പോലീസ് അതിക്രമത്തിൽ കോൺഗ്രസ് പ്രവർത്തകൻ മരിച്ചുവെന്ന് അജയ് റായി
Thursday, December 19, 2024 2:23 AM IST
ലക്നോ: ഉത്തർപ്രദേശിലെ ലക്നോവിൽ പ്രതിഷേധ മാർച്ചിനിടെ കോൺഗ്രസ് പ്രവർത്തകൻ മരിച്ചു. പ്രഭാത് പാണ്ഡെ(28) ആണു മരിച്ചത്.
പോലീസ് അതിക്രമത്തിലാണ് പാണ്ഡെ മരിച്ചതെന്നു യുപിസിസി അധ്യക്ഷൻ അജയ് റായ് ആരോപിച്ചു. നിയമസഭയ്ക്കു മുന്നിൽ നടന്ന പ്രതിഷേധത്തിലാണു സംഭവം.
അബോധാവസ്ഥയിലായ പാണ്ഡെയെ ആശുപത്രിയിലെത്തിച്ചെങ്കിലും മരിച്ചിരുന്നുവെന്നും ശരീരത്തിൽ മുറിവുകളൊന്നും ഉണ്ടായിരുന്നില്ലെന്നും ഡിസിപി രവീണ ത്യാഗി പറഞ്ഞു. ഡോക്ടർമാരുടെ പാനൽ പോസ്റ്റ്മോർട്ടം നടത്തുമെന്നും അതിന്‍റെ വീഡിയോ പകർത്തുമെന്നും അദ്ദേഹം കൂട്ടിച്ചേർത്തു.