രാ​ജാ​ക്കാ​ട്: ​ന​വ​കേ​ര​ള സ​ദ​സി​ന്‍റെ ഭാ​ഗ​മാ​യി ഇ​ടു​ക്കി​യി​ലെ എ​ല്ലാ നി​യോ​ജ​ക മ​ണ്ഡ​ല കേ​ന്ദ്ര​ങ്ങ​ളി​ലും എ​ത്തു​ന്ന​ മ​ന്ത്രി​മാ​ർ അ​റി​യാ​ൻ രാ​ജാ​ക്കാ​ടി​ന്‍റെ വി​ക​സ​ന സ്വ​പ്ന​ങ്ങ​ൾ പ​ങ്കു​വ​യ്ക്കും. ആ​രോ​ഗ്യ മേ​ഖ​ല​യി​ൽ വ​ള​രെ പ​രി​മി​തി​ക​ളു​ള്ള രാ​ജാ​ക്കാ​ട് 35 വ​ർ​ഷ​ങ്ങ​ൾ​ക്കു മു​ൻ​പ് തു​ട​ങ്ങി​യ പ്രാ​ഥ​മി​കാ​രോ​ഗ്യ​കേ​ന്ദ്ര​ത്തി​ൽ സ്റ്റാ​ഫ് പാ​റ്റേ​ൺ പോ​ലും പൂ​ർ​ത്തി​യാ​ക്കി​യി​ട്ടി​ല്ല. ആ​ശു​പ​ത്രി​യു​ടെ പ​ദ​വി സാ​മൂ​ഹ്യാ​രോ​ഗ്യ കേ​ന്ദ്രം ആ​ക്കി ഉ​യ​ർ​ത്തി എ​ന്ന​തു മാ​ത്ര​മാ​ണ് ഇ​തു​വ​രെ ഉ​ണ്ടാ​യി​ട്ടു​ള്ള​ത്.

നെ​ടു​ങ്ക​ണ്ടം ബ്ലോ​ക്ക് പ​ഞ്ചാ​യ​ത്തി​ന് കീ​ഴി​ലു​ള്ള സ്ഥാ​പ​ന​ത്തി​ൽ വ​ർ​ഷാ​വ​ർ​ഷം കെ​ട്ടി​ട​ങ്ങ​ളും മ​റ്റു സൗ​ക​ര്യ​ങ്ങ​ളും നി​ർ​മി​ക്കു​ന്നു​ണ്ടെ​ങ്കി​ലും കി​ട​ത്തി ചി​കി​ത്സ ന​ട​ക്കു​ന്നി​ല്ല.​ ഡീ​ൻ കു​ര്യാ​ക്കോ​സ് എംപി വ​നി​താ വാ​ർ​ഡി​നാ​യി ഫ​ണ്ടും ന​ൽ​കി​യി​ട്ടു​ണ്ട്.​ സ​മീ​പ​ത്തെ ഏഴു പ​ഞ്ചാ​യ​ത്തി​ലെ ജ​ന​ങ്ങ​ൾ​ക്ക് ചി​കി​ത്സ ല​ഭി​ക്കു​വാ​നു​ള്ള സിഎ​ച്ച്സിയി​ൽ ആ​വ​ശ്യ​മാ​യ ഡോ​ക്‌ട​ർ​മാ​രെയും സ്റ്റാ​ഫ് നഴ്സുമാരെയും പാ​രാ​മെ​ഡി​ക്ക​ൽ സ്റ്റാ​ഫി​നെ​യും നി​യ​മി​ച്ച് കി​ട​ത്തിച്ചി​കി​ത്സ ആ​രം​ഭി​ക്ക​ണ​മെ​ന്നും ര​ണ്ടു മാ​സ​മാ​യി വി​ത​ര​ണം നി​ല​ച്ച ഇ​ൻ​സു​ലി​ൻ പോ​ലു​ള്ള മ​രു​ന്നു​ക​ൾ എ​ത്തി​ക്ക​ണ​മെ​ന്ന​തു​മാ​ണ് പ്ര​ധാ​ന ആ​വ​ശ്യം.

നി​ര​വ​ധി അ​ബ്കാ​രി, മ​യ​ക്കു​മ​രു​ന്ന് കേ​സു​ക​ളു​ള്ള മേ​ഖ​ല​യി​ൽ എ​ക്സൈ​സ് ഓ​ഫീ​സ് അ​നു​വ​ദി​ക്കു​മെ​ന്നു​ള്ള പ്ര​ഖ്യാ​പ​ന​വും അ​ഗ്നി​ശ​മ​ന സേ​നാ ഓ​ഫീ​സ് സ്ഥാ​പി​ക്കു​മെ​ന്നു​ള്ള പ്ര​ഖ്യാ​പ​ന​വും ന​ട​പ്പി​ലാ​യി​ട്ടി​ല്ല.​ കോ​ട​തി​യു​ടെ ആ​വ​ശ്യം സ​ർ​ക്കാ​രി​ൽ അ​റി​യി​ച്ചി​ട്ടു​ണ്ടെ​ങ്കി​ലും ഇ​തുവ​രെ പ്ര​തീ​ക്ഷ മാ​ത്ര​മാ​ണു​ള്ള​ത്. ടൂ​റി​സം രം​ഗ​ത്ത് ഏ​റെ സാ​ധ്യ​ത​ക​ളു​ള്ള ക​ള്ളി​മാ​ലി വ്യൂ ​പോ​യി​ന്‍റ് പ​ദ്ധ​തി​യു​ടെ ഗു​ണം ല​ഭ്യ​മാ​ക്കാ​ൻ ടൂ​റി​സം ഡി​പ്പാ​ർ​ട്ടു​മെ​ന്‍റി​ന് സാ​ധി​ച്ചി​ട്ടി​ല്ല.​

ആ​ന​പ്പാ​റ, ക​ന​ക​ക്കു​ന്ന്, കു​ര​ങ്ങു​പാ​റ, കു​ത്തു​ങ്ക​ൽ വി​നോ​ദ സ​ഞ്ചാ​ര പ​ദ്ധ​തി​ക​ളും ആ​ലോ​ച​ന​ക​ളി​ൽ മാ​ത്ര​മാ​ണ്.​ഭൂ​മി പ്ര​ശ്നം പ​രി​ഹ​രി​ക്ക​പ്പെ​ടാ​ത്ത​തി​നാ​ൽ ക​ട​മു​റി​ക​ൾ ഇ​രി​ക്കു​ന്ന സ്ഥ​ല​ങ്ങ​ൾ​ക്ക് പ​ല​തി​നും പ​ട്ട​യ​മി​ല്ല.​ ന​വീ​ക​ര​ണം ന​ട​ത്തു​ന്ന​തി​നും വാ​യ്പ എ​ടു​ക്കു​ന്ന​തി​നുമെ​ല്ലാം ത​ട​സ​ങ്ങ​ളു​ണ്ട്. വ​ലി​യ​ക​ണ്ടം എ​ന്ന​റി​യ​പ്പെ​ട്ടി​രു​ന്ന രാ​ജാ​ക്കാ​ട്ട് നെ​ൽ​കൃ​ഷി നി​ല​ച്ചി​ട്ട് വ​ർ​ഷ​ങ്ങ​ളാ​യി.

വെ​ള്ളം വ​റ്റി​യ പാ​ട​ങ്ങ​ളി​ൽ മ​റ്റു പ​ച്ച​ക്ക​റി കൃ​ഷി​ക​ൾ ചെ​യ്യു​ന്ന ക​ർ​ഷ​ക​ർ​ക്ക് ജ​ല​സേ​ച​ന സൗ​ക​ര്യ​ങ്ങ​ൾ ഉ​റ​പ്പാ​ക്ക​ണ​മെ​ന്നും നെ​ൽ​കൃ​ഷി​ക്ക് യോ​ഗ്യ​മ​ല്ലാ​ത്ത നി​ലം മ​റ്റു കൃ​ഷി​ക​ൾ ന​ട​ത്തു​ന്ന​തി​ന് ക​ർ​ഷ​ക​ന് അ​വ​കാ​ശം ന​ൽ​ക​ണ​മെ​ന്നും ആ​വ​ശ്യ​മു​ണ്ട്. നി​ര​വ​ധി കാ​യി​ക താ​ര​ങ്ങ​ളു​ള്ള മേ​ഖ​ല​യി​ൽ 400 മീ​റ്റ​ർ സി​ന്ത​റ്റി​ക് ട്രാ​ക്കോ​ട് കൂ​ടി​യ ക​ളി​സ്ഥ​ലം അ​നു​വ​ദി​ക്ക​ണ​മെ​ന്നും പ​ഞ്ചാ​യ​ത്ത് ഓ​ഫീ​സ് കെ​ട്ടി​ട​ത്തി​ന്‍റെ പ​ണി​ക​ൾ ഉ​ട​ൻ പൂ​ർ​ത്തി​യാ​ക്കാ​ൻ ന​ട​പ​ടി വേ​ണ​മ​ന്നു​മാ​ണ് പ്ര​ധാ​ന സ്വ​പ്ന​ങ്ങ​ൾ.