തൊ​ടു​പു​ഴ: സം​സ്ഥാ​ന​ത്തു ന​ട​ന്നു​വ​രു​ന്ന മാ​ലി​ന്യ​മു​ക്തം ന​വ​കേ​ര​ളം ജ​ന​കീ​യ കാ​ന്പ​യി​ന്‍റെ ഭാ​ഗ​മാ​യി ഇ​ട​മ​ല​ക്കു​ടി പ​ഞ്ചാ​യ​ത്തി​ലെ വി​വി​ധ സ്ഥാ​പ​ന​ങ്ങ​ളി​ൽ ഹ​രി​ത ഓ​ഫീ​സ് പ്ര​വ​ർ​ത്ത​ന​ങ്ങ​ൾ ഹ​രി​ത​കേ​ര​ളം മി​ഷ​ൻ സം​സ്ഥാ​നത​ല ടീം ​വി​ല​യി​രു​ത്തി. ഹ​രി​ത കേ​ര​ള മി​ഷ​ന്‍റെ നേ​തൃത്വത്തി​ൽ ന​ട​ക്കു​ന്ന അ​ഞ്ചു​നാ​ട് മൗ​ണ്ട​ൻ ലാ​ൻ​ഡ് സ്കേ​പ് പ്രോ​ജ​ക്ടി​ന്‍റെ ഭാ​ഗ​മാ​യി വി​വി​ധ പ്ര​വ​ർ​ത്ത​ന​ങ്ങ​ൾ വി​ല​യി​രു​ത്തു​ന്ന​തി​നാ​യി പ​ഞ്ചാ​യ​ത്തി​ന്‍റെ വി​വി​ധ ഭാ​ഗ​ങ്ങ​ൾ സ​ന്ദ​ർ​ശി​ച്ചു.

ഇ​ട​മ​ല​ക്കു​ടി​യി​ലെ വെ​ള്ള​വ​ര​ക്കു​ടി, പ​ര​പ്പ​യാ​ർ​ക്കു​ടി, ഇ​ഡ​ലി​പ്പാ​റ​ക്കു​ടി, സൊ​സൈ​റ്റി​ക്കു​ടി, മേ​വ​ള​യാ​ൻ പാ​റ​ക്കു​ടി, കീ​ഴ​ള​യാ​ൻ പാ​റ​ക്കു​ടി തു​ട​ങ്ങി​യ സ്ഥ​ല​ങ്ങ​ൾ സം​ഘം സ​ന്ദ​ർ​ശി​ച്ചു. വി​വി​ധ കു​ടി​ക​ളി​ലെ അ​ങ്ക​ണ​വാ​ടി​ക​ൾ, ഇ​ട​മ​ല​ക്കു​ടി ഗ​വ. ട്രൈ​ബ​ൽ എ​ൽ​പി​എ​സ്, ഇ​ട​മ​ല​ക്കു​ടി പ്രാ​ഥ​മി​ക​രോ​ഗ്യ​കേ​ന്ദ്രം തു​ട​ങ്ങി​യ സ്ഥാ​പ​ന​ങ്ങ​ളാണ് സം​ഘം സ​ന്ദ​ർ​ശി​ചച്ചത്.

ജ​ന​പ്ര​തി​നി​ധി​ക​ളും ഇ​ട​മ​ല​ക്കു​ടി നി​വാ​സി​ക​ളു​മു​ൾ​പ്പെ​ടു​ന്ന സം​ഘ​ത്തി​ന് പ്ലാ​സ്റ്റി​ക് മാ​ലി​ന്യ​ത്തി​ന്‍റെ അ​ള​വു​കു​റ​യ്ക്ക​ൽ, പ്ലാ​സ്റ്റി​ക് ക​ത്തി​ക്ക​ൽ, ഒ​ഴി​വാ​ക്ക​ൽ, വ​ലി​ച്ചെ​റി​യ​ൽ ര​ഹി​ത പ്ര​ദേ​ശ​മാ​ക്കി മാ​റ്റ​ൽ എ​ന്നീ വി​ഷ​യ​ങ്ങ​ളി​ൽ ഹ​രി​ത​കേ​ര​ളം മി​ഷ​ൻ പ്രോ​ഗ്രാം ഓ​ഫീ​സ​ർ വി.​ രാ​ജേ​ന്ദ്ര​ൻ ക്ലാ​സ് ന​യി​ച്ചു. പ​ഞ്ചാ​യ​ത്ത് പ്ര​സി​ഡ​ന്‍റ് ഈ​ശ്വ​രി അ​ധ്യ​ക്ഷ​ത വ​ഹി​ച്ചു. വി​വി​ധ ഹ​രി​ത​സ്ഥാ​പ​ന​ങ്ങ​ളു​ടെ സ​ർ​ട്ടി​ഫി​ക്ക​റ്റു​ക​ൾ ഹ​രി​ത​കേ​ര​ളം മി​ഷ​ൻ ജി​ല്ലാ കോ-​ഓ​ർ​ഡി​നേ​റ്റ​ർ അ​ജ​യ് പി. ​കൃ​ഷ്ണ പ​ഞ്ചാ​യ​ത്ത് പ്ര​സി​ഡ​ന്‍റി​ന് കൈ​മാ​റി. പ്രോഗ്രാം ഓഫീസർ ആർ.വി.സതീഷ്, പ്രോജക്ട് കോ-ഓർഡിനേറ്റർ ലിജി ജോർജ്, പഞ്ചായത്ത് സെക്രട്ടറി അരുണ്‍കുമാർ എന്നിവർ പ്രസംഗിച്ചു.