വിദേശത്തുനിന്നുള്ള സന്ദർശകരുടെ എണ്ണത്തിൽ ഗണ്യമായ വർധനവുണ്ടെങ്കിലും പഴയ സ്ഥിതിയിലേക്ക് എത്താൻ അൽപംകൂടി സമയമെടുക്കുമെന്നു മന്ത്രി പറഞ്ഞു. വിവിധ രാജ്യങ്ങളിൽ നിലനിൽക്കുന്ന സംഘർഷങ്ങൾ ഉൾപ്പെടെ ഇതിന് കാരണമാണ്.
ഈ വർഷം കേരളത്തിൽ നടക്കുന്ന അന്താരാഷ്ട്ര സാഹസിക വിനോദ ചാന്പ്യൻഷിപ്പുകൾ വിദേശസഞ്ചാരികളെ ആകർഷിച്ചേക്കും. മലബാറിലേക്ക് കൂടുതൽ വിദേശ സഞ്ചാരികൾ എത്തുന്നതിനായി പ്രത്യേക പരിപാടികളും പദ്ധതികളും ആസൂത്രണം ചെയ്യുമെന്നും മന്ത്രി വ്യക്തമാക്കി.
വയനാട്ടിലും ഇടുക്കിയിലും നിലനിൽക്കുന്ന വന്യജീവി സംഘർഷം ടൂറിസം പ്രവർത്തനങ്ങളെ ബാധിക്കില്ലെന്ന് ചോദ്യത്തിന് മറുപടിയായി മന്ത്രി പറഞ്ഞു. സർഫിംഗ് പരിശീലിപ്പിക്കാൻ പ്രവർത്തിക്കുന്ന സ്വകാര്യ ക്ലബ്ബുകൾക്ക് നിയന്ത്രണം ഏർപ്പെടുത്തും.
ഇത്തരം സാഹസിക വിനോദ പ്രവർത്തനങ്ങൾ നടത്തുന്ന ക്ലബ്ബുകൾക്ക് രജിസ്ട്രേഷനും ലൈസൻസും നിർബന്ധമാക്കി ഏകീകൃത രൂപം കൊണ്ടുവരുമെന്നും മന്ത്രി കൂട്ടിച്ചേർത്തു.