എടത്വ: ​കു​ടി​വെ​ള്ള ക്ഷാ​മം രൂ​ക്ഷ​മാ​യി​രി​ക്കു​ന്ന​തി​നാ​ല്‍ പ​ഞ്ചാ​യ​ത്തു​ക​ളു​ടെ നേ​തൃ​ത്വ​ത്തി​ല്‍ കു​ടി​വെ​ള്ളവി​ത​ര​ണം അ​ടി​യ​ന്ത​ര​മാ​യി ആ​രം​ഭി​ക്ക​ണ​മെ​ന്നും കി​ഴി​വി​ന്‍റെ പേ​രി​ല്‍ മി​ല്ലുട​മ​ക​ള്‍ തു​ട​ര്‍​ച്ച​യാ​യി ക​ര്‍​ഷ​ക​രെ ദ്രോ​ഹി​ക്കു​ന്ന​തി​ന് ശാ​ശ്വ​തപ​രി​ഹാ​രം കാ​ണ​ണ​മെ​ന്നും ആ​വ​ശ്യ​പ്പെ​ട്ട് എ​ട​ത്വ വി​ക​സ​ന സ​മി​തി​യു​ടെ നേ​തൃ​ത്വ​ത്തി​ല്‍ ഇ​ന്ന് രാ​വി​ലെ 10ന് ​പ്ര​തി​ഷേ​ധ സ​മ​രം സം​ഘ​ടി​പ്പി​ക്കും.

ക​ടു​ത്തവേ​ന​ലി​ല്‍ പ്രാ​ഥ​മി​ക ആ​വ​ശ്യ​ങ്ങ​ള്‍​ക്ക് പോ​ലും വെ​ള്ള​മി​ല്ലാ​ത്ത അ​വ​സ്ഥ​യാ​ണ്. നി​ല​വി​ല്‍ ജ​ല അഥോറിറ്റി മു​ഖാ​ന്ത​രം ശു​ദ്ധ​ജ​ല വി​ത​ര​ണം ന​ട​ത്തി വ​ന്നി​രു​ന്ന ഇ​ട​ങ്ങ​ളി​ലും സ്രോ​ത​സു​ക​ളി​ലെ ജ​ല ല​ഭ്യ​ത​ക്കു​റ​വും വി​ത​ര​ണ ലൈ​നി​ലെ ത​ക​രാ​റു​ക​ളും മൂ​ലം കു​ടി​വെ​ള്ള വി​ത​ര​ണം മു​ട​ങ്ങു​ന്ന സാ​ഹ​ച​ര്യ​വു​മാ​ണ് നി​ല​നി​ല്‍​ക്കു​ന്ന​ത്. നീ​രേ​റ്റു​പു​റം വാ​ട്ട​ര്‍ ട്രീ​റ്റ്‌​മെന്‍റ് പ്ലാ​ന്‍റ് പൂ​ര്‍​ണമാ​യും സ​ജ്ജ​മാ​ക്ക​ണ​മെ​ന്നും പൊ​തു മ​രാ​മ​ത്ത് റോ​ഡി​ലൂ​ടെ പു​തി​യ വ​ലി​യ പൈ​പ്പു​ക​ള്‍ സ്ഥാ​പി​ക്കു​ക​യും പ​ഞ്ചാ​യ​ത്ത് വ​ഴി​ക​ളി​ല്‍ ഡി​സ്ട്രി​ബ്യൂ​ഷ​ന്‍ പൈ​പ്പു​ക​ള്‍ സ്ഥാ​പി​ച്ചും കു​ടി​വെ​ള്ള ക്ഷാ​മം ശാ​ശ്വ​ത​മാ​യി പ​രി​ഹ​രി​ക്ക​ണമെന്നും വികസന സമിതി ആവശ്യപ്പെട്ടു.

പ്ര​തി​ഷേ​ധ യോ​ഗം വൈ​സ് പ്ര​സി​ഡന്‍റ് ടി.​എ​ന്‍. ഗോ​പ​കു​മാ​ര്‍ അ​ധ്യ​ക്ഷ​ത വ​ഹി​ക്കും. പ്ര​സി​ഡന്‍റ് ഐ​സ​ക് എ​ഡ്വേ​ര്‍​ഡ് ഉ​ദ്ഘാ​ട​നം ചെ​യ്യും. അ​ഡ്വ. ഐ​സ​ക്ക് രാ​ജു പ്ര​മേ​യം അ​വ​ത​രി​പ്പി​ക്കു​മെ​ന്ന് ജ​ന​റ​ല്‍ സെ​ക്ര​ട്ട​റി ഡോ. ​ജോ​ണ്‍​സ​ണ്‍ വി.​ ഇ​ടി​ക്കു​ള, കു​ഞ്ഞു​മോ​ന്‍ പ​ട്ട​ത്താ​നം എ​ന്നി​വ​ര്‍ അ​റി​യി​ച്ചു.