അയ്യന്തോള്‍ ഹോമിയോ, ആയുര്‍വേദ ഡിസ്പന്‍സറികള്‍ക്ക് എൻഎബിഎച്ച് അംഗീകാരം
1397148
Sunday, March 3, 2024 7:50 AM IST
തൃശൂർ: കോര്‍പറേഷനു കീഴിലുള്ള അയ്യന്തോള്‍ ഹോമിയോ, ആയുര്‍വേദ ഡിസ്പന്‍സറികള്‍ക്ക് എൻഎബിഎച്ച് ദേശീയ അംഗീകാരം. കേന്ദ്ര വിദഗ്ധസംഘം സന്ദര്‍ശിച്ചു പരിശോധന പൂര്‍ത്തിയാക്കിയശേഷമാണു നാഷണല്‍ അക്രഡിറ്റേഷന്‍ ബോര്‍ഡ് ഫോര്‍ ഹോസ്പിറ്റല്‍സ് ആൻഡ് ഹെല്‍ത്ത് കെയര്‍ പ്രൊവൈഡേഴ്സിന്‍റെ എന്‍ട്രി ലെവല്‍ സര്‍ട്ടിഫിക്കറ്റുകള്‍ ലഭിച്ചത്.
നിലവിൽ ഇൗ സ്ഥാപനങ്ങൾ ആയുഷ് ഹെല്‍ത്ത് ആൻഡ് വെല്‍നസ് സെന്‍ററായി ഉയത്തിയിട്ടുണ്ട്. ഇതിന്‍റെ ഭാഗമായി നാഷണല്‍ ആയുഷ് മിഷന്‍റെ കീഴില്‍ സൗജന്യ യോഗാ പരിശീലനം ഹോമിയോ ഡിസ്പന്‍സറിയില്‍ നടക്കുന്നുണ്ട്.
അഞ്ചിനു തിരുവനന്തപുരം ജിമ്മി ജോര്‍ജ് ഇന്‍ഡോര്‍ സ്റ്റേഡിയത്തില്‍ മന്ത്രി വീണാ ജോര്‍ജിൽനിന്നു കോര്‍പറേഷന്‍ പ്രതിനിധികളും ചീഫ് മെഡിക്കല്‍ ഓഫീസര്‍മാരും സര്‍ട്ടിഫിക്കറ്റുകള്‍ ഏറ്റുവാങ്ങും.