മൂ​ന്നാ​ർ: കൊ​ച്ചി - ധ​നു​ഷ്കോ​ടി ദേ​ശീ​യ​പാ​ത​യി​ൽ ദേ​വി​കു​ളം ലോ​ക്കാ​ട് ഭാ​ഗ​ത്താ​യി സ്ഥാ​പി​ച്ചി​രി​ക്കു​ന്ന ടോ​ൾ പ്ലാ​സ​യി​ൽ പ്ര​ദേ​ശ​വാ​സി​ക​ളി​ൽ നി​ന്നും ടോ​ൾ പി​രി​ക്കു​ന്ന​തി​നെ​തി​രേ പ്ര​തി​ഷേ​ധം ശ​ക്ത​മാ​കു​ന്നു. സി​പി​ഐ പ്ര​ദേ​ശി​ക നേ​തൃ​ത്വം ഇ​ന്ന​ലെ ടോ​ൾ പ്ലാ​സ ഉ​പ​രോ​ധി​ച്ചു.

പ​ണം പി​രി​ക്കു​ന്ന​തി​ന് സ്ഥാ​പി​ച്ച ഉ​പ​ക​ര​ണ​ങ്ങ​ൾ പ്ര​ക​ട​ന​വു​മാ​യി എ​ത്തി​യ പ്ര​വ​ർ​ത്ത​ക​ർ പോ​ലീ​സ് നോ​ക്കി​നി​ൽ​ക്കേ ത​ക​രാ​റി​ലാ​ക്കി. മൂ​ന്നാ​ർ മേ​ഖ​ല​യി​ൽ താ​മ​സി​ക്കു​ന്ന തോ​ട്ടം തൊ​ഴി​ലാ​ളി​ക​ൾ​ക്ക് ടോ​ൾ പ്ലാ​സ​യി​ൽ പ​ണം ന​ൽ​കി യാ​ത്ര ന​ട​ത്തേ​ണ്ട അ​വ​സ്ഥ അം​ഗീ​ക​രി​ക്കാ​ൻ ക​ഴി​യി​ല്ലെ​ന്നു പറഞ്ഞാ​യി​രു​ന്നു സി​പി​ഐ ദേ​വി​കു​ളം മ​ണ്ഡ​ലം ക​മ്മി​റ്റി​യു​ടെ നേ​ത്യ​ത്വ​ത്തി​ൽ ടോ​ൾ പ്ലാ​സ​യി​ലേ​ക്ക് സ​മ​രം ന​ട​ത്തി​യ​ത്.

ടോ​ൾ പ്ലാ​സയ്​ക്കു സ​മീ​പ​ത്തെ ക​വാ​ട​ത്തി​ൽ പോ​ലീ​സ് പ്ര​ക​ട​ന​ക്കാ​രെ ത​ട​യാ​ൻ ശ്ര​മി​ച്ചെ​ങ്കി​ലും പോ​ലീ​സി​നെ ത​ള്ളി​മാ​റ്റി പ്ര​വ​ർ​ത്ത​ക​ർ പ​ണം പി​രി​ക്കാ​ൻ സ്ഥാ​പി​ച്ചി​രു​ന്ന കെ​ട്ടി​ട​ത്തി​ന്‍റെ സ​മീ​പ​ത്തെ​ത്തി. തു​ട​ർ​ന്ന് അ​വി​ടെ സ്ഥാ​പി​ച്ചി​രു​ന്ന സി​ഗ്ന​ൽ ലൈ​റ്റു​ക​ൾ ന​ശി​പ്പി​ക്കാ​ൻ ശ്ര​മി​ച്ചു.

കേ​ന്ദ്ര ഫ​ണ്ടി​ൽ നി​ന്നും 358 കോ​ടി രൂ​പ ഉ​പ​യോ​ഗി​ച്ചാ​ണ് റോ​ഡി​ന്‍റെ പ​ണി​ക​ൾ പൂ​ർ​ത്തി​യാ​ക്കി​യ​തെ​ന്നും അ​തി​നാ​ൽ ടോ​ൾ പി​രി​ക്കാ​ൻ ശ്ര​മി​ച്ചാ​ൽ ടോ​ൾ പ്ലാ​സ അ​ടി​ച്ചു​ട​യ്ക്കു​മെ​ന്നും സ​മ​രം ഉ​ദ്ഘാ​ട​നം ചെ​യ്ത സി​പി​ഐ സം​സ്ഥാ​ന കൗ​ൺസി​ലം​ഗം എം. ​വൈ. ഒൗ​സേ​പ്പ് മു​ന്ന​റി​യി​പ്പു ന​ൽ​കി. പാ​ർ​ട്ടി അ​സി. സെ​ക്ര​ട്ട​റി പി. ​പ​ള​നി​വേ​ൽ, ജി. ​എ​ൻ. ഗു​രു​നാ​ഥ​ൻ, അ​ഡ്വ. ച​ന്ദ്ര​പാ​ൽ, സ​ന്തോ​ഷ്, ദാ​സ് തു​ട​ങ്ങി​യ​വ​ർ പ്ര​സം​ഗി​ച്ചു.