ഡെ​​റാ​​ഡൂ​​ണ്‍: ട്രി​​പ്പി​​ൾജം​​പി​​ൽ എ​​ൻ.​​വി. ഷീ​​ന​​യും സാ​​ന്ദ്രാ ബാ​​ബു​​വും നേ​​ടി​​യ മെ​​ഡ​​ലു​​ക​​ൾ ഇ​​ല്ലാ​​യി​​രു​​ന്നെങ്കി​​ൽ ദേ​​ശീ​​യ ഗെ​​യിം​​സി​​ൽ ഇ​​ന്ന​​ലെ കേ​​ര​​ള​​ത്തി​​ന്‍റെ മെ​​ഡ​​ൽ പ​​ട്ടി​​ക​​യി​​ൽ ച​​ല​​നം ഉ​​ണ്ടാ​​കില്ലായിരുന്നു. സ്വ​​ർ​​ണം പ്ര​​തീ​​ക്ഷി​​ച്ചി​​രു​​ന്നു​​വെ​​ങ്കി​​ലും ഷീ​​ന വെ​​ള്ളി​​യും സാ​​ന്ദ്ര വെ​​ങ്ക​​ല​​വു​​മാ​​ണ് നേ​​ടി​​യ​​ത്.

2015 കേ​​ര​​ള ഗെ​​യിം​​സ്, 2022 അ​​ഹ​​മ്മ​​ദാ​​ബാ​​ദ് ഗെ​​യിം​​സ്, 2023 ഗോ​​വ ഗെ​​യിം​​സു​​ക​​ളി​​ൽ സ്വ​​ർ​​ണ നേ​​ട്ട​​ക്കാ​​രി​​യാ​​ണ് ഷീ​​ന. ഇ​​ട​​യ്ക്കു മ​​ത്സ​​രരം​​ഗ​​ത്തുനിന്നു വി​​ട്ടു​​നി​​ന്ന ഷീ​​ന 2023 ഇ​​ന്‍റ​​ർ​​സ്റ്റേ​​റ്റ് സീ​​നി​​യ​​ർ അ​​ത്‌​ല​​റ്റി​​ക് ചാ​​ന്പ്യ​​ൻ​​ഷി​​പ്പി​​ൽ സ്വ​​ർ​​ണം നേ​​ടി തി​​രി​​ച്ചു​​വ​​ര​​വു ന​​ട​​ത്തി. 2017 ഏ​​ഷ്യ​​ൻ ചാ​​ന്പ്യ​​ൻ​​ഷി​​പ്പി​​ലെ വെ​​ങ്ക​​ല മെ​​ഡ​​ൽ ജേ​​താ​​വാ​​ണ്. 13.60 മീ​​റ്റ​​റാ​​ണ് ഷീ​​ന​​യു​​ടെ ക​​രി​​യ​​ർ ബെ​​സ്റ്റ്. 400 മീ​​റ്റ​​റി​​ലും ഹ​​ർ​​ഡി​​ൽ​​സി​​ലും ജാ​​വ​​ലി​​ൻ​​ത്രോ​​യി​​ലും ലോം​​ഗ്ജം​​പി​​ലും ദേ​​ശീ​​യ മെ​​ഡ​​ൽ ജേ​​താ​​വാ​​ണ്.


പു​​തി​​യ പ​​രി​​ശീ​​ല​​ക​​ന്‍റെ കീ​​ഴി​​ൽ തു​​ട​​ർ​​ച്ച​​യാ​​യ ര​​ണ്ടാം മെ​​ഡ​​ലാ​​ണ് സാ​​ന്ദ്ര​​യു​​ടേ​​ത്. അ​​ഞ്ചു​​ത​​വ​​ണ ലോ​​ക ചാ​​ന്പ്യ​​ൻ​​ഷി​​പ്പി​​ൽ പ​​ങ്കെ​​ടു​​ത്ത ക്യൂ​​ബ​​യു​​ടെ യൊ​​യാ​​ൻ​​ഡ്രി​​സ് ബെ​​റ്റ​​ൻ​​സോ​​സി​​ന്‍റെ കീ​​ഴി​​ലാ​​ണ് പ​​രി​​ശീ​​ലി​​ക്കു​​ന്ന​​ത്. 2019ൽ ​​സാ​​ഫ് ഗെ​​യിം​​സി​​ൽ ലോം​​ഗ്ജം​​പി​​ൽ വെ​​ങ്ക​​ലം നേ​​ടി. 2020ൽ ​​അ​​ഖി​​ലേ​​ന്ത്യാ അ​​ന്ത​​ർ​​സ​​ർ​​വ​​ക​​ലാ​​ശാ​​ല ട്രി​​പ്പി​​ൾ​​ജം​​പി​​ൽ വെ​​ള്ളി​​യും അ​​തേവ​​ർ​​ഷം ഖേ​​ലോ ഇ​​ന്ത്യ യൂ​​ത്ത് ഗെ​​യിം​​സി​​ൽ ലോം​​ഗ്ജം​​പി​​ൽ വെ​​ങ്ക​​ല​​വും നേ​​ടി. 13.28 മീ​​റ്റ​​റാ​​ണ് ട്രി​​പ്പി​​ളി​​ൽ സാ​​ന്ദ്ര​​യു​​ടെ മി​​ക​​ച്ച ദൂ​​രം.