അ​റ​ക്കു​ളം: അ​ശോ​ക​ക്ക​വ​ല മു​ത​ൽ മൂ​ല​മ​റ്റം കെ ​എ​സ്ആ​ർ​ടി​സി ഓ​പ്പ​റേ​റ്റിം​ഗ് സെ​ന്‍റ​ർ വ​രെ​യു​ള്ള റോ​ഡ് ബി​എം​ബി​സി നി​ല​വാ​ര​ത്തി​ൽ നി​ർ​മി​ക്കു​മെ​ന്ന ബ​ജ​റ്റ് പ്ര​ഖ്യാ​പ​നം ക​ട​ലാ​സി​ലൊ​തു​ങ്ങു​ന്നു. ഇ​തി​നാ​യി 2.50 കോ​ടി ചെ​ല​വ് വ​രു​മെ​ന്നാ​ണ് ക​ണ​ക്കാ​ക്കി​യി​രു​ന്ന​ത്.

റോ​ഡ് ബി​എം​ബി​സി നി​ല​വാ​ര​ത്തി​ലേ​ക്ക് മാ​റ്റ​ണ​മെ​ങ്കി​ൽ പൊ​തു​മ​രാ​മ​ത്ത് നി​ര​ത്ത് വി​ഭാ​ഗം എ​സ്റ്റി​മേ​റ്റ് ത​യാ​റാ​ക്കി തു​ട​ർ​ന്നു ഭ​ര​ണാ​നു​മ​തി​യും സാ​ങ്കേ​തി​ക അ​നു​മ​തി​യും ല​ഭ്യ​മാ​ക്കേ​ണ്ട​തു​ണ്ട്. ഇ​തി​നു​ള്ള പ്രാ​രം​ഭ ന​ട​പ​ടി പോ​ലും ആ​രം​ഭി​ച്ചി​ട്ടി​ല്ല.

അ​ശോ​ക​ക്ക​വ​ല​യ്ക്കു സ​മീ​പ​വും ബി​ഷ​പ് വ​യ​ലി​ൽ ആ​ശു​പ​ത്രി​ക്കു സ​മീ​പ​വു​മു​ള്ള ക​ലു​ങ്ക് വീ​തി കൂ​ട്ടി പു​തി​യ​തു നി​ർ​മി​ക്ക​ണം. ഇ​രു​വ​ശ​ങ്ങ​ളി​ലും റോ​ഡി​ന്‍റെ വീ​തി കൂ​ട്ടു​ന്ന​തി​നു​ള്ള ന​ട​പ​ടി​ക​ളും ആ​രം​ഭി​ക്കേ​ണ്ട​തു​ണ്ട്. ചി​ല​യി​ട​ങ്ങ​ളി​ൽ റോ​ഡി​ലെ വെ​ള്ള​ക്കെ​ട്ട് ഒ​ഴി​വാ​ക്കു​ന്ന​തി​നാ​യി റോ​ഡ് ഉ​യ​ർ​ത്തി നി​ർ​മി​ക്കു​ക​യും വേ​ണം.

ബി​ഷ​പ് വ​യ​ലി​ൽ ജം​ഗ്ഷ​നു സ​മീ​പം മാ​ത്ര​മാ​ണ് റോ​ഡി​ലെ വെ​ള്ള​ക്കെ​ട്ട് ഒ​ഴി​വാ​ക്കു​ന്ന​തി​നും ഓ​ട നി​ർ​മി​ക്കു​ന്ന​തി​നും റോ​ഡി​ന്‍റെ പ​ര​മാ​വ​ധി വീ​തി കൂ​ട്ടു​ന്ന​തി​നും പ്ര​ത്യേ​ക പ​ദ്ധ​തി​യി​ൽ ന​ട​പ​ടി സ്വീ​ക​രി​ച്ച​ത്.

മൂ​ല​മ​റ്റം വൈ​ദ്യു​തി നി​ല​യ​ത്തി​ന്‍റെ സു​വ​ർ​ണ​ജൂ​ബി​ലി​യു​ടെ ഭാ​ഗ​മാ​യി ര​ണ്ടാം വൈ​ദ്യു​തി നി​ല​യം ആ​രം​ഭി​ക്കു​ന്ന​തി​നു​ള്ള സ​ർ​വേ ന​ട​പ​ടി​ക​ൾ പൂ​ർ​ത്തി​യാ​യി​ട്ടു​ണ്ട്. അ​നു​മ​തി ല​ഭി​ച്ചാ​ൽ നി​ർ​മാ​ണ​ത്തി​നാ​യി യ​ന്ത്ര​സാ​മ​ഗ്രി​ക​ളും മ​റ്റും എ​ത്തി​ക്ക​ണ​മെ​ങ്കി​ൽ നി​ല​വി​ലു​ള്ള റോ​ഡ് എ​ത്ര​യും വേ​ഗം ന​വീ​ക​രി​ച്ചേ മ​തി​യാ​കൂ.

തൊ​ടു​പു​ഴ-​പു​ളി​യ​ൻ​മ​ല റോ​ഡ് ആ​ധു​നി​ക രീ​തി​യി​ൽ ന​വീ​ക​രി​ച്ച​പ്പോ​ൾ അ​ശോ​ക​ക്ക​വ​ല മു​ത​ൽ മൂ​ല​മ​റ്റം വ​രെ​യു​ള്ള റോ​ഡ് പു​ന​ർ​നി​ർ​മി​ച്ചി​രു​ന്നി​ല്ല. ഇ​തു ന​വീ​ക​രി​ക്കു​ക​യും മൂ​ല​മ​റ്റം-​കോ​ട്ട​മ​ല റോ​ഡി​ന്‍റെ അ​വ​സാ​ന റീ​ച്ചാ​യ ഒ​ന്ന​ര കി​ലോ​മീ​റ്റ​ർ ടാ​റിം​ഗ് ന​ട​ത്തു​ക​യും ചെ​യ്താ​ൽ തൊ​ടു​പു​ഴ-​പീ​രു​മേ​ട് താ​ലൂ​ക്കു​ക​ളെ ബ​ന്ധി​പ്പി​ക്കാ​നും കു​മ​ളി, തേ​ക്ക​ടി ഉ​ൾ​പ്പെ​ടെ​യു​ള്ള വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലേ​ക്ക് എ​ളു​പ്പ​ത്തി​ൽ എ​ത്താ​നും സാ​ധി​ക്കും.

ഈ ​റോ​ഡ് യാ​ഥാ​ർ​ഥ്യ​മാ​യാ​ൽ 40 കി​ലോ​മീ​റ്റ​റി​ന്‍റെ ലാ​ഭം ഉ​ണ്ടാ​കു​മെ​ന്നാ​ണ് ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്. അ​ശോ​ക​ക്ക​വ​ല​മു​ത​ൽ മൂ​ല​മ​റ്റം വ​രെ​യു​ള്ള റോ​ഡ് ആ​ധു​നി​ക രീ​തി​യി​ൽ ന​വീ​ക​രി​ക്കു​ക​യും കോ​ട്ട​മ​ല റോ​ഡ് തു​റ​ന്നു​കൊ​ടു​ക്കു​ക​യും ചെ​യ്താ​ൽ ഗ​താ​ഗ​ത, കാ​ർ​ഷി​ക, വ്യാ​പാ​ര വി​നോ​ദ​സ​ഞ്ചാ​ര മേ​ഖ​ല​ക​ളി​ൽ വ​ൻ വി​ക​സ​ന​മു​ണ്ടാ​ക്കാ​ൻ ക​ഴി​യു​മെ​ന്നാ​ണ് വി​ല​യി​രു​ത്ത​പ്പെ​ടു​ന്ന​ത്.