നെ​ടു​ങ്ക​ണ്ടം: സ്വ​ന്ത​മാ​യി സ്ഥ​ല​മു​ണ്ടെ​ങ്കി​ലും നെ​ടു​ങ്ക​ണ്ടം ഫ​യ​ര്‍​ഫോ​ഴ്‌​സ് ഇ​പ്പോ​ഴും അ​സൗ​ക​ര്യ​ങ്ങ​ളു​ടെ ന​ടു​വി​ലാ​ണ്. നെ​ടു​ങ്ക​ണ്ടം ടൗ​ണ്‍ഹാ​ളി​നു സ​മീ​പ​ത്താ​യി ജി​ല്ലാ പ​ഞ്ചാ​യ​ത്ത് അ​നു​വ​ദി​ച്ചു​ന​ല്‍​കി​യ കെ​ട്ടി​ട​ത്തി​ലാ​ണ് 2016 മു​ത​ല്‍ ഫ​യ​ര്‍ സ്റ്റേ​ഷ​ന്‍ പ്ര​വ​ര്‍​ത്തി​ക്കു​ന്ന​ത്.

ര​ണ്ട​ര വ​ര്‍​ഷം മു​മ്പ് ഫ​യ​ര്‍ സ്റ്റേ​ഷ​ന്‍ നി​ര്‍​മി​ക്കു​ന്ന​തി​നാ​യി റ​വ​ന്യൂ വ​കു​പ്പ് 82.5 സെ​ന്‍റ് സ്ഥ​ലം വ​കു​പ്പി​ന് വി​ട്ടു​ന​ല്‍​കി​യി​രു​ന്നു. നെ​ടു​ങ്ക​ണ്ടം ഗ​വ. വൊ​ക്കേ​ഷ​ണ​ല്‍ ഹ​യ​ര്‍ സെ​ക്ക​ൻ​ഡ​റി സ്‌​കൂ​ളി​നു സ​മീ​പ​മാ​യി ഹൈ​വേ ഓ​ര​ത്താ​ണ് സ്ഥ​ലം അ​നു​വ​ദി​ച്ചു​ന​ല്‍​കി​യ​ത്. ഫ​യ​ര്‍ സ്റ്റേ​ഷ​ന്‍ ആ​രം​ഭി​ച്ച് മൂ​ന്നു വ​ര്‍​ഷ​ത്തി​ന് ശേ​ഷം കെ​ട്ടി​ട നി​ര്‍​മാ​ണ​ത്തി​നാ​യി തു​ക അ​നു​വ​ദി​ച്ചു. എ​ന്നാ​ല്‍, സ്ഥ​ലം വ​കു​പ്പി​ന് ല​ഭി​ച്ച​ത് 2021 ലാ​ണ്. സ്ഥ​ലം ല​ഭി​ച്ച​പ്പോ​ള്‍ സ്‌​റ്റേ​ഷ​ന്‍ നി​ര്‍​മാ​ണ​ത്തി​ന് മു​മ്പ് അ​നു​വ​ദി​ച്ച ഫ​ണ്ട് ലാ​പ്‌​സാ​യി. പി​ന്നീ​ട് കെ​ട്ടി​ട​നി​ര്‍​മാ​ണ​ത്തി​നാ​യി ഫ​ണ്ട് അ​നു​വ​ദി​ച്ചി​ട്ടി​ല്ല.

ഇ​തു​മൂ​ലം ഏ​ഴ് വ​ര്‍​ഷ​ത്തി​ല​ധി​ക​മാ​യി ഫ​യ​ര്‍ ഫോ​ഴ്‌​സ് അ​സൗ​ക​ര്യ​ങ്ങ​ളു​ടെ ന​ടു​വി​ല്‍ത്ത​ന്നെ​യാ​ണ്. ഇ​പ്പോ​ഴു​ള്ള ഓ​ഫീ​സ് ഏ​റെ തി​ര​ക്കേ​റി​യ സ്റ്റേ​ഡി​യം റോ​ഡി​നു സ​മീ​പ​മാ​യ​തി​നാ​ല്‍ ഉ​ദ്യോ​ഗ​സ്ഥ​ര്‍​ക്കും നാ​ട്ടു​കാ​ര്‍​ക്കും ഒ​രേ​പോ​ലെ ബു​ദ്ധി​മു​ട്ടു​ക​ള്‍ ഉ​ണ്ടാ​കു​ന്നു​ണ്ട്. വാ​ഹ​ന​ങ്ങ​ള്‍ തി​രി​ക്കു​ന്ന​തും പാ​ര്‍​ക്ക് ചെ​യ്യു​ന്ന​തും ശ്ര​മ​ക​ര​മാ​യ ജോ​ലി​യാ​ണ്. വ​ലി​യ വാ​ഹ​ന​ങ്ങ​ള്‍ വീ​തി​കു​റ​ഞ്ഞ സ്ഥ​ല​ത്ത് തി​രി​ക്കു​മ്പോ​ള്‍ ഗ​താ​ഗ​ത​ക്കു​രു​ക്ക് പ​തി​വാ​ണ്. ഓ​ഫീ​സ് പ്ര​വ​ര്‍​ത്തി​ക്കു​ന്ന​ത് ചെ​റി​യ മു​റി​യി​ലാ​യ​തി​നാ​ല്‍ ഉ​പ​ക​ര​ണ​ങ്ങ​ള്‍ സൂ​ക്ഷി​ക്കാ​ന്‍ പോ​ലും ഉ​ദ്യോ​ഗ​സ്ഥ​ര്‍ ബു​ദ്ധി​മു​ട്ടു​ക​യാ​ണ്. ഉ​ദ്യോ​ഗ​സ്ഥ​ര്‍​ക്ക് താ​മ​സി​ക്കു​ന്ന​തി​നോ വി​ശ്ര​മി​ക്കു​ന്ന​തി​നോ ഉ​ള്ള സൗ​ക​ര്യം പോ​ലും നി​ല​വി​ലി​ല്ല.

നി​ല​വി​ല്‍ അ​നു​വ​ദി​ച്ച സ്ഥ​ല​ത്ത് ഫ​യ​ര്‍ സ്റ്റേ​ഷ​ന്‍, ക്വാ​ര്‍​ട്ടേ​ഴ്‌​സു​ക​ള്‍, സ്റ്റോ​ര്‍ റൂം ​തു​ട​ങ്ങി​യ​വ നി​ര്‍​മി​ക്കു​ന്ന​തി​ന് ആ​വ​ശ്യ​മാ​യ സൗ​ക​ര്യ​ങ്ങ​ളു​ണ്ട്. എ​ന്നാ​ല്‍ കെ​ട്ടി​ട​നി​ര്‍​മാ​ണ​ത്തി​നു​ള്ള യാ​തൊ​രു ന​ട​പ​ടി​യും അ​ധി​കൃ​ത​രു​ടെ ഭാ​ഗ​ത്തു​നി​ന്ന് ഉ​ണ്ടാ​കു​ന്നി​ല്ല.