തൊടുപുഴ നഗരസഭാ ചെ​യ​ർ​മാ​നെ​തി​രേ അ​വി​ശ്വാ​സവു​മാ​യി എ​ൽ​ഡി​എ​ഫ്
Sunday, July 14, 2024 3:22 AM IST
തൊ​ടു​പു​ഴ: കൈ​ക്കൂ​ലി​ക്കേ​സി​ൽ പ്ര​തി​യാ​യ ന​ഗ​ര​സ​ഭാ ചെ​യ​ർ​മാ​ൻ സ​നീ​ഷ് ജോ​ർ​ജി​നെ​തി​രേ അ​വി​ശ്വാ​സ പ്ര​മേ​യ​ത്തി​ന് നോ​ട്ടീ​സ് ന​ൽ​കാ​ൻ എ​ൽ​ഡി​എ​ഫ്. നാ​ളെ എ​ൽ​ഡി​എ​ഫ് കൗ​ണ്‍​സി​ല​ർ​മാ​ർ അ​വി​ശ്വാ​സ പ്ര​മേ​യം അ​വ​ത​രി​പ്പി​ക്കും.

എ​ൽ​ഡി​എ​ഫ് അ​വി​ശ്വാ​സം കൊ​ണ്ടുവ​ന്നാ​ൽ പി​ന്തു​ണ​യ്ക്കു​മെ​ന്നാ​ണ് യു​ഡി​എ​ഫ് നി​ല​പാ​ട്. ബി​ജെ​പി​യും ചെ​യ​ർ​മാ​നെ പു​റ​ത്താ​ക്ക​ണ​മെ​ന്ന് ആ​വ​ശ്യ​പ്പെ​ടു​ന്ന സാ​ഹ​ച​ര്യ​ത്തി​ൽ അ​വി​ശ്വാ​സം പാ​സാ​കു​മെ​ന്നാ​ണ് വി​ല​യി​രു​ത്ത​ൽ. കോ​ണ്‍​ഗ്ര​സ് വി​മ​ത​നാ​യി വി​ജ​യി​ച്ച സ​നീ​ഷ് ജോ​ർ​ജ് എ​ൽ​ഡി​എ​ഫ് പി​ന്തു​ണ​യോ​ടെ​യാ​ണ് ന​ഗ​ര​സ​ഭാ ചെ​യ​ർ​മാ​നാ​യ​ത്.

ക​ഴി​ഞ്ഞ ദി​വ​സം സ്വ​കാ​ര്യ സ്കൂ​ൾ മാ​നേ​ജ്മെ​ന്‍റ് അ​ധി​കൃ​ത​രി​ൽനി​ന്നു കൈ​ക്കൂ​ലി വാ​ങ്ങി​യ കേ​സി​ൽ ന​ഗ​ര​സ​ഭാ അ​സി.​എ​ൻ​ജി​നി​യ​റും ഇ​ട​നി​ല​ക്കാ​ര​നും വി​ജി​ല​ൻ​സി​ന്‍റെ പി​ടി​യി​ലാ​യി​രു​ന്നു. കേ​സി​ൽ ചെ​യ​ർ​മാ​ൻ ര​ണ്ടാം പ്ര​തി​യാ​യ​തോ​ടെ​യാ​ണ് ന​ഗ​ര​സ​ഭ​യി​ൽ ഭ​ര​ണ പ്ര​തി​സ​ന്ധി ഉ​ട​ലെ​ടു​ത്ത​ത്. അ​വ​ധി​യി​ൽ ക​ഴി​യു​ന്ന ചെ​യ​ർ​മാ​ൻ 13നു ​ശേ​ഷം ചു​മ​ത​ല​യി​ൽ തി​രി​കെ പ്ര​വേ​ശി​ക്കു​മെ​ന്നാ​ണ് പ​റ​ഞ്ഞി​രി​ക്കു​ന്ന​ത്. സ​നീ​ഷ് ജോ​ർ​ജ് നാ​ളെ ന​ഗ​ര​സ​ഭ​യി​ൽ എ​ത്തി​യാ​ൽ പ്ര​തി​രോ​ധി​ക്കാ​നാ​ണ് മൂ​ന്നു മു​ന്ന​ണി​ക​ളു​ടെ​യും നീ​ക്കം.

നഗരസഭാ ചെ​യ​ർ​മാ​ൻ രാ​ജി​വ​യ്ക്ക​ണ​മെ​ന്നും തൊ​ടു​പു​ഴ അ​ർ​ബ​ൻ ബാ​ങ്ക് ചെ​യ​ർ​മാ​നെ​തി​രേയു​ള്ള വ്യാ​ജ പ്ര​ചാ​ര​ണം ത​ള്ളി​ക്ക​ള​യ​ണ​മെ​ന്നും ആ​വ​ശ്യ​പ്പെ​ട്ട് എ​ൽ​ഡി​എ​ഫ് ഇ​ന്ന​ലെ ന​ഗ​ര​ത്തി​ൽ പ്ര​ക​ട​ന​വും വി​ശ​ദീ​ക​ര​ണ യോ​ഗ​വും ന​ട​ത്തി. സി​പി​എം ജി​ല്ലാ സെ​ക്ര​ട്ട​റി സി.​വി.​വ​ർ​ഗീ​സ് യോ​ഗം ഉ​ദ്ഘാ​ട​നം ചെ​യ്തു.


അ​ഴി​മ​തി​ക്കെതി​രാ​യ നി​ല​പാ​ടാ​ണ് എ​ൽ​ഡി​എ​ഫി​നു​ള്ള​തെ​ന്ന് അ​ദ്ദേ​ഹം പ​റ​ഞ്ഞു. കൈ​ക്കൂ​ലി വാ​ങ്ങു​ന്ന​തും പ്രേ​രി​പ്പി​ക്കു​ന്ന​തും അ​ഴി​മ​തി​യാ​ണ്. അ​തു​കൊ​ണ്ടാ​ണ് അ​ത്ത​ര​മൊ​രു ആ​ക്ഷേ​പം വ​ന്ന​പ്പോ​ൾ ചെ​യ​ർ​മാ​ൻ സ​നീ​ഷ് ജോ​ർ​ജി​നോ​ട് രാ​ജി​വ​യ്ക്കാ​ൻ മു​ന്ന​ണി ആ​വ​ശ്യ​പ്പെ​ട്ട​ത്. എ​ന്നാ​ൽ അ​ദ്ദേ​ഹം നി​യ​മ​ത്തെ വെ​ല്ലു​വി​ളി​ച്ച് സ്വ​യം ര​ക്ഷ​പ്പെ​ടാ​നാ​ണ് ശ്ര​മി​ക്കു​ന്ന​ത്.

അ​വി​ശ്വാ​സം കൊ​ണ്ടു​വ​രാ​തെ രാ​ജി​വ​യ്ക്കാ​ൻ ആ​വ​ശ്യ​പ്പെ​ട്ട​ത് മു​ന്ന​ണി​ക്ക് കേ​വ​ല ഭൂ​രി​പ​ക്ഷം ഇ​ല്ലാ​ത്ത​തി​നാ​ലാ​ണ്. ഇ​ക്കാ​ര്യ​ത്തി​ൽ കോ​ണ്‍​ഗ്ര​സും ബി​ജെ​പി​യും നി​ല​പാ​ട് വ്യ​ക്ത​മാ​ക്ക​ണ​മെ​ന്നും അ​വി​ശ്വാ​സ പ്ര​മേ​യ​ത്തെ അ​വ​ർ പി​ന്തു​ണ​ച്ചാ​ൽ സ്വീ​ക​രി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

രാ​ജി​വ​ച്ച് എ​ൽ​ഡി​എ​ഫി​നോ​ട് പ​റ​ഞ്ഞ വാ​ക്കു​ പാ​ലി​ക്കാ​ൻ സ​നീ​ഷ് ജോ​ർ​ജ് ത​യാ​റാ​ക​ണം. ചെ​യ​ർ​മാ​ന്‍റെ ഏ​ത് വെ​ളി​പ്പെ​ടു​ത്ത​ലും സ്വാ​ഗ​തം​ ചെ​യ്യു​ന്നു. അ​ർ​ബ​ൻ ബാ​ങ്കി​നെ​തി​രേയു​ള്ള നീ​ക്ക​ങ്ങ​ൾ നി​യ​മ​പ​ര​മാ​യും രാഷ്‌ട്രീയ​പ​ര​മാ​യും നേ​രി​ടു​മെ​ന്നും അ​ദ്ദേ​ഹം പ​റ​ഞ്ഞു.

യോ​ഗ​ത്തി​ൽ വി.​ആ​ർ. പ്ര​മോ​ദ് അ​ധ്യ​ക്ഷ​ത വ​ഹി​ച്ചു. സി​പി​ഐ ജി​ല്ലാ സെ​ക്ര​ട്ട​റി കെ.​സ​ലിം​കു​മാ​ർ, കെ.​പി.​മേ​രി, വി.​വി. മ​ത്താ​യി, മു​ഹ​മ്മ​ദ് ഫൈ​സ​ൽ, ടി.​ആ​ർ.​സോ​മ​ൻ, ജി​മ്മി മ​റ്റ​ത്തി​പ്പാ​റ, ജോ​ർ​ജ് അ​ഗ​സ്റ്റി​ൻ, പോ​ൾ​സ​ണ്‍ മാ​ത്യു, ദി​ലീ​പ് പു​ത്തി​രി​യി​ൽ എ​ന്നി​വ​ർ പ്ര​സം​ഗി​ച്ചു.