വ​ത്തി​ക്കാ​നി​ൽ​നി​ന്ന് ഫാ. ​പ്രി​ൻ​സ് തെ​ക്കേ​പ്പു​റം സി​എ​സ്എ​സ്ആ​ർ

വ​ത്തി​ക്കാ​ൻ സി​റ്റി: ഫ്രാ​ൻ​സി​സ് മാ​ർ​പാ​പ്പ നി​ത‍്യ​ത​യി​ലേ​ക്ക് യാ​ത്ര​യാ​യി. അ​ശ​ര​ണ​രു​ടെ​യും നി​സ്വ​രു​ടെ​യും പ​ക്ഷം ചേ​ര്‍​ന്ന്, ക​നി​വി​ന്‍റെ​യും ആ​ർ​ദ്ര​ത​യു​ടെ​യും എ​ളി​മ​യു​ടെ​യും ആ​ൾ​രൂ​പ​മാ​യി മാ​ന​വ​രാ​ശി​യു​ടെ ഹൃ​ദ​യം ക​വ​ര്‍​ന്ന ഇ​ട​യ​ശ്രേ​ഷ്ഠ​ന് വി​കാ​ര​നി​ർ​ഭ​ര യാ​ത്ര​യ​യ​പ്പാ​ണു ലോ​കം ന​ൽ​കി​യ​ത്.

സെ​ന്‍റ് പീ​റ്റേ​ഴ്സ് ച​ത്വ​ര​ത്തി​ലും റോ​മാ ന​ഗ​ര​ത്തി​ന്‍റെ ച​രി​ത്ര​പ്ര​സി​ദ്ധ​മാ​യ തെ​രു​വീ​ഥി​ക​ളി​ലു​മാ​യി തി​ങ്ങി​നി​റ​ഞ്ഞ ജ​ന​ല​ക്ഷ​ങ്ങ​ളു​ടെ ആ​ദ​ര​വും ക​ണ്ണീ​ർ​ക്ക​ണ​ങ്ങ​ളും ഏ​റ്റു​വാ​ങ്ങി​യാ​യി​രു​ന്നു ജ​ന​പ്രി​യ മാ​ർ​പാ​പ്പ​യു​ടെ സം​സ്കാ​ര​ശു​ശ്രൂ​ഷ​ക​ളും അ​ന്ത്യ​യാ​ത്ര​യും.

ഒ​ടു​വി​ൽ, ത​നി​ക്കു പ്രി​യ​പ്പെ​ട്ട പ​രി​ശു​ദ്ധ ദൈ​വ​മാ​താ​വി​ന്‍റെ വ​ലി​യ​പ​ള്ളി​യി​ൽ റോ​മ​ൻ ജ​ന​ത​യു​ടെ സം​ര​ക്ഷ​ക (സാ​ലു​സ് പോ​പ്പു​ളി റൊ​മാ​നി) യു​ടെ ചാ​രെ അ​ന്ത്യ​വി​ശ്ര​മം. സെ​ന്‍റ് പീ​റ്റേ​ഴ്സ് ച​ത്വ​ര​ത്തി​ൽ​നി​ന്ന് വ​ലി​യ​പ​ള്ളി​യി​ലേ​ക്കു ന​ട​ത്തി​യ ആ​റ് കി​ലോ​മീ​റ്റ​ർ നീ​ണ്ട വി​ലാ​പ​യാ​ത്ര ച​രി​ത്ര​ത്തി​ൽ ഇ​ടം​പി​ടി​ക്കു​ന്ന​താ​യി.

ഇ​ന്ന​ലെ രാ​വി​ലെ പ്രാ​ദേ​ശി​ക​സ​മ​യം പ​ത്തി​നാ​ണ് (ഇ​ന്ത്യ​ൻ സ​മ​യം ഉ​ച്ച​യ്ക്ക് 1.30) സെ​ന്‍റ് പീ​റ്റേ​ഴ്സ് ച​ത്വ​ര​ത്തി​ൽ സം​സ്കാ​ര​ശു​ശ്രൂ​ഷ​ക​ൾ ആ​രം​ഭി​ച്ച​ത്. ഇ​തി​നു​മു​ന്പ് സെ​ന്‍റ് പീ​റ്റേ​ഴ്സ് ബ​സി​ലി​ക്ക​യി​ൽ​നി​ന്ന് ഭൗ​തി​ക​ദേ​ഹം ക​ർ​ദി​നാ​ൾ​മാ​രു​ടെ നേ​തൃ​ത്വ​ത്തി​ൽ ച​ത്വ​ര​ത്തി​ലേ​ക്ക് സം​വ​ഹി​ച്ചു.

ച​ത്വ​ര​ത്തി​ലെ അ​ൾ​ത്താ​ര​യു​ടെ മ​ധ്യ​ത്തി​ൽ പ്ര​ത്യേ​ക പ്ലാ​റ്റ്ഫോ​മൊ​ന്നും തീ​ർ​ക്കാ​തെ നി​ല​ത്തു ഭൗ​തി​ക​ദേ​ഹ​പേ​ട​കം പ്ര​തി​ഷ്ഠി​ച്ച​തും, ഭൗ​തി​ക​ദേ​ഹം വ​ഹി​ച്ച സാ​ധാ​ര​ണ ത​ടി​കൊ​ണ്ടു നി​ർ​മി​ച്ച പെ​ട്ടി​യു​മൊ​ക്കെ ഫ്രാ​ൻ​സി​സ് മാ​ർ​പാ​പ്പ​യു​ടെ ലാ​ളി​ത്യം വി​ളി​ച്ചോ​തി. തു​ട​ർ​ന്നു ന​ട​ന്ന വി​ശു​ദ്ധ കു​ർ​ബാ​ന​യ്ക്ക് ക​ർ​ദി​നാ​ൾ തി​രു​സം​ഘ​ത്തി​ന്‍റെ ത​ല​വ​ൻ ക​ർ​ദി​നാ​ൾ ജൊ​വാ​ന്നി ബാ​ത്തി​സ്ത റേ ​മു​ഖ്യ​കാ​ർ​മി​ക​ത്വം വ​ഹി​ച്ചു.

ലോ​ക സ​മാ​ധാ​ന​ത്തി​നാ​യി മ​തി​ലു​ക​ൾ ഇ​ല്ലാ​താ​ക്കാ​നും മാ​ന​വി​ക ത​യ്ക്കാ​യി പാ​ല​ങ്ങ​ൾ നി​ർ​മി​ക്കാ​നും ലോ​ക​ത്തി​ന് ആ​ഹ്വാ​നം ന​ൽ​കി​യ മാ​ർ​പാ​പ്പ​യെ അ​നു​സ്മ​രി​ച്ച് ക​ർ​ദി​നാ​ൾ ബാ​ത്തി​സ്ത റേ ​ന​ട​ത്തി​യ സ​ന്ദേ​ശം ക​ര​ഘോ​ഷ​ത്തോ​ടെ​യാ​ണു വി​ശ്വാ​സി​ക​ള്‍ ഏ​റ്റു​വാ​ങ്ങി​യ​ത്.

വി​വി​ധ രാ​ഷ്‌​ട്ര​ത്ത​ല​വ​ന്മാ​ര​ട​ക്കം നാലു ല​ക്ഷ​ത്തോ​ളം പേ​രാ​ണ് മാ​ർ​പാ​പ്പ​യ്ക്കു വി​ട​ചൊ​ല്ലാ​ൻ സെ​ന്‍റ് പീ​റ്റേ​ഴ്സ് ച​ത്വ​ര​ത്തി​ലെ​ത്തി​യ​ത്. റോ​മി​ലേ​ക്കു​ള്ള വീ​ഥി​ക​ളെ​ല്ലാം വി​ശ്വാ​സി​ക​ളാ​ൽ നി​റ​ഞ്ഞി​രു​ന്നു. ആ​റു ല​ക്ഷ​ത്തി​ല​ധി​കം പേ​രെ​ങ്കി​ലും സം​സ്കാ​ര​ശു​ശ്രൂ​ഷ​യി​ൽ പ​ങ്കെ​ടു​ത്തെ​ന്നാ​ണ് വ​ത്തി​ക്കാ​ന്‍റെ അ​നു​മാ​നം.

ക​ഴി​ഞ്ഞ 12 വ​ർ​ഷ​മാ​യി ലോ​ക​സ​മാ​ധാ​ന​ത്തി​നാ​യി നി​ര​ന്ത​രം ശ​ബ്‌​ദ​മു​യ​ർ​ത്തി​യി​രു​ന്ന മാ​ർ​പാ​പ്പ​യു​ടെ ഭൗ​തി​ക​ദേ​ഹം സാ​ക്ഷി​യാ​ക്കി ചി​ല നി​ർ​ണാ​യ​ക കൂ​ടി​ക്കാ​ഴ്ച​ക​ൾ​ക്കു സെ​ന്‍റ് പീ​റ്റേ​ഴ്സ് ബ​സി​ലി​ക്ക ഇ​ന്ന​ലെ വേ​ദി​യാ​യ​തും മ​റ്റൊ​രു ച​രി​ത്ര​മാ​യി.

യു​ക്രെ​യ്ൻ-​റ​ഷ്യ വെ​ടി​നി​ർ​ത്ത​ൽ വി​ഷ​യ​ത്തി​ൽ യു​ക്രേ​നി​യ​ൻ പ്ര​സി​ഡ​ന്‍റ് സെ​ല​ൻ​സ്കി​യു​മാ​യി അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് ബ​സി​ലി​ക്ക​യി​ൽ ന​ട​ത്തി​യ കൂ​ടി​ക്കാ​ഴ്ച​യും ഇ​തി​ൽ നി​ർ​ണാ​യ​ക ഫ​ല​ങ്ങ​ളു​ണ്ടാ​കു​മെ​ന്ന് പ്ര​തീ​ക്ഷി​ക്കു​ന്ന​താ​യു​ള്ള സെ​ല​ൻ​സ്കി​യു​ടെ പ്ര​തി​ക​ര​ണ​വും മാ​ർ​പാ​പ്പ​യോ​ടു​ള്ള ആ​ദ​ര​വു​കൂ​ടി​യാ​യി. പി​ണ​ക്കം മാ​റ്റി​വ​ച്ച് യൂ​റോ​പ്യ​ൻ നേ​താ​ക്ക​ളെ സ്നേ​ഹ​ത്തോ​ടെ ത​ലോ​ടു​ന്ന ട്രം​പി​ന്‍റെ മ​റ്റൊ​രു മു​ഖ​വും പ​ള്ളി​യി​ൽ കാ​ണാ​നാ​യി.

ഭൗ​തി​ക​ദേ​ഹ​ത്തി​ൽ സീ​റോ​മ​ല​ബാ​ർ സ​ഭാ മേ​ജ​ർ ആ​ർ​ച്ച്ബി​ഷ​പ് മാ​ർ റാ​ഫേ​ൽ ത​ട്ടി​ലും മ​ല​ങ്ക​ര ക​ത്തോ​ലി​ക്കാ സ​ഭാ മേ​ജ​ർ ആ​ർ​ച്ച്ബി​ഷ​പ് ക​ർ​ദി​നാ​ൾ മാ​ർ ബ​സേ​ലി​യോ​സ് ക്ലീ​മി​സ് കാ​തോ​ലി​ക്കാ​ബാ​വ​യും ഉ​ൾ​പ്പെ​ടെ 23 വ്യ​ക്തി​ഗ​ത പൗരസ്ത്യസ​ഭ​ക​ളു​ടെ ത​ല​വ​ന്മാ​ർ പ്ര​ത്യേ​ക പ്രാ​ർ​ഥ​ന​ക​ൾ ന​ട​ത്തി.

വി​ശു​ദ്ധ കു​ർ​ബാ​ന​യ്ക്കും പ്രാ​ർ​ഥ​ന​ക​ൾ​ക്കും ശേ​ഷം ഭൗ​തി​ക​ദേ​ഹം വീ​ണ്ടും സെ​ന്‍റ് പീ​റ്റേ​ഴ്സ് ബ​സി​ലി​ക്ക​യി​ലേ​ക്ക് എ​ത്തി​ച്ചു. സാ​ന്താ​മാ​ർ​ത്ത​ ചത്വ​ര​ത്തി​ൽ​വ​ച്ച് ഭൗ​തി​ക​ദേ​ഹം പോ​പ് മൊ​ബീ​ലി​ലേ​ക്കു മാ​റ്റി. തു​ട​ർ​ന്ന് വി​ലാ​പ​യാ​ത്ര​യാ​യാ​ണ് ക​ന്യാ​മ​റി​യ​ത്തി​ന്‍റെ വ​ലി​യ​പ​ള്ളി​യി​ലേ​ക്ക് എ​ത്തി​ച്ച​ത്.


ഇ​തി​നു​മു​ന്പ് 1978ലാ​ണ് റോ​മ​ൻ ന​ഗ​ര​വീ​ഥി​ക​ളി​ലൂ​ടെ ഒ​രു മാ​ർ​പാ​പ്പ​യു​ടെ വി​ലാ​പ​യാ​ത്ര ന​ട​ന്ന​ത്. പോൾ ആറാമൻ മാർപാപ്പ ക​സ്തേ​ൽ ഗ​ണ്ടോ​ൾഫോ​യി​ൽ​വ​ച്ചു മ​രി​ച്ച​തി​നാ​ൽ മൃ​ത​ദേ​ഹം റോ​മി​ലേ​ക്കു കൊ​ണ്ടു​വ​രാ​നാ​യി​രു​ന്നു അ​ത്.

ഫ്രാൻസിസ് മാർപാപ്പയുടെ ഭൗ​തി​ക​ദേ​ഹം എത്തിച്ചപ്പോൾ പ​ള്ളി​യു​ടെ പ​ട​വു​ക​ളി​ൽ വെ​ള്ള​പ്പൂ​ക്ക​ളു​മാ​യി ദ​രി​ദ്ര​രും അ​ശ​ര​ണ​രും ത​ട​വു​കാ​രു​മാ​യ 40 പേ​ർ കാ​ത്തു​നി​ന്നി​രു​ന്നു. ഒ​ടു​വി​ൽ മാ​ർ​പാ​പ്പ ത​ന്നെ നി​ശ്ച​യി​ച്ച സ്ഥ​ല​ത്ത്, അ​ല​ങ്കാ​ര​ങ്ങ​ളെ​ല്ലാം ഒ​ഴി​വാ​ക്കി ഫ്രാ​ൻ​സി​സ്കു​സ് എ​ന്നു മാ​ത്രം ല​ത്തീ​നി​ൽ ആ​ലേ​ഖ​നം ചെ​യ്ത ക​ല്ല​റ​യി​ൽ നി​ത്യ​നി​ദ്ര. ഇ​നി, ക​രു​ണ​യു​ടെ മ​ഹാ​യി​ട​യ​ന്‍റെ പി​ൻ​ഗാ​മി​യെ ക​ണ്ടെ​ത്തു​ന്ന കോ​ൺ​ക്ലേ​വി​നാ​യി ലോ​ക​ത്തി​ന്‍റെ കാ​ത്തി​രി​പ്പ്.

വി​​​​​​​ലാ​​​​​​​പ​​​​​​​യാ​​​​​​​ത്ര​​​​​​യി​​​​​​ലും ലാ​​​​​​​ളി​​​​​​​ത്യം

മ​​​​​​​​ഹോ​​​​​​​​ന്ന​​​​​​​​ത പ​​​​​​​​ദ​​​​​​​​വി​​​​​​​​യി​​​​​​​​ലും സാ​​​​​​​​ധാ​​​​​​​​ര​​​​​​​​ണ​​​​​​​​ക്കാ​​​​​​​​ര​​​​​​​​നാ​​​​​​​​യി ജീ​​​​​​​​വി​​​​​​​​ച്ച ഫ്രാ​​​​​​​ൻ​​​​​​​സി​​​​​​​സ് മാ​​​​​​​ർ​​​​​​​പാ​​​​​​​പ്പ​​​​​​​യു​​​​​​​ടെ ഭൗ​​​​​​​തി​​​​​​​ക​​​​​​​ദേ​​​​​​​ഹം വ​​​​​​​ഹി​​​​​​​ച്ചു​​​​​​​ള്ള വി​​​​​​​​ലാ​​​​​​​​പ​​​​​​​​യാ​​​​​​​​ത്ര​​​​​​​യി​​​​​​​ലും ലാ​​​​​​​ളി​​​​​​​ത്യം പ്ര​​​​​​​ക​​​​​​​ട​​​​​​​മാ​​​​​​​യി. ച​​​​​​​​രി​​​​​​​​ത്ര​​​​​​​മു​​​​​​​​റ​​​​​​​​ങ്ങു​​​​​​​​ന്ന നി​​​ത്യ​​​ന​​​ഗ​​​ര​​​മാ​​​യ റോ​​​​​​​​മി​​​​​​​​ന്‍റെ ന​​​​​​​​ഗ​​​​​​​​ര​​​​​​​​വീ​​​​​​​​ഥി​​​​​​​​യി​​​​​​​​കളിലൂ​​​​​​​​ടെ, വി​​​ദേ​​​ശ​​​രാ​​​ജ്യ സ​​​ന്ദ​​​ർ​​​ശ​​​ന​​​ങ്ങ​​​ളി​​​ലെ​​​ല്ലാം വി​​​​​​​​ശ്വാ​​​​​​​​സി​​​​​​​​ക​​​​​​​​ളെ അ​​​​​​​​ഭി​​​​​​​​വാ​​​​​​​​ദ്യം ചെ​​​​​​​​യ്തി​​​​​​​​രു​​​​​​​​ന്ന അ​​​​​​​​തേ പോ​​​​​​​പ്പ് മൊ​​​​​​​ബീ​​​​​​​ലി​​​​​​​ലാ​​​​​​​യി​​​​​​​രു​​​​​​​ന്നു അ​​​​​​​ന്ത്യ​​​​​​​​യാ​​​​​​​​ത്ര​​​​​​​യും.

കൊ​​​​​​​​ളോ​​​​​​​​സി​​​​​​​​യം അ​​​​​​​​ട​​​​​​​​ക്കം ച​​​​​​​​രി​​​​​​​​ത്ര​​​​​​​​സ്മാ​​​​​​​​ര​​​​​​​​ക​​​​​​​​ങ്ങ​​​​​​​​ളു​​​​​​​​ടെ ഇ​​​​​​​​രു​​​​​​​​വ​​​​​​​​ശ​​​​​​​​ങ്ങ​​​​​​​​ളി​​​​​​​​ലും തി​​​​​​​ങ്ങി​​​​​​​നി​​​​​​​റ​​​​​​​ഞ്ഞ് നി​​​​​​​​റ​​​​​​​​ക​​​​​​​​ണ്ണു​​​​​​​​ക​​​​​​​​ളോ​​​​​​​​ടെ പ്രി​​​​​​​​യപി​​​​​​​​താ​​​​​​​​വി​​​​​​​​നു യാ​​​​​​​​ത്രാ​​​​​​​​മൊ​​​​​​​​ഴി​​​​​​​​യേ​​​​​​​​കി രണ്ടുലക്ഷത്തോളെ ആളുകൾ കാ​​​​​​​​ത്തു​​​​​​​​നി​​​​​​​​ന്നി​​​​​​​രു​​​​​​​ന്നു.

ഒ​​​​​​​​ടു​​​​​​​​വി​​​​​​​​ൽ, ത​​​​​​​ന്‍റെ പ്രി​​​​​​​യ​​​​​​​പ്പെ​​​​​​​ട്ട അ​​​​​​​​മ്മ​​​​​​​​യ്ക്ക​​​​​​​​രി​​​​​​​​കി​​​​​​​​ൽ, ഓ​​​​​​​​രോ അ​​​​​​​​പ്പോ​​​​​​​​സ്തോ​​​​​​​​ലി​​​​​​​​ക യാ​​​​​​​​ത്ര​​​​​​​​യു​​​​​​​​ടെ തു​​​​​​​​ട​​​​​​​​ക്ക​​​​​​​​ത്തി​​​​​​​​ലും ഒ​​​​​​​​ടു​​​​​​​​ക്ക​​​​​​​​ത്തി​​​​​​​​ലും പ്രാ​​​​​​​​ർ​​​​​​​​ഥ​​​​​​​​നാ​​​​​​​​നി​​​​​​​​ര​​​​​​​​ത​​​​​​​​നാ​​​​​​​​യി നി​​​​​​​​ന്ന സെ​​​​​​​​ന്‍റ് മേ​​​​​​​​രി മേ​​​​​​​ജ​​​​​​​ർ ബ​​​​​​​​സി​​​​​​​​ലി​​​​​​​​ക്ക​​​​​​​​യി​​​​​​​​ലേ​​​​​​​​ക്ക് നി​​​​​​​​ശ്ച​​​​​​​​ല​​​​​​​​നാ​​​​​​​​യി ഫ്രാ​​​​​​​​ൻ​​​​​​​​സി​​​​​​​​സ് മാ​​​​​​​​ർ​​​​​​​​പാ​​​​​​​​പ്പ​​​​​​​​യെ​​​​​​​​ത്തി.

ഓ​​​രോ യാ​​​ത്ര​​​യി​​​ലും ന​​​ന്ദിസൂ​​​ച​​​ക​​​മാ​​​യി മാ​​​താ​​​വി​​​ന്‍റെ തി​​​രു​​​സ്വ​​​രൂ​​​പ​​​ത്തി​​​ൽ പൂ​​​ക്ക​​​ള​​​ർ​​​പ്പി​​​ച്ചി​​​രു​​​ന്ന ഫ്രാ​​​ൻ​​​സി​​​സ് മാ​​​ർ​​​പാ​​​പ്പ​​​യു​​​ടെ പ​​​തി​​​വ് രീ​​​തി​​​യെ സൂ​​​ചി​​​പ്പി​​​ച്ച് നാ​​​ലു കു​​​ട്ടി​​​ക​​​ൾ റോ​​​സാ​​​പ്പൂ​​​ക്ക​​​ൾ തി​​​രു​​​സ്വ​​​രൂ​​​പ​​​ത്തി​​​നു മുന്നിൽ അ​​​ർ​​​പ്പി​​​ച്ചു.