ഹൈ​ദ​രാ​ബാ​ദ്: ഗു​ജ​റാ​ത്ത് ക​ലാ​പ​ത്തി​നി​ടെ മൂ​ന്നു ബ്രി​ട്ടീ​ഷ് പൗ​ര​ന്മാ​ർ കൊ​ല്ലപ്പെട്ട കേ​സി​ലെ ആ​റു പ്ര​തി​ക​ളെ ഗു​ജ​റാ​ത്ത് ഹൈ​ക്കോ​ട​തി വെ​റു​തേ​ വി​ട്ടു. ഹി​മ്മ​ത്ന​ഗ​റി​ലെ സ​ബ​ർ​കാ​ന്ത പ്രി​ൻ​സി​പ്പ​ൽ ജി​ല്ലാ സെ​ഷ​ൻ​സ് വി​ചാ​ര​ണ​ക്കോ​ട​തി​യു​ടെ ഉ​ത്ത​ര​വ് ഹൈ​ക്കോ​ട​തി ശ​രി​വ​യ്ക്കു​ക​യാ​യി​രു​ന്നു.

ജ​സ്റ്റീ​സു​മാ​രാ​യ എ.​വൈ. കോ​ഗ്ജെ, സ​മീ​ർ ജെ. ​ദേ​വ് എ​ന്നി​വ​രു​ടെ ബെ​ഞ്ച് മാ​ർ​ച്ച് ആ​റി​നു പു​റ​പ്പെ​ടു​വി​ച്ച വി​ധി​യു​ടെ വി​ശ​ദാം​ശ​ങ്ങ​ൾ ക​ഴി​ഞ്ഞ ദി​വ​സ​മാ​ണു ല​ഭ്യ​മാ​യ​ത്. സാ​ക്ഷി​ക​ളു​ടെ​യും അ​ന്വേ​ഷ​ണ ഉ​ദ്യോ​ഗ​സ്ഥ​ന്‍റെ​യും മൊ​ഴി​ക​ൾ പ​രി​ഗ​ണി​ച്ച ഹൈ​ക്കോ​ട​തി, കീ​ഴ്ക്കോ​ട‌​തി ഉ​ത്ത​ര​വി​ൽ ഇ​ട​പെ​ടാ​ൻ കാ​ര​ണ​മി​ല്ലെ​ന്ന് നി​രീ​ക്ഷി​ച്ചു.

2002 ഫെ​ബ്രു​വ​രി 28നാ​യി​രു​ന്നു സം​ഭ​വം. ഇ​മ്രാ​ൻ മു​ഹ​മ്മ​ദ് സ​ലിം ദാ​വൂ​ദാ​ണ് കേ​സി​ലെ പ​രാ​തി​ക്കാ​ര​ൻ. ഇ​ദ്ദേ​ഹ​ത്തി​ന്‍റെ അ​മ്മാ​വ​ന്മാ​രാ​യ സ​യീ​ദ് സ​ഫീ​ഖ് ദാ​വൂ​ദ് സ​കി​ൽ, അ​ബ്ദു​ൾ ഹാ​യ് ദാ​വൂ​ദ് എ​ന്നി​വ​രും മു​ഹ​മ്മ​ദ് ന​ല്ല​ഭാ​യ് അ​ബ്ദു​ൾ​ഭാ​യ് അ​ശ്വ​റു​മാ​ണ് കൊ​ല്ല​പ്പെ​ട്ട​ത്.

മൂ​ന്നു പേ​രും ബ്രി​ട്ടീ​ഷ് പൗ​ര​ന്മാ​രാ​യി​രു​ന്നു. ഇ​വ​ർ ആ​ഗ്ര​യും ജ​യ്പു​രും സ​ന്ദ​ർ​ശി​ച്ച ശേ​ഷം ഹി​മ്മ​ത്‌​ന​ഗ​റി​ലേ​ക്കു മ​ട​ങ്ങി​വ​ര​വേ ക​ലാ​പ​കാ​രി​ക​ൾ കാ​ർ ത​ട‌​ഞ്ഞു​നി​ർ​ത്തി തീ​ കൊ​ളു​ത്തു​ക​യാ​യി​രു​ന്നു. വാ​ഹ​ന​ത്തി​ന്‍റെ ഡ്രൈ​വ​ർ യൂ​സ​ഫ് സം​ഭ​വ​സ്ഥ​ല​ത്തുത​ന്നെ മ​രി​ച്ചു. അ​ശ്വ​ർ ആ​ശു​പ​ത്രി​യി​ലാ​ണ് മ​രി​ച്ച​ത്. മ​റ്റ് ര​ണ്ടു പേ​രെ​യും പി​ന്നീ​ട് കൊ​ല്ല​പ്പെ​ട്ട നി​ല​യി​ല്‍ ക​ണ്ടെ​ത്തി.


2002 മാ​ർ​ച്ച് 24ന് ​അ​ന്ന​ത്തെ ബ്രി​ട്ടീ​ഷ് ഡെ​പ്യൂ​ട്ടി ഹൈ​ക്ക​മ്മീ​ഷ​ണ​ർ​ക്കു ല​ഭി​ച്ച അ​ജ്ഞാ​ത ഫാ​ക്സ് സ​ന്ദേ​ശ​ത്തെ​ത്തു​ട​ർ​ന്നാ​യി​രു​ന്നു കേ​സി​ൽ തു​ട​ര​ന്വേ​ഷ​ണം.‌ കൂ​ടു​ത​ൽ അ​ന്വേ​ഷ​ണം ന​ട​ത്ത​ണ​മെ​ന്നാ​വ​ശ്യ​പ്പെ​ട്ട് അ​ന്ന​ത്തെ ബ്രി​ട്ടീ​ഷ് ഡെ​പ്യൂ​ട്ടി ഹൈ​ക്ക​മ്മീ​ഷ​ണ​ർ ഗു​ജ​റാ​ത്ത് ഡ​യ​റ​ക്ട​ർ ജ​ന​റ​ലി​ന് ക​ത്തെ​ഴു​തി. തു​ട​ർ​ന്ന്, ഈ ​കേ​സ് ഉ​ൾ​പ്പെ​ടെ 2002 ക​ലാ​പ​ത്തി​ലെ ഒ​മ്പ​ത് കേ​സു​ക​ളി​ൽ പ്ര​ത്യേ​ക അ​ന്വേ​ഷ​ണസം​ഘം (എ​സ്‌​ഐ​ടി) രൂ​പ​വ​ത്ക​രി​ക്കാ​ൻ സു​പ്രീം​കോ​ട​തി 2003ൽ ​ഗു​ജ​റാ​ത്ത് സ​ർ​ക്കാ​രി​നോ​ട് നി​ർ​ദേ​ശി​ച്ചു.

2009ൽ, ​സെ​ഷ​ൻ​സ് കോ​ട​തി ആ​റ് പ്ര​തി​ക​ൾ​ക്കെ​തി​രേ കൊ​ല​പാ​ത​കം, പ​രി​ക്കേ​ൽ​പ്പി​ക്ക​ൽ, ക​ലാ​പം, നി​യ​മ​വി​രു​ദ്ധ​മാ​യി സം​ഘം ചേ​ര​ൽ എ​ന്നി​വ​യു​ൾ​പ്പെ​ടെ വി​വി​ധ വ​കു​പ്പു​ക​ൾ പ്ര​കാ​രം കു​റ്റം ചു​മ​ത്തി.