ക​ട്ട​പ്പ​ന: ന​ഗ​ര​ത്തി​നു​ള്ളി​ലൂ​ടെ ഒ​ഴു​കു​ന്ന കൈ​ത്തോ​ടു​ക​ളി​ലേ​ക്കും ഓ​ട​യി​ലേ​ക്കും മ​ലി​ന​ജ​ലം ഒ​ഴു​ക്കു​ന്ന സ്ഥാ​പ​ന​ങ്ങ​ൾ​ക്കും വീ​ടു​ക​ൾ​ക്കുമെതി​രേ ന​ട​പ​ടി ആ​രം​ഭി​ച്ചു. വി​വി​ധ ഭാ​ഗ​ങ്ങ​ളി​ൽനി​ന്നാ​യി ഹോ​സു​ക​ൾ വ​ഴി​യും ചാ​ലു​ക​ൾ തീ​ർ​ത്തു​മാ​ണ് മ​ലി​ന​ജ​ലം ഒ​ഴു​ക്കു​ന്ന​ത്.

മ​ലി​നജ​ലം ഒ​ഴു​ക്കു​ന്ന​ത് മൂ​ലം കൈ​ത്തോ​ടു​ക​ളും ഓ​ടക​ളും മ​ലി​ന​മാ​കു​ന്ന​തി​നൊ​പ്പം ഇ​വ ഒ​ഴു​കി​യെ​ത്തു​ന്ന ക​ട്ട​പ്പ​ന​യാ​റും മ​ലി​ന​മാ​കു​ക​യാ​ണ്. ന​ഗ​ര​ത്തി​നു​ള്ളി​ലൂ​ടെ ഒ​ഴു​കു​ന്ന കൈ​ത്തോ​ട് മ​ലീമ​സ​മാ​യി ദു​ർ​ഗ​ന്ധം വ​മി​ക്കു​ന്ന​തി​ലേ​ക്ക് എ​ത്തി. ഇ​ത് ഒ​ഴു​കി നി​ര​വ​ധി കു​ടി​വെ​ള്ള സ്രോ​തസുക​ൾ ഉ​ള്ള ക​ട്ട​പ്പ​ന​യാ​റി​ലേ​ക്ക് എ​ത്തി​യ​തോ​ടെ ആ​റും പൂ​ർ​ണ മ​ലി​ന​മാ​യിത്തീ​ർ​ന്നു . തു​ട​ർ​ന്ന് ന​ഗ​ര​സ​ഭാ ആ​രോ​ഗ്യ വി​ഭാ​ഗം പ​രി​ശോ​ധ​ന ആ​രം​ഭി​ച്ചു.

ആ​ദ്യ പ​രി​ശോ​ധ​ന​യി​ൽ 12 സ്ഥാ​പ​ന​ങ്ങ​ളും ആറ് വീ​ടു​ക​ളും ക്ര​മ​ക്കേ​ട് ന​ട​ത്തു​ന്ന​താ​യി വ്യ​ക്ത​മാ​യി. തു​ട​ർ​ന്ന് നോ​ട്ടീ​സ് ന​ൽ​കി. 15 ദി​വ​സ​ത്തി​ന​കം മാ​ലി​ന്യം ഒ​ഴു​ക്കു​ന്ന ഹോ​സു​ക​ൾ അ​ട​യ്ക്കു​ക​യും ശു​ചീ​ക​ര​ണ സം​വി​ധാ​നം ഒ​രു​ക്കുകയും ചെയ്യണ​മെ​ന്നും അ​റി​യി​ച്ചു. ന​ട​പ​ടി സ്വീ​ക​രി​ക്കാ​ത്ത കെ​ട്ടി​ട​ങ്ങ​ളു​ടെ മാ​ലി​ന്യം ഒ​ഴു​ക്കു​ന്ന ഹോ​സു​ക​ൾ ന​ഗ​ര​സ​ഭ അ​ട​യ്ക്കു​ക​യും ഇ​വ​ർ​ക്കെ​തി​രേ ന​ട​പ​ടി സ്വീ​ക​രി​ക്കു​ക​യും ചെ​യ്തു.

5,000 മു​ത​ൽ 50,000 രൂ​പ​വ​രെ​യാ​ണ് ഇ​ത്ത​ര​ത്തി​ൽ ക്ര​മ​ക്കേ​ട് കാ​ണി​ക്കു​ന്ന​വ​ർ​ക്കെ​തി​രേ പി​ഴ​ചു​മ​ത്തു​ന്ന​ത്. എ​ന്നാ​ൽ, പ​ല സ്ഥാ​പ​ന​ങ്ങ​ളും മാ​ലി​ന്യം ഒ​ഴു​ക്കു​ന്ന ഹോ​സു​ക​ൾ സ്ലാ​ബു​ക​ളും മ​റ്റും ഉ​പ​യോ​ഗി​ച്ച് മ​റ​വു ചെ​യ്തി​ട്ടു​ണ്ട്.

തു​ട​ർപ​രി​ശോ​ധ​ന​ക​ൾ ന​ട​ത്തി ഇ​വ ക​ണ്ടെ​ത്തും. നി​ല​വി​ൽ ന​ഗ​ര​ത്തി​നു​ള്ളി​ലൂ​ടെ മാ​ലി​ന്യ​വാ​ഹി​നി​യാ​യി ഒ​ഴു​കു​ന്ന കൈ​ത്തോ​ടു​ക​ൾ ന​ഗ​ര​സ​ഭാ ആ​രോ​ഗ്യ​വി​ഭാ​ഗം ശു​ചീ​ക​രി​ച്ചു.