ഐക്യരാഷ്ട്ര ദിനാചരണം 24ന്
1463372
Wednesday, October 23, 2024 7:15 AM IST
ആലപ്പുഴ: ലയണ്സ് ക്ലബ്ബ് ഇന്റര്നാഷണല് ഡിസ്ട്രിക്ട് 318 സിയുടെ നേതൃത്വത്തില് യു എന് ദിനാചരണവും റാലിയും 24ന് ആലപ്പുഴയില് നടക്കും. ഭാരതത്തിന് യുഎന് സെക്യൂരിറ്റി കൗണ്സിലില് സ്ഥിര അംഗത്വം വേണമെന്ന് ആവശ്യപ്പെട്ട് വൈകിട്ട് നാലിന് ആലപ്പുഴ കിറ്റ് ഇന്ത്യ സ്മാരകത്തിന് സമീപത്തുനിന്ന് ആരംഭിക്കുന്ന റാലിയില് ജില്ലാ പോലീസ് മേധാവി എം.പി. മോഹനചന്ദ്രന് ദീപശിഖ കൈമാറും.
ആലപ്പുഴ ആര്ടിഒ ഡിലു എ.കെ. റാലി ഫ്ളാഗ് ഓഫ് ചെയ്യും. സൈക്ലിംഗ്, കുട്ടികളുടെ റോള് സ്കേറ്റിംഗ്, ബാന്ഡ് മേളം എന്നിവ റാലിയുടെ ഭാഗമാവും. തുടര്ന്ന് എസ്ഡിവി സെന്റര് ഹാളില് നടക്കുന്ന പൊതുസമ്മേളനം ജില്ലാ കളക്ടര് അലക്സ് വര്ഗീസ് ഉദ്ഘാടനം ചെയ്യും.
അന്തരിച്ച രത്തന് ടാറ്റായ്ക്ക് ആദരാഞ്ജലികള് അര്പ്പിച്ച് എസ്ഡിപി ഗ്രൂപ്പ് മാനേജര് ആര്. കൃഷ്ണന് അനുശോചന സന്ദേശവും ഹരിയാന ഡിജിപി ജോണ് വി. ജോര്ജ് മുഖ്യപ്രഭാഷണവും സംസ്ഥാന മുൻ ഡിജിപി ജേക്കബ് പൊന്നൂസ് യുഎന് സന്ദേശ പ്രഭാഷണവും നടത്തും. ജേക്കബ് ജോണ്, ഗീത, ബി. ദിനേശന്, ആര്. സുബ്രഹ്മണ്യന് തുടങ്ങിയവര് പത്രസമ്മേളനത്തില് പങ്കെടുത്തു.