ഉപ്പു​ത​റ: ക​ണ്ണം​പ​ടി മു​ല്ല ആ​ദി​വാ​സി കു​ടി​യി​ലേ​ക്ക് സ​ഞ്ചാ​ര യോ​ഗ്യ​മാ​യ റോ​ഡി​ല്ലാ​ത്ത​തി​നാ​ൽ നൂ​റോ​ളം കു​ടും​ബ​ങ്ങ​ൾ യാ​ത്രാ ദു​രി​തത്തിൽ. ക​ണ്ണം​പ​ടി വ​ന​മേ​ഖ​ല​യി​ൽ ഏ​റ്റ​വും യാ​ത്രാ ദു​രി​തം നേ​രി​ടു​ന്ന പ്ര​ദേ​ശ​മാ​ണ് മു​ല്ല ആ​ദി​വാ​സിക്കുടി. കി​ഴു​കാ​ന​ത്തുനി​ന്നു മൂ​ന്നു കി​ലോ​മീ​റ്റ​ർ ദു​ർ​ഘ​ട​ പാ​ത​യി​ലൂ​ടെ സ​ഞ്ച​രി​ച്ചു വേ​ണം മു​ല്ല​യി​ലെ​ത്താ​ൻ.

ഇ​ടു​ക്കി പ​ദ്ധ​തി​ക്കു വേ​ണ്ടി മു​ത്തംപ​ടി താ​ഴെനി​ന്നു കു​ടി​യൊ​ഴി​പ്പി​ച്ച​വ​രും എ​രു​മേ​ലി തു​മ​ര​ൽപാ​റ, പു​ലി​ക്കു​ന്ന് എ​ന്നി​വി​ട​ങ്ങ​ളി​ൽനി​ന്നു കു​ടി​യേ​റി​യ​വ​രു​മാ​ണ് ഇ​വി​ടത്തെ താ​മ​സ​ക്കാ​ർ. അ​ൻ​പ​തു വ​ർ​ഷ​ത്തിലധികമായി ഇ​വ​ർ യാ​ത്രാ ദു​രി​തം അ​നു​ഭ​വി​ക്കു​ന്നു. പാ​റ​യു​ടെ​യും വ​ലി​യ ക​ല്ലു​ക​ൾ അ​ടു​ക്കിവ​ച്ച​തി​നും മു​ക​ളി​ലൂ​ടെ ന​ട​ന്നുവേ​ണം ഇ​വ​ർ​ക്ക് പു​റം ലോ​ക​ത്തെ​ത്താ​ൻ. വീ​ട്ടി​ലേ​ക്കു സാ​ധ​ന​ങ്ങ​ൾ എ​ത്തി​ക്കാ​ൻ പാ​ടു​പെ​ടു​കയാ​ണ്. പ​ല​ർ​ക്കും ലൈ​ഫ് പ​ദ്ധ​തി​യി​ൽ വീ​ട് അ​നു​വ​ദി​ച്ചി​ട്ടു​ണ്ട്. എ​ന്നാ​ൽ ക​മ്പി, സി​മന്‍റ്, മ​ണ​ൽ തു​ട​ങ്ങി​യവ എ​ത്തി​ച്ച​പ്പോ​ൾത്ത​ന്നെ പ​കു​തി​യി​ലേ​റെ തു​ക ചെല​വാ​യി. ഇ​ര​ട്ടി​യി​ല​ധി​കം കൂ​ലി ന​ൽ​കി​യാ​ലേ സാ​ധ​ന​ങ്ങ​ളു​മാ​യി പി​ക്ക്അ​പ് ജീ​പ്പ് ഇ​വി​ടേ​ക്ക് വ​രി​ക​യു​ള്ളു.

പ​ലത​വ​ണ പ​രാ​തി​യും നി​വേ​ദ​ന​വും ന​ൽ​കി​യെ​ങ്കി​ലും ഒ​രു പ്ര​യോ​ജ​ന​വും ഉ​ണ്ടാ​യി​ല്ല. ചെ​യ്യാ​ൻ ക​ഴി​യു​ന്ന ചി​ല കാ​ര്യ​ങ്ങ​ൾ വ​നം വ​കു​പ്പും ക​ണ്ടി​ല്ലെന്നു ന​ടി​ക്കു​ക​യാ​ണെ​ന്ന് ഇ​വ​ർ പ​റ​യു​ന്നു. കു​ടി​യി​ലെ ആ​വ​ശ്യ​ങ്ങ​ൾ സാ​ധ്യ​മാ​ക്കാ​ൻ സ​മ​രം ചെ​യ്യേ​ണ്ടി​വ​രു​മെ​ന്ന് ഊ​രു​മൂ​പ്പ​ൻ കെ.​കെ.​ ബി​നോ​യ് പറഞ്ഞു.