സു​ര​ക്ഷാസം​വി​ധാ​ന​ങ്ങ​ളില്ലാതെ കൊ​ച്ചു​ക​രു​ന്ത​രു​വി വെ​ള്ള​ച്ചാ​ട്ടം
Monday, July 15, 2024 11:30 PM IST
ഉപ്പു​ത​റ: അ​പ​ക​ടം പ​തി​യി​രി​ക്കു​ന്ന കൊ​ച്ചു​ക​രി​ന്ത​രു​വി വെ​ള്ള​ച്ചാ​ട്ട​ത്തി​നു സ​മീ​പം അ​പാ​യ സൂ​ച​നാ മു​ന്ന​റി​യി​പ്പു ബോ​ർ​ഡു സ്ഥാ​പി​ക്കാ​ൻ ഇ​നി​യും ന​ട​പ​ടി​യാ​യി​ല്ല. അ​ഞ്ചു വ​ർ​ഷ​ത്തി​നി​ടെ മൂ​ന്നു പേ​ർ​ക്കാ​ണ് ഇ​വി​ടെ ജീ​വ​ൻ ന​ഷ്ട​മാ​യ​ത്. ക​ഴി​ഞ്ഞ ജൂ​ലൈ​യി​ൽ കു​ളി​ക്കാ​നി​റ​ങ്ങി​യ യു​വാ​വ് കാ​ൽ​വ​ഴു​തി വെ​ള്ള​ച്ചാ​ട്ട​ത്തി​ലെ ചു​ഴി​യി​ൽ കു​ടു​ങ്ങി മ​രി​ച്ച​പ്പോ​ൾ ഇ​വി​ടെ അ​പാ​യ സൂ​ച​ന ന​ൽ​കു​ന്ന ബോ​ർ​ഡ് സ്ഥാ​പി​ക്കു​മെ​ന്ന് ഏ​ല​പ്പാ​റ പ​ഞ്ചാ​യ​ത്ത് നാ​ട്ടു​കാ​ർ​ക്ക് ഉ​റ​പ്പു​ന​ൽ​കി​യി​രു​ന്നു. സം​ര​ക്ഷ​ണവേ​ലി നി​ർ​മി​ക്കു​മെ​ന്നും പ്ര​ഖ്യാ​പ​ന​മു​ണ്ടാ​യി​രു​ന്നു.

ഒ​രു വ​ർ​ഷം ക​ഴി​ഞ്ഞി​ട്ടും ഇ​തു ര​ണ്ടു​മു​ണ്ടാ​യി​ല്ല. ഏ​ല​പ്പാ​റ​യി​ൽനി​ന്നു വാ​ഗ​മ​ൺ
മൊ​ട്ട​ക്കു​ന്നി​ലേ​ക്കു​ള്ള വ​ഴി​യി​ലാ​ണ് കൊ​ച്ചു​ക​രി​ന്ത​രു​വി വെ​ള്ള​ച്ചാ​ട്ടം. ത​ട്ടുപാ​റ​യ്ക്കു മു​ക​ളി​ലൂ​ടെ ആ​റു മാ​സ​ത്തോ​ളം ശ​ക്ത​മാ​യ വെ​ള്ള​മൊ​ഴു​ക്കു​ള്ള പ്ര​ദേ​ശ​മാ​ണി​ത്. ആ​റു ത​ട്ടു​ക​ളാ​യു​ള്ള പാ​റ​ക​ളി​ൽ ത​ട്ടി പ​ത​ഞ്ഞൊ​ഴു​കു​ന്ന വെ​ള്ള​ച്ചാ​ട്ടം ആ​ക​ർ​ഷ​ണീ​യ​മാ​ണ്. ഓ​രോ ത​ട്ടു​ക​ളി​ലേ​ക്കും കു​ത്തി വീ​ഴു​ന്ന വെ​ള്ളം പ​ത​ഞ്ഞൊ​ഴു​കു​ന്ന​തു കാ​ണാ​ൻ ആ​ളു​ക​ൾ ഏ​റെ​നേ​രം കാ​ത്തുനി​ൽ​ക്കും. ഇ​വി​ടെ കൈ​യും കാ​ലും മു​ഖ​വും ക​ഴു​കാ​നും കു​ളി​ക്കാ​നും ദൃ​ശ്യ​ഭം​ഗി മൊ​ബൈ​ലി​ൽ പ​ക​ർ​ത്താ​നും ഇ​റ​ങ്ങു​ന്ന​താ​ണ് അ​പ​ക​ട​മു​ണ്ടാ​ക്കു​ന്ന​ത്. ചെ​രി​ഞ്ഞ വ​ഴു​ക്ക​ലു​ള്ള പാ​റ​യി​ൽ ച​വു​ട്ടി​യാ​ൽ ചു​ഴി​യി​ൽ വീ​ഴും. മൂ​ന്നു വി​നോ​ദ സ​ഞ്ചാ​രി​ക​ളും മ​രി​ച്ച​ത് ഇ​ങ്ങ​നെ​യാ​ണ്. അ​പ​ക​ട​ത്തി​ൽ​പ്പെ​ട്ട ധാ​രാ​ളം പേ​രെ നാ​ട്ടു​കാ​ർ ര​ക്ഷ​പ്പെ​ടു​ത്തി​യി​ട്ടു​ണ്ട്.


ആ​രെ​ങ്കി​ലും വെ​ള്ള​ത്തി​ലി​റ​ങ്ങു​ന്ന​ത് ശ്ര​ദ്ധ​യി​ൽപ്പെ​ട്ടാ​ൽ നാ​ട്ടു​കാ​ർ എ​തി​ർ​ക്കും. ഇ​ത് പ​ല​പോ​ഴും സം​ഘ​ർ​ഷ​ത്തി​നും കാ​ര​ണ​മാ​കാ​റു​ണ്ട്. അ​തു​കൊ​ണ്ടാ​ണ് ഇ​വി​ടെ അ​പ​ക​ട സൂ​ച​നാബോ​ർ​ഡ് വ​യ്ക്ക​ണ​മെ​ന്നും വോ​ള​ൻ​ണ്ടിയ​ർ​മാ​രെ നി​യ​മി​ക്ക​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ടുന്നത്. എ​ന്നാ​ൽ, പ​ഞ്ചാ​യ​ത്തും ഡി​ടി​പി​സി​യും ഇ​തൊ​ന്നും കാ​ര്യ​മാ​ക്കാ​തെ വ​ന്ന​തോ​ടെ നാ​ട്ടു​കാ​ർ ത​ന്നെ താ​ത്കാ​ലി​ക വേ​ലി കെ​ട്ടി സം​ര​ക്ഷ​ണം ഒ​രു​ക്കി​യി​രി​ക്കു​ക​യാ​ണ്.