നെടുങ്കണ്ടം പഞ്ചായത്ത് ഓഫീസിന് മുമ്പില്‍ കോണ്‍ഗ്രസ് ധര്‍ണ
1509350
Wednesday, January 29, 2025 11:36 PM IST
നെടുങ്കണ്ടം: നെടുങ്കണ്ടം ഗ്രാമപഞ്ചായത്ത് ഭരണസമിതിയുടെ കെടുകാര്യസ്ഥതയ്ക്കും പഞ്ചായത്തിന്‍റെ വികസന മുരടിപ്പിനും ഭരണസ്തംഭനത്തിനുമെതിരേ കോണ്‍ഗ്രസ് വെസ്റ്റ്, ഈസ്റ്റ് മണ്ഡലം കമ്മിറ്റികളുടെ നേതൃത്വത്തില്‍ പ്രതിഷേധ മാര്‍ച്ചും ധര്‍ണയും നടത്തി. പടിഞ്ഞാറേക്കവലയില്‍നിന്ന് ആരംഭിച്ച പ്രതിഷേധ മാര്‍ച്ച് കെപിസിസി മീഡിയ വക്താവ് അഡ്വ. സേനാപതി വേണുവും പഞ്ചായത്ത് ഓഫീസിന് മുമ്പില്‍ നടന്ന പ്രതിഷേധ ധര്‍ണ കെപിസിസി സെക്രട്ടറി അഡ്വ. എം.എന്‍. ഗോപിയും ഉദ്ഘാടനം ചെയ്തു.
ഈസ്റ്റ് മണ്ഡലം പ്രസിഡന്‍റ് എം.എസ്. മഹേശ്വരന്‍ അധ്യക്ഷത വഹിച്ചു. വെസ്റ്റ് മണ്ഡലം പ്രസിഡന്‍റ് രാജേഷ് അമ്പഴത്തിനാല്‍, ബ്ലോക്ക് കോണ്‍ഗ്രസ് പ്രസിഡന്‍റ് സി.എസ്. യശോദരന്‍, കെ.എന്‍. തങ്കപ്പന്‍, കെ.കെ. രതീഷ്, ഷിഹാബുദീന്‍ ഈട്ടിക്കല്‍, സെബാസ്റ്റ്യന്‍ ആനക്കല്ല്, കെ.ആര്‍. രാമചന്ദ്രന്‍, ജോയി കുന്നുവിള, ജോസഫ് വെച്ചൂര്‍, ചന്ദ്രബാബു, വിജയന്‍പിള്ള തുടങ്ങിയവര്‍ പ്രസംഗിച്ചു.