മൂന്നാർ: അങ്കണവാടി കെട്ടിടത്തിന് അപകട ഭീഷണി ഉയർത്തി നിൽക്കുന്ന വൻ മരങ്ങൾ വെട്ടിമാറ്റാൻ നടപടിയില്ല. മൂന്നാറിലെ ഇക്കാ നഗറിലെ അങ്കണവാടി കെട്ടിടത്തിനു ചുറ്റുമാണ് ജീവനക്കാർക്കും കുട്ടികൾക്കും ഭീഷണിയായി മരങ്ങളുള്ളത്.
മൂന്നാർ കെഎസ്ഇബി ഓഫീസിനു സമീപം എൻജിനിയറിംഗ് കേളജിലേക്കു പോകുന്ന വഴിയുടെ ഒരു വശത്തായിയുള്ള കെട്ടിടത്തിൽ ജീവനക്കാരും കുട്ടികളും ആശങ്കയോടെയാണ് കഴിയുന്നത്. മഴക്കാലത്ത് ശക്തമായ കാറ്റിൽ ഇളകിയാടുന്ന മരങ്ങൾ ഏതു നേരവും നിലം പൊത്താവുന്ന സ്ഥിതിയിലാണ്.