ക​ട്ട​പ്പ​ന: പൈ​ങ്കു​ളം മ​ദ​ർ ആ​ന്‍ഡ് ചൈ​ൽ​ഡി​ന്‍റെ ചി​റ​കി​ലേ​റി പൈ​ങ്കു​ളം സെ​ന്‍റ് റീ​ത്താ​സ് ഹൈ​സ്കൂ​ളും ക​ല്ലാ​നി​ക്ക​ൽ സെ​ന്‍റ് ജോ​ർ​ജ് എ​ച്ച്എ​സ്എ​സും ബാ​ൻ​ഡ് മേ​ള​ത്തി​ൽ ഒ​രി​ക്ക​ൽകൂ​ടി വെ​ന്നി​ക്കൊ​ടി പാ​റി​ച്ചു. തു​ട​ർ​ച്ച​യാ​യ ര​ണ്ടാം ത​വ​ണ​യാ​ണ് ര​ണ്ടു സ്കൂ​ളു​ക​ളും ജി​ല്ലാ ക​ലോ​ത്സ​വ​ത്തി​ൽ ബാ​ൻ​ഡ് മേ​ള​ത്തി​ൽ ഒ​ന്നാം സ്ഥാ​നം നേ​ടു​ന്ന​ത്.

അ​നാ​ഥ​രാ​യ കു​ട്ടി​ക​ളെ സം​ര​ക്ഷി​ക്കു​ന്ന മൈ​ല​ക്കൊ​ന്പ് മ​ദ​ർ ആ​ന്‍ഡ് ചൈ​ൽ​ഡ് ഫൗ​ണ്ടേ​ഷ​നി​ലെ 36 കു​ട്ടി​ക​ളാ​ണ് ര​ണ്ടു സ്കൂ​ളു​ക​ൾ​ക്കാ​യി ബാ​ൻ​ഡു മേ​ള​ത്തി​ൽ മാ​റ്റു​ര​ച്ച​ത്. എ​ച്ച്എ​സ് വി​ഭാ​ഗ​ത്തി​ൽ മ​ൽ​സ​രി​ച്ച പൈ​ങ്കു​ളം സെ​ന്‍റ് റീ​ത്താ​സി​ലെ 20 കു​ട്ടി​ക​ളും മ​ദ​ർ ആ​ന്‍ഡ് ചൈ​ൽ​ഡി​ൽ നി​ന്നു​ള്ള​വ​രാ​യി​രു​ന്നു.

ക​ല്ലാ​നി​ക്ക​ൽ സെ​ന്‍റ് ജോ​ർ​ജ് സ്കൂ​ൾ ടീ​മി​ലെ 20 കു​ട്ടി​ക​ളി​ൽ 16 പേ​രും മ​ദ​ർ ആ​ന്‍ഡ് ചൈ​ൽ​ഡി​ന്‍റെ സം​ഭാ​വ​ന​യാ​ണ്. മ​ദ​ർ ആ​ന്‍ഡ് ചൈ​ൽ​ഡി​ലെ അ​ന്തേ​വാ​സി​ക​ളാ​യ ആ​ൽ​ബി​ച്ച​ൻ, വി​പി​ൻ എ​ന്നി​വ​രാ​ണ് കു​ട്ടി​ക​ളെ ബാ​ന്‍റ് മേ​ളം പ​രി​ശീ​ലി​പ്പി​ച്ച​ത്. ഇ​പ്പോ​ൾ ബി​എ​ഡി​ന് പ​ഠി​ക്കു​ന്ന വി​പി​ൻ അ​ഞ്ചാം വ​യ​സി​ലാ​ണ് മ​ദ​ർ ആ​ന്‍റ് ചൈ​ൽ​ഡി​ലെ​ത്തി​യ​ത്. ആ​ൽ​ബി​ച്ച​ൻ ഒ​ന്ന​ര വ​യ​സു​ള്ള​പ്പോ​ഴാ​ണ് ഇ​വി​ടെ​യെ​ത്തി​യ​ത്. ഇ​പ്പോ​ൾ ഗ്രാ​ഫി​ക് ഡി​സൈ​നിം​ഗ് കോ​ഴ്സി​നു പ​ഠി​ക്കു​ന്നു. ഇ​വ​ർ​ക്ക് ബെ​ൻ ബാ​ൻ​ഡ് എ​ന്ന പേ​രി​ൽ മ്യൂ​സി​ക് ട്രൂ​പ്പു​മു​ണ്ട്.

25 വ​ർ​ഷം മു​ന്പാ​ണ് മ​ദ​ർ ആ​ന്‍ഡ് ചൈ​ൽ​ഡ് രൂ​പീ​ക​രി​ച്ച​ത്. തോ​മ​സ് മൈ​ലാ​ടൂ​ർ ആ​ണ് സ്ഥാ​പ​ക​ൻ. ഇ​പ്പോ​ൾ സെ​ക്ര​ട്ട​റി​യാ​യി പ്ര​വ​ർ​ത്തി​ക്കു​ന്ന ജോ​ഷി മാ​ത്യു ഓ​ട​യ്ക്ക​ലാ​ണ് മ​ദ​ർ ആ​ന്‍റ് ചൈ​ൽ​ഡി​ന്‍റെ എ​ല്ലാ പ്ര​വ​ർ​ത്ത​ന​ങ്ങ​ൾ​ക്കും നേ​തൃ​ത്വം ന​ൽ​കു​ന്ന​ത്.