പീരുമേട് : പരുന്തുംപാറയിലെ പുൽമേട്ടിലേക്ക് വിനോദ സഞ്ചാരികൾ ഓടിച്ചു കയറ്റിയ ജീപ്പ് നിയന്ത്രണം വിട്ടു മറിഞ്ഞു. യാത്രക്കാർ നിസാര പരുക്കുകളോടെ രക്ഷപ്പെട്ടു. ശനിയാഴ്ച്ച രാത്രി 7.30നാണ് സംഭവം. അപകടം ഉണ്ടായതിനു പിന്നാലെ സഞ്ചാരികൾ വാഹനത്തിന്‍റെ നമ്പർ പ്ലേറ്റ് ഇളക്കി മാറ്റിയ ശേഷം കടന്നു കളഞ്ഞു.
പരുക്കേറ്റവർ സമീപത്തെ ആശുപത്രികളിൽ ചികിത്സ തേടിയിട്ടില്ലന്ന് പൊലീസ് പറഞ്ഞു. എന്നാൽ പത്തനംതിട്ട സ്വദേശികളായിരുന്നു ജീപ്പിൽ ഉണ്ടായിരുന്നത് എന്നാണ് പ്രദേശവാസികൾ നൽകുന്ന വിവരം. പരുന്തുംപാറയിൽ അനധികൃത ട്രക്കിംഗ് പതിവാണ്. മനോഹാരിത നിറഞ്ഞ പുൽമേടുകൾ, മൊട്ടക്കുന്നുകൾ എന്നിവയെ കീറി മുറിച്ചാണ് ട്രക്കിംഗ് നടക്കുന്നത്.