വാഹനാപകടത്തിൽ പരിക്ക്
1463377
Wednesday, October 23, 2024 7:15 AM IST
മുഹമ്മ: മാരാരിക്കുളം വടക്ക് പൂപ്പള്ളിക്കാവില് കാറിടിച്ച് ഓട്ടോ ഡ്രൈവര്ക്കും യാത്രാക്കാരായ രണ്ടു വീട്ടമ്മമാര്ക്കും പരിക്ക്. മാരാരിക്കുളം സ്വദേശികളായ ബിന്ദു (50), ഗീത (56) എന്നിവര്ക്കും ഓട്ടോ ഡ്രൈവര് അഖിലി(33)നുമാണ് പരിക്കേറ്റത്.
ചൊവ്വാഴ്ച ഉച്ചകഴിഞ്ഞ് മൂന്നരയോടെ പൂപ്പള്ളിക്കാവ് ക്ഷേത്രത്തിനു സമീപത്തായിരുന്നു അപകടം. അമിതവേഗതയിലെത്തിയ കാര് ഓട്ടോറിക്ഷയില് ഇടിച്ചശേഷം സമീപത്തെ മതിലും ഇടിച്ചു തകര്ത്തു. പരിക്കേറ്റവരെ ആശുപത്രിയില് കൊണ്ടുപോയില്ലെന്നും പരാതിയുണ്ട്. ഓട്ടോ എസ്എല്പുരത്തുനിന്ന് മാരാരിക്കുളത്തേക്കു വരുകയായിരുന്നു. മാരാരിക്കുളം പോലീസില് പരാതി നല്കി. അപകടത്തില് ഓട്ടോറിക്ഷയും തകര്ന്നു.