ചി​റ്റൂ​ർ:​ ന​ല്ലേ​പ്പി​ള്ളി​യി​ൽ സ്വ​കാ​ര്യ വ്യ​ക്തി​യു​ടെ പ്ലാ​സ്റ്റി​ക്മാ​ലി​ന്യസം​സ്ക​ര​ണ പ്ലാ​ന്‍റിൽ വ​ൻഅ​ഗ്നി ബാ​ധ. ന​ല്ലേ​പ്പി​ള്ളി പ​ഞ്ചാ​യ​ത്ത് ഒ​ന്നാം വാ​ർ​ഡി​ൽ​പ്പെ​ട്ട വാ​ര്യ​ത്ത്കാ​ട്ടി​ൽ പ്ര​വ​ർ​ത്തി​ക്കു​ന്ന ട്രോ​ണോ പ്ലാ​സ്റ്റി​ക് എ​ന്ന ക​മ്പ​നി​യി​ലെ മാ​ലി​ന്യ​ത്തി​നാ​ണ് തീ​പി​ടി​ച്ച​ത്.

തീ​പിടിത്ത കാ​ര​ണം അ​റി​വാ​യി​ട്ടി​ല്ല. ക്ലീ​ൻ കേ​ര​ള ക​മ്പ​നി മു​ഖേ​ന സ്വ​കാ​ര്യ സ്‌​ഥാ​പ​ന​ത്തി​നു കൈ​മാ​റി​യ മാ​ലി​ന്യ​ങ്ങ​ളിൽ ഇന്നലെ പു​ല​ർ​ച്ചെ മൂ​ന്ന​ര​യോ​ടെ​യാ​ണ് തീപ​ട​ർ​ന്ന​ത്.​ ജി​ല്ല​യി​ലെ വി​വി​ധ പ​ഞ്ചാ​യ​ത്തു​ക​ളി​ൽ ഹ​രി​ത​ക​ർ​മസേ​നാം​ഗ​ങ്ങ​ൾ വീ​ടു​ക​ളി​ൽ നി​ന്നും ശേ​ഖ​രി​ക്കു​ന്ന പ്ലാ​സ്‌​റ്റി​ക് മാ​ലി​ന്യം ക്ലീ​ൻ കേ​ര​ള ക​മ്പ​നി​ക്കു കൈ​മാ​റു​ക​യും ഈ ​ക​മ്പ​നി​യു​മാ​യി ധാ​ര​ണ​യി​ൽ പ്ര​വ​ർ​ത്തി​ക്കു​ന്ന സ്വ​കാ​ര്യ ക​മ്പ​നി​യി​ലേ​ക്ക് പ്ലാ​സ്റ്റി​ക് മാ​ലി​ന്യം ന​ൽ​കുകയുമാ​ണ് ചെ​യ്തു വ​രു​ന്ന​ത്.

ഏ​ക​ദേ​ശം 60 ട​ണ്ണി​ല​ധി​കം പ്ലാ​സ്റ്റ‌ി​ക് മാ​ലി​ന്യ​ങ്ങ​ളാ​ണ് ഇ​വി​ടെ ഉ​ണ്ടാ​യി​രു​ന്ന​തെ​ന്നു ക്ലീ​ൻ കേ​ര​ള ക​മ്പ​നി​യു​ടെ ഉ​ദ്യോ​ഗ​സ്‌​ഥ​ർ പ​റ​ഞ്ഞു. അ​തി​ൽ പ​കു​തി​യി​ലേ​റെ​യും അ​ഗ്നി​ക്കി​ര​യാ​യി​ട്ടു​ണ്ട്.​
പാ​ല​ക്കാ​ട്, ക​ഞ്ചി​ക്കോ​ട്, കൊ​ല്ല​ങ്കോ​ട്, ചി​റ്റൂ​ർ എ​ന്നി​വി​ട​ങ്ങ​ളി​ൽ നി​ന്നും അ​ഗ്നി​ര​ക്ഷാ സേ​ന​യു​ടെ യൂ​ണി​റ്റു​ക​ളെ​ത്തി മ​ണി​ക്കൂ​റു​ക​ളു​ടെ പ​രി​ശ്ര​മ​ത്തി​ലാ​ണ് തീ ​നി​യ​ന്ത്ര​ണവി​ധേ​യ​മാ​യ​ത്.

എ​ന്നാ​ൽ ഇ​ന്ന​ലെ രാ​ത്രി ഏ​റെ വൈ​കി​യും അ​ഗ്നിര​ക്ഷാ സേ​ന തീ ​അ​ണ​ക്ക​ൽ ശ്ര​മം ന​ട​ത്തി​യി​രു​ന്നു. പ്ലാ​സ്റ്റി​ക് മാ​ലി​ന്യം ക​ത്തി​യ​തി​ലു​ണ്ടാ​യ പു​ക സ​മീ​പ വാ​സി​ക​ളെ ഏ​റെ ഭ​യ​പ്പാ​ടിലാ​ക്കി. ഇ​തി​നി​ടെ തീപി​ടിത്ത സം​ഭ​വ​ത്തി​ൽ സാ​മൂ​ഹ്യ​വി​രു​ദ്ധ​രു​ടെ ക​യ്യാ​ങ്ക​ളി ഉ​ണ്ടോ എ​ന്ന് അ​ന്വേ​ഷ​ണം വേ​ണമെന്ന് നാ​ട്ടു​കാ​ർ ആവശ്യപ്പെട്ടു.