നെ​ടു​ങ്ക​ണ്ടം: സ​ഞ്ച​രി​ക്കു​ന്ന ത്രി​വേ​ണി സൂ​പ്പ​ര്‍​മാ​ര്‍​ക്ക​റ്റു​ക​ള്‍ ക​ടു​ത്ത സാ​മ്പ​ത്തി​ക പ്ര​തി​സ​ന്ധി മൂ​ലം നി​ര്‍​ത്ത​ലാ​ക്കു​ന്നു. 2009 മു​ത​ല്‍ സാ​ധാ​ര​ണ​ക്കാ​ര്‍​ക്ക് ഏ​റെ പ്ര​യോ​ജ​ന​പ്പെ​ട്ടി​രു​ന്ന സം​വി​ധാ​ന​മാ​ണ് ഇ​ല്ലാ​താ​കു​ന്ന​ത്.

ക​ണ്‍​സ്യൂ​മ​ര്‍ ഫെ​ഡ​റേ​ഷ​നാ​ണ് സ​ഞ്ച​രി​ക്കു​ന്ന ത്രി​വേ​ണി സൂ​പ്പ​ര്‍ മാ​ര്‍​ക്ക​റ്റു​ക​ള്‍ ആ​രം​ഭി​ച്ച​ത്. ഗ്രാ​മീ​ണ മേ​ഖ​ല​യി​ലെ ജ​ന​ങ്ങ​ള്‍​ക്ക് നി​ശ്ചി​ത ദി​വ​സ​ങ്ങ​ളി​ല്‍ നി​ശ്ചി​ത സ​മ​യ​ത്ത് അ​വ​രു​ടെ വീ​ട്ടു​പ​ടി​ക്ക​ല്‍ എ​ത്തു​ന്ന സൂ​പ്പ​ര്‍ മാ​ര്‍​ക്ക​റ്റു​ക​ള്‍ ഏ​റെ പ്ര​യോ​ജ​ന​ക​ര​മാ​യി​രു​ന്നു. ത്രി​വേ​ണി ഷോ​പ്പു​ക​ളി​ലെ വ്യാ​പാ​ര​ത്തേ​ക്കാ​ള്‍ കൂ​ടു​ത​ൽ വ്യാ​പാ​രം ന​ട​ന്നി​രു​ന്ന​തും ഇ​ത്ത​രം വാ​ഹ​ന​ങ്ങ​ളി​ലൂ​ടെ​യാ​ണ്. ര​ണ്ട് ജീ​വ​ന​ക്കാ​രു​ടെ ശ​മ്പ​ള​വും ഡീ​സ​ല്‍ ചെല​വും വാ​ഹ​ന മെ​യി​ന്‍റ​ന​ന്‍​സും ഉ​ള്‍​പ്പെ​ടെ​യ​ല്ലാ​തെ മ​റ്റ് ചെല​വു​ക​ളൊ​ന്നും സ​ഞ്ച​രി​ക്കു​ന്ന സൂ​പ്പ​ര്‍ മാ​ര്‍​ക്ക​റ്റു​ക​ള്‍​ക്ക് ഇ​ല്ലാ​യെ​ന്ന​ത് ക​ണ്‍​സ്യൂ​മ​ര്‍ ഫെ​ഡ​റേ​ഷ​ന് ഏ​റെ ലാ​ഭം ന​ല്‍​കി​യ കാ​ര്യ​മാ​ണ്. ക​ട​ക​ളു​ടെ വാ​ട​ക, വൈ​ദ്യു​തി ബി​ല്ല്, ജീ​വ​ന​ക്കാ​രു​ടെ ശ​മ്പ​ളം എ​ന്നി​വ സ​ഞ്ച​രി​ക്കു​ന്ന സ്ഥാ​പ​ന​ത്തി​ന് ഒ​ഴി​വാ​യി​രു​ന്നു. എ​ന്നാ​ല്‍, വാ​ഹ​ന​ങ്ങ​ള്‍ കൃ​ത്യ​സ​മ​യ​ത്ത് മെ​യി​ന്‍റ​ന​ന്‍​സ് ന​ട​ത്താ​തെ പ​ല​യി​ട​ങ്ങ​ളി​ലും സ​ര്‍​വീ​സ് മു​ട​ങ്ങി​യ​പ്പോ​ള്‍ മൂ​ന്നു വ​ര്‍​ഷ​മാ​യി മി​ക്ക നി​യോ​ജ​ക​മ​ണ്ഡ​ല​ങ്ങ​ളി​ലും സ​ഞ്ച​രി​ക്കു​ന്ന സൂ​പ്പ​ര്‍ മാ​ര്‍​ക്ക​റ്റു​ക​ളു​ടെ പ്ര​വ​ര്‍​ത്ത​നം നി​ല​ച്ചി​രി​ക്കു​ക​യാ​ണ്.

2024ൽ ശേ​ഷി​ക്കു​ന്ന വാ​ഹ​ന​ങ്ങ​ളു​ടെ ഫി​റ്റ്ന​സും പെ​ര്‍​മി​റ്റും തീ​രു​ന്ന​തോ​ടെ അ​വ​യും നി​ന്നു​പോ​കു​ന്ന സാ​ഹ​ച​ര്യ​മാ​ണ് ഉ​ള്ള​ത്. നി​ല​വി​ല്‍ വാ​ഹ​ന​ങ്ങ​ളി​ലെ ജീ​വ​ന​ക്കാ​രെ​ക്കൂടി ഷോ​പ്പു​ക​ളി​ലേ​ക്ക് മാ​റ്റു​മ്പോ​ള്‍ ഷോ​പ്പു​ക​ളി​ലെ ചെല​വ് വ​ര്‍​ധി​ക്കു​ന്ന സാ​ഹ​ച​ര്യ​വും ഉ​ണ്ട്. ക​ണ്‍​സ്യൂ​മ​ര്‍ ഫെ​ഡ​റേ​ഷ​നെ ബാ​ധി​ച്ചി​രി​ക്കു​ന്ന സാ​മ്പ​ത്തി​ക പ്ര​തി​സ​ന്ധി​മൂ​ലം ഇ​ത്ത​രം സ​ഞ്ച​രി​ക്കു​ന്ന സൂ​പ്പ​ര്‍ മാ​ര്‍​ക്ക​റ്റു​ക​ള്‍ ഇ​ല്ലാ​താ​കു​ന്ന​ത് സാ​ധാ​ര​ണ​ക്കാ​രെ ഏ​റെ ബു​ദ്ധി​മു​ട്ടി​ക്കു​മെ​ന്ന​തി​നാ​ല്‍ സ​ര്‍​ക്കാ​ര്‍ അ​ടി​യ​ന്തര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ജ​ന​ങ്ങ​ളു​ടെ ആ​വ​ശ്യം.