കു​മ​ളി: ന​വ​കേ​ര​ള പ​രി​പാ​ടി​യു​ടെ മോ​ടി കൂ​ട്ടാ​ൻ ബ​ന്ധ​പ്പെ​ട്ട​വ​ർ ന​ട​ത്തി​യ കാ​ള​വ​ണ്ടി ഓ​ട്ട മ​ത്സ​രം ‘കാ​ളക​ളി’ യാ​യി മാ​റി. നി​ര​വ​ധി​യാ​ളു​ക​ൾ​ക്ക് പ​രി​ക്കേ​റ്റു. ശ​ബ​രി​മ​ല സീ​സ​ണ്‍ ആ​യ​തി​നാ​ൽ കു​മ​ളി ടൗ​ണ്‍ അ​ട​ക്ക​മു​ള്ള പ്ര​ദേ​ശ​ങ്ങ​ളി​ലെ റോ​ഡു​ക​ളി​ൽ ജ​ന​ത്തി​ര​ക്കും വാ​ഹ​ന​ത്തി​ര​ക്കും ഏ​റെ ഉ​ണ്ടാ​യി​രു​ന്ന​പ്പോ​ഴാ​ണ് വേ​ണ്ട മു​ൻ​ക​രു​ത​ലു​ക​ളോ മു​ന്ന​റി​യ​പ്പോ ബ​ന്ധ​പ്പെ​ട്ട​വ​രു​ടെ അ​നു​മ​തി​യോ കൂ​ടാ​തെ കാ​ള​വ​ണ്ടി ഓ​ട്ടം സം​ഘ​ടി​പ്പി​ച്ച​ത്.

കേ​ര​ള​ത്തി​ൽ കാ​ള​യും വ​ണ്ടി​യും ഇ​ല്ലാ​ത്ത​തി​നാ​ൽ കാ​ശു മു​ട​ക്കി ത​മി​ഴ്നാ​ട്ടി​ലെ ഗൂ​ഡ​ല്ലൂ​ർ, ക​ന്പം എ​ന്നി​വി​ട​ങ്ങ​ളി​ൽ നി​ന്നാ​ണ് കാ​ള വ​ലി​ക്കു​ന്ന വ​ണ്ടി കൊ​ണ്ടു​വ​ന്ന​ത്. സാ​ധാ​ര​ണ കേ​ര​ള​ത്തി​ലെ കാ​ള​വ​ണ്ടി​ക​ളാ​യി​രു​ന്നി​ല്ല കാ​ള​വ​ണ്ടി ഓ​ട്ട​ത്തി​നു കൊ​ണ്ടു​വ​ന്നി​രു​ന്ന​ത്.

ര​ണ്ട് കാ​ള​ക​ളെ കെ​ട്ടി വ​ലി​ക്കു​ന്ന യാ​ത്ര​യ്ക്കു പ​യോ​ഗി​ക്കു​ന്ന വി​ല്ല് വ​ണ്ടി​ക​ളാ​ണ് ന​വ​കേ​ര​ള സ​ദ​സ്‌​സി​ന്‍റെ പ്ര​ചാ​ര​ണ​പ​രി​പാ​ടി​ക്കാ​യി കൊ​ണ്ടു​വ​ന്നി​രു​ന്ന​ത്. എ​ട്ട് വി​ല്ലുവ​ണ്ടി​ക​ൾ ഇ​ന്ന​ലെ രാ​വി​ലെ ത​ന്നെ ഓ​ട്ട​ത്തി​ന്‍റെ സ്റ്റാ​ർ​ട്ടിം​ഗ് പോ​യി​ന്‍റാ​യ കു​മ​ളി ഒ​ന്നാം മൈ​ലി​ൽ സ്ഥാ​നം പി​ടി​ച്ചി​രു​ന്നു. ഒ​ന്നാം മൈ​ൽ - കു​മ​ളി ടൗ​ണ്‍ - ചെ​ളി​മ​ട വ​ഴി ഒ​ന്നാം മൈ​ലി​ൽ തി​രി​ച്ചെ​ത്താ​നാ​യി​രു​ന്നു പ​രി​പാ​ടി.

സ്റ്റാ​ർ​ട്ട് വി​സി​ൽ മു​ഴ​ങ്ങി​യ​തോ​ടെ കാ​ള​ക​ളു​ടെ പു​റ​ത്ത് ചാ​ട്ട​വാ​ർ വീ​ഴു​ന്ന ശ​ബ്ദ​വും കാ​ള​വ​ണ്ടി​ക്കാ​ര​ന്‍റെ ആ​ക്രോ​ശ​വും ഒ​പ്പം, നീ​ണ്ട ക​ന്പി​ൽ ഘ​ടി​പ്പി​ച്ച കൂ​ർ​ത്ത ഇ​രു​ന്പാ​ണി കാ​ള​ക​ളുടെ തു​ട ​തു​ള​ച്ചുക​യ​റു​ക​യും ചെ​യ്ത​തോ​ടെ പ്രാ​ണ​വേ​ദ​ന​യാ​ൽ കാ​ള​ക​ൾ വ​ണ്ടി​യും വ​ലി​ച്ച് കു​തി​ച്ചോ​ടി. പോ​കു​ന്ന വ​ഴി​യി​ൽ കാ​ള​വ​ണ്ടി​ക​ൾ വാ​ഹ​ന​ങ്ങ​ളി​ൽ ത​ട്ടി. ജ​നം ജീ​വ​നും​കൊ​ണ്ട് നാ​നാ​ദി​ക്കി​ലേ​ക്കും ഓ​ടി​മാ​റി.

മു​ന്പേ പോ​യ കാ​ളവ​ണ്ടി വ​ണ്ട​ൻ​മേ​ട് ജം​ഗ്ഷ​നി​ൽ കാ​റി​ലും മ​റ്റ് വാ​ഹ​ന​ങ്ങ​ളി​ലും ത​ട്ടി. നേ​രേ അ​ത് സ്വ​ന്തം ഉൗ​രാ​യ ക​ന്പ​ത്തി​നു വ​ച്ചുപി​ടി​ച്ചു. പി​ന്നാ​ലെ വ​ന്ന ഒ​രെ​ണ്ണം ജീ​പ്പി​ൽ ത​ട്ടി കാ​ള​വ​ണ്ടി​യു​ടെ ഒ​രു ച​ക്രം ഉൗ​രി റോ​ഡി​ൽ തെ​റി​ച്ചു​വീ​ണ് ഒ​ടി​ഞ്ഞ് ക​ഷ​ണ​ങ്ങ​ളാ​യി. കാ​ള​ക​ൾ ക​ട​ക​ളി​ലേ​ക്കു ക​യ​റാ​നും​ ശ്ര​മി​ച്ചു. ഒ​റ്റ ച​ക്ര​വു​മാ​യി തേ​ക്ക​ടി റോ​ഡി​ലേ​ക്ക് പാ​ഞ്ഞ കാ​ള​ക​ളെ ഒ​രു ത​ര​ത്തി​ലാ​ണ് ത​ട​ഞ്ഞ​ത്.

പോ​ലീ​സി​ന്‍റെ​യും ഇ​ന്‍റ​ലി​ജ​ൻ​സ് ഉ​ദ്യോ​ഗ​സ്ഥ​രു​ടെ​യും മൂ​ക്കി​ന് താ​ഴെ എ​ന്ന് പ​റ​യാ​ൻ പ​റ്റി​ല്ല, മൂ​ക്കി​ന് മു​ക​ളി​ലൂ​ടെ​യാ​ണ് മ​നു​ഷ്യ​ജീ​വ​ൻ പ​ന്താ​ടി​യു​ള്ള കാ​ള​ക്കൂ​ത്ത് ന​ട​ത്തി​യ​ത്. കാ​ള​വ​ണ്ടി പ്ര​ക​ട​ന​ത്തി​നെ​തിരേ മൃ​ഗ​സ്നേ​ഹി​ക​ളും രം​ഗ​ത്തെ​ത്തി​യി​ട്ടു​ണ്ട്. പ​രാ​തി ഉ​ണ്ടാ​യാ​ൽ കേ​സെ​ടു​ക്കു​മെ​ന്നാ​ണ് പോ​ലീ​സ് വി​ശ​ദീ​ക​ര​ണം.