മ​റ​യൂ​ര്‍: കാ​ന്ത​ല്ലൂർ പ​ഞ്ചാ​യ​ത്തി​ലെ പ​യ​സ് ന​ഗ​റി​ൽ അ​യ​ല്‍​വാ​സി​ക​ളാ​യ യു​വാ​ക്ക​ളെ മ​രി​ച്ച നി​ല​യി​ല്‍ ക​ണ്ടെ​ത്തി. ക​രി​മ്പാ​റ സ്വ​ദേ​ശി​ക​ളാ​യ മ​രു​തും​മൂ​ട്ടി​ല്‍ വീ​ട്ടി​ല്‍ ബി​നോ​യി എ​ന്ന് വി​ളി​ക്കു​ന്ന സ​രീഷ് ജോ​ര്‍​ജ് (46), ര​തി​വി​ലാ​സം വീ​ട്ടി​ല്‍ ര​മേ​ശ് (42) എ​ന്നി​വ​രെ​യാ​ണ് മ​രി​ച്ചനി​ല​യി​ല്‍ ക​ണ്ടെ​ത്തി​യ​ത്. സ​രീ​ഷ് ജോ​ര്‍​ജി​നെ സെ​ന്‍റ് പ​യ​സ് കോ​ണ്‍​വെ​ന്‍റ് വ​ക സ്ഥ​ല​ത്തെ കി​ണ​റ്റി​ലും ര​മേ​ശി​നെ വീ​ടി​ന്‍റെ പി​ന്‍​ഭാ​ഗ​ത്തു​ള്ള മ​ര​ത്തി​ല്‍ തൂ​ങ്ങി​മ​രി​ച്ച നി​ല​യി​ലു​മാ​ണ് ക​ണ്ടെ​ത്തി​യ​ത്.

വ്യാ​ഴാ​ഴ്ച രാ​വി​ലെ കോ​ണ്‍​വെ​ന്‍റ് വ​ക സ്ഥ​ല​ത്തെ കി​ണ​റ്റി​ലെ ഫു​ട് വാ​ൽ​വി​ൽ വെ​ള്ളം നി​റ​യ്ക്കാനെ​ത്തി​യ​വ​രാ​ണ് കി​ണ​റ്റി​ല്‍ മൃ​ത​ദേ​ഹം ക​ണ്ട​ത്.​ പി​ന്നീ​ട് മ​റ​യൂ​ര്‍ പോ​ലീ​സ് എ​ത്തി ന​ട​ത്തി​യ അ​ന്വേ​ഷ​ണ​ത്തി​ലാ​ണ് മ​രി​ച്ച​ത് സ​രീ​ഷാ​ണെ​ന്ന് തി​രി​ച്ച​റി​ഞ്ഞ​ത്. രാ​വി​ലെ ഏ​ഴോ​ടെ​യാ​ണ് മൃ​ത​ദേ​ഹം ക​ണ്ടെ​ത്തി​യ​ത്. ഇ​തി​നി​ടെ​യാ​ണ് ര​മേ​ശി​നെ വീ​ടി​ന്‍റെ പി​ന്‍​ഭാ​ഗ​ത്തു​ള്ള മ​ര​ത്തി​ല്‍ തൂ​ങ്ങിമ​രി​ച്ച നി​ല​യി​ല്‍ ക​ണ്ട​ത്.

സ​രീ​ഷ് തി​ങ്ക​ളാ​ഴ് ഉ​ച്ച​യ്ക്ക് ഒ​ന്നി​ന് ര​മേ​ശി​നൊ​പ്പം പോ​യ​താ​ണെ​ന്നും പി​ന്നീ​ട് തി​രി​കെ എ​ത്തി​യി​ട്ടി​ല്ലെ​ന്നും മാ​താ​വ് മൊ​ഴി ന​ല്‍​കി.​

തി​ങ്ക​ളാ​ഴ്ച്ച ഇ​രു​വ​രും ഒ​രു​മി​ച്ചുപോ​കു​ന്ന​തു ക​ണ്ട​താ​യി പ​രി​സ​ര​വാ​സി​ക​ള്‍ പ​റ​ഞ്ഞു. മൂ​ന്നാ​റി​ല്‍നി​ന്നു ഫ​യ​ര്‍ ഫോ​ഴ്സ് ഉ​ദ്യോ​ഗ​സ്ഥ​ര്‍ എ​ത്തി​യാ​ണ് കി​ണ​റ്റി​ല്‍നി​ന്നു മൃ​ത​ദേ​ഹം പു​റ​ത്തെ​ടു​ത്ത​ത്. കി​ണ​റി​ന് സ​മീ​പ​ത്തുനി​ന്നും മ​ദ്യ​ക്കു​പ്പി​യും ഗ്ലാ​സും ഉ​പ​യോ​ഗി​ച്ച ശേ​ഷം ഒ​ഴി​ഞ്ഞനി​ല​യി​ല്‍ ക​ണ്ടെ​ത്തി.

മ​റ​യൂ​ര്‍ പോ​ലീ​സ് ഇ​ന്‍​സ്പെ​ക്ട​ര്‍ ടി.​ആ​ർ. ജി​ജു, എ​സ്എച്ച്ഒ മാ​ഹി​ന്‍ എ​ന്നി​വ​രു​ടെ നേ​തൃ​ത്വ​ത്തി​ല്‍ ഇ​ന്‍​ക്വ​സ്റ്റ് തയാ​റാ​ക്കി മൃ​ത​ദേ​ഹ​ങ്ങ​ള്‍ പോ​സ്റ്റു​മാ​ര്‍​ട്ട​ത്തി​നാ​യി കോ​ട്ട​യം മെ​ഡി​ക്ക​ല്‍ കോ​ള​ജി​ല്‍ എ​ത്തി​ച്ചു. പെ​യി​ന്‍റിം​ഗ് തൊ​ഴി​ലാ​ളി​യാ​യ ര​മേ​ശ് അ​വി​വാ​ഹി​ത​നാ​ണ്. പി​താ​വ് രാ​ജു, മാ​താ​വ് ല​ളി​ത.

ഗ​ള്‍​ഫി​ല്‍ ജോ​ലി ചെ​യ്തി​രു​ന്ന സ​രീ​ഷ് മ​ട​ങ്ങി​യെ​ത്തി​യ ശേ​ഷം നാ​ട്ടി​ല്‍ പ്ലമ്പിം​ഗ് ജോ​ലി ചെ​യ്തു​വ​രിക​യാ​യി​രു​ന്നു. പി​താ​വ്: ജോ​ര്‍​ജ്, മാ​താ​വ്: ഗ്രേ​സി​മ​ണി, ഭാ​ര്യ: ബി​ന്ദു, മ​ക്ക​ള്‍: ഷാ​രോ​ണ്‍ ജോ​ര്‍​ജ് സ​രീ​ഷ്, മ​ല്‍​റ്റ മ​രി​യ സ​രീ​ഷ്