തൊ​ടു​പു​ഴ: വൈ​ദ്യു​തി ബ​ന്ധം നി​ല​ച്ച​തി​നെത്തു​ട​ർ​ന്ന് സ്വ​കാ​ര്യ ഷോ​പ്പിം​ഗ് കോം​പ്ല​ക്സി​ലെ ലി​ഫ്റ്റി​ൽ മൂ​ന്നുപേ​ർ കു​ടു​ങ്ങി​യ​ത് പ​രി​ഭ്രാ​ന്തി പ​ര​ത്തി. അ​ര മ​ണി​ക്കൂ​റി​ലേ​റെ നീ​ണ്ട പ​രി​ശ്ര​മ​ത്തി​നൊ​ടു​വി​ൽ ഫ​യ​ർ​ഫോ​ഴ്സ് ഇ​വ​രെ പു​റ​ത്തെ​ത്തി​ച്ചു. ലി​ഫ്റ്റി​ൽ കു​ടു​ങ്ങി​യ​തി​നെത്തു​ട​ർ​ന്ന് ദേ​ഹാ​സ്വാ​സ്ഥ്യം ഉ​ണ്ടാ​യ യു​വ​തി​യെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഇ​ന്ന​ലെ രാ​വി​ലെ 10.30ഓ​ടെ തൊ​ടു​പു​ഴ ന​ഗ​ര​സ​ഭ ബ​സ് സ്റ്റാ​ൻ​ഡി​ന് സ​മീ​പം പു​ളി​മൂ​ട്ടി​ൽ പ്ലാ​സ​യി​ലായി​രു​ന്നു സം​ഭ​വം.
കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന മെ​ഡി​സി​റ്റി എ​ന്ന സ്ഥാ​പ​ന​ത്തി​ലെ ജീ​വ​ന​ക്കാ​രാ​യ ജി​ഷ, ജാ​ൻ​സി, എ​ൽ​ഐ​സി ഓ​ഫീ​സ് ജീ​വ​ന​ക്കാ​ര​നാ​യ ജെ​റാ​ൾ​ഡ് റാ​ഫേ​ൽ എ​ന്നി​വ​രാ​ണ് ലി​ഫ്റ്റി​ൽ കു​ടു​ങ്ങി​യ​ത്.
ഓ​ഫീ​സു​ക​ളി​ലേ​ക്ക് പോ​കു​ന്ന​തി​നി​ടെ വൈ​ദ്യു​തി ബ​ന്ധം നി​ല​ച്ച് ലി​ഫ്റ്റ് പാ​തി വ​ഴി​യി​ൽ പ്ര​വ​ർ​ത്ത​ന ര​ഹി​ത​മാ​കു​ക​യാ​യി​രു​ന്നു. എ​മ​ർ​ജ​ൻ​സി അ​ലാ​റം പ്ര​വ​ർ​ത്തി​പ്പി​ക്കാ​ൻ ശ്ര​മി​ച്ചെ​ങ്കി​ലും സാ​ധി​ച്ചി​ല്ല. തൊ​ടു​പു​ഴ​യി​ലെ അ​ഗ്നി​ര​ക്ഷാ​സേ​ന​യെ വി​വ​ര​മ​റി​യി​ച്ചതിനെത്തുടർന്ന് സേ​നാം​ഗ​ങ്ങ​ളെ​ത്തി ലി​ഫ്റ്റ് കീ ​ഉ​പ​യോ​ഗി​ച്ച് ഡോ​ർ തു​റ​ന്നെ​ങ്കി​ലും ലി​ഫ്റ്റ് പാ​തി​വ​ഴി​യി​ൽ പ്ര​വ​ർ​ത്ത​ന ര​ഹി​ത​മാ​യി​രു​ന്ന​തി​നാ​ൽ ആ​ളു​ക​ളെ പു​റ​ത്തെ​ടു​ക്കാ​ൻ സാ​ധി​ച്ചി​ല്ല. ഉ​ട​ൻത​ന്നെ ലി​ഫ്റ്റ് റൂ​മി​ന്‍റെ ഉ​ള്ളി​ൽ പ്ര​വേ​ശി​ച്ച സേ​നാം​ഗ​ങ്ങ​ൾ ക​ണ്‍​ട്രോ​ൾ പാ​ന​ൽ പ്ര​വ​ർ​ത്തി​പ്പി​ച്ച് ലി​ഫ്റ്റ് ഏ​റ്റ​വും താ​ഴെ നി​ല​യി​ൽ എ​ത്തി​ച്ചു.
ഹൈ​ഡ്രോ​ളി​ക് സ്പ്ര​ഡ​ർ ഉ​പ​യോ​ഗി​ച്ച് ലി​ഫ്റ്റ് ഡോ​ർ തു​റ​ന്നാ​ണ് മൂ​വ​രേ​യും പു​റ​ത്തെ​ത്തി​ച്ച​ത്. ഏ​റെ നേ​ര​മാ​യി​ട്ടും പു​റ​ത്തി​റ​ങ്ങാ​നാ​വാ​തെ വ​ന്ന​തോ​ടെ​യാ​ണ് ലി​ഫ്റ്റി​ൽ കു​ടു​ങ്ങി​യ ഒ​രു യു​വ​തി​യ്ക്ക് ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ട​ത്.
തൊ​ടു​പു​ഴ അ​ഗ്നി​ര​ക്ഷാനി​ല​യ​ത്തി​ലെ ഗ്രേ​ഡ് അ​സി​സ്റ്റ​ന്‍റ് സ്റ്റേ​ഷ​ൻ ഓ​ഫീ​സ​ർ ടി.​ഇ. അ​ലി​യാ​ർ, ഫ​യ​ർ ആ​ൻ​ഡ് റെ​സ്ക്യൂ ഓ​ഫീ​സ​ർ​മാ​രാ​യ പി.​എ​ൻ.​അ​നൂ​പ്, എ​ൻ.​എ​സ്.​ അ​ജ​യ​കു​മാ​ർ, ഷി​ന്‍റോ തോ​മ​സ്, എം.​എ​ൻ. ​അ​യൂ​ബ് എ​ന്നി​വ​ർ ര​ക്ഷാ​പ്ര​വ​ർ​ത്ത​ന​ത്തി​ൽ പ​ങ്കെ​ടു​ത്തു. സം​ഭ​വ​മ​റി​ഞ്ഞ് തൊ​ടു​പു​ഴ പോ​ലീ​സും സ്ഥ​ല​ത്തെ​ത്തി​യി​രു​ന്നു.