കേരള സംസ്ഥാന വ്യാപാരി വ്യവസായി സമിതിയുടെ മാര്ച്ചം ധര്ണയും 24ന്
1463380
Wednesday, October 23, 2024 7:15 AM IST
ആലപ്പുഴ: വാടക കെട്ടിടങ്ങളുടെ നികുതി ബാധ്യത വ്യാപാരികളില്നിന്ന് ഒഴിവാക്കണമെന്നാവശ്യപ്പെട്ട് ജിഎസ്ടി ഓഫീസിലേക്ക് മാര്ച്ചും ധര്ണയും സംഘടിപ്പിക്കും. സംസ്ഥാന വ്യാപകമായി നടക്കുന്ന പ്രതിഷേധ പരിപാടിയുടെ ഭാഗമായാണ് 24ന് ജില്ലാ കമ്മിറ്റിയുടെ നേതൃത്വത്തില് പ്രതിഷേധ മാര്ച്ചും ധര്ണയും നടത്തുന്നത്.
ജിഎസ്ടി കൗണ്സിലിന്റെ പുതിയ തീരുമാനപ്രകാരം വാടക കെട്ടിടങ്ങള്ക്ക് 18% നികുതി വാടകക്കാരനായ വ്യാപാരിയുടെ മേല് അടിച്ചേല്പ്പിക്കാനുള്ള തീരുമാനം ദൂരവ്യാപക പ്രതിസന്ധികള് സൃഷ്ടിക്കുമെന്നും വ്യാപാര മേഖലയെ തകര്ക്കുമെന്നും ഭാരവാഹികള് പത്രസമ്മേളനത്തില് പറഞ്ഞു.
ജില്ലാ പ്രസിഡന്റ് എം.എം. ഷെരീഫ്, സെക്രട്ടറി എസ്. ശരത്, സംസ്ഥാന കമ്മിറ്റി അംഗം മണി മോഹന്, ജില്ലാ വൈസ് പ്രസിഡന്റ് സമീര്, ജില്ലാ ജോയിന്റ് സെക്രട്ടറിമാരായ കെ.എക്സ്. ജോപ്പന്, ബി.എസ്. അഫ്സല് തുടങ്ങിയവര് പത്രസമ്മേളനത്തില് പങ്കെടുത്തു.