ് സേലം, ലിറ്റിൽഫ്ലവർ കൊരട്ടി, മൗണ്ട് കാർമൽ കോട്ടയം, എസ്എച്ച് തേവര ടീമുകളുമാണ് മത്സരിക്കുന്നത്.

ഇന്ന് രാവിലെ 6.30ന് വേലമ്മൽ ചെന്നൈയും സെന്‍റ് ജോസഫ്സ് പുളിങ്കുന്നും തമ്മിലും എട്ടിന് ജിവിഎം കുന്നംകുളവും ഗിരിദീപം കോട്ടയവും തമ്മിലും ഒമ്പതിന് ലിറ്റിൽഫ്ലവർ സേലവും പി എച്ച്എസ്എസ് പന്തല്ലൂരും തമ്മിലും 10.30ന് ലിറ്റിൽഫ്ലവർ കൊരട്ടിയും എസ്എച്ച് തേവരയും തമ്മിലും 11.30ന് സെന്‍റ് ജോസഫ്സ് സേലവും മൗണ്ട് കാർമൽ കോട്ടയവും തമ്മിലും മത്സരിക്കും.
ഉച്ചകഴിഞ്ഞ് 2.30ന് വേലമ്മൽ ചെന്നൈയും ഗിരിദീപം കോട്ടയവും തമ്മിലും വൈകുന്നേരം നാലിന് ജിവിഎം കുന്നംകുളവും സെന്‍റ് ജോസഫ്സ് പുളിങ്കുന്നും തമ്മിലും 5.30ന് സെന്‍റ് എഫ്രേംസ് മാന്നാനവും ലിറ്റിൽഫ്ലവർ സേലവും തമ്മിലും 6.30ന് ലിറ്റിൽഫ്ലവർ കൊരട്ടിയും മൗണ്ട് കാർമൽ കോട്ടയവും തമ്മിലും രാത്രി 7.30ന് സെന്‍റ് ജോസഫ്സ് സേലവും എസ്എച്ച് തേവരയും തമ്മിലുമാണ് മത്സരം.