ന്യൂ​ഡ​ൽ​ഹി: ഒ​ളി​ന്പി​ക്സി​നും കോ​മ​ണ്‍വെ​ൽ​ത്ത് ഗെ​യിം​സി​നും ആ​തി​ഥേ​യ​ത്വം വ​ഹി​ക്കാ​നു​ള്ള സ​ന്ന​ദ്ധ​ത അ​ന്താ​രാ​ഷ്‌​ട്ര സ​മി​തി​ക​ളെ അ​റി​യി​ച്ചി​ട്ടു​ണ്ടെ​ന്ന് കേ​ന്ദ്ര സ​ർ​ക്കാ​ർ.

2036ലെ ​ഒ​ളിന്പി​ക്സി​നും പാ​രാ​ലി​ന്പി​ക്സി​നും ആ​തി​ഥേ​യ​ത്വം വ​ഹി​ക്കാ​നു​ള്ള ഇ​ന്ത്യ​യു​ടെ താ​ത്പ​ര്യം വ്യ​ക്ത​മാ​ക്കു​ന്ന ക​ത്ത് ഇ​ന്ത്യ​ൻ ഒ​ളി​ന്പി​ക് അ​സോ​സി​യേ​ഷ​ൻ (ഐ​ഒ​എ) ഔ​ദ്യോ​ഗി​ക​മാ​യി സ​മ​ർ​പ്പി​ച്ചി​ട്ടു​ണ്ടെ​ന്നു സ​ർ​ക്കാ​ർ ലോ​ക്സ​ഭ​യി​ൽ വ്യ​ക്ത​മാ​ക്കി.​

കോമൺവെൽത്ത് ഗെയിംസ്

അ​തി​നി​ടെ, കോ​മ​ണ്‍വെ​ൽ​ത്ത് ഗെ​യിം​സ് ഇ​ന്ത്യ​യി​ൽ സം​ഘ​ടി​പ്പി​ക്കു​ന്ന​തു​മാ​യി ബ​ന്ധ​പ്പെ​ട്ടു കോ​മ​ണ്‍വെ​ൽ​ത്ത് ഗെ​യിം​സ് ഫെ​ഡ​റേ​ഷ​ൻ പ്ര​സി​ഡ​ന്‍റ് ക്രി​സ് ജെൻകിൻ​സ് രാ​ജ്യ​ത്തെ വി​വി​ധ സം​ഘ​ട​നാ മേ​ധാ​വി​ക​ളു​മാ​യി അ​നൗ​ദ്യോ​ഗി​ക ച​ർ​ച്ച​ക​ൾ ന​ട​ത്തി.


2030 കോ​മ​ണ്‍വെ​ൽ​ത്ത് ഗെ​യിം​സി​ന്‍റെ ആ​തി​ഥേ​യ​ന​ഗ​ര​ങ്ങ​ളാ​കു​മെ​ന്നു ക​രു​തു​ന്ന അ​ഹ​മ്മ​ദാ​ബാ​ദും ഭു​വ​നേ​ശ്വ​റും സ​ന്ദ​ർ​ശി​ച്ച ജെ​ൻകിൻ​സ് കേ​ന്ദ്ര​മ​ന്ത്രി​മാ​രു​മാ​യും മു​തി​ർ​ന്ന ഉ​ദ്യോ​ഗ​സ്ഥ​രു​മാ​യും ച​ർ​ച്ച ന​ട​ത്തി.

ദേ​ശീ​യ ഗെ​യിം​സ് ന​ട​ക്കു​ന്ന ഡെ​റാ​ഡൂ​ണി​ൽ ഐ​ഒ​എ പ്ര​സി​ഡ​ന്‍റ് പി.​ടി. ഉ​ഷ​യു​മാ​യും അ​ദ്ദേ​ഹം ച​ർ​ച്ച ന​ട​ത്തി​യി​രു​ന്നു. കോ​മ​ണ്‍വെ​ൽ​ത്ത് ഗെ​യിം​സി​ൽ ആ​തി​ഥേ​യ​ത്വം വ​ഹി​ക്കാ​നു​ള്ള ഔ​ദ്യോ​ഗി​ക താ​ത്പ​ര്യം മാ​ർ​ച്ച് 31ന​കം സ​മ​ർ​പ്പി​ക്ക​ണ​മെ​ന്ന് ജെ​ൻകിൻ​സ് അ​റി​യി​ച്ച​താ​യാ​ണ് സൂ​ച​ന.