ക​ട്ട​പ്പ​ന: ക​ട്ട​പ്പ​ന താ​ലൂ​ക്ക് ആ​ശു​പ​ത്രി​യി​ൽ വ​ച്ച് ന​ഷ്ട​മാ​യ യു​വ​തി​യു​ടെ മൊ​ബൈ​ൽ ഫോ​ൺ ആ​ശു​പ​ത്രി ജീ​വ​ന​ക്കാ​ര​ൻ മ​റി​ച്ചു​വി​റ്റു. അ​ന്വേ​ഷ​ണ​ത്തി​നൊ​ടു​വി​ൽ ആ​റ് മാ​സ​ങ്ങ​ൾ​ക്ക് ശേ​ഷം ഫോ​ൺ തൊ​ടു​പു​ഴ​യി​ൽ നി​ന്ന് ക​ണ്ടെ​ത്തി.​

ക​ട്ട​പ്പ​ന സ്വ​ദേ​ശി​നി ജ​യ​ശ്രീ പി. ​രാ​ഘ​വ​ന്‍റെ 32,000 രൂ​പ വി​ല​യു​ള്ള ഓ​പ്പോ മൊ​ബൈ​ൽ ഫോ​ണാ​ണ് ആ​ശു​പ​ത്രി ജീ​വ​ന​ക്കാ​ര​ൻ 7,500 രൂ​പ​യ്ക്ക് തൊ​ടു​പു​ഴ​യി​ൽ വി​റ്റ​ത്.​ ക​ഴി​ഞ്ഞ മേയ് 21ന് ​ചി​കി​ത്സയ്ക്കാ​യി ഇ​രു​പ​തേ​ക്ക​റി​ലെ താ​ലൂ​ക്ക് ആ​ശു​പ​ത്രി​യി​ൽ എ​ത്തി​യ​പ്പോ​ഴാ​ണ് ജ​യ​ശ്രീ​യു​ടെ മൊ​ബൈ​ൽ ഫോ​ൺ നഷ്‌ടപ്പെട്ടത്. ​തു​ട​ർ​ന്ന് ക​ട്ട​പ്പ​ന പോ​ലീ​സി​ൽ പ​രാ​തി ന​ൽ​കി​.

എ​ന്നാ​ൽ ഒ​രു ന​ട​പ​ടി​യും ഉ​ണ്ടാ​കാ​തെ വ​ന്ന​തോ​ടെ ക​ട്ട​പ്പ​ന ഡി​വൈഎ​സ്പിക്ക് ​യു​വ​തി പ​രാ​തി ന​ൽ​കി. അ​ടു​ത്തി​ടെ​യാ​ണ് മൊ​ബൈ​ൽ ഫോ​ൺ തി​രി​കെ ല​ഭി​ച്ചു​വെ​ന്ന സ​ന്ദേ​ശം യു​വ​തി​ക്ക് എ​ത്തി​യ​ത്.​ ഫോ​ൺ ക​ട്ട​പ്പ​ന പോ​ലീ​സ് സ്റ്റേ​ഷ​നി​ൽ വ​ന്ന് കൈ​പ്പ​റ്റ​ണ​മെ​ന്നും ഉ​ദ്യോ​ഗ​സ്ഥ​ർ നി​ർ​ദേ​ശി​ച്ചി​രു​ന്നു.​

താ​ലൂ​ക്ക് ആ​ശു​പ​ത്രി​യി​ലെ താ​ത്കാ​ലി​ക ജീ​വ​ന​ക്കാ​ര​ൻ മൊ​ബൈ​ൽ ഫോ​ൺ തൊ​ടു​പു​ഴ മു​ത​ല​ക്കോ​ടം സ്വ​ദേ​ശി​ക​ൾ​ക്കാ​ണ് മ​റി​ച്ചു വി​റ്റ​ത്. ​ഫോ​ണി​ന് ത​ക​രാ​ർ സം​ഭ​വി​ച്ച​തി​നാ​ൽ ഇ​യാ​ളി​ൽ നി​ന്ന് ന​ഷ്ട​പ​രി​ഹാ​രം വാ​ങ്ങി ന​ൽ​ക​ണ​മെ​ന്നാ​ണ് ജ​യ​ശ്രീ​യു​ടെ ആ​വ​ശ്യം.