രാജാക്കാട്: തൊഴിലുറപ്പ് തൊഴിലാളി കുഴഞ്ഞുവീണു മരിച്ചു. കൊച്ചുപ്പ് കൊച്ചീത്തറയിൽ മാത്യു തോമസാ (കുട്ടിച്ചൻ- 54) ണ് മരിച്ചത്. ഇന്നലെ വൈകുന്നേരം ബൈസണ്വാലി പഞ്ചായത്തിലെ പത്താം വാർഡിലുൾപ്പെട്ട കൊച്ചുപ്പിലെ തൊഴിലുറപ്പ് സൈറ്റിൽ വച്ചാണ് കുഴഞ്ഞുവീണത്. വീഴ്ചയിൽ സമീപത്തുള്ള പാലത്തടിയിൽ തല ഇടിച്ചു മുറിവ് പറ്റിയിരുന്നു.
കൂടെയുണ്ടായിരുന്ന തൊഴിലാളികളും സമീപവാസികളും ചേർന്ന് രാജാക്കാട്ടുള്ള സ്വകാര്യ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. രാജാക്കാട് പോലീസ് മേൽനടപടികൾ സ്വീകരിച്ചു. മൃതദേഹം അടിമാലി താലൂക്ക് ആശുപത്രിയിലേക്ക് മാറ്റി. ഇന്ന് പോസ്റ്റ്മോർട്ടം നടത്തിയ ശേഷം ജോസ്ഗിരി പള്ളിയിൽ സംസ്കരിക്കും. ഭാര്യ: എലിസബത്ത് രാജാക്കാട് മായ്ക്കൽ കുടുംബാംഗം. മക്കൾ: അഞ്ജലി, അനിറ്റ, റിജു.