ചെ​റു​തോ​ണി : ജി​ല്ല​യി​ലെ കാ​ർ​ഷി​ക മേ​ഖ​ല​യി​ലെ വ​ന്യ​മൃ​ഗ​ശ​ല്യം പ​രി​ഹ​രി​ക്കാ​ൻ കൂ​ട്ടാ​യ പ​രി​ശ്ര​മം അ​നി​വാ​ര്യ​മാ​ണെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ പ്ര​ഭാ​ത സ​ദ​സി​ൽ പ​റ​ഞ്ഞു. ജി​ല്ല​യി​ലെ ന​വ​കേ​ര​ള സ​ദ​സ്‌​സി​നോ​ട് അ​നു​ബ​ന്ധി​ച്ച് ചെ​റു​തോ​ണി പു​തി​യ ബ​സ് സ്റ്റാ​ൻ​ഡ് പ​രി​സ​ര​ത്താ​ണ് പ്ര​ഭാ​ത സ​ദ​സ് സം​ഘ​ടി​പ്പി​ച്ച​ത്.

സം​സ്ഥാ​ന സ​ർ​ക്കാ​ർ മാ​ത്രം വി​ചാ​രി​ച്ചാ​ൽ ഇ​തു പ​രി​ഹ​രി​ക്കാ​ൻ ക​ഴി​യി​ല്ല. കേ​ന്ദ്ര സ​ർ​ക്കാ​ർ സ​മീ​പ​നം സം​സ്ഥാ​ന​ത്തി​ന് അ​നു​കൂ​ല​മ​ല്ല. മ​നു​ഷ്യ​രേ​ക്കാ​ൾ വ​ന്യ​മൃ​ഗ​ങ്ങ​ൾ​ക്ക് പ്രാ​ധാ​ന്യം ന​ൽ​കു​ന്ന വ​ലി​യൊ​രു വി​ഭാ​ഗ​വും രാ​ജ്യ​ത്തു​ണ്ട്. ജ​ന​ങ്ങ​ൾ​ക്ക് ബു​ദ്ധി​മു​ട്ടു​ണ്ടാ​ക്കി​യ അ​രി​ക്കൊ​ന്പ​ൻ എ​ന്ന ആ​ന​യെ പി​ടി​കൂ​ടി​യ​പ്പോ​ൾ മേ​ന​ക ഗാ​ന്ധി നേ​രി​ട്ട് വി​ളി​ക്കു​ന്ന സാ​ഹ​ച​ര്യ​മു​ണ്ടാ​യി. ജ​ന​ങ്ങ​ളു​ടെ ബു​ദ്ധി​മു​ട്ട് അ​വ​ർ​ക്ക് പ്ര​ശ്ന​മ​ല്ല. ഇ​ങ്ങ​നെ ചി​ന്തി​ക്കു​ന്ന​വ​ർ കു​റ​ച്ച​ധി​ക​മു​ണ്ട്. ഇ​തി​ന​നു​സ​രി​ച്ചു​ള്ള ന​ട​പ​ടി​ക​ളും കോ​ട​തി ഇ​ട​പെ​ട​ലു​ക​ളും ഉ​ണ്ടാ​കു​ന്ന​താ​ണ് പ്ര​ശ്നം.

വ​ന്യ​മൃ​ഗ​ശ​ല്യം പ​രി​ഹ​രി​ക്കു​ന്ന​തി​ന് ഒ​രു പാ​ക്കേ​ജ് സം​സ്ഥാ​ന​സ​ർ​ക്കാ​ർ കേ​ന്ദ്ര​ത്തി​ന് സ​മ​ർ​പ്പി​ച്ചി​രു​ന്നു. അ​ത് അം​ഗീ​ക​രി​ച്ചി​ല്ല.

സം​സ്ഥാ​ന​ത്തി​ന് സാ​ധ്യ​മാ​യ കാ​ര്യ​ങ്ങ​ൾ ചെ​യ്തു വ​രി​ക​യാ​ണ്. വ​ന്യ​മ്യ​ഗ​ങ്ങ​ളു​ടെ ആ​ക്ര​മ​ണം മൂ​ലം ന​ഷ്ടം സം​ഭ​വി​ക്കു​ന്ന ക​ർ​ഷ​ക​ർ​ക്ക് ന്യാ​യ​മാ​യ ന​ഷ്ട​പ​രി​ഹാ​രം ന​ൽ​കാ​നും സ​ർ​ക്കാ​ർ ശ്ര​മി​ക്കു​ന്നു​ണ്ട്. ന​ഷ്ട​പ​രി​ഹാ​ര തു​ക ക​ർ​ഷ​ക​ർ​ക്ക് ന​ൽ​കു​ന്ന​തി​ന് കാ​ല​താ​മ​സ​മു​ണ്ടാ​ക​രു​തെ​ന്നാ​ണ് സ​ർ​ക്കാ​ർ നി​ല​പാ​ട്. എ​ന്നാ​ൽ, കേ​ര​ള​ത്തി​ന് അ​ർ​ഹ​മാ​യ വി​ഹി​തം കേ​ന്ദ്ര സ​ർ​ക്കാ​ർ ന​ൽ​കാ​ത്ത​തു​മൂ​ലം ഇ​ത്ത​രം സ​ഹാ​യ​ങ്ങ​ൾ വൈ​കു​ന്ന സ്ഥി​തി​യു​ണ്ട്. 56000 കോ​ടി​യി​ല​ധി​കം രൂ​പ​യാ​ണ് കേ​ര​ള​ത്തി​ന് ഈ ​വ​ർ​ഷം ല​ഭി​ക്കേ​ണ്ട തു​ക​യി​ൽ കു​റ​വു​ണ്ടാ​യി​രി​ക്കു​ന്ന​ത്. ഓ​രോ ഘ​ട്ട​ത്തി​ലും ഇ​തി​ന്‍റെ പ്ര​യാ​സ​ങ്ങ​ൾ നേ​രി​ടു​ക​യാ​ണ്.

കേ​ര​ളം നേ​ടി​യ നേ​ട്ട​ങ്ങ​ളും മു​ന്നോ​ട്ട് പോ​കു​ന്ന​തി​നു​ള്ള ആ​ശ​യ​ങ്ങ​ളും ച​ർ​ച്ച ചെ​യ്യു​ന്ന​തി​നാ​ണ് ന​വ​കേ​ര​ള സ​ദ​സ്‌​സ് സം​ഘ​ടി​പ്പി​ക്കു​ന്ന​ത്. കേ​ര​ള​ത്തി​ന്‍റെ വി​ക​സ​ന പ​ദ്ധ​തി​ക​ൾ​ക്ക് കേ​ന്ദ്ര സ​ർ​ക്കാ​ർ നി​ഷേ​ധാ​ത്മ​ക​മാ​യ നി​ല​പാ​ട് സ്വീ​ക​രി​ക്കു​ന്നു. ഇ​ത് ജ​ന​സ​മ​ക്ഷം അ​വ​ത​രി​പ്പി​ക്കു​ക​യാ​ണ് യാ​ത്ര​യു​ടെ ല​ക്ഷ്യം. ഭ​ര​ണ​നി​ർ​വ​ഹ​ണ​ത്തി​ന്‍റെ സ്വാ​ദ് ജ​ന​ങ്ങ​ൾ​ക്ക് വേ​ഗ​ത്തി​ൽ അ​നു​ഭ​വേ​ദ്യ​മാ​ക്കു​ന്ന​തി​നു​ള്ള ന​ട​പ​ടി​ക​ളാ​ണ് സ​ർ​ക്കാ​ർ സ്വീ​ക​രി​ക്കു​ന്ന​തെ​ന്നും മു​ഖ്യ​മ​ന്ത്രി പ​റ​ഞ്ഞു.

വി​വി​ധ മേ​ഖ​ല​യി​ലു​ള്ള 250ല​ധി​കം വ്യ​ക്തി​ക​ളാ​ണ് പ്ര​ഭാ​ത സ​ദ​സി​ൽ പ​ങ്കെ​ടു​ത്ത​ത്. ജി​ല്ലാ ക​ള​ക്ട​ർ ഷീ​ബ ജോ​ർ​ജ് സ്വാ​ഗ​തം പ​റ​ഞ്ഞു. കാ​ഞ്ഞി​ര​പ്പ​ള്ളി രൂ​പ​ത മു​ൻ ബി​ഷ​പ് മാ​ത്യു അ​റ​ക്ക​ൽ, സി​എ​സ്ഐ ഈ​സ്റ്റ് കേ​ര​ള മ​ഹാ ഇ​ട​വ​ക ബി​ഷ​പ്പ് വി.​എ​സ്. ഫ്രാ​ൻ​സി​സ്, യാ​ക്കോ​ബാ​യ സ​ഭ ഇ​ടു​ക്കി ഭ​ദ്രാ​സ​ന മെ​ത്രാ​പോ​ലീ​ത്ത സ​ക്ക​റി​യ മാ​ർ പീ​ല​ക്സി​നോ​സ്, എ​സ്എ​ൻ​ഡി​പി മ​ല​നാ​ട് യൂ​ണി​യ​ൻ പ്ര​സി​ഡ​ന്‍റ് ബി​ജു മാ​ധ​വ​ൻ, കേ​ര​ള മു​സി​ലിം ജ​മാ​അ​ത്ത് ഇ​ടു​ക്കി ജ​ന​റ​ൽ സെ​ക്ര​ട്ട​റി ടി. ​കെ. അ​ബ്ദു​ൽ ക​രീം സ​ഖാ​ഫി, അ​ഖി​ല തി​രു​വി​താം​കൂ​ർ മ​ല​യ​ര മ​ഹാ​സ​ഭ പ്ര​സി​ഡ​ന്‍റ് കെ.​ബി. ശ​ങ്ക​ര​ൻ, ആം​ഗ്ലി​ക്ക​ൻ ച​ർ​ച്ച ഓ​ഫ് ഇ​ന്ത്യ ആ​ർ​ച്ച് ബി​ഷ​പ്പ് ലേ​വി ഐ​ക്ക​ര, സ​ന്തോ​ഷ് ട്രോ​ഫി ഫു​ട്ബോ​ൾ താ​രം എ​ൻ. പി. ​പ്ര​ദീ​പ്, പൈ​നാ​വ് അ​മ​ൽ ജ്യോ​തി സ്പെ​ഷ്യ​ൽ സ്കൂ​ൾ പ്രി​ൻ​സി​പ്പ​ൽ സി​സ്റ്റ​ർ ഡാ​നി​യ റോ​സ്, ക​ർ​ഷ​ക​ൻ കു​ര്യ​ൻ ജോ​സ​ഫ്, സ്വാ​ത​ന്ത്ര്യ​സ​മ​ര​സേ​നാ​നി എം. ​ജോ​ണ്‍, ട്രൈ​ബ​ൽ ആ​ർ​ട്സ് ആ​ൻ​ഡ് സ​യ​ൻ​സ് കോ​ള​ജ് മു​ൻ പ്രി​ൻ​സി​പ്പ​ൽ ഡോ. ​സി. കെ. ​സ്മി​ത, സ്പെ​ഷ്യ​ൽ ഒ​ളി​ന്പി​ക്സി​ൽ മെ​ഡ​ൽ നേ​ടി​യ ശ്രീ​ക്കു​ട്ടി നാ​രാ​യ​ണ​ൻ, ഇ​ടു​ക്കി രൂ​പ​ത മീ​ഡി​യ ക​മ്മീ​ഷ​ൻ ഡ​യ​റ​ക്ട​ർ ഫാ. ​ജി​ൻ​സ് കാ​ര​ക്കാ​ട്ട് എ​ന്നി​വ​ർ മു​ഖ്യ​മ​ന്ത്രി​ക്കൊ​പ്പം പ്ര​ഭാ​ത ഭ​ക്ഷ​ണം ക​ഴി​ച്ചു.