ഡൗണ്‍ സിന്ഡ്രോം ദേശീയ ഗെയിംസ്
Sunday, February 9, 2025 3:48 AM IST
കൊച്ചി: മൂന്നാമതു ഡൗണ്‍ സിന്ഡ്രോം ദേശീയ ഗെയിംസിന് കൊച്ചിയില്‍ തുടക്കമായി. കടവന്ത്ര റീജണല്‍ സ്‌പോര്‍ട്സ് സെന്‍ററില്‍ നടക്കുന്ന ഗെയിംസിൽ 16 സംസ്ഥാനങ്ങളില്‍ നിന്നായി 200ഓളം പേർ പങ്കെടുക്കുന്നുണ്ട്.
ഡൗണ്‍ സിന്ഡ്രോം ഫെഡറേഷന്‍ ഓഫ് ഇന്ത്യ (ഡിഎസ്എഫ് ഐ), ദ ഡൗണ്‍ സിന്ഡ്രോം ട്രസ്റ്റ് (ദോസ്ത്), സ്‌പെഷല്‍ ഒളിമ്പിക്‌സ് ഭാരത് കേരള ഘടകം എന്നിവയുടെ സംയുക്ത ആഭിമുഖ്യത്തില്‍ ഡൗണ്സിന്ഡ്രോം അവസ്ഥയിലുള്ള എട്ടു വയസിനു മുകളിലുള്ളവർക്കായാണു ഗെയിംസ് സംഘടിപ്പിക്കുന്നത്.