ക​ന​ത്ത കാ​റ്റും മ​ഴ​യും: തൊ​ടു​പു​ഴ മേ​ഖ​ല​യി​ൽ വ്യാ​പ​ക നാ​ശം
Monday, July 15, 2024 11:30 PM IST
തൊ​ടു​പു​ഴ: ക​ന​ത്ത മ​ഴ​യി​ൽ തൊ​ടു​പു​ഴ മേ​ഖ​ല​യി​ൽ വ്യാ​പ​ക നാ​ശ​മു​ണ്ടാ​യി. കു​മാ​ര​മം​ഗ​ലം പ​ഞ്ചാ​യ​ത്തി​ലെ നാ​ല്, അ​ഞ്ച് വാ​ർ​ഡു​ക​ളി​ലും നാ​ക​പ്പു​ഴ​യി​ലു​മാ​ണ് ശ​ക്ത​മാ​യ കൊ​ടു​ങ്കാ​റ്റി​ൽ പ​ര​ക്കെ നാ​ശ​മു​ണ്ടാ​യ​ത്. നി​ര​വ​ധി വീ​ടു​ക​ൾ​ക്ക് മു​ക​ളി​ലേ​ക്ക് മ​രം ക​ട​പു​ഴ​കി വീ​ണു. പ​ല​യി​ട​ത്തും റോ​ഡി​ലേ​ക്ക് മ​രം വീ​ണ് ഗ​താ​ഗ​തം ത​ട​സ​പ്പെ​ട്ടു. നി​ര​വ​ധി സ്ഥ​ല​ങ്ങ​ളി​ൽ വൈ​ദ്യു​തി പോ​സ്റ്റു​ക​ൾ ക​ട​പു​ഴ​കി വീ​ണു. ഇ​ന്ന​ലെ രാ​വി​ലെ 11 ഓ​ടെ​യാ​ണ് മ​ഴ​യ്ക്കൊ​പ്പം ശ​ക്ത​മാ​യ കാ​റ്റ് ആ​ഞ്ഞു വീ​ശി​യ​ത്.

തൊ​ടു​പു​ഴ-ഏ​ഴ​ല്ലൂ​ർ റോ​ഡി​ൽ ക​റു​ക ഭാ​ഗ​ത്ത് ര​ണ്ടി​ട​ങ്ങ​ളി​ലാ​യി വ​ലി​യ ര​ണ്ട് മ​ര​ങ്ങ​ൾ ക​ട​പു​ഴ​കി വീ​ണ​തി​നെത്തു​ട​ർ​ന്ന് ര​ണ്ട് മ​ണി​ക്കൂ​റോ​ളം ഇ​തു​വ​ഴി​യു​ള്ള ഗ​താ​ഗ​തം ത​ട​സ​പ്പെ​ട്ടു. പി​ന്നീ​ട് തൊ​ടു​പു​ഴ​യി​ൽനി​ന്ന് അ​ഗ്നി​ര​ക്ഷാ സേ​ന​യെ​ത്തി​യാ​ണ് ഇ​വ വെ​ട്ടി​മാ​റ്റി​യ​ത്. കു​മാ​ര​മം​ഗ​ലം പ​ഞ്ചാ​യ​ത്തി​ലെ നാ​ലാം വാ​ർ​ഡി​ൽ പെ​രു​ന്പി​ള്ളി​ച്ചി​റ ക​റു​ക റോ​ഡി​ന് ഇ​രു​വ​ശ​മു​ള്ള മ​ര​ങ്ങ​ൾ വ​ൻ​തോ​തി​ൽ ക​ട​പു​ഴ​കി. കൊ​ണ്ടൂ​ർ ജോ​ർ​ജി​ന്‍റെ വീ​ടി​ന്‍റെ മേ​ൽ​ക്കൂ​ര ഭാ​ഗി​ക​മാ​യി ത​ക​ർ​ന്നു. തൊ​ട്ട​ടു​ത്ത പു​ര​യി​ട​ത്തി​ലെ ആ​ഞ്ഞി​ലി മ​രം മ​തി​ലി​നും ഗേ​റ്റി​നും മു​ക​ളി​ലേ​ക്ക് വീ​ണു. പു​ര​യി​ട​ത്തി​ലെ പു​ളി​മ​ര​വും ക​ട​പു​ഴ​കി വീ​ണു.

ആ​നി​ക്കു​ഴി​യി​ൽ ജോ​ർ​ജ് വ​ർ​ക്കി​യു​ടെ വീ​ടി​നു മു​ക​ളി​ലേ​ക്ക് തേ​ക്ക്, ആ​ഞ്ഞി​ലി, റ​ബ​ർ മ​ര​ങ്ങ​ൾ വീ​ണു. കാ​ർ ഷെ​ഡ് പൂ​ർ​ണ​മാ​യും ത​ക​ർ​ന്നെ​ങ്കി​ലും കാ​റി​ന് കേ​ടു​പാ​ടു​ക​ളി​ല്ല. വീ​ട്ടി​ലെ വാ​ട്ട​ർ ടാ​ങ്കും ത​ക​ർ​ന്നു. മേ​ൽ​ക്കൂ​ര​യി​ൽ ഓ​ടു​ള്ള ഭാ​ഗം ത​ക​ർ​ന്നു. കു​ടും​ബാം​ഗ​ങ്ങ​ൾ പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു. വി​ല്ലേ​ജ് ഓ​ഫീ​സ​റാ​യ ക​റു​ക മ​ണ​ക്ക​യ​ത്തി​ൽ ഫ​സ​ലു​ദ്ദീ​ന്‍റെ വീ​ടി​ന്‍റെ മേ​ൽ​ക്കൂ​ര​യും റ​ബ​ർ വീ​ണ് ത​ക​ർ​ന്നു. തൊ​ട്ട​ടു​ത്ത് താ​മ​സി​ക്കു​ന്ന സ​ഹോ​ദ​ര​ൻ എം.​എ​ച്ച്. മു​നീ​റി​ന്‍റെ വീ​ടി​ന് മു​ക​ളി​ലേ​ക്കും മ​രം ക​ട​പു​ഴ​കി വീ​ണു.

തൊ​ടു​പു​ഴ ഫ​യ​ർ​ഫോ​ഴ്സി​ൽനി​ന്നു​ള്ള മൂ​ന്ന് സം​ഘ​ങ്ങ​ളു​ടെ നേ​തൃ​ത്വ​ത്തി​ലാ​ണ് മ​ര​ങ്ങ​ൾ മു​റി​ച്ചു​നീ​ക്കി​യ​ത്. കൊ​ത​കു​ത്തി അ​ണ്ണാ​മ​ലൈ ക്ഷേ​ത്ര​ത്തി​ന് സ​മീ​പ​വും ഉ​രി​യി​രി​ക്കു​ന്ന്, മ​ട​ക്ക​ത്താ​നം, നാ​ക​പ്പു​ഴ എ​ന്നി​വി​ട​ങ്ങ​ളി​ലും റോ​ഡി​ലേ​ക്ക് മ​രം വീ​ണു ഗ​താ​ഗ​ത ത​ട​സ​മു​ണ്ടാ​യി. മ​ട​ക്ക​ത്താ​ന​ത്ത് മൂ​വാ​റ്റു​പു​ഴ​യി​ൽനി​ന്നു​ള്ള അ​ഗ്നി​ര​ക്ഷാ​സേ​ന​യും നാ​ക​പ്പു​ഴ​യി​ൽ ക​ല്ലൂ​ർ​ക്കാ​ടുനി​ന്നു​ള്ള അ​ഗ്നി ര​ക്ഷാ​സേ​ന​യും എ​ത്തി​യാ​ണ് മ​ര​ങ്ങ​ൾ മു​റി​ച്ചു​മാ​റ്റി​യ​ത്. തൊ​ടു​പു​ഴ കാ​ഞ്ഞി​ര​മ​റ്റ​ത്തി​നു സ​മീ​പം മ​രം വീ​ണ് വൈ​ദ്യു​തി ലൈ​ൻ പൊ​ട്ടി.

ജി​ല്ല​യി​ൽ മ​ഴ ക​ന​ത്തു: ജാ​ഗ്ര​താ നി​ർ​ദേ​ശം

തൊ​ടു​പു​ഴ: ജി​ല്ല​യി​ൽ ഇ​ന്ന​ലെ മു​ത​ൽ മ​ഴ ശ​ക്തി​യാ​ർ​ജി​ച്ചു. വി​വി​ധ മേ​ഖ​ല​ക​ളി​ൽ ഇ​ന്ന​ലെ ക​ന​ത്ത മ​ഴ​യാ​ണ് ല​ഭി​ച്ച​ത്. കേ​ന്ദ്ര കാ​ലാ​വ​സ്ഥാ വ​കു​പ്പ് ജി​ല്ല​യി​ൽ ഇ​ന്നും നാ​ളെ​യും യെ​ല്ലോ അ​ല​ർ​ട്ട് പ്ര​ഖ്യാ​പി​ച്ചി​ട്ടു​ണ്ട്. ക​ന​ത്ത മ​ഴ​യു​ടെ പ​ശ്ചാ​ത്ത​ല​ത്തി​ൽ ഇ​ന്ന​ലെ ഓ​റ​ഞ്ച് അ​ല​ർ​ട്ട് പ്ര​ഖ്യാ​പി​ച്ചി​രു​ന്നു. ഇ​ന്നും നാ​ളെ​യും ഒ​റ്റ​പ്പെ​ട്ട ശ​ക്ത​മാ​യ മ​ഴ​യ്ക്കു​ള്ള സാ​ധ്യ​ത​യാ​ണ് പ്ര​വ​ചി​ച്ചി​രി​ക്കു​ന്ന​ത്.

തൊ​ടു​പു​ഴ ഉ​ൾ​പ്പെ​ടെ​യു​ള്ള ലോ​റേ​ഞ്ച് മേ​ഖ​ല​ക​ളി​ൽ ഇ​ന്ന​ലെ പ​ക​ൽ സ​മ​യം മ​ഴ ശ​ക്ത​മാ​യി​രു​ന്നു. മൂ​ന്നാ​ർ, അ​ടി​മാ​ലി, ചെ​റു​തോ​ണി, ക​ട്ട​പ്പ​ന, കു​മ​ളി, നെ​ടു​ങ്ക​ണ്ടം, പീ​രു​മേ​ട് തു​ട​ങ്ങി ഹൈ​റേ​ഞ്ച് മേ​ഖ​ല​ക​ളി​ലും ക​ന​ത്ത മ​ഴ പെ​യ്തു. ഇ​ന്ന​ലെ രാ​വി​ലെ 8.30 മു​ത​ൽ മൂ​ന്നു വ​രെ​യു​ള്ള ആ​റ​ര മ​ണി​ക്കൂ​റി​നി​ടെ ഉ​ടു​ന്പ​ന്നൂ​രി​ൽ 55 മി​ല്ലി​മീ​റ്റ​റും മൂ​ന്നാ​റി​ൽ 54.5 മി​ല്ലി​മീ​റ്റ​റും ചെ​റു​തോ​ണി​യി​ൽ 47.5 മി​ല്ലി​മീ​റ്റ​റും മ​ഴ പെ​യ്ത​താ​യാ​ണ് ഓ​ട്ട​മേ​റ്റ​ഡ് വെ​ത​ർ സ്റ്റേ​ഷ​നു​ക​ളി​ൽ രേ​ഖ​പ്പെ​ടു​ത്തി​യ ക​ണ​ക്ക്.

ഇ​ന്ന​ലെ രാ​വി​ലെ അ​വ​സാ​നി​ച്ച 24 മ​ണി​ക്കൂ​റി​ൽ ജി​ല്ല​യി​ൽ പെ​യ്ത​തു ശ​രാ​ശ​രി 54.52 മി​ല്ലി​മീ​റ്റ​ർ മ​ഴ​യാ​ണ്. ദേ​വി​കു​ളം താ​ലൂ​ക്കി​ലാ​യി​രു​ന്നു കൂ​ടു​ത​ൽ മ​ഴ. 78.8 മി​ല്ലീ​മീ​റ്റ​ർ,തൊ​ടു​പു​ഴ-40, ഇ​ടു​ക്കി -48.8, പീ​രു​മേ​ട് -72, ഉ​ടു​ന്പ​ൻ​ചോ​ല-33 എ​ന്നി​ങ്ങ​നെ​യാ​ണ് മ​റ്റ് താ​ലൂ​ക്കു​ക​ളി​ൽ പെ​യ്ത മ​ഴ​യു​ടെ ക​ണ​ക്ക്. മ​ണ്ണി​ടി​ഞ്ഞും മ​രം വീ​ണും ഗ​താ​ഗ​ത ത​ട​സ​വും വീ​ടു​ക​ൾ​ക്കു കേ​ടു​പാ​ടും ഇ​ന്ന​ലെ റി​പ്പോ​ർ​ട്ട് ചെ​യ്തി​ട്ടു​ണ്ട്.

വി​നോ​ദസ​ഞ്ചാ​ര മേ​ഖ​ല​ക​ളി​ൽ നി​യ​ന്ത്ര​ണം

മ​ഴ തു​ട​രു​ന്ന സാ​ഹ​ച​ര്യ​ത്തി​ൽ ജി​ല്ല​യി​ലെ മ​ല​യോ​ര മേ​ഖ​ല​ക​ളി​ലൂ​ടെ​യു​ള്ള രാ​ത്രി യാ​ത്ര ജി​ല്ലാ ക​ള​ക്ട​ർ നി​രോ​ധി​ച്ചു. പാ​ത​യോ​ര​ങ്ങ​ളി​ലെ വെ​ള്ള​ച്ചാ​ട്ട​ങ്ങ​ളി​ൽ വി​നോ​ദ സ​ഞ്ചാ​രി​ക​ൾ ഇ​റ​ങ്ങ​രു​തെ​ന്ന് ക​ർ​ശ​ന നി​ർ​ദേ​ശ​മു​ണ്ട്.

മ​ല​യോ​ര മേ​ഖ​ല​ക​ളി​ൽ മ​ണ്ണി​ടി​ച്ചി​ൽ, ഉ​രു​ൾ​പൊ​ട്ട​ൽ സാ​ധ്യ​ത നി​ല​നി​ൽ​ക്കു​ന്നു​ണ്ട്. ഒ​രി​ട​വേ​ള​യ്ക്കു ശേ​ഷം ജി​ല്ല​യി​ൽ മ​ഴ വീ​ണ്ടും ശ​ക്ത​മാ​യ​തോ​ടെ അ​ണ​ക്കെ​ട്ടു​ക​ളി​ലേ​ക്കു​ള്ള നീ​രൊ​ഴു​ക്കും വ​ർ​ധി​ച്ചു. ക​ന​ത്ത മ​ഴ​യെ തു​ട​ർ​ന്ന് ക​ല്ലാ​ർ​കു​ട്ടി, ലോ​വ​ർ​പെ​രി​യാ​ർ അ​ണ​ക്കെ​ട്ടു​ക​ൾ തു​റ​ക്കു​ന്ന​തി​നു മു​ന്നോ​ടി​യാ​യി മു​തി​ര​പ്പു​ഴ​യാ​ർ, പെ​രി​യാ​ർ തീ​ര​മേ​ഖ​ല​ക​ളി​ൽ താ​മ​സി​ക്കു​ന്ന​വ​ർ​ക്ക് ജാ​ഗ്ര​താ നി​ർ​ദേ​ശം ന​ൽ​കി.


ഗ​താ​ഗ​തം നി​രോ​ധി​ച്ചു

ഇ​ടു​ക്കി:​ ച​പ്പാ​ത്ത് ക​ട്ട​പ്പ​ന റോ​ഡി​ൽ ആ​ല​ടി ഭാ​ഗ​ത്ത് പ​ഴ​യ ക​ൽ​ക്കെ​ട്ട് ഇ​ടി​ഞ്ഞു​പോ​യ​തി​നാ​ൽ റോ​ഡ് അ​പ​ക​ടാ​വ​സ്ഥ​യി​ലാ​യി. അ​തി​നാ​ൽ ച​പ്പാ​ത്ത്- ക​ട്ട​പ്പ​ന റൂ​ട്ടി​ൽ ആ​ല​ടി മു​ത​ൽ പ​ര​പ്പ് വ​രെ ഗ​താ​ഗ​തം പൂ​ർ​ണ​മാ​യി നി​രോ​ധി​ച്ചെ​ന്ന് പൊ​തു​മ​രാ​മ​ത്ത് എ​ക്സി​ക്യൂ​ട്ടീ​വ് എ​ൻ​ജ​നീ​യ​ർ അ​റി​യി​ച്ചു.

ഏ​ല​പ്പാ​റ, വാ​ഗ​മ​ണ്‍, പാ​ല, കോ​ട്ട​യം ഭാ​ഗ​ത്തേ​ക്ക് യാ​ത്ര ചെ​യു​ന്ന വാ​ഹ​ന​ങ്ങ​ൾ പ​ര​പ്പി​ൽനി​ന്നു വ​ല​ത്തേ​ക്ക് തി​രി​ഞ്ഞു ഉ​പ്പു​ത​റ,ചീ​ന്ത​ലാ​ർ വ​ഴി​യും, കു​ട്ടി​ക്കാ​നം, ഏ​ല​പ്പാ​റ, ച​പ്പാ​ത്ത് വ​ഴി ക​ട്ട​പ്പ​ന​യി​ലേ​ക്ക് യാ​ത്ര ചെ​യ്യു​ന്ന വാ​ഹ​ന​ങ്ങ​ൾ ആ​ല​ടി​യി​ൽനി​ന്ന് വ​ല​ത്തേ​ക്ക് തി​രി​ഞ്ഞു മേ​രി​കു​ള​ത്തേ​ക്കും പോ​ക​ണം.

ജാ​ഗ്ര​ത​യോ​ടെ മൂ​ന്നാ​ർ

മൂ​ന്നാ​ർ: 1924 ലെ ​പ്ര​ള​യ ദി​ന​ത്തി​ൽ മൂ​ന്നാ​റി​നെ ജാ​ഗ്ര​ത​യി​ലാ​ഴ്ത്തി മ​ഴ ശ​ക്ത​മാ​യി. തി​ങ്ക​ളാ​ഴ്ച രാ​വി​ലെ മു​ത​ൽ ശ​ക്ത​മാ​യ മ​ഴ​യാ​ണ് മൂ​ന്നാ​റി​ലു​ണ്ടാ​യ​ത്. മ​ഴ ശ​ക്തി പ്രാ​പി​ച്ച​തോ​ടെ ക​രു​ത​ൽ ന​ട​പ​ടി​ക​ൾ ഉൗ​ർ​ജി​ത​മാ​ക്കി​യി​ട്ടു​ണ്ട്. മൂ​ന്നാ​റി​ലെ അ​ന്തോ​ണി​യാ​ർ ന​ഗ​റി​ൽ മ​ണ്ണി​ടി​ച്ചി​ൽ ഭീ​ണി ഉ​ണ്ടാ​യ​തി​നെത്തു​ട​ർ​ന്ന് അ​വി​ടെ​യു​ള്ള കു​ടും​ബ​ങ്ങ​ളെ സു​ര​ക്ഷി​ത കേ​ന്ദ്ര​ങ്ങ​ളി​ലേ​ക്ക് മാ​റാ​ൻ നി​ർ​ദേ​ശിച്ചു​.

മൂ​ന്നാ​ർ മൗ​ണ്ട് കാ​ർ​മ​ൽ ബ​സി​ലി​ക്ക​യു​ടെ കീ​ഴി​ൽ പ്ര​വ​ർ​ത്തി​ക്കു​ന്ന ദു​രി​താ​ശ്വാ​സ ക്യാ​ന്പി​ൽ കു​ടു​ത​ൽ ആ​ളു​ക​ളെ പാ​ർ​പ്പി​ക്കാ​നു​ള്ള ന​ട​പ​ടി​ക​ളും ആ​രം​ഭി​ച്ചി​ട്ടു​ണ്ട്. ജ​ന​ങ്ങ​ൾ തി​ങ്ങി​പ്പാ​ർ​ക്കു​ന്ന മൂ​ന്നാ​ർ ന​ഗ​ർ, എം​ജി ന​ഗ​ർ, രാ​ജീ​വ് ഗാ​ന്ധി ന​ഗ​ർ എ​ന്നി​വി​ട​ങ്ങ​ളി​ലെ സ്ഥി​തി ഗ​തി​ക​ളും വീ​ക്ഷി​ച്ചു വ​രി​ക​യാ​ണ്. മു​തി​ര​പ്പു​ഴ​യാ​റി​ലെ ജ​ല​നി​ര​പ്പ് ഉ​യ​ർ​ന്ന​തോ​ടെ തീ​ര​ങ്ങ​ളി​ൽ പാ​ർ​ക്കു​ന്ന​വ​ർ​ക്കും മു​ന്ന​റി​യി​പ്പ് ന​ൽ​കി​യി​ട്ടു​ണ്ട്.

ലോ​ക്കാ​ട് ഗ്യാ​പ് റോ​ഡ് അ​ട​യ്ക്കാ​ൻ ജി​ല്ലാ ഭ​ര​ണ​കൂ​ടം നി​ർ​ദേ​ശം ന​ൽ​കി. തോ​ടു​ക​ലും അ​രു​വി​ക​ളും നി​റ​ഞ്ഞു ക​വി​ഞ്ഞ​തോ​ടെ ക​ല്ലാ​ർ എ​സ്റ്റേ​റ്റ് വെ​ള്ള​പ്പൊ​ക്ക ഭീ​ഷ​ണി​യി​ലാ​യി. മൂ​ന്നാ​ർ കോ​ള​നി​യി​ൽ മു​ക​ളി​ലേ​ക്ക് മ​ണ്ണി​ടി​ഞ്ഞ് വീ​ണ് ഒ​രു വീ​ട് ഭാ​ഗി​ക​മാ​യി ത​ക​ർ​ന്നു. മൂ​ന്നാ​ർ കോ​ള​നി, പ​ഴ​യ​മൂ​ന്നാ​ർ എ​ന്നി​വ​ട​ങ്ങ​ളി​ലെ റോ​ഡു​ക​ളി​ൽ വെ​ള്ള​മു​യ​ർ​ന്ന​ത് വാ​ഹ​ന​ങ്ങ​ളെ​യും യാ​ത്ര​ക്കാ​രെ​യും ബു​ദ്ധി​മു​ട്ടി​ലാ​ക്കി. മൂ​ന്നാ​ർ പെ​രി​യ​വാ​ര റോ​ഡി​ൽ മ​ണ്ണി​ടി​ഞ്ഞ് വീ​ണ് ഗ​താ​ഗ​തം ത​ട​‌​സ​പ്പെ​ട്ടു. റോ​ഡി​ലേ​ക്ക് വീ​ണ് മ​രം മു​റി​ച്ചു മാ​റ്റി​യാ​ണ് ഗ​താ​ഗ​തം പു​ന​സ്ഥാ​പി​ച്ച​ത്. പ​ഴ​യ​മൂ​ന്നാ​ർ ഹെ​ഡ് വ​ർ​ക്സ് ഡാ​മി​നു സ​മീ​പം കൂ​റ​ൻ പാ​റ റോ​ഡി​ലേ​ക്ക് പ​തി​ച്ചു.

ആ​ല​ടി​യി​ൽ റോ​ഡി​ടി​ഞ്ഞ് ഗ​താ​ഗ​തം മു​ട​ങ്ങി

ഉപ്പു​ത​റ: അ​ശാ​സ്ത്രീ​യ​മാ​യ നി​ർ​മാ​ണം മൂ​ലം പു​ളി​യ​ൻ​മ​ല - കു​ട്ടി​ക്കാ​നം മ​ല​യോ​ര ഹൈ​വേ​യി​ലെ ആ​ല​ടി​യി​ൽ സം​ര​ക്ഷ​ണ ഭി​ത്തി ത​ക​ർ​ന്ന് റോ​ഡ് അ​പ​ക​ടാ​വ​സ്ഥ​യി​ലാ​യി.​ പെ​രി​യാ​ർ തീ​ര​ത്തുനി​ന്നു സം​ര​ക്ഷ​ണ ഭി​ത്തി​യു​ടെ അ​ടി​ത്ത​റ പ​ണി​യാ​ൻ മ​ണ്ണു നീ​ക്കു​ന്ന​തി​നി​ടെ​യാ​ണ് റോ​ഡി​ന്‍റെ ഒ​രു ഭാ​ഗം ഉ​ൾ​പ്പെ​ടെ ത​ക​ർ​ന്നു വീ​ണ​ത്.

തി​ങ്ക​ളാ​ഴ്ച ര​ണ്ടോ​ടെ​യാ​ണ് ആ​ല​ടി പോ​ത്തി​ൻക​യ​ത്തി​നു സ​മീ​പം നൂ​റ​ടി​യോ​ളം ഉ​യ​ര​ത്തി​ലു​ള്ള പ​ഴ​യ ക​ൽ​ക്കെ​ട്ട് ഉ​ൾ​പ്പെ​ടെ റോ​ഡ് ത​ക​ർ​ന്നു വീ​ണ​ത്. മ​റു ഭാ​ഗം വീ​തി കൂ​ട്ടു​ന്ന​തി​ന് ഒ​രു മാ​സം മു​ൻ​പ് കു​റേ മ​ണ്ണു നീ​ക്കി​യെ​ങ്കി​ലും ഇ​തു പൂ​ർ​ത്തി​യാ​ക്കി​യി​ല്ല. അ​തി​നി​ടെ സം​ര​ക്ഷ​ണ ഭി​ത്തി നി​ർ​മി​ക്കാ​നു​ള്ള നീ​ക്ക​മാ​ണ് പ്ര​ശ്ന​മാ​യ​ത്.

അ​ടി​മാ​ലി​യി​ൽ മ​ണ്ണി​ടി​ച്ചി​ൽ

അ​ടി​മാ​ലി: ക​ന​ത്ത​മ​ഴ​യെ തു​ട​ർ​ന്ന് അ​ടി​മാ​ലി​യി​ൽ മ​ണ്ണി​ടി​ച്ചി​ൽ. കോ​യി​ക്ക​ക്കു​ടി ജം​ഗ്ഷ​ന് സ​മീ​പം പ​പ്പ​ട​ നി​ർ​മാ​ണ യൂ​ണി​റ്റി​നു​ള്ളി​ലേ​ക്ക് കെ​ട്ടി​ട​ത്തി​ന് പി​റ​കി​ലെ മ​ണ്‍​തി​ട്ട ഇ​ടി​ഞ്ഞു വീ​ണു. ഇതേത്തു​ട​ർ​ന്ന് യൂ​ണി​റ്റി​ലെ യ​ന്ത്ര​സാ​മ​ഗ്രി​ക​ൾ​ക്ക് കേ​ടു​പാ​ടു​ക​ൾ സം​ഭ​വി​ച്ചു. യൂ​ണി​റ്റ് പ്ര​വ​ർ​ത്തി​ച്ചു കൊ​ണ്ടി​രി​ക്കെ​യാ​ണ് കെ​ട്ടി​ട​ത്തി​നു​ള്ളി​ലേ​ക്ക് മ​ണ്ണി​ടി​ഞ്ഞ് എ​ത്തി​യ​ത്. ​മ​റ്റ​നി​ഷ്ട സം​ഭ​വ​ങ്ങ​ളി​ല്ല.

അ​ടി​മാ​ലി ടൗ​ണി​ന് സ​മീ​പം ദേ​ശീയ​പാ​ത​യി​ൽ നേ​രി​യ മ​ണ്ണി​ടി​ച്ചി​ൽ സ​ർ​ക്കാ​ർ ഹൈ​സ്കൂ​ളി​ന് സ​മീ​പം മ​ര​മു​ൾ​പ്പെ​ടെ റോ​ഡി​ലേ​ക്ക് പ​തി​ച്ചു പാ​ത​യോ​ര​ത്ത് നി​ർ​ത്തി​യി​ട്ടി​രു​ന്ന ജീ​പ്പി​ന് മു​ൻ​ഭാ​ഗ​ത്തേ​ക്കും മ​ണ്ണ് വീ​ണു മ​രം മു​റി​ച്ച് നീ​ക്കി ഗ​താ​ഗ​തം പു​ന​സ്ഥാ​പി​ച്ചു.