നെ​ടു​ങ്ക​ണ്ടം: ഉ​ടു​മ്പ​ന്‍​ചോ​ല​യി​ലെ​ത്തു​ന്ന മു​ഖ്യ​മ​ന്ത്രി പി​ണ​റാ​യി വി​ജ​യ​ന് സ​മ്മാ​നി​ക്കാ​ന്‍ കാ​ര്‍​ഷി​കോത്പ​ന്ന​ങ്ങ​ള്‍ കൊ​ണ്ട് മു​ഖ്യ​മ​ന്ത്രി​യു​ടെ ചി​ത്രം നി​ര്‍​മി​ച്ചി​രി​ക്കു​ക​യാ​ണ് രാ​മ​ക്ക​ല്‍​മേ​ട് ഇ​ട​ത്ത​റ​മു​ക്ക് പ്രി​ന്‍​സ് ഭ​വ​നി​ല്‍ പ്രി​ന്‍​സ് ഭു​വ​ന​ച​ന്ദ്ര​ന്‍. മു​ഖ്യ​മ​ന്ത്രി​യും 20 മ​ന്ത്രി​മാ​രും പ​ങ്കെ​ടു​ക്കു​ന്ന നെ​ടു​ങ്ക​ണ്ട​ത്തെ ന​വ​കേ​ര​ള സ​ദ​സി​ല്‍ ചി​ത്രം മു​ഖ്യ​മ​ന്ത്രി​ക്ക് സ​മ്മാ​നി​ക്കും.

ഇ​ടു​ക്കി​യു​ടെ സ്വ​ത്താ​യ സു​ഗ​ന്ധ വ്യ​ഞ്ജ​ന​ങ്ങ​ള്‍, നാ​ണ്യവി​ള​ക​ള്‍, ഭ​ക്ഷ്യ​വി​ള​ക​ള്‍ എ​ന്നി​വ​കൊ​ണ്ടാ​ണ് മു​ഖ്യ​മ​ന്ത്രി​യു​ടെ ചി​ത്രം തീ​ര്‍​ത്തി​രി​ക്കു​ന്ന​ത്. മു​ഖ്യ​മ​ന്ത്രി​യു​ടെ മു​ഖം ക​റു​ത്ത കു​രു​മു​ള​കും വെ​ള്ള​ക്കു​രു​മു​ള​കും കൊ​ണ്ടാ​ണ് വ​ര​ച്ചി​രി​ക്കു​ന്ന​ത്. ഷ​ര്‍​ട്ട് ക​പ്പ​കൊ​ണ്ടും വ​ര​ച്ചു. 20 മ​ന്ത്രി​മാ​രെ പ്ര​തി​നി​ധാ​നം ചെ​യ്ത് 20 ഇ​നം കാ​ര്‍​ഷികോത്പ​ന്ന​ങ്ങ​ള്‍ ഉ​പ​യോ​ഗി​ച്ചാ​ണ് ചി​ത്ര​ത്തി​ന്‍റെ ബാ​ക്ഗ്രൗ​ണ്ട് ഒ​രു​ക്കി​യി​രി​ക്കു​ന്ന​ത്.

ഏ​ല​ക്കാ, ചേ​മ്പ്, ചേ​ന, കാ​പ്പി, ഇ​ഞ്ചി, ജാ​തി, മ​ഞ്ഞ​ള്‍, പ​ച്ച​ക്ക​റി​ക​ള്‍ തു​ട​ങ്ങി​യ ഇ​ന​ങ്ങ​ളാ​ണ് ഇ​തി​നാ​യി ഉ​പ​യോ​ഗി​ച്ച​ത്. ഇ​തി​ലൂ​ടെ കാ​ര്‍​ഷി​ക മേ​ഖ​ല​യു​ടെ പ്ര​ശ്‌​ന​ങ്ങ​ള്‍​ക്കൂ​ടി മ​ന്ത്രി​മാ​രെ അ​റി​യി​ക്കു​ക എ​ന്ന ല​ക്ഷ്യം ഉ​ണ്ടെ​ന്നും പ്രി​ന്‍​സ് പ​റ​ഞ്ഞു. ഒ​രാ​ഴ്ച​കൊ​ണ്ടാ​ണ് ഏ​റെ ശ്ര​മ​ക​ര​മാ​യി ചി​ത്രം പൂ​ര്‍​ത്തി​യാ​ക്കി​യ​ത്. സ്‌​കൂ​ളു​ക​ളി​ലെ പ​ല​വി​ധ നി​ര്‍​മി​തി​ക​ള്‍ കൊ​ണ്ട് പ്ര​ശ​സ്ത​നാ​ണ് വെ​ല്‍​ഡിം​ഗ് സ്ഥാ​പ​നം ന​ട​ത്തു​ന്ന പ്രി​ന്‍​സ്.

പ്രി​ന്‍​സി​ന് ഇ​തി​ലൂ​ടെ നി​ര​വ​ധി പു​ര​സ്‌​കാ​ര​ങ്ങ​ളും ല​ഭി​ച്ചി​ട്ടു​ണ്ട്. പ​തി​ന​ഞ്ചാം വി​വാ​ഹ വാ​ര്‍​ഷി​ക​ത്തി​ല്‍ ഭാ​ര്യ രാ​ജി​ക്ക് 35 കി​ലോ​യോ​ളം തൂ​ക്കം വ​രു​ന്ന റോ​സാ​പ്പൂ നി​ര്‍​മി​ച്ച് സ​മ്മാ​നി​ച്ച​ത് ജ​ന​ശ്ര​ദ്ധ ആ​ക​ര്‍​ഷി​ച്ചി​രു​ന്നു.