കരി​മ്പ​ൻ: കാ​സ​ർ​ഗോ​ട്ടുനി​ന്ന് ആ​രം​ഭി​ച്ച സ​ഞ്ച​രി​ക്കു​ന്ന കാ​ബി​ന​റ്റ് എ​ന്ന് വി​ശേ​ഷി​പ്പി​ക്കാ​വു​ന്ന ന​വകേ​ര​ള സ​ദ​സ് ഇ​ടു​ക്കി​യി​ൽ എ​ത്തു​മ്പോ​ൾ മ​ല​യോ​ര ജ​ന​ത​യു​ടെ ആ​ശ​ങ്ക​ക​ളും ആ​കു​ല​ത​ക​ളും പ​ങ്കു​വ​ച്ച് ഇ​ടു​ക്കി രൂ​പ​ത ഭീ​മ​ഹ​ർ​ജി സ​മ​ർ​പ്പി​ക്കും.

ഭൂ​പ്ര​ശ്ന​ങ്ങ​ൾ

ഇ​ടു​ക്കി​യു​ടെ ശാ​പ​മാ​ണ് അ​ന​ന്ത​മാ​യി നീ​ളു​ന്ന ഭൂ​പ്ര​ശ്ന​ങ്ങ​ൾ. മൂ​ന്നാ​റി​നെ സം​ര​ക്ഷി​ക്കാ​നെ​ന്ന പേ​രി​ൽ സൃ​ഷ്ടി​ക്ക​പ്പെ​ട്ട സ​ങ്കീ​ർ​ണ​മാ​യ ഭൂ​പ്ര​ശ്ന​ങ്ങ​ൾ ഇ​ടു​ക്കി​യി​ലെ ജ​ന​ങ്ങ​ൾ അ​നു​ഭ​വി​ക്കു​ക​യാ​ണ്. ബ​ഫ​ർ സോ​ൺ, നി​ർ​മാ​ണ നി​രോ​ധ​നം, സം​ര​ക്ഷി​ത വ​ന​മേ​ഖ​ല പ്ര​ഖ്യാ​പ​നം തു​ട​ങ്ങി​യ​വ​യെ​ല്ലാം ഈ ​നാ​ടി​നെ നാ​ൾ​ക്കു​നാ​ൾ പി​ന്നി​ലേ​ക്കു ത​ള്ളു​ന്നു.

ഏ​റ്റ​വും ഒ​ടു​വി​ലാ​യി വ​ന്ന ചി​ന്ന​ക്ക​നാ​ൽ റി​സ​ർ​വ് പ്ര​ഖ്യാ​പ​ന​ം ജ​ന​ത്തെ ആ​ശ​ങ്ക​യി​ലേ​ക്ക് ത​ള്ളി​വി​ട്ടു. വ​നംവ​കു​പ്പ് ഉ​ദ്യോ​ഗ​സ്ഥ​രാ​ണ് വി​ഷ​യ​ങ്ങ​ൾ സ​ങ്കീ​ർ​ണ​മാക്കുന്ന​തെ​ന്ന് ഭ​ര​ണ​പ​ക്ഷ എം​എ​ൽ​എ പോ​ലും പ്ര​ഖ്യാ​പി​ച്ചി​രി​ക്കു​ന്നു. അ​ങ്ങ​നെ​യെ​ങ്കി​ൽ വ​നം​വ​കു​പ്പി​നെ നി​യ​ന്ത്രി​ക്കാ​ൻ സ​ർ​ക്കാ​ർ ത​യാ​റാ​ക​ണം.

സ​മാ​ന്ത​ര സ​ർ​ക്കാ​രാ​യി പ്ര​വ​ർ​ത്തി​ക്കു​ന്ന കേ​ര​ള വ​നംവ​കു​പ്പ് അ​വ​രു​ടെ ക​ർ​ത്ത​വ്യ​മാ​യ വ​നം - വ​ന്യജീ​വി പ​രി​പാ​ല​ന​ത്തി​നു​പ​രി​യാ​യി സാ​ധാ​ര​ണ ജ​ന​ങ്ങ​ളെ ബു​ദ്ധി​മു​ട്ടി​ക്കാ​നാ​ണ് ശ്ര​മി​ക്കു​ന്ന​ത്. 1960ലെ ​ഭൂ​പ​തി​വ് നി​യ​മ​പ്ര​കാ​രം പ​തി​ച്ചു ന​ൽ​കി​യ ഭൂ​മി സ്വ​ത​ന്ത്ര​മാ​യി ഉ​പ​യോ​ഗി​ക്കാ​ൻ ക​ർ​ഷ​ക​ർ​ക്ക് അ​നു​മ​തി ന​ൽ​ക​ണം.

2019 ഓ​ഗ​സ്റ്റ് 22ന് ​പു​റ​പ്പെ​ടു​വി​ച്ച നി​ർ​മാ​ണ നി​രോ​ധ​ന നി​യ​മം പി​ൻ​വ​ലി​ക്ക​ണം. ന​വകേ​ര​ള യാ​ത്ര​യു​ടെ ഭാ​ഗ​മാ​യി കു​മ​ളി​യി​ൽ ചേ​രു​ന്ന മ​ന്ത്രി​സ​ഭാ യോ​ഗ​ത്തി​ൽ പ​രി​ഹ​രി​ക്കാ​വു​ന്ന വി​ഷ​യ​ങ്ങ​ളേ ഇ​ടു​ക്കി​യി​ൽ ഉള്ളൂ.

വ​ന്യ​മൃ​ഗ​ശ​ല്യം

കു​ടി​യേ​റ്റക്കാ​ല​ത്തെ വെ​ല്ലു​ന്ന ത​ര​ത്തി​ലു​ള്ള വ​ന്യ​മൃ​ഗശ​ല്യ​മാ​ണ് ഇ​പ്പോ​ൾ ഇ​ടു​ക്കി​യി​ലു​ള്ള​ത്. കൃ​ഷി സാ​ധ്യ​മ​ല്ലാ​ത്ത വി​ധ​ത്തി​ലേ​ക്ക് വ​ന്യ​മൃ​ഗശ​ല്യം മാ​റി​ക്ക​ഴി​ഞ്ഞു. ആ​ളു​ക​ളു​ടെ ജീ​വ​നും ഇ​പ്പോ​ൾ അ​പ​ക​ട​ത്തി​ലാ​ണ്. വ​ന്യ​മൃ​ഗ​ങ്ങ​ളെ വ​ന​ത്തി​ൽ നി​യ​ന്ത്രി​ക്കു​ന്ന​തി​നു​ള്ള പ്രാ​യോ​ഗി​ക ന​ട​പ​ടി​ക​ൾ സ​ർ​ക്കാ​ർ ത്വ​രി​ത​പ്പെ​ടു​ത്ത​ണം.

നാ​ണ്യ​വി​ള​ക​ളു​ടെ വി​ല​യി​ടി​വ്

പൂ​ർ​ണ​മാ​യും കാ​ർ​ഷി​ക മേ​ഖ​ല​യാ​യ ഇ​ടു​ക്കി നാ​ണ്യ​വി​ള​ക​ളു​ടെ വി​ല​യി​ടി​വു​മൂ​ലം പ്ര​തി​സ​ന്ധി​യി​ലാ​ണ്. ഇ​തി​ൽ സ​ർ​ക്കാ​രി​ന്‍റെ സ​ത്വ​ര ​ശ്ര​ദ്ധ ഉ​ണ്ടാ​ക​ണം.​ഏ​ലം മേ​ഖ​ല​യി​ലെ പ്ര​തി​സ​ന്ധി​ക​ൾ പ​രി​ഹ​രി​ക്ക​പ്പെ​ട​ണം. ലേ​ല ഏ​ജ​ൻ​സി​ക​ൾ ക​ർ​ഷ​ക​ർ​ക്ക് സ​മ​യ​ബ​ന്ധി​ത​മാ​യി പ​ണം ന​ൽ​കാ​ൻ ന​ട​പ​ടി ഉ​ണ്ടാ​ക​ണം. ഉ​ത്പാ​ദ​ന​ത്തി​ന​നു​സ​രി​ച്ചു​ള്ള മാ​ർ​ക്ക​റ്റ് ക​ണ്ടെ​ത്തി ക​ർ​ഷ​ക​രെ സ​ഹാ​യി​ക്കാ​ൻ സ്പൈ​സ​സ് ബോ​ർ​ഡ് ന​ട​പ​ടി വേ​ണം.

പ​ച്ച​പി​ടി​ക്കാ​ത്ത ടൂ​റി​സം

ടൂ​റി​സ​ത്തി​ന്‍റെ ക​ല​വ​റ​യാ​ണ് ഇ​ടു​ക്കി. ധാ​രാ​ളം വ​ശ്യ​മ​നോ​ഹ​ര​മാ​യ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ൾ ഇ​ടു​ക്കി​യി​ൽ ഉ​ണ്ട്. അ​വ​യെ വ​ള​ർ​ത്തു​ന്ന​തി​നു​ള്ള ന​ട​പ​ടി​ക​ൾ സർ​ക്കാ​ർ​ ത​ല​ത്തി​ൽ ഉ​ണ്ടാ​കു​ന്നി​ല്ല. ഇ​ടു​ക്കി​യു​ടെ ടൂ​റി​സം സാ​ധ്യ​ത​ക​ളെ ക​ണ്ടെ​ത്തു​ന്ന​തി​നു​ള്ള മാ​സ്റ്റ​ർ പ്ലാ​ൻ അ​ടി​യ​ന്തര​മാ​യി ത​യാ​റാ​ക്കു​ക​യും അ​ത് ക​ർ​മ​പ​ഥ​ത്തി​ൽ എ​ത്തി​ക്കു​ക​യും ചെ​യ്യ​ണം.

ആ​ശ​ങ്ക​യൊ​ഴി​യാ​ത്ത മു​ല്ല​പ്പെരി​യാ​ർ

മ​ഴ​ക്കാ​ലമാ​കു​മ്പോ​ൾ ത​ല​പൊ​ക്കു​ക​യും പി​ന്നീ​ട് ശാ​ന്ത​മാ​വു​ക​യും ചെ​യ്യു​ന്ന ഗൗ​ര​വ​ത​ര​മാ​യ വി​ഷ​യ​മാ​ണ് മു​ല്ല​പ്പെ​രി​യാ​ർ ഡാ​മി​ന്‍റെ സു​ര​ക്ഷ. ഡാം ​ഉ​യ​ർ​ത്തു​ന്ന ആ​ശ​ങ്ക വ​ലു​താ​ണെ​ന്ന് രാ​ജ്യാ​ന്ത​ര​ത​ല​ത്തി​ൽ പോ​ലും ച​ർ​ച്ച​യാ​യി​രി​ക്കു​ന്ന ​സാ​ഹ​ച​ര്യ​ത്തി​ൽ ശാ​ശ്വ​ത പ​രി​ഹാ​രം ക​ണ്ടെ​ത്താ​ൻ കേ​ര​ള സ​ർ​ക്കാ​ർ മു​ൻ​കൈ​യെ​ടു​ക്ക​ണം. ത​മി​ഴ്നാ​ടി​ന് ജ​ല​വും കേ​ര​ള​ത്തി​ന് സു​ര​ക്ഷ​യും എ​ന്ന ന​യ​ത്തി​ൽ നി​ന്നു​ള്ള പ​രി​ഹാ​ര​മാ​ർ​ഗ​മാ​ണ് ഉ​ണ്ടാ​കേ​ണ്ട​ത്.

മു​ല്ല​പ്പെ​രി​യാ​ർ ഡാ​മി​ൽ ജ​ലമ​ർദം വ​ർ​ധി​ക്കു​ന്ന​ത് അ​പ​ക​ട​ക​ര​മാ​ണെ​ന്ന് വി​ദ​ഗ്ധ​ർ അ​ഭി​പ്രാ​യ​പ്പെ​ടു​ന്നു. 110 അ​ടി​യി​ൽ സം​ഭ​ര​ണം ക്ര​മ​പ്പെ​ടു​ത്തി കൂ​ടു​ത​ലാ​യി എ​ത്തു​ന്ന വെ​ള്ളം ത​മി​ഴ്നാ​ട്ടി​ലേ​ക്ക് ഒ​ഴു​ക്കി അ​വി​ടെ സം​ഭ​രി​ക്കു​ന്ന​തി​നു​ള്ള ക്ര​മീ​ക​ര​ണ​ങ്ങ​ൾ ചെ​യ്യ​ണം.

ര​ണ്ടു സം​സ്ഥാ​ന​ങ്ങ​ളു​ടെ​യും മു​ഖ്യ​മ​ന്ത്രി​മാ​ർ ഒ​രു​മി​ച്ചി​രു​ന്ന് ച​ർ​ച്ച ന​ട​ത്തി ഈ ​വി​ഷ​യം പ​രി​ഹ​രി​ക്കാ​വു​ന്ന​തേ​യു​ള്ളൂ. അ​തി​നു മു​ഖ്യ​മ​ന്ത്രി പി​ണ​റാ​യി വി​ജ​യ​ൻ മു​ൻ​കൈ​യെ​ടു​ക്ക​ണം. കേ​ര​ള​ത്തോ​ട് സൗ​ഹാ​ർ​ദം പു​ല​ർ​ത്തു​ന്ന ത​മി​ഴ്നാ​ട് മു​ഖ്യ​മ​ന്ത്രി​യെ വി​ഷ​യം ബോ​ധ്യപ്പെടു​ത്താ​ൻ ക​ഴി​ഞ്ഞാ​ൽ പ്ര​ശ്നപ​രി​ഹാ​ര​മു​ണ്ടാ​കും.

റോ​ഡു​ക​ൾ വി​ക​സി​പ്പി​ക്ക​ണം

ഇ​ടു​ക്കി​യി​ലെ റോ​ഡു​ക​ൾ പൊ​തു​വേ ഗ​താ​ഗ​ത​യോ​ഗ്യ​മാ​ണെ​ങ്കി​ലും ഉ​ൾ​നാ​ട​ൻ ഗ്രാ​മ​ങ്ങ​ളി​ലെ റോ​ഡു​ക​ളു​ടെ കാ​ര്യ​ത്തി​ൽ കൂ​ടു​ത​ൽ ശ്ര​ദ്ധ ഉ​ണ്ടാ​ക​ണം. മ​റ്റ് സ്ഥ​ല​ങ്ങ​ളെ അ​പേ​ക്ഷി​ച്ച് വീ​തിക്കു​റ​വും വ​ള​വു​ക​ളും ഇ​വി​ടെ യാ​ത്ര ദു​ർ​ഘ​ട​മാ​ക്കു​ന്നു​. റോ​ഡു​ക​ൾ​ക്ക് ഓ​ട ഇ​ല്ലാ​ത്ത​തും റോ​ഡ് സൈ​ഡി​ൽ കാ​ട് വ​ള​രു​ന്ന​തും ഡ്രൈ​വ​ർ​മാ​രു​ടെ കാ​ഴ്ച മ​റ​യ്ക്കാ​ൻ​ കാ​ര​ണ​മാ​വു​ക​യും അ​പ​ക​ട​ങ്ങ​ൾ ഉണ്ടാകു​ക​യും ചെ​യ്യു​ന്നു.

ഇ​ടു​ക്കി​യെ കേ​ര​ള​ത്തി​ന്‍റെ പ്ര​ധാ​ന പ​ട്ട​ണ​ങ്ങ​ളു​മാ​യി ബ​ന്ധി​പ്പി​ക്കു​ന്ന നാ​ലു​വ​രി​പ്പാ​ത​ക​ൾ നി​ർ​മി​ച്ചാ​ൽ ഈ ​നാ​ടി​ന്‍റെ ഗ​ണ്യ​മാ​യ വ​ള​ർ​ച്ച​യ്ക്ക് ഉ​പ​ക​രി​ക്കാ​നാ​കും. ആ​രോ​ഗ്യ മേ​ഖ​ല​യ്ക്കും ഗു​ണ​ക​ര​മാ​കും. വി​ദ​ഗ്ദ ഡോ​ക്ട​ർ​മാ​ർ ഇ​ടു​ക്കി​യി​ലെ​ത്തി ജോ​ലി​ചെ​യ്യാ​നു​ള്ള വൈ​മു​ഖ്യവും ഒ​ഴി​വാ​കും.

അ​വ​ശ​ത​യി​ലാ​യ ആ​രോ​ഗ്യ​മേ​ഖ​ല

പ​രി​താ​പ​ക​ര​മാ​ണ് ഇ​ടു​ക്കി​യി​ലെ ആ​രോ​ഗ്യ മേ​ഖ​ല. വി​ദ​ഗ്ധ ചി​കി​ത്സ​ ല​ഭ്യ​മാ​ക്കാ​നു​ള്ള ഒ​രു സാ​ധ്യ​ത​യും നി​ല​വി​ൽ ഇ​ടു​ക്കി​യി​ൽ ഇ​ല്ല. മൂ​ന്നും നാ​ലും മ​ണി​ക്കൂ​ർ എ​ടു​ക്കും രോ​ഗി​യെ നാ​ട്ടി​ൻ​പു​റ​ത്തു​ള്ള ഒ​രു ആ​ശു​പ​ത്രി​യി​ൽ എ​ത്തി​ക്കാ​ൻ.

ഒ​രു സൂ​പ്പ​ർ സ്പെ​ഷാലി​റ്റി ആ​ശു​പ​ത്രി ഇ​ടു​ക്കി​യി​ൽ ഉ​ണ്ടാ​ക​ണം. മെ​ഡി​ക്ക​ൽ കോ​ള​ജ് ഉ​ണ്ടാ​യെ​ങ്കി​ലും മെ​ഡി​ക്ക​ൽ കോ​ള​ജ് ആ​ശു​പ​ത്രി​യു​ടെ അ​വ​സ്ഥ ദ​യ​നീ​യ​മാ​ണ്. ജി​ല്ലാ ആ​ശു​പ​ത്രി​യി​ലും താ​ലൂ​ക്ക് ആ​ശു​പ​ത്രി​യി​ലും അ​ടി​യ​ന്തര​മാ​യി വി​ദ​ഗ്ധ ഡോ​ക്ട​ർ​മാ​രെ നി​യ​മി​ക്കു​ക​യും ചി​കി​ത്സാ സൗ​ക​ര്യ​ങ്ങ​ൾ ഉ​റ​പ്പാ​ക്കു​ക​യും വേ​ണം.

കു​ടി​യി​റ​ങ്ങു​ന്ന ഹൈ​റേ​ഞ്ച്

കു​ടി​യേ​റ്റ നാ​ടാ​യ ഇ​ടു​ക്കി ഇ​ന്ന് കു​ടി​യി​റ​ക്ക് ഭീ​ഷ​ണി​യി​ലാ​ണ്. ദി​നം​പ്ര​തി ഇ​വി​ടെ ആ​ളു​ക​ൾ കു​റ​യു​ക​യാ​ണ്. കാ​ർ​ഷി​ക മേ​ഖ​ല​യു​ടെ ത​ക​ർ​ച്ച​യും വ​രു​മാ​ന​സ്രോ​ത​സു​ക​ളു​ടെ ദൗ​ർ​ല​ഭ്യ​വു​മാ​ണ് പു​തു​ത​ല​മു​റ​യെ ഇ​വി​ടെ​നി​ന്ന് കു​ടി​യി​റ​ങ്ങാ​ൻ നി​ർ​ബ​ന്ധി​ക്കു​ന്ന​ത്.

ഇ​ടു​ക്കി​യി​ൽ സം​രം​ഭ​ക സാ​ധ്യ​ത​ക​ൾ തു​റ​ന്ന് പു​തു​ത​ല​മു​റ​യ്ക്ക് നാ​ട്ടി​ൽ വ​രു​മാ​ന​മാ​ർ​ഗ​ങ്ങ​ൾ ക​ണ്ടെ​ത്താ​ൻ സ​ർ​ക്കാ​ർ ​ത​ല​ത്തി​ൽ ഇ​ട​പെ​ട​ലു​ക​ൾ ഉ​ണ്ടാ​ക​ണം. അ​തു​ണ്ടാ​യി​ല്ലെ​ങ്കി​ൽ ഏ​താ​നും വ​ർ​ഷ​ങ്ങ​ൾ​ക്കു​ള്ളി​ൽ ഇ​വി​ടെ​യു​ള്ള ആ​ളു​ക​ൾ പൂ​ർ​ണ​മാ​യും പു​തി​യ മേ​ച്ചി​ൽപ്പു​റ​ങ്ങ​ൾ തേ​ടി മ​ല​യി​റ​ങ്ങും.

ന​വ​കേ​ര​ളം നി​ർ​മി​തി​യെ ല​ക്ഷ്യം വ​യ്ക്കു​ന്ന ഇൗ ​യാ​ത്ര ഇ​ടു​ക്കി​യി​ൽ എ​ത്തു​മ്പോ​ൾ അ​ത് ന​വ ഇ​ടു​ക്കി​ക്ക് വ​ഴി​യൊ​രു​ക്കും എ​ന്ന​ാ​ണ് പ്ര​തീ​ക്ഷ. അ​തി​ന് ജ​ന​ത്തെ അ​ടി​സ്ഥാ​ന​പ​ര​മാ​യി ബാ​ധി​ക്കു​ന്ന ഇ​ത്ത​രം വി​ഷ​യ​ങ്ങ​ളി​ൽ ദ്രുത​ഗ​തി​യി​ലു​ള്ള ഇ​ട​പെ​ട​ലു​ക​ൾ ഉ​ണ്ടാ​ക​ണ​മെ​ന്ന് ഇ​ടു​ക്കി രൂ​പ​ത മീ​ഡി​യ ക​മ്മീ​ഷ​ൻ ഡ​യ​റ​ക്ട​ർ ഫാ. ​ജി​ൻ​സ് കാ​ര​യ്ക്കാ​ട്ട് ത​യാ​റാ​ക്കി​യ നി​വേ​ദ​ന​ത്തി​ൽ ആ​വ​ശ്യ​പ്പെ​ടു​ന്നു.