പ​ത്ത​നം​തി​ട്ട: കേ​ന്ദ്രാ​വി​ഷ്കൃ​ത പ​ദ്ധ​തി​യാ​യ പി​എം​ജി​എ​സ്‌വൈ ​പദ്ധ​തി​യു​ടെ നാ​ലാം ഘ​ട്ട​ത്തി​ൽ പ​ത്ത​നം​തി​ട്ട പാ​ർ​ല​മെ​ന്‍റ് മ​ണ്ഡ​ല​ത്തി​ലെ 140 റോ​ഡു​ക​ൾ​ക്ക് അ​നു​മ​തി​യാ​യെ​ന്ന് ആ​ന്‍റോ ആന്‍റ​ണി എം​പി അ​റി​യി​ച്ചു. നി​ല​വി​ൽ റോ​ഡു​ക​ളില്ലാ​ത്ത ജ​ന​വാ​സ​കേ​ന്ദ്ര​ങ്ങ​ളി​ലേ​ക്ക് ഏ​തു കാ​ലാ​വ​സ്ഥ​യി​ലും നി​ല​നി​ൽ​ക്കു​ന്നവി​ധ​ത്തി​ൽ പു​തു​താ​യി റോ​ഡു​ക​ൾ വെ​ട്ടി ദേ​ശീ​യ നി​ല​വാ​ര​ത്തി​ൽ ടാ​റിം​ഗ്
ന​ട​ത്തി ഗ​താ​ഗ​ത യോ​ഗ്യ​മാ​ക്കു​ന്ന​തി​നാ​ണ് ഈ ​ഘ​ട്ട​ത്തി​ൽ മു​ൻ​ഗ​ണ​ന ന​ൽ​കി​യി​രുന്ന​ത്.
250-ല​ധി​കം റോ​ഡു​ക​ൾ പ​ദ്ധ​തി​യി​ലേ​ക്ക് സ​മ​ർ​പ്പി​ച്ചി​രു​ന്നു​വെ​ങ്കി​ലും മ​ൺ​പാ​ത​ക​ൾ മാ​ത്ര​മാ​ണ് നാ​ലാം ഘ​ട്ട​ത്തി​ൽ പ​രി​ഗ​ണി​ച്ചി​ട്ടു​ള്ള​ത്. റോ​ഡു​ക​ൾ ജി​ല്ല​യി​ലെ പി​എം​ജി​എ​സ്‌വൈ ​ഉ​ദ്യോ​ഗ​സ്ഥ​ർ നേ​രി​ട്ട് സ​ന്ദ​ർ​ശി​ച്ച് എ​ഐ സാ​ങ്കേ​തി​കവി​ദ്യ ഉ​പ​യോ​ഗി​ച്ച് ട്രാ​ക്ക് ചെ​യ്ത് പോ​ർ​ട്ട​ലി​ൽ അ​പ്‌​ലോ​ഡ് ചെ​യ്യു​ക​യാ​യി​രു​ന്നു.

പ​ത്ത​നം​തി​ട്ട ജി​ല്ല​യി​ലെ 80 റോ​ഡു​ക​ൾ​ക്കും പൂ​ഞ്ഞാ​ർ, കാ​ഞ്ഞി​ര​പ്പ​ള്ളി അ​സം​ബ്ലി മ​ണ്ഡ​ല​ങ്ങ​ളി​ലെ 60 റോ​ഡു​ക​ൾ​ക്കു​മാ​ണ് പ​ദ്ധ​തി​യി​ൽ അ​നു​മ​തി ല​ഭി​ച്ച​തെ​ന്ന് എം​പി പ​റ​ഞ്ഞു. ആ​റു മീ​റ്റ​ർ വീ​തി​യും കു​റ​ഞ്ഞ​ത് 500 മീ​റ്റ​ർ മു​ത​ൽ നീ​ള​വു​മു​ള്ള ഗ്രാ​മീ​ണ റോ​ഡു​ക​ളാ​ണ് പ്രാ​ഥ​മി​ക പ​രി​ശോ​ധ​ന​ക​ൾ​ക്കുശേ​ഷം പ​ട്ടി​ക​യി​ൽ ഇ​ടം പി​ടി​ച്ച​ത്.

അ​ഞ്ച് വ​ർ​ഷ​മാ​ണ് പ​ട്ടി​ക​യു​ടെ കാ​ലാ​വ​ധി. നാ​ലാം​ഘ​ട്ട​ത്തി​ലെ ഈ ​റോ​ഡു​ക​ളി​ൽനി​ന്ന് 10 ശ​ത​മാ​നം റോ​ഡു​ക​ളു​ടെ നി​ർ​മാ​ണം ഉ​ട​ൻ​ത​ന്നെ ആ​രം​ഭി​ക്കും. ബാ​ക്കി​യു​ള്ള​വ ഘ​ട്ടം​ഘ​ട്ട​മാ​യി ന​ട​പ്പി​ലാ​ക്കു​മെ​ന്ന് എം​പി പ​റ​ഞ്ഞു.