പറവകൾക്കൊരു തണ്ണീർക്കുടം പദ്ധതി തുടങ്ങി : Deepika.com Nattu Visesham

കുളത്തൂപ്പുഴ സെന്‍റ് പോൾസ് സിഎസ്ഐ പള്ളി സഭാദിനവും കൺവൻഷനും

കുളത്തൂപ്പുഴ : കിഴക്കൻ മലയോര മേഖലയിൽ സ്ഥിതിചെയ്യുന്ന സെന്‍റ് പോൾസ് സി എസ് ഐ ഇടവകയുടെ 44-ാ മത് സഭാദിനവും ആത്മീയ കൺവൻഷനും ഇന്നുമുതൽ തുടങ്ങും. പള്ളി വികാരി റവ. പോൾ ഡേവിഡിന്‍റെ അധ്യക്ഷതയിൽ കൂടുന്ന കൺവൻഷൻ യോഗത്തിൽ റവ .ഷിബിൻ ശിശു മണി (സെന്‍റ് പോൾസ് മാർത്തോമാ ചർച്ച് അഞ്ചൽ) തിരുവചന സന്ദേശം നൽകും. നാളെ വൈകുന്നേരം 6.30ന് റവ .ടിബിൻ ജോസഫ് മാത്യു (സെന്‍റ് മാർക്ക് സി എസ് ഐ ചർച്ച് ചന്ദനക്കാവ്) വിന്‍റെ അധ്യക്ഷയിൽ ചേരുന്ന കൺവൻഷനിൽ റവ .സനിൽ രാജ് സൈമൺ തിരുവചന സന്ദേശം നൽകും. 27ന് രാവിലെ 9 .30 മുതൽ സഭാദിന സ്തോത്ര ആരാധനയും വിശുദ്ധ ആരാധനയും സ്ഥിരീകരണ ശുശ്രൂഷയുംനടക്കും. കൊല്ലം കൊട്ടാരക്കര മഹാ ഇടവക ബിഷപ് ഇൻ ചാർജ് വി. എസ്. ഫ്രാൻസിസ് നേതൃത്വം നൽകും. ഇടവക വികാരി റവ.പോൾ ഡേവിഡ്, ഇടവക സെക്രട്ടറി കെ.ഐ.ആൻഡ്രൂസ്, (സിഎസ്ഐ ആത്മായ സെക്രട്ടറി തിരുനെൽവേലി മഹാഇടവക) ഡോ.ഡി.എസ്.ജയ്സിംഗ, കൺവൻഷൻ കൺവീനർ പോൾ സുബ്രഹ്മണ്യൻ തുടങ്ങിയവർ പ്രസംഗിക്കും.തുടർന്ന് സഭയിലെ മുതിർന്നവരെ ആദരിക്കൽ ചടങ്ങും സ്നേഹവിരുന്നും നടക്കും.

ദുരന്ത നിവാരണം; ഹ്രസ്വകാല സർട്ടിഫിക്കറ്റ് കോഴ്സ് അവതരിപ്പിച്ച് അമൃത വിശ്വവിദ്യാപീഠം

അമൃതപുരി (കൊല്ലം) : പ്രായോഗിക പഠനത്തിലൂടെ ദുരന്ത പ്രതിരോധ ശേഷി വർധിപ്പിക്കുന്നതിനായി ഹ്രസ്വകാല സർട്ടിഫിക്കറ്റ് കോഴ്സ് അവതരിപ്പിച്ച് അമൃത വിശ്വവിദ്യാപീഠം. അമൃതപുരി കാമ്പസിലെ അമൃത സ്‌കൂൾ ഫോർ സസ്റ്റയിനബിൾ ഫ്യൂച്ചേഴ്‌സ്, യുനെസ്കോ ചെയർ ഓൺ എക്സ്പീരിയൻഷൽ ലേർണിംഗ്‌ ഫോർ സസ്റ്റയിനബിൾ ഇന്നോവേഷൻ ആൻഡ് ഡെവലപ്പ്മെന്‍റിന്‍റെസഹകരണത്തോടുകൂടിയാണ് ഹ്രസ്വകാല കോഴ്സ് ആരംഭിച്ചത്. പ്രായോഗിക പരിശീലനത്തിലൂടെ ദുരന്ത പ്രതിരോധശേഷിയും സാമൂഹിക ഉത്തരവാദിത്തവും വളർത്തിയെടുക്കുകയാണ് പൂർണമായും ഓഫ്‌ലൈൻ രീതിയിൽ സംഘടിപ്പിക്കുന്ന സർട്ടിഫിക്കറ്റ് കോഴ്‌സിലൂടെ ലക്ഷ്യംവെക്കുന്നത്. ദുരന്ത നിവാരണസേനാ അംഗങ്ങൾ, അധ്യാപകർ, യുവജന നേതാക്കൾ, വിദ്യാർഥികൾ എന്നിവർക്കാണ് ആദ്യഘട്ടത്തിൽ പരിശീലനം നൽകുന്നത്. നാലുദിവസം നീണ്ടുനിൽക്കുന്ന സർട്ടിഫിക്കറ്റ് കോഴ്‌സിൽ കാലാവസ്ഥയെക്കുറിച്ചും പ്രകൃതി ദുരന്തങ്ങളെക്കുറിച്ചും അവയെ പ്രതിരോധിക്കേണ്ട രീതിയെക്കുറിച്ചും ബോധവത്കരണം നടത്തുന്നതോടൊപ്പം അത്യാധുനിക രീതികളും ഉപകരണങ്ങളും ഉപയോഗിച്ച് ദുരന്തങ്ങളെ പ്രതിരോധിക്കുന്നതിനുള്ള പരിശീലനവും നൽകും. ഇതിനുപുറമേ ദുരന്തനിരീക്ഷണ സംവിധാനവും പ്രഥമ ശുശ്രൂഷാ രീതികളും കോഴ്‌സിലൂടെ പരിചയപ്പെടുത്തും.സുസ്ഥിര വികസന സൂചിക, കേന്ദ്ര - സംസ്ഥാന സർക്കാരുകളുടെ ദുരന്ത നിവാരണ പദ്ധതികൾ, മാർഗനിർദേശങ്ങൾ എന്നിവ അടിസ്ഥാനമാക്കിയാണ് കോഴ്‌സിന്‍റെ ഘടനയും പ്രവർത്തനവും രൂപപ്പെടുത്തിയിട്ടുള്ളത്. ആദ്യ ബാച്ചിൽ കേരളം, തമിഴ്‌നാട്, കർണാടക സംസ്ഥാനങ്ങളിൽ നിന്നായി 25പേരുണ്ട്.

കുരീപ്പുഴ ശ്രീകുമാർ സാഹിത്യോത്സവവും സാംബശിവൻ അനുസ്മരണവും സംഘടിപ്പിച്ചു

കൊല്ലം : കൊല്ലം കോർപറേഷന്‍റെ ആഭിമുഖ്യത്തിൽ കലാസാംസ്കാരിക രംഗത്തെ പ്രമുഖരെ പങ്കെടുപ്പിച്ച് സംഘടിപ്പിച്ച സാഹിത്യോത്സവം സർഗധാര 2025 ന്‍റെ ഉദ്ഘാടനവും സാംബശിവൻ അനുസ്മരണവും കവി കുരീപ്പുഴ ശ്രീകുമാർ നിർവഹിച്ചു. ചിന്നക്കടയിലെ സാംബശിവൻ സ്ക്വയറിൽ നടന്ന പരിപാടിയിൽ മേയർ ഹണി ബെഞ്ചമിൻ അധ്യക്ഷയായി. ഡെപ്യൂട്ടി മേയർ എസ്. ജയൻ, വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ എസ്.ഗീതകുമാരി, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ എം.സജീവ്, ആരോഗ്യകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ യു.പവിത്ര, നഗരാസൂത്രണകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ സുജാ കൃഷ്‌ണൻ, മരാമത്തുകാര്യ സ്റ്റാൻഡിംഗ് കമ്മിറ്റി ചെയർമാൻ സജീവ് സോമൻ, നികുതി അപ്പീൽ കാര്യ സ്റ്റാൻഡിംഗ് കമ്മിറ്റി ചെയർമാൻ അഡ്വ.എ.കെ.സവാദ്, വിദ്യാഭ്യാസ കായികകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ എസ്.സവിതാദേവി, മുൻമേയർ പ്രസന്ന ഏണസ്റ്റ്, കൗൺസിലർമാരായ ജോർജ് ഡി. കാട്ടിൽ, ടി.ജി.ഗിരീഷ്, കോർപറേഷൻ സെക്രട്ടറി ഡി.സാജു തുടങ്ങിയവർ പങ്കെടുത്തു. വസന്തകുമാർ സാംബശിവൻ 'റാണി' കഥാപ്രസംഗം അവതരിപ്പിച്ചു.

‘പനിനീര്‍ പൂവിനെ വരവേല്‍ക്കാം’പദ്ധതിയുമായി ശാസ്താംകോട്ട പഞ്ചായത്ത്

കൊല്ലം : നാട്ടറിവുകളും പരമ്പരാഗതബോധ്യങ്ങളും ശാസ്ത്രീയ അടിത്തറയോടെ നാളെയുടെ തലമുറയ്ക്കായി സമര്‍പ്പിക്കുകയാണ് ശാസ്താംകോട്ട ബ്ലോക്ക് പഞ്ചായത്ത്. നവജാത ശിശുക്കളുടെ പ്രാഥമികപരിചരണവും ആരോഗ്യസുരക്ഷയും ഉറപ്പാക്കിയാണ് പുതുമാതൃകയുടെ തുടക്കം. ബ്ലോക്ക് പരിധിയിലെ ഏഴ് പഞ്ചായത്തുകളിലെ ആദ്യപ്രസവത്തിന് തയാറെടുക്കുന്ന ബിപിഎല്‍ കുടുംബത്തില്‍പ്പെട്ട ഗര്‍ഭിണികള്‍ക്ക് ആരോഗ്യ പരിശോധന, കൗണ്‍സിലിംഗ്, പ്രസവശേഷം അമ്മയ്ക്കും കുഞ്ഞിനും പരിരക്ഷ, ഔഷധ വിതരണം എന്നിവ ലക്ഷ്യമിട്ട് നടപ്പിലാക്കുന്ന ‘പനിനീര്‍ പൂവിനെ വരവേല്‍ക്കാം' പദ്ധതിയാണ് ഗുണകരമായമാറ്റത്തിന് വഴിയൊരുക്കുന്നത്. അന്യംനിന്നുപോയ നാട്ടറിവുകള്‍ പ്രയോജനപ്പെടുത്താനും കുടുംബാംഗങ്ങളുടെ കരുതലും പിന്തുണയും അമ്മയാകുന്ന സ്ത്രീക്ക് ലഭ്യമാക്കുന്നതിനുമാണ് പദ്ധതി. തെരഞ്ഞെടുത്ത വനിതകള്‍ക്ക് ഒരുമാസത്തെ പരിശീലനം നല്‍കി ‘ധാത്രി ബ്രിഗേഡ്‌സ്' രൂപീകരിച്ച് സേവനം ലഭ്യമാക്കും. സുരക്ഷിതമായ ഗര്‍ഭകാലം, അമ്മയുടെയും കുഞ്ഞിന്‍റെയും ശാരീരിക- മാനസികാരോഗ്യം എന്നിവ കുടുംബാംഗങ്ങളുടെ കൂടി ഉത്തരവാദിത്വമാണെന്ന സന്ദേശം എല്ലാവരിലും എത്തിക്കുകയാണ്. ബ്ലോക്ക്പരിധിയിലെ ഡോക്ടര്‍മാരുടെയും വനിതാ-ശിശുവികസന വകുപ്പിന്‍റെയും സഹായത്തോടെ കൈപുസ്തകവും തയാറാക്കി വിതരണം ചെയ്യുന്നുണ്ട്. ഗര്‍ഭിണിയായി ഒമ്പതാം മാസം മുതല്‍ തുടങ്ങുന്ന പരിചരണം പ്രസവശേഷം 15 ദിവസം വരെയാണ് നല്‍കുക. സര്‍ക്കാര്‍ ആയുര്‍വേദ വനിത ഡോക്ടര്‍മാരുടെ നിര്‍ദേശപ്രകാരം പ്രസവാനന്തരം കഴിക്കേണ്ട ആയുര്‍വേദ മരുന്നുകള്‍ ഉള്‍പ്പെടെ 2500 രൂപ വില വരുന്ന സാധനങ്ങളുടെ കിറ്റും സൗജന്യമായി ലഭ്യമാക്കുന്നു. 2021-ല്‍ ആസൂത്രണ കമ്മിറ്റി ഉപാധ്യക്ഷനായിരുന്ന ദിനേശ് മുന്നോട്ടുവെച്ച ആശയമാണ് 'പനിനീര്‍ പൂവിനെ വരവേല്‍ക്കാം'. നവജാത ശിശുക്കളുടെ പരിചരണം കൂടാതെ, ബ്ലോക്ക്പരിധിയിലെ വനിതകള്‍ക്ക് തൊഴില്‍ലഭ്യമാക്കല്‍ കൂടിയാണ് സാധ്യമാക്കുന്നത്. ഏഴ് പഞ്ചായത്തിലെ 25നും 40 നും മധ്യേ പ്രായമുള്ള സ്ത്രീകള്‍ക്കാണ് സ്വയംതൊഴില്‍പരിശീലനം നല്‍കിയത്. നിലവില്‍ ആറ് ‘ധാത്രി ബ്രിഗേഡ്‌സ്' ഇവിടെയുണ്ട്. ഇവര്‍ക്ക് പ്രതിദിനം 500 രൂപ വീതം വേതനവും നല്‍കുന്നു. വനിതാ ഘടകപദ്ധതിയില്‍ ഉള്‍പ്പെടുത്തി ആദ്യവര്‍ഷം 2,50,000 രൂപ ചെലവഴിച്ച് ബ്ലോക്ക് പരിധിയിലുള്ള 34 ഗുണഭോക്താക്കള്‍ക്ക് സേവനം ഉറപ്പാക്കി. കഴിഞ്ഞ നാലു വര്‍ഷങ്ങളായി 12 ലക്ഷത്തോളം രൂപ ചെലവഴിച്ച് 284 പേര്‍ക്കാണ് സേവനം നല്‍കിയതെന്ന് പ്രസിഡന്‍റ് ആര്‍. സുന്ദരേശന്‍ പറഞ്ഞു.

അഞ്ചലില്‍ മുഖ്യമന്ത്രിക്ക് നേരേ കരിങ്കൊടി

അഞ്ചല്‍ : അഞ്ചലില്‍ മുഖ്യമന്ത്രിയുടെ വാഹനവ്യൂഹത്തിന് നേരേ കരിങ്കൊടി കാണിച്ചു യൂത്ത്കോണ്‍ഗ്രസ് പ്രവര്‍ത്തകർ. പത്തനംതിട്ടയിലെ പൊതുപരിപാടിക്ക് ശേഷം മടങ്ങിവരവേ അഞ്ചല്‍ ബൈപ്പാസില്‍ വച്ചായിരുന്നു മുഖ്യമന്ത്രിക്ക് നേരെ കരിങ്കൊടി കാണിച്ചത്. വിവിധ ഇടങ്ങളിലായി മാറിനിന്ന യൂത്ത് കോണ്‍ഗ്രസ് പ്രവര്‍ത്തകര്‍ മുഖ്യമന്ത്രിയുടെ വാഹനാവ്യൂഹം എത്തിയതോടെ മുദ്രാവാക്യം വിളിച്ചുകൊണ്ടു റോഡിലേക്ക് ചാടുകയും കരിങ്കൊടി കാണിക്കുകയുമായിരുന്നു. സ്ഥലത്ത് ഉണ്ടായിരുന്ന സ്പെഷല്‍ ബ്രാഞ്ച് പോലീസുകാര്‍ യൂത്ത് കോണ്‍ഗ്രസ് പ്രവര്‍ത്തകരെ തടയാൻ ശ്രമിച്ചെങ്കിലും ഫലമുണ്ടായില്ല. തൊട്ടുപിന്നാലെ എത്തിയ പുനലൂര്‍ ഡിവൈഎസ്പിയുടെ നേതൃത്വത്തിലുള്ള പോലീസ് സംഘം ബലപ്രയോഗത്തിലൂടെ ഏഴോളം വരുന്ന പ്രവര്‍ത്തകരെ കസ്റ്റഡിയില്‍ എടുക്കുകയും അഞ്ചല്‍ പോലീസ് സ്റ്റേഷനിലേക്ക് മാറ്റുകയും ചെയ്തു. യൂത്ത് കോണ്‍ഗ്രസ് നേതാവും ബ്ലോക്ക് പഞ്ചായത്ത് അംഗവുമായ ഷെറിന്‍റെ നേതൃത്വത്തിലായിരുന്നു കരിങ്കൊടി പ്രതിഷേധം നടത്തിയത്.

വിവരസാങ്കേതിക വിദ്യയുടെ കടന്നുകയറ്റം ഉണ്ടായത് രാജീവ് ഗാന്ധിയുടെ ഭരണകാലത്ത്: എം.ലിജു

കൊല്ലം : മുൻ പ്രധാനമന്ത്രി രാജീവ് ഗാന്ധിയുടെ ഭരണകാലഘട്ടത്തിലാണ് ഭാരതത്തിൽ വിവരസാങ്കേതിക വിദ്യയുടെ കടന്നു കയറ്റം ഉണ്ടായതെന്ന് കെപിസി സി സംഘടന ജനറൽ സെക്രട്ടറി എം.ലിജു. ആഭ്യന്തര ബാഹ്യ ശക്തികളുടെ ഇടപെടലിനെ തുടർന്നാണ് രാജീവ് ഗാന്ധിയെ ദുർബലപ്പെടുത്തിയത്. പരിചയസമ്പന്നരായ പട്ടാളക്കാരെ ഒഴിവാക്കിയതിന്‍റെ ഫലമാണ് ഭീകരാക്രണമെന്നും ലിജു പറഞ്ഞു. രാജീവ് ഗാന്ധി സാംസ്കാരിക സമിതിയുടെ ഇരുപത്തിയഞ്ചാം വാർഷികം കൊല്ലം പ്രസ് ക്ലബിൽ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. രാജീവ് ഗാന്ധി സാംസ്കാരിക സമിതി പ്രസിഡന്‍റ് സജിവ് പരിശവിള അധ്യക്ഷത വഹിച്ച യോഗത്തിൽ രക്ഷാധികാരി ആർ. രാജശേഖരൻ, ദേശീയ സെക്രട്ടറി സാബു ബെനഡിക്ട്, ഫാ. ജോളി ഏബ്രഹാം, ഫാ.ബിനു തോമസ്, ഹരീഷ് ചവറ, വി. ടി. കുരീപ്പുഴ, ജേക്കബ് എസ്. മുണ്ടപ്പുളം, പൂജ ശിഹാബ്, സൈമൺ അലക്സ്, ഡി. ഗീതാകൃഷ്ണൻ, അഡ്വ.എം.ജി. ജയകൃഷ്ണൻ, ആർ. പ്രകാശൻ പിള്ള, അഡ്വ.ടി.സി.വിജയൻ, ഡോ. ബിജു നെൽസൺ, സിനു. പി. ജോൺസൺ, പി. ബാബുരാജൻ, അൽഫോൺസ് ഫിലിപ്പ്, സുരേഷ് പോറ്റി, എസ്. ഷാനവാസ്, ഷീബ റോയ്സ്റ്റൺ, സുധീർ തോട്ടുവാൽ എന്നിവർ പ്രസംഗിച്ചു.

വേട്ടുതറ അടിപ്പാത സമരസമിതി നേതാക്കൾക്കെതിരേ ആക്രമണശ്രമം

ചവറ : നീണ്ടകര വേട്ടുതറയിൽ അടിപ്പാത സമര നേതാക്കൾക്കെതിരേ ലോറി ഡ്രൈവറുടെ ഭീഷണിയും ഉണ്ടായതായി പരാതി. സമരം 486 ദിവസം പിന്നിട്ടപ്പോഴാണ് നേതാക്കൾക്കെതിരേ ഭീഷണി ഉയർന്നിരിക്കുന്നത്. നാഷണൽ ഹൈവേ അഥോറിറ്റിയുടെ നിസംഗതയെ തുടർന്ന് സംയുക്ത സമരസമിതിയുടെ നേതൃത്വത്തിലാണ് പ്രതിഷേധ സമരം നടക്കുന്നത്. തെക്കുംഭാഗം പഞ്ചായത്തിൽ നിന്നുമാണ് നാഷണൽ ഹൈവേയുടെ രണ്ട് റീച്ചിന്‍റെ നിർമാണത്തിനായി അഷ്‌ടമുടി കായൽ ഖനനം ചെയ്ത് മണ്ണ് കൊണ്ടുപോകുന്നത്. സമരപന്തലിന്‍റെ മുന്നിൽ സമര പ്രചരണ പോസ്റ്റർ പതിക്കുന്നതിനിടയിൽ ഹൈവേ നിർമാണത്തിന് മണ്ണ് കയറ്റി പോയ ലോറി ഡ്രൈവർ സമരസമിതി അംഗങ്ങളുമായി വാക്കേറ്റമുണ്ടാവുകയും സമരസമിതി നേതാവും തെക്കുംഭാഗം പഞ്ചായത്ത് മുൻ പ്രസിഡന്‍റുമായ ബീനാ ദയനെ ആക്രമിക്കാൻ മുതിരുകയും ചെയ്തു. തെക്കുംഭാഗം പഞ്ചായത്ത് പ്രസിഡന്‍റ് തങ്കച്ചി പ്രഭാകരൻ, സിപിഎം തെക്കുംഭാഗം ലോക്കൽ കമ്മിറ്റി സെക്രട്ടറി ബാജി സേനാഥിപൻ, പഞ്ചായത്തംഗങ്ങളായ പ്രദീപ് എസ് പുല്യാഴം, മീന, അപർണ , രാജഗോപാൽ,സീതാലക്ഷ്മി, സിന്ധുമോൾ, മഞ്ജു, ബി കെ വിനോദ്, കെ .ആർ .രവി എന്നിവരുടെ നേതൃത്വത്തിൽ സമര പന്തലിൽ സമരം തുടരവേ മണ്ണ് കയറ്റി വന്ന മറ്റ് മൂന്ന് ലോറികൾ കൂടി സമരപന്തലിന്‍റെ മുന്നിൽ നിറുത്തിയിട്ട് ഗതാഗത തടസം സൃഷ്‌ടിച്ച് സമാധാനപരമായി സമരംനടത്തി കൊണ്ടിരുന്ന സമരസമിതിക്കാരെ ഭീഷണിപ്പെടുത്തുകയും ചെയ്തു. ലോറി ഡ്രൈവർ അസഭ്യം പറഞ്ഞ് ഭീഷണിപ്പെടുത്തിയ ബീനാ ദയനെ ദേഹാസ്വസ്ഥത്തെ തുടർന്ന് നീണ്ടകര താലൂക്ക് ആശുപത്രിയിൽ പ്രവേശിപ്പിച്ചു. മണ്ണ് കയറ്റിയ ലോറികൾ നിരത്തിയിട്ട് ഹൈവേയിൽ ഗതാഗതം തടസപ്പെടുത്തിയ ലോറി ഡ്രൈവറെ ചവറ പോലീസ് സ്‌റ്റേഷനിലേക്ക് കൊണ്ടുപോയി. സമരസമിതിയിലെ സ്ത്രീകളെ അപമാനിച്ച ഡൈവർക്കെതിരെ സമര സമിതി നേതാക്കൾ സ്റ്റേഷനിൽ പരാതി നൽകി. സമരപന്തലിന് സമീപം ആക്രമണം നടത്തിയ ലോറി ഡ്രൈവർക്കെതിരെ അന്വേഷണം നടത്തി ശക്തമായ നിയമനടപടികൾ സ്വീകരിക്കണമെന്ന് സമരസമിതി നേതാക്കൾ ആവശ്യപ്പെട്ടു.

ഭീകരതയെ തോൽപ്പിക്കണം: പി.ജർമിയാസ്

രാമൻകുളങ്ങര : പഹൽഗാമിൽ നിഷ്കളങ്കരായ വിനോദസഞ്ചാരികളെ വെടിവെച്ചുകൊന്ന ഭീകരതയെ തോൽപ്പിക്കണമെന്ന് കെപിസിസി സെക്രട്ടറി അഡ്വ. പി.ജർമിയാസ്. പഹൽഗാം ഭീകരാക്രമണത്തിൽ പ്രതിഷേധിച്ച് ശക്തികുളങ്ങര സൗത്ത് മണ്ഡലം കോൺഗ്രസ് കമ്മിറ്റി നടത്തിയ നൈറ്റ് മാർച്ച് ഉദ്ഘാടനം ചെയ്ത് പ്രസംഗിക്കുകയായിരുന്നു ജർമിയാസ്. ശക്തികുളങ്ങര സൗത്ത് മണ്ഡലം കോൺഗ്രസ് കമ്മിറ്റി പ്രസിഡന്‍റ് സച്ചു യേശുദാസ് അധ്യക്ഷത വഹിച്ച പ്രതിഷേധയോഗത്തിൽ ചവറ ബ്ലോക്ക് കോൺഗ്രസ് കമ്മിറ്റി പ്രസിഡന്‍റ് മേച്ചേഴത്ത് ഗിരീഷ്, കൊല്ലം ബ്ലോക്ക് കോൺഗ്രസ് കമ്മിറ്റി പ്രസിഡന്‍റ് ഡി.ഗീതാ കൃഷ്ണൻ,ബ്ലോക്ക് വൈസ് പ്രസിഡന്‍റ് നിസാർ കലദിക്കാട്, കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ സംസ്ഥാന ട്രഷർ ടി. ഗോപാലകൃഷ്ണൻ നായർ, മത്സ്യത്തൊഴിലാളി കോൺഗ്രസ് ജില്ലാ പ്രസിഡന്‍റ് എസ്.എഫ്.യേശുദാസ്, യൂത്ത് കോൺഗ്രസ് ജില്ലാ കോർഡിനേറ്റർ കൃഷ്ണപ്രസാദ്, യദുകൃഷ്ണൻ, ചിറ്റൂത്തറ ഉണ്ണികൃഷ്ണൻ, സലിം കുലക്കട തുടങ്ങിയവർ പ്രസംഗിച്ചു.

കെഎംഎംഎല്ലിന് സമീപ പ്രദേശത്തെ മലിനീകരിക്കപ്പെട്ട ഭൂമി ഏറ്റെടുക്കുന്നത് സംബന്ധിച്ച് ചര്‍ച്ച നടത്തി

ചവറ : കെഎംഎംഎല്ലിന് സമീപ പ്രദേശത്തെ മലിനീകരിക്കപ്പെട്ട ഭൂമി ഏറ്റെടുക്കുന്നത് സംബന്ധിച്ച് ഒന്നാംഘട്ടമായി ഏറ്റെടുക്കേണ്ടിവരുന്ന 76 ഏക്കര്‍ ഭൂമിയുടെ മാര്‍ക്കറ്റ് വില ശേഖരിക്കുവാന്‍ ജില്ലാ കളക്‌ടറെ ദേവിദാസിനെ യോഗം ചുമതലപ്പെടുത്തി. മന്ത്രി പി.രാജീവിന്‍റെ ചേംബറില്‍ മന്ത്രി കെ.എന്‍.ബാലഗോപാലിന്‍റെ സാന്നിധ്യത്തില്‍ നടന്ന യോഗത്തിലായിരുന്നു തീരുമാനം. നെഗോഷബിള്‍ പര്‍ച്ചേസ് പ്രകാരം ഭൂമി വിട്ടുനല്‍കുന്നതിന് ഭൂഉടമകളുടെ അഭിപ്രായം തേടുന്നതിനും അടുത്ത യോഗത്തില്‍ വിവരം അറിയിക്കുന്നതിനും ചവറ എംഎല്‍എ സുജിത് വിജയന്‍പിളളയെ ചുമതലപ്പെടുത്തി. വിഴിഞ്ഞം പോര്‍ട്ട്, വല്ലാര്‍പാടം കണ്ടെയ്നര്‍ ടെര്‍മിനല്‍ എന്നിവയുടെ വികസനസാധ്യതകള്‍ പരിഗണിച്ച് കൊച്ചി - തിരുവനന്തപുരം വികസനകോറിഡോറിന്‍റെ ഭാഗമായി ലോജിസ്റ്റിക് പാര്‍ക്ക് നിര്‍മിക്കുവാന്‍ സാധിക്കുമോ എന്ന് പരിശോധിക്കുവാന്‍ കിന്‍ഫ്രയെ ചുമതലപ്പെടുത്തി. കെഎംഎംഎല്‍ എംഡി. പി. പ്രദീപ് കുമാര്‍, കിന്‍ഫ്ര ഉന്നതഉദ്യോഗസ്ഥര്‍, റവന്യൂവകുപ്പ് ഉദ്യോഗസ്ഥര്‍, വ്യവസായവകുപ്പ് ഉദ്യോഗസ്ഥര്‍ തുടങ്ങിയവര്‍ യോഗത്തിൽ പങ്കെടുത്തു.

പരിവർത്തനത്തിനു സാധ്യതയില്ല; പ്രതിക്കു പരമാവധി ശിക്ഷ

തിരുവനന്തപുരം: വിനീത കൊലക്കേസിൽ കോടതി പ്രതിക്കു തൂക്കുകയർ വിധിച്ചത് പ്രതിയുടെ സാമൂഹിക ജീവിതത്തേക്കുറിച്ചു വിശദമായി പരിശോധിച്ചതിനു ശേഷം. മനഃപരിവർത്തനം നടത്താൻ കഴിയാത്ത കൊലപാതക പരന്പര നടത്തുന്നയാളാണ് പ്രതിയെന്നായിരുന്നു വിശദമായ പഠനം നടത്തി സമർപ്പിച്ച റിപ്പോർട്ടുകളുടെ പൊതുസാരാംശം. കേസ് അപൂർവങ്ങളിൽ അപൂർവമാണന്നുള്ള പ്രോസിക്യൂഷൻ വാദത്തെ തുടർന്നാണു പ്രതിയുടെ ജീവിതത്തിന്‍റെ സാമൂഹിക വിലയിരുത്തൽ പഠനത്തെക്കുറിച്ചുള്ള വിവിധ റിപ്പോർട്ടുകൾ കോടതി ശേഖരിച്ചത്. പ്രതിയുടെ പരിഷ്കരണ- പരിവർത്തന സാധ്യതകളെ കുറിച്ച് തിരുവനന്തപുരം ജില്ലാ കളക്ടർ അനുമാരി, പ്രതിയുടെ കുറ്റകരമായ മു പ്രവൃത്തികളെക്കുറിച്ച് സിറ്റി പോലീസ് കമ്മീഷണർ തോംസൻ ജോസ്, പ്രതിയുടെ മാനസികാരോഗ്യ നില പരിശോധിച്ച് പേരൂർക്കട മാനസികാരോഗ്യ ആശുപത്രി സൂപ്രണ്ട് ഡോ. പ്രീതി ജയിംസ്, ജയിലിനുള്ളിലെ പ്രതിയുടെ സ്വഭാവവും പെരുമാറ്റവും സംബന്ധിച്ച് തിരുവനന്തപുരം, പാളയംകോട്ട ജയിൽ സൂപ്രണ്ടുമാർ, പ്രതിയുടെ സ്ഥാവര ജംഗമ സ്വത്തുക്കളുടെ വിശദാംശങ്ങളെ സംബന്ധിച്ച് നാഗർകോവിൽ റവന്യു അഥോറിറ്റി, കന്യാകുമാരി, തിരുവനന്തപുരം ജില്ലാ പ്രൊബേഷൻ ഓഫീസർമാർ എന്നിവർ വിവിധ റിപ്പോർട്ടുകൾ മുദ്രവച്ച കവറുകളിൽ നൽകിയിരുന്നു. ജീവപര്യന്തം ശിക്ഷയാണു വിധിക്കുന്നതെങ്കിൽ ശിക്ഷാ ഇളവിനു പ്രതി അർഹനാണന്നും ഭാവിയിൽ സമാനമായ കുറ്റകൃത്യങ്ങളിൽ ഏർപ്പെടില്ലെന്നും ഉറപ്പു വരുത്താനാവില്ലന്നുമുള്ള പ്രോസിക്യൂഷൻ വാദം കോടതി അംഗീകരിച്ചു. ഒരു പരന്പര കൊലയാളി എന്ന നിലയിൽ പ്രതി സമൂഹത്തിന് ഭീഷണിയാണ്. നിരപരാധികളായ മനുഷ്യരെ ദാരുണമായ അന്ത്യത്തി ൽ നിന്നു രക്ഷിക്കാനുള്ള ഏക മാർഗം വധശിക്ഷയാണന്ന് പ്രോസിക്യൂഷൻ ശക്തമായ നിലപാടെടുത്തിരുന്നു. പ്രതിയുടെ പ്രായം പരിഗണിക്കണമെന്ന പ്രതിഭാഗം വാദം കോടതി തള്ളി.

അന്പലമുക്ക് വിനീത കൊലക്കേസ്: പ്രതി രാജേന്ദ്രനു വധശിക്ഷ

വധശിക്ഷയ്ക്കു പുറമേ ജീവപര്യന്തം കഠിനതടവും തിരുവനന്തപുരം: പേരൂർക്കട അന്പലമുക്കിൽ അലങ്കാരച്ചെടി വില്പനശാലയിലെ ജീവനക്കാരിയായിരുന്ന നെടുമങ്ങാട് കരിപ്പൂർ ചരുവള്ളികോണത്ത് വിനീതയെ(38) കുത്തിക്കൊലപ്പെടുത്തിയ കേസിലെ പ്രതിക്കു വധശിക്ഷ. കൂടാതെ ജീവപര്യന്തം കഠിനതടവും വിവിധ വകുപ്പുകളിലായി 8,10,500 രൂപ പിഴയും വിധിച്ചു. കന്യാകുമാരി തോവാള വെള്ളമടം രാജീവ് നഗറിൽ രാജേന്ദ്രനെ (42) ആണു തൂക്കിക്കൊല്ലാൻ വിധിച്ചത്. വധശിക്ഷയ്ക്കു പുറമേ മരണം ഉണ്ടാക്കിയുള്ള കവർച്ചയ്ക്കു ജീവപര്യന്തം കഠിനതടവും നാലു ലക്ഷം രൂപ പിഴയും കുറ്റകരമായ വസ്തു കൈയേറ്റത്തിനു മൂന്നുമാസം കഠിനതടവും 500 രൂപ പിഴയും തെളിവു നശിപ്പിച്ചതിന് ഏഴു വർഷം കഠിനതടവും പതിനായിരം രൂപ പിഴയും ശിക്ഷ വിധിച്ചു. പിഴകൾ ഒടുക്കിയല്ലെങ്കിൽ മൂന്നു വർഷം കൂടി കഠിനതടവ് അനുഭവിക്കണമെന്ന് 600 പേജുള്ള വിധിന്യായത്തിൽ തിരുവനന്തപുരം ഏഴാം അഡിഷണൽ സെഷൻസ് ജഡ്ജ് പ്രസൂണ്‍ മോഹൻ ഉത്തരവിട്ടു. പിഴത്തുകയിൽ നിന്നും നാലു ലക്ഷം രൂപ വിനീതയുടെ കുട്ടികൾക്കു നൽകണം. കൂടാതെ കുട്ടികൾക്കും മാതാപിതാക്കൾക്കും ലീഗൽ സർവീസ് അഥോറിറ്റിയിൽ നിന്നും നഷ്ടപരിഹാരം നൽകണമെന്നും കോടതി ഉത്തരവിട്ടു. കൊല്ലപ്പെട്ട വിനീതയുടെ 14 ഉം 11 ഉം വയസായ രണ്ടു മക്കൾ വിനീതയുടെ മാതാപിതാക്കളോടൊപ്പമാണ് കഴിയുന്നത്. വിധി പറയുന്നതു കേൾക്കാൻ വിനീതയുടെ മാതാപിതാക്കളും കുട്ടികളും കോടതിയിൽ എത്തിയിരുന്നു. ശിക്ഷയേക്കുറിച്ചുള്ള കോടതിയുടെ ചോദ്യങ്ങൾക്ക് 70 വയസ് കഴിഞ്ഞ അമ്മയ്ക്ക് ഏക ആശ്രയം താനാണന്നും പോലീസിനെ ഭയന്ന് സഹോദരൻ പ്രഭുവും സഹോദരി സുബ്ബലക്ഷ്മിയും അമ്മയെ കാണാൻ പോലും കൂട്ടാക്കാറില്ലന്നും പ്രതി കോടതിയോടു പറഞ്ഞു. ശിക്ഷയേക്കുറിച്ച് പ്രോസിക്യൂഷന്‍റെയും പ്രതിയുടെയും വാദങ്ങളും കോടതി കേട്ടു. പ്രതി കൊടും കുറ്റവാളിയാണന്നും കവർച്ചയ്ക്കായി തമിഴ്നാട്ടിലും കേരളത്തിലും പ്രതി നടത്തിയ നാലു കൊലപാതകങ്ങളിൽ മൂന്നു പേരും സ്ത്രീകളായിരുന്നുവെന്നും സ്പെഷൽ പബ്ലിക് പ്രോസിക്യൂട്ടർ എം.സലാഹുദീൻ പറഞ്ഞു. പ്രോസിക്യൂഷനു വേണ്ടി സ്പെഷൽ പബ്ലിക് പ്രോസിക്യൂട്ടർ എം. സലാഹുദ്ദീൻ, ദേവിക മധു, ജെ. ഫസ്ന, ഒ.എസ്. ചിത്ര എന്നിവർ ഹാജരായി. തിരുവനന്തപുരം സിറ്റി പോലീസ് കമ്മീഷണറായിരുന്ന ജി. സ്പർജൻ കുമാറിന്‍റെ മേൽനോട്ടത്തിൽ കന്േ‍റാണ്‍മെന്‍റ് എ സിയായിരുന്ന വി.എസ്. ദിനരാജ്, പേരൂർക്കട സിഐ ആയിരുന്ന വി.സജികുമാർ, ജുവനപുടി മഹേഷ് ഐപിഎസ്, സബ് ഇൻസ്പക്ടർമാരായ എസ്. ജയകുമാർ, ആർ. അനിൽകുമാർ, മീന എസ്. നായർ, സീനിയർ സിവിൽ പോലീസുകരായ ആർ. പ്രമോദ്, നൗഫൽ റഫീഖ്, ഷംനാദ്, അരുണ്‍ എന്നിവരുടെ നേതൃത്വത്തിലുള്ള പ്രത്യേക പോലീസ് സംഘമാണ് അന്വേഷണം നടത്തി കുറ്റപത്രം സമർപ്പിച്ചത്.

നക്ഷത്രസത്ര ഇഷ്‌ടിയാഗം ഇന്നു മുതൽ

കൊല്ലം: ശ്രീരാമചന്ദ്ര വൈദിക പീഠത്തിന്‍റെ ആഭിമുഖ്യത്തിലുള്ള നക്ഷത്ര സത്ര ഇഷ്‌ടിയാഗം ഇന്നു മുതൽ മേയ് മൂന്നുവരെ വടക്കേവിള വലിയ കൂനമ്പായിക്കുളം ഭദ്രകാളി ക്ഷേത്രത്തിൽ നടക്കും. ഇതിന്‍റെ ഭാഗമായി കീർത്തനാലാപന സദസ്, നാമജപ ഘോഷയാത്ര, യാഗാശ്വ പ്രദക്ഷിണം, ആധ്യാത്മിക സാംസ്കാരിക കലാപരിപാടികൾ, ജീവകാരുണ്യ പ്രവർത്തനങ്ങൾ, വിശിഷ്‌ട വ്യക്തികളെ ആദരിക്കൽ എന്നിവ നടക്കും. പത്രസമ്മേളനത്തിൽ ശ്രീ രാമചന്ദ്ര വൈദിക പീഠം ജനറൽ സെക്രട്ടറി സുജിത് സുകുമാരൻ, മുടപ്പിലാപ്പിള്ളി വാസുദേവ സോമയാജിപ്പാട് എന്നിവർ പങ്കെടുത്തു.

വാര്‍ഷികാഘോഷങ്ങളുടെ മറവില്‍ പിണറായി സര്‍ക്കാര്‍ കോടികള്‍ ധൂര്‍ത്തടിക്കുന്നു : എം.എം.നസീര്‍

അഞ്ചല്‍ : ഇടതുസര്‍ക്കാരിന്‍റെ നാലാം വാര്‍ഷികാഘോഷങ്ങളെ മറയാക്കി പിണറായി വിജയനും സംഘവും നടത്തുന്നത് കോടികളുടെ ധൂര്‍ത്തൂം അഴിമതിയുമാണെന്ന് കെപിസിസി ജനറല്‍ സെക്രട്ടറി എം.എം.നസീര്‍. അലയമണ്‍ കോണ്‍ഗ്രസ് മണ്ഡലം കമ്മിറ്റിയുടെ നേതൃത്വത്തില്‍ നിത്യോപയോഗ സാധനങ്ങളുടെ വിലവർധന നിയന്ത്രിക്കുക, തദ്ദേശഭരണ സ്ഥാപനങ്ങളുടെ പദ്ധതി വിഹിതം വെട്ടിക്കുറച്ചത് പുനസ്ഥാപിക്കുക തുടങ്ങിയ ആവശ്യങ്ങള്‍ ഉന്നയിച്ചു ചണ്ണപ്പേട്ടയില്‍ സംഘടിപ്പിച്ച കൂട്ടധര്‍ണ ഉദ്ഘാടനം ചെയ്ത് പ്രസംഗിക്കുകയായിരുന്നു എം.എം.നസീര്‍. യോഗത്തില്‍ വാര്‍ഡ് പ്രസിഡന്‍റുര്‍ക്ക് ജില്ല കോണ്‍ഗ്രസ് നേതൃത്വം തയാറാക്കിയ തിരിച്ചറിയല്‍ കാര്‍ഡുകളും വിതരണം ചെയ്തു. മണ്ഡലം പ്രസിഡന്‍റ് എം.എം.സാദിക് അധ്യക്ഷത വഹിച്ചു. ഏരൂർ സുഭാഷ്, കെ.ജി.സാബു, ചാർലി കോലത്ത്, എച്ച്.സുനിൽ ദത്ത്, ജേക്കബ് മാത്യു, സജീനഷിബു, ബിനു സി. ചാക്കോ, ഡോ.നദിയ എസ്. ജലീൽ എന്നിവര്‍ പ്രസംഗിച്ചു.

സിവിൽ സർവീസ് ജേതാവിനെ മന്ത്രി കെ.എൻ.ബാലഗോപാൽ അനുമോദിച്ചു

കൊട്ടാരക്കര : സിവിൽ സർവീസ് പരീക്ഷയിൽ 47-ാം റാങ്ക് നേടിയ വയയ്ക്കൽ സ്വസ്തിയിൽ ജി.പി.നന്ദനയെ മന്ത്രി കെ.എൻ.ബാലഗോപാൽ വീട്ടിലെത്തി അനുമോദിച്ചു. ഡിവൈഎഫ്ഐ സംസ്ഥാന ട്രഷറർ എസ്.ആർ.അരുൺ ബാബു, സിപി എം കൊട്ടാരക്കര ഏരിയ സെക്രട്ടറി പി.കെ.ജോൺസൻ, വാളകം ലോക്കൽ സെക്രട്ടറി കെ.പ്രതാപ്കുമാർ, നെടുവത്തൂർ ഏരിയ കമ്മിറ്റിയംഗം എൽ.ബാലഗോപാൽ, വെട്ടിക്കവല ബ്ലോക്ക് പഞ്ചായത്ത് സ്ഥിരംസമിതി അധ്യക്ഷ ബെൻസി റെജി, പഞ്ചായത്തംഗം പ്രിയ ആസ്തികൻ, ഉമ്മന്നൂർ സഹകരണ ബാങ്ക് പ്രസിഡന്‍റ് എൻ.ദേവരാജൻ, മുൻ പഞ്ചായത്ത് പ്രസിഡന്‍റ് ജി.മുരളീധരൻ പിളള, സിപി എം ലോക്കൽ കമ്മിറ്റിയംഗങ്ങളായ കെ.പ്രമോദ്, ഒ.നൗഷാദ്, ഷംസുദീൻ, ജി.രതീഷ് എന്നിവരും മന്ത്രിയോടൊപ്പം ഉണ്ടായിരുന്നു. 2024-ൽ രണ്ടാമത്തെ ശ്രമത്തിലാണ് നന്ദന ഈ നേട്ടം കൈവരിച്ചത്.

ലോക വെറ്ററിനറി ദിനാഘോഷം ; ടോക് ഷോ സെമിനാര്‍ നാളെ

കൊല്ലം : മൃഗസംരക്ഷണവകുപ്പും ഇന്ത്യന്‍ വെറ്ററിനറി അസോസിയേഷനും സംയുക്തമായി ആചരിക്കുന്ന ലോക വെറ്ററിനറി ദിനാഘോഷങ്ങള്‍ക്ക് 26ന് കൊല്ലത്ത് തുടക്കമാകും. ഉച്ചയ്ക്ക് 12ന് ശ്രീനാരായണ സാംസ്‌കാരിക സമുച്ചയത്തില്‍ മന്ത്രി ജെ. ചിഞ്ചുറാണി ഉദ്ഘാടനം ചെയ്യും. നാടുകയറുന്ന കാട്ടുമൃഗങ്ങള്‍ ജനജീവിതത്തിന് ഭീഷണിയാകുന്നതും കാട്ടു പന്നികളുടെ കൃഷിനശീകരണവും വന്യമൃഗ ആവാസ വ്യവസ്ഥയുടെ കോട്ടങ്ങളുടെ കാരണങ്ങളുമുള്‍പ്പെടുത്തി സംഘടിപ്പിക്കുന്ന ടോക് ഷോ രാവിലെ 10ന് മേയര്‍ ഹണി ബെഞ്ചമിൻ ഉദ്ഘാടനം ചെയ്യും. പഞ്ചായത്ത് പ്രസിഡന്‍റുമാര്‍, റവന്യൂ, വനം, മൃഗസംരക്ഷണ വകുപ്പുകളിലെ ഉന്നത ഉദ്യോഗസ്ഥര്‍, മൃഗക്ഷേമ പ്രവര്‍ത്തകര്‍, മാധ്യമപ്രവര്‍ത്തകര്‍, വന്യമൃഗ ആക്രമണത്തില്‍ മരിച്ചവരുടെ ബന്ധുക്കള്‍ എന്നിവര്‍ പങ്കെടുക്കും. ചര്‍ച്ചയിലെ നിര്‍ദേശങ്ങള്‍ സര്‍ക്കാരിന് സമര്‍പ്പിക്കും.

ചട്ടമ്പി സ്വാമി സമാധി വാര്‍ഷികവും പന്മന ആശ്രമ തീര്‍ഥാടനവും നാളെ മുതല്‍

ചവറ : ചട്ടമ്പിസ്വാമിയുടെ സമാധി വാര്‍ഷികവും പന്മന ആശ്രമ തീര്‍ഥാടനവും നാളെ മുതല്‍ 29 വരെ നടക്കുമെന്ന് ആശ്രമ മഠാധിപതി സ്വാമി കൃഷ്ണമയാനന്ദ തീര്‍ഥ പാദര്‍, ജനറല്‍ സെക്രട്ടറി എ.ആര്‍.ഗിരീഷ് കുമാര്‍ എന്നിവര്‍ അറിയിച്ചു. നാളെ പന്മന ആശ്രമ സ്ഥാപകന്‍ കുമ്പളത്ത് ശങ്കുപ്പിള്ളയുടെ അനുസ്മരണ ദിനം നടത്തും. രാവിലെ 10.30 ന് മുന്‍ പ്രതിപക്ഷ നേതാവ് രമേശ് ചെന്നിത്തല പരിപാടി ഉദ്ഘാടനം ചെയ്യും. ആശ്രമ മഠാധിപതി സ്വാമി കൃഷ്ണ മയാനന്ദ തീര്‍ഥപാദര്‍ അധ്യക്ഷനാകും. സിപിഎം ദേശീയ ജനറല്‍ സെക്രട്ടറി എം.എ.ബേബി മുഖ്യാതിഥിയാകും. എന്‍. കെ .പ്രേമചന്ദ്രന്‍ എംപി മുഖ്യപ്രഭാഷണം നടത്തും. കുമ്പളത്തിന്‍റെ കര്‍മ പഥങ്ങള്‍ എന്ന വിഷയത്തില്‍ എഴുത്തുകാരന്‍ ഡോ. എസ്. രമേശ് കുമാര്‍ അനുസ്മരണ പ്രഭാഷണം നടത്തും. തുടര്‍ന്ന് ഓട്ടന്‍ തുള്ളല്‍. രാത്രി ഏഴിന് ആനന്ദ സംഗീതം. 27ന് നിര്‍മലാനന്ദ ഗിരി അനുസ്മരണ ദിനം ശാസ്ത്ര സാങ്കേതിക സംഗമമായി നടത്തും. രാവിലെ 10ന് സുജിത് വിജയന്‍പിള്ള എംഎല്‍എ ചടങ്ങ് ഉദ്ഘാടനം ചെയ്യും. കേരള അക്കാദമി ഓഫ് സയന്‍സസ് പ്രസിഡന്‍റ് പ്രഫ. ഡോ.ജി.എം. നായര്‍ അധ്യക്ഷനാവും. കേരളാ യൂണിവേഴ്‌സിറ്റി ഓഫ് ഹെല്‍ത്ത് സയന്‍സ് മുന്‍ വൈസ് ചാന്‍സിലര്‍ ഡോ.എം.കെ.സി.നായര്‍, കേരള സര്‍വകലാശാല സിന്‍ഡിക്കേറ്റംഗം ഡോ.എസ്. നസീബ്, ചവറ സര്‍ക്കാര്‍ കോളജ് സുവോളജി മേധാവി ഡോ. രശ്മി വിജയന്‍, രജനി വിജയകുമാര്‍ തുടങ്ങിയവര്‍ പങ്കെടുക്കും. 28ന് ആശ്രമം മുന്‍ മഠാധിപതി സ്വാമി പ്രണവാനന്ദ തീര്‍ഥപാദര്‍ അനുസ്മരണദിനം യുവജന സമ്മേളനമായി നടത്തും. രാവിലെ 10.30ന് മുന്‍ ഡിജിപി ജേക്കബ് പുന്നൂസ് ഉദ്ഘാടനം ചെയ്യും. ആര്‍എസ്പി സംസ്ഥാന സെക്രട്ടറി ഷിബു ബേബി ജോണ്‍ അധ്യക്ഷനാകും. വര്‍ധിച്ചു വരുന്ന അധാര്‍മികത, യുവജനങ്ങളും രാഷ്ട്രീയ നിര്‍മിതിയും എന്ന വിഷയത്തില്‍ ഡോ. എന്‍. ഗോപാലകൃഷ്ണന്‍ നായര്‍, പ്രഫ. ബി. കാര്‍ത്തികേയന്‍ എന്നിവര്‍ പ്രസംഗിക്കും .വൈകുന്നേരം 6.30 ന് ഭരണി നക്ഷത്ര വിശേഷാല്‍ പൂജകള്‍. രാത്രി ഏഴിന് തോല്‍പ്പാവക്കൂത്ത്.29ന് ചട്ടമ്പി സ്വാമി സമാധി വാര്‍ഷിക ദിനം നടക്കും. രാവിലെ ഒന്‍പതിന് തീര്‍ഥപാദ പരമ്പരയിലെ ആചാര്യന്‍ പ്രജ്ഞാനാനന്ദ തീര്‍ഥ പാദര്‍ ദീപം തെളിയിക്കും. രാവിലെ 10.30 ന് മഹാ സമാധി സമ്മേളനം ദക്ഷിണേന്ത്യയിലെ ആദ്യത്തെ മഹാമണ്ഡലേശ്വര്‍ ആനന്ദ വനം ഭാരതി സ്വാമി ഉദ്ഘാടനം ചെയ്യും. ആശ്രമ മഠാധിപതി സ്വാമി കൃഷ്ണമയാനന്ദ തീര്‍ഥപാദര്‍ വിദ്യാധിരാജ സന്ദേശം നല്‍കും. അധ്യാത്മാനന്ദ സരസ്വതി സ്വാമി, വേദാമൃതാനന്ദ പുരി സ്വാമി, ബോധേന്ദ്ര തീര്‍ഥ സ്വാമി, വിജയാനന്ദ സരസ്വതി ദേവി എന്നിവര്‍ പ്രസംഗിക്കും. ഉച്ചയ്ക്ക് 2.30 ന് മഹാ സമാധി ദിവ്യജ്യോതിരാനയനം പന്മന മനയില്‍ ശ്രീ ബാലഭട്ടാരക വിലാസം സംസ്‌കൃത സര്‍ക്കാര്‍ ഹയര്‍സെക്കന്‍ഡറി സ്‌കൂള്‍ പരിസരത്തെ സമാധി സ്മാരക മണ്ഡപത്തില്‍ നിന്നും സമാധി പീഠത്തിലേക്ക് പ്രയാണം നടത്തും. തുടര്‍ന്ന് സമാധി പീഠത്തില്‍ ജ്യോതി സമര്‍പ്പണം, കളഭാഭിഷേകം, പുഷ്പാഭിഷേകം. രാത്രി ഏഴിന് തോരണ യുദ്ധം കഥകളി എന്നിവയാണ് പരിപാടി.

വിദ്യാര്‍ഥിക്കു ഇടിമിന്നലേറ്റു

മടത്തറ : വിദ്യാർഥിക്ക് ഇടിമിന്നലേറ്റു. ചോഴിയക്കോട് മിൽപ്പാലം മൂന്നുമുക്ക് അമ്പാടിയിൽ വീട്ടിൽ സുധി (17) ക്കാണ് പരിക്കേറ്റത്. കഴിഞ്ഞ ദിവസം വൈകുന്നേരം നാലിന് വീടിനോട് ചേർന്ന ചായക്കടയിൽ ഇരുന്നു ചായ കുടിക്കുന്ന സമയത്ത് ആയിരുന്നു സംഭവം. മഴയ്ക്ക് മുമ്പേ ഉണ്ടായ ശക്തമായ ഇടിമിന്നലേറ്റ സുധിയുടെ ശരീരത്തിന്‍റെ ഒരു ഭാഗം പൂർണമായും തളർന്നു. വീട്ടുകാരും സമീപത്തുണ്ടായിരുന്ന പഞ്ചായത്ത്‌ അംഗം ഷീലാ സത്യനും ചേര്‍ന്ന് സുധിയെ കടയ്ക്കൽ താലുക്ക് ആശുപത്രിയില്‍ പ്രവേശിപ്പിച്ചു. സുധിയുടെ ആരേഗ്യസ്ഥിതി ഗുരുതരമായതിനാൽ പിന്നീട് പാരിപ്പള്ളി മെഡിക്കൽ കോളജ് ആശുപത്രിയിൽ കൊണ്ടു പോയി. ഇടിമിന്നലിൽ ആന്തരികഅവയവങ്ങൾക്കാണ് പരിക്ക് പറ്റിയതെന്നു ബന്ധുക്കള്‍ പറഞ്ഞു. ആവശ്യമെങ്കില്‍ സുധിയെ തിരുവനന്തപുരം മെഡിക്കല്‍ കോളജ് ആശുപത്രിയിലേക്ക് മാറ്റുമെന്ന് ആശുപത്രി അധികൃതർ വ്യക്തമാക്കി .

സ്വയംതൊഴില്‍ വായ്പ

കൊല്ലം : ജില്ലയില്‍ സ്ഥിരതാമസക്കാരായ 18 നും 55 നും ഇടയില്‍ പ്രായമുള്ള തൊഴില്‍ രഹിതരായ വനിതകള്‍ക്ക് സ്വയം തൊഴില്‍ വായ്പയ്ക്ക് അപേക്ഷിക്കാം. പട്ടികജാതി, പട്ടികവര്‍ഗ വിഭാഗക്കാര്‍ക്ക് നാല് വര്‍ഷത്തേക്ക് എട്ട് ശതമാനം പലിശ നിരക്കിലും പിന്നാക്ക വിഭാഗം, പൊതുവിഭാഗക്കാര്‍ക്ക് അഞ്ച് വര്‍ഷത്തേക്ക് എട്ട് ശതമാനം പലിശയ്ക്കും ന്യൂനപക്ഷ വിഭാഗക്കാര്‍ക്ക് അഞ്ച് വര്‍ഷത്തേക്ക് ആറ് ശതമാനം പലിശ നിരക്കിലും വസ്തു / ഉദ്യോഗസ്ഥ ജാമ്യ വ്യവസ്ഥയില്‍ വായ്പ അനുവദിക്കും. www.kswdc.org ല്‍ നിന്നും അപേക്ഷ ഫോം ലഭിക്കും. അനുബന്ധരേഖകള്‍ സഹിതം വനിത വികസന കോര്‍പറേഷന്‍, ജില്ലാ ഓഫീസ്, രണ്ടാം നില, എന്‍.തങ്കപ്പന്‍ മെമ്മോറിയല്‍ ഷോപ്പിംഗ് കോംപ്ലക്‌സ്, ക്ലോക്ക് ടവറിനു സമീപം, ചിന്നക്കട, കൊല്ലം 691001 വിലാസത്തില്‍ നേരിട്ടോ തപാല്‍ മുഖേനയോ ലഭ്യമാക്കണം. ഫോണ്‍: 9188606806.

വിദേശമദ്യ വില്പന കേസ് : പ്രതിയെ വെറുതെവിട്ടു

കൊല്ലം: അനധികൃതമായി വിദേശമദ്യം കൈവശം വച്ച് വ്യാവസായിക അടിസ്ഥാനത്തിൽ വില്പന നടത്തിയെന്ന കേസിലെ പ്രതിയെ കോടതി വെറുതേ വിട്ടു.തെക്കൻ മൈനാഗപ്പള്ളി നടയിൽ കിഴക്കതിൽ വീട്ടിൽ സത്യാനന്ദനെയാണ് കുറ്റക്കാരനല്ലെന്ന് കണ്ട് കരുനാഗപ്പള്ളി അസി.സ്റ്റന്‍റ് സെഷൻസ് ജഡ്ജ് സന്തോഷ് ദാസ് വെറുതെവിട്ടത്. 2016 ജൂലൈ 24ന് തേവലക്കര - കല്ലുകടവ് റോഡിൽ കളിയിലവിള കോളനിയിൽ വച്ച് വിദേശ മദ്യവുമായി പ്രതിയെ പിടികൂടി എന്നായിരുന്നു ശാസ്താംകോട്ട എക്സൈസ് റേഞ്ച് ഇൻസ്പെക്‌ടർ ടി.രാജീവ് ചാർജ് ചെയ്ത കേസ്. പ്രതിക്കുവേണ്ടി അഭിഭാഷകരായ എ.നൗഷാദ്, എം.ഷാനവാസ് കണ്ടനാട്, കെ.സൈഫുദീൻ എന്നിവർ കോടതിയിൽ ഹാജരായി.

അഭിഭാഷക കലോത്സവം ഇന്നു മുതൽ

കൊല്ലം: കൊല്ലം ബാർ അസോസിയേഷന്‍റെ ആഭിമുഖ്യത്തിലുള്ള അഖില കേരള അഭിഭാഷക കലോത്സവം ഇന്നു മുതൽ 27 വരെ കൊല്ലത്ത് നടക്കും. കലോത്സവ ഉദ്ഘാടനം ഇന്ന് വൈകുന്നേരം നാലിന് ഹൈക്കോടതി ജഡ്ജി ദേവൻ രാമചന്ദ്രൻ നിർവഹിക്കും. സംസ്ഥാനത്തെ 30 ബാർ അസോസിയേഷനുകളെ പ്രതിനിധീകരിച്ച് 300-ൽ അധികം പേർ 21 ഇനങ്ങളിലെ മത്സരങ്ങളിൽ പങ്കെടുക്കും. ആനന്ദവല്ലീശ്വരം വിദ്യാധിരാജ ഓഡിറ്റോറിയം, ബാർ അസോസിയേഷൻ ഹാൾ, ലൈബറി ഹാൾ, കളക്‌ടറേറ്റ് മൂന്നാം നിലയിലെ ആത്മാഹാൾ എന്നിവയാണ് വേദികൾ. മത്സരങ്ങളിൽ ഏറ്റവും കൂടുതൽ പോയിന്‍റ് നേടുന്ന ബാർ അസോസിയേഷന് അഡ്വ. വൈക്കം നാരായണപിള്ള എവർ റോളിംഗ് ട്രോഫിയും രണ്ടാം സ്ഥാനക്കാർക്ക് അഡ്വ. പി. വിജയരാഘവൻ സ്മാരക എവർ റോളിംഗ് ട്രോഫിയും സമ്മാനിക്കും. മേയർ ഹണി ബഞ്ചമിൻ, പ്രിൻസിപ്പൽ ജില്ലാ ജഡ്ജ് പി. മായാദേവി, എം. നൗഷാദ് എംഎൽഎ, പി.സി. വിഷ്ണുനാഥ് എംഎൽഎ, ബാർ കൗൺസിൽ അംഗങ്ങളായ പി. സന്തോഷ് കുമാർ, പി.സജീവ് ബാബു തുടങ്ങിയവർ പങ്കെടുക്കും. 27ന് വൈകുന്നേരം നാലിന് സമാപന സമ്മേളനം ഹൈക്കോടതി ജഡ്ജ് ജസ്റ്റിസ് പി.ബി.സുരേഷ് കുമാർ ഉദ്ഘാടനം ചെയ്യും. തുടർന്ന് ഇൻഡസ്ട്രിയൽ ട്രൈബൂണൽ ജഡ്ജ് സുനിത വിമലിന്‍റെ ഭരതനാട്യം, കൊല്ലം ബാറിലെ അഭിഭാഷകരുടെ നാടകവും ഇതര കലാപരിപാടികളും അരങ്ങേറും. പത്രസമ്മേളനത്തിൽ സംഘാടക സമിതി ചെയർമാൻ അഡ്വ.ഓച്ചിറ എൻ .അനിൽ കുമാർ, ജനറൽ കൺവീനർ അഡ്വ. എ.കെ. മനോജ്, മീഡിയ കമ്മിറ്റി കൺവീനർ അഡ്വ. ജി. മോഹൻരാജ്, അഡ്വ. പ്രിജി, അഡ്വ. ബി.എൻ.ഹസ്കർ എന്നിവർ പങ്കെടുത്തു.

ഫ്രാൻസിസ് മാർപാപ്പ അനുസ്മരണവും കരിന്തോട്ടുവാ സെന്‍റ്മേരീസ് പള്ളി മൂറോൻ കൂദാശയും

കരിന്തോട്ടുവാ : മലങ്കര കത്തോലിക്കാ സഭ പുതുതായി നിർമിച്ചിരിക്കുന്ന കരിന്തോട്ടുവാ സെന്‍റ്മേരീസ്പള്ളി മൂറോൻ കൂദാശകർമം ഫ്രാൻസിസ് മാർപാപ്പയുടെ അനുസ്മരണാർഥം ഇന്ന് ഉച്ചകഴിഞ്ഞ് മൂന്നിന് മാവേലിക്കര ഭദ്രാസന അധ്യക്ഷൻ ഡോ.ജോഷ്വാ മാർ ഇഗ്നാത്തിയോസ്, പുത്തൂർ രൂപതാ അധ്യക്ഷൻ ഗീവർഗീസ് മാർ മക്കാറിയോസ്, തിരുവനന്തപുരം അതിരൂപത സഹായ മെത്രാൻ ഡോ.മാത്യൂസ് മാർ പോളി കാർപ്പസ്, മാർത്തോമ സഭ അടൂർ ഭദ്രാസനം എപ്പിസ്കോപ് മാത്യൂസ് മാർ സെറാഫിം എന്നിവർ ചേർന്ന് നിർവഹിക്കും. കാലം ചെയ്ത ബെനഡിക്‌ട് മാർ ഗ്രിഗോറിയസ് 1962-ൽ സ്ഥാപിച്ച ഈ പള്ളിയ്ക്ക് അംഗീകാരം നൽകിയത് പോൾ ആറാമൻ മാർപാപ്പയായിരുന്നു. ആറു പതിറ്റാണ്ടിനിപ്പുറം കാലം ചെയ്ത ഫ്രാൻസിസ് മാർപാപ്പയുടെ അനുഗ്രഹാശിസുകളും പ്രാർഥനകളും നിറഞ്ഞുനിൽക്കുന്ന പുണ്യ മുഹൂർത്തത്തിൽ കരിന്തോട്ടുവാ സെന്‍റ് മേരീസ് പള്ളി മൂറോൻ കൂദാശ ചെയ്തു ഇന്ന് ദേശത്തിനായി സമർപ്പിക്കും. കൊടിക്കുന്നിൽ സുരേഷ് എംപി, കോവൂർ കുഞ്ഞുമോൻഎംഎൽഎ , മത മേലധ്യക്ഷൻമാർ, വിവിധ സാമൂഹിക, രാഷ്‌ട്രീയ സാംസ്കാരിക പ്രവർത്തകർ തുടങ്ങിയവർ ചടങ്ങിൽ പങ്കെടുക്കും.

പോഷന്‍ പക്വാഡ ജില്ലാതല സമാപന സമ്മേളനം

കൊല്ലം : പോഷന്‍ പക്വാഡ-2025 ജില്ലാതല സമാപന സമ്മേളനം ഇത്തിക്കര ബ്ലോക്ക് പ്രസിഡന്‍റ് എം.കെ. ശ്രീകുമാര്‍ ഉദ്ഘാടനം ചെയ്തു. പോഷൻ അഭിയാന്‍ പദ്ധതിയുടെ ഭാഗമായി എട്ട് മുതല്‍ 22 വരെ നടന്ന കാന്പയിന്‍ അങ്കണവാടി, ബ്ലോക്ക് പഞ്ചായത്ത്, പഞ്ചായത്ത് തലങ്ങളില്‍ ബോധവത്കരണ ക്ലാസുകളും ക്യാമ്പുകളും വര്‍ക്ക്‌ഷോപ്പുകളും സംഘടിപ്പിച്ചു. ചെറുധാന്യങ്ങള്‍, പോഷകനിലവാരമുള്ള ഭക്ഷണ ശൈലി തുടങ്ങിയവയെക്കുറിച്ച് അവബോധം സൃഷ്‌ടിക്കുന്ന കാമ്പയിന്‍ സമാപനത്തോടനുബന്ധിച്ചു പോഷകാഹാര പ്രദര്‍ശനം, പോസ്റ്റര്‍ കാമ്പയിന്‍, ഗര്‍ഭിണികള്‍, മൂലയൂട്ടുന്ന അമ്മമാര്‍, അഞ്ച് വയസ് വരെയുള്ള കുട്ടികള്‍, പോഷക അപര്യാപ്തതയുള്ള കുട്ടികള്‍ എന്നിവര്‍ക്ക് വേണ്ടിയുള്ള മെഡിക്കല്‍ ക്യാമ്പ്, ബോധവത്കരണ ക്ലാസ് തുടങ്ങിയവ സംഘടിപ്പിച്ചു. ചാത്തന്നൂര്‍ ശ്രീഭൂതനാഥ ക്ഷേത്രം മുതല്‍ ഇത്തിക്കര ബ്ലോക്ക് വരെ റാലിയും സംഘടിപ്പിച്ചു. ഇത്തിക്കര ബ്ലോക്ക് ഐസിഡിഎസില്‍ നടന്ന പരിപാടിയില്‍ വൈസ് പ്രസിഡന്‍റ് നിര്‍മല വര്‍ഗീസ്, ബ്ലോക്ക് പഞ്ചായത്ത് അംഗം സദാനന്ദന്‍ പിള്ള, ജില്ലാ ഐസിഡിഎസ് സെല്‍ പ്രോഗ്രാം ഓഫീസര്‍ ആര്‍ .നിഷ നായര്‍, പി.ആര്‍. കവിത തുടങ്ങിയവര്‍ പങ്കെടുത്തു.

സംഘർഷത്തിൽ യുവാവ് മരിച്ച സംഭവം; ഓട്ടോറിക്ഷാ ഡ്രൈവർ അറസ്റ്റിൽ

പുനലൂർ : സംഘർഷത്തിൽ പരിക്കേറ്റ് ചികിത്സയിലായിരുന്ന യുവാവ് മരിച്ച സംഭവത്തിൽ ഓട്ടോറിക്ഷ ഡ്രൈവറെ പുനലൂർ പോലീസ് അറസ്റ്റ് ചെയ്തു. ഓട്ടോറിക്ഷ ഡ്രൈവർ കരവാളൂർ തിരുവഴിമുക്ക് ഷിബു മൻസിലിൽ സിയാദ് (34) ആണ് പിടിയിലായത്. കരവാളൂർ പടിഞ്ഞാറ്റിൻകര മനോജ് വിലാസത്തിൽ മനോജ് തോമസ് (44) മരിച്ച സംഭവത്തിലാണ് ഇയാൾ അറസ്റ്റിലായത്. സംഭവം സംബന്ധിച്ച് പോലീസ് പറയുന്നത്: പെസഹാ വ്യാഴാഴ്ച കരവാളൂർ പുത്തൂത്തടം മുക്കിൽ വച്ച് മനോജ് തോമസും സിയാദും ഉൾപ്പെടെ മദ്യപിച്ചു പിരിഞ്ഞു. രണ്ടാമതും മദ്യപാനത്തിനായി മനോജ് സിയാദിനെ വിളിക്കാൻ വന്നപ്പോൾ ഇരുവരും തമ്മിൽ ചീത്തവിളയും അടിയും ഉണ്ടായി. ഈ സമയം മനോജ് ഒരു ഓട്ടോയിൽ കയറി രക്ഷപ്പെട്ടു. പിന്നാലെ മറ്റൊരു ഓട്ടോറിക്ഷയിൽ എത്തിയ സിയാദ് തിരുവഴിമുക്കിൽ വച്ച് ഓട്ടോറിക്ഷ തടഞ്ഞു നിർത്തി മനോജിനെ അടിക്കുകയും ചവിട്ടുകയും ചെയ്തു. മനോജിന്‍റെ തുടയിൽ ചവിട്ടേറ്റ് ശക്തമായ ക്ഷതം ഉണ്ടായി. ഈ ക്ഷതം മുലം കിഡ്നിക്കും തലച്ചോറിനും ഏറ്റ തകരാറാണ് മരണത്തിന് ഇടയാക്കിയതെന്നാണ് പോസ്റ്റ് മോർട്ടം റിപ്പോർട്ടിൽ പറയുന്നു. മർദനം വിവരം മനോജ് വീട്ടുകാരിൽ നിന്നും മറച്ചുവെച്ചു. ശാരീരിക അവശത അനുഭവപ്പെട്ട മനോജ് പുനലൂർ താലൂക്ക് ആശുപത്രിയിൽ ചികിത്സക്ക് ശേഷം വീട്ടിൽ തിരികെ എത്തി കഴിഞ്ഞ ദിവസം രാത്രി ഒമ്പതരയോടെ മരിച്ചു. മരണത്തിൽ ബന്ധുക്കളുടെ സംശയത്തെ തുടർന്നു പുനലൂർ എസ്എച്ച്ഒ ടി രാജേഷ് കുമാറിന്‍റെ നേതൃത്വത്തിൽ പോലീസ് അന്വേഷണം നടത്തി. പ്രതിയെ പിടികൂടുകയായിരുന്നു. പ്രതിയെ പുനലൂർ കോടതിയിൽ ഹാജരാക്കി റിമാൻഡ് ചെയ്തു.

കളക്‌ടറേറ്റില്‍ സുരക്ഷാ സംവിധാനങ്ങൾ ഇപ്പോഴും പഴയപടി

കൊല്ലം: കളക്‌ടറേറ്റിലേക്ക് ഇത് രണ്ടാംതവണയാണ് ബോംബ് ഭീഷണി സന്ദേശം ലഭിക്കുന്നത്. കളക്ടറുടെ ഔദ്യോഗിക മെയിലിലേക്കാണ് ഭീഷണി സന്ദേശം രണ്ടുതവണയും എത്തിയത്. പോലീസിന്‍റെ യും ഡോഗ്, ബോംബ് സ്‌ക്വാഡുകളുടെയും നേതൃത്വത്തില്‍ മണിക്കൂറുകള്‍ നീണ്ട പരിശോധനകള്‍ നടത്തിയിട്ടും ഒന്നും കണ്ടെത്താനാകാത്തത് ആശ്വാസമാണെങ്കിലും ഇത് ആശങ്കകൾ വര്‍ധിപ്പിക്കുന്നു. ജമ്മു കാഷ്മീരിലെ തീവ്രവാദ ആക്രമണത്തിന് പിന്നാലെയെത്തിയ ഭീഷണി കളക്‌ടറേറ്റിലെ ജീവനക്കാരേയും വിവിധ ആവശ്യങ്ങൾക്ക് ജില്ലാ ഭരണകൂടത്തിന്‍റെ ആസ്ഥാനത്ത് എത്തുന്നവരെയും ഭീതിയിലാഴ്ത്തി. കഴിഞ്ഞ മാര്‍ച്ച് 18നും സമാന തരത്തില്‍ ഇ മെയിലിലൂടെ ഭീഷണി സന്ദേശമെത്തിയിരുന്നു. അന്ന് രാവിലെയെത്തിയ മെയില്‍ ഉദ്യോഗസ്ഥരുടെ ശ്രദ്ധയില്‍പെട്ടില്ല. പിന്നീട്, വൈകുന്നേരം അഞ്ചിനാണ് ഭീഷണി മെയില്‍ ഉദ്യോഗസ്ഥര്‍ കണ്ടത്. തുടര്‍ന്ന്, കളക്‌ടറുടെ നിര്‍ദേശപ്രകാരം മെയില്‍ പോലീസിനു കൈമാറി. ഇതിനു പിന്നാലെയാണ് പോലീസും ഡോഗ് സ്‌ക്വാഡും പരിശോധന നടത്തിയത്. അന്നേദിവസം തിരുവനന്തപുരം കളക്‌ടറേറ്റിലെ ഭീഷണി സന്ദേശത്തെത്തുടര്‍ന്ന് രാവിലെ കൊല്ലത്തും പരിശോധന നടത്തിയിരുന്നു. മെയില്‍ ശ്രദ്ധയില്‍പെട്ട ശേഷം രാത്രി വീണ്ടും പരിശോധന നടത്തുകയായിരുന്നു. എന്നാല്‍, അസ്വാഭാവികമായി ഒന്നും കണ്ടെത്താന്‍ സാധിച്ചില്ല. അടിക്കടി വിവിധ കളക്‌ടറേറ്റുകളിലേക്കും സര്‍ക്കാര്‍ ഓഫീസുകലിലേക്കും വരുന്ന ബോംബ് ഭീഷണി സന്ദേശങ്ങളുടെ ഉറവിടം കണ്ടെത്തുന്നതില്‍ അന്വേഷണ വിഭാഗം പരാജയപ്പെടുകയാണ്. ഇത് കാരണമാണ് വ്യാജ സന്ദേശങ്ങള്‍ തുടര്‍ക്കഥയാകുന്നതെന്നാണ് ആക്ഷേപം. അതേസമയം, ജില്ലയുടെ ഭരണസിരാകേന്ദ്രമായ കളക്‌ടറേറ്റും പ്രധാന ഓഫീസുകളും ജില്ലാ കോടതിയുമെല്ലാം പ്രവര്‍ത്തിക്കുന്ന സിവില്‍ സ്റ്റേഷന്‍ വളപ്പിലെ സുരക്ഷാ ക്രമീകരണങ്ങള്‍ ഇപ്പോഴും പേരിന് മാത്രമേയുള്ളൂ. 2016-ലെ ബോംബ് സ്‌ഫോടനത്തിന് ശേഷം സുരക്ഷ പരിശോധനകള്‍ ശക്തമാക്കിയെന്ന് പറയുന്നുണ്ടെങ്കിലും ഇത് ഒട്ടും കാര്യക്ഷമമല്ല. രാവിലെയും വൈകുന്നേരവും മാത്രമേ വഴിപാട് പോലെ പരിശോധനകള്‍ നടക്കുന്നുള്ളൂ. മറ്റുള്ള സമയങ്ങളില്‍ നിരീക്ഷണം പോലും നടക്കുന്നില്ലെന്നതാണ് വാസ്തവം. കളക്‌ടറേറ്റില്‍ മെറ്റല്‍ ഡിറ്റക്‌ടര്‍ ഉള്‍പ്പടെ സ്ഥാപിക്കുമെന്ന പ്രഖ്യാപനങ്ങള്‍ ഉണ്ടായിരുന്നെങ്കിലും ഇത് ഇപ്പോഴും ഫയലില്‍ ഉറങ്ങുകയാണ്. ആര്‍ക്കും ഏതുസമയത്തും എവിടെയും ചെന്നു കേറാവുന്ന അവസ്ഥയാണു നിലവിലുള്ളത്. കളക്‌ടറേറ്റ് സമുച്ചയത്തിലേക്ക് കൊണ്ടുവരുന്ന സാധനങ്ങളുടെ സുരക്ഷാ പരിശോധന നടത്താന്‍ സംവിധാനങ്ങളില്ല. സുരക്ഷാ കാമറകള്‍ സ്ഥാപിച്ചിട്ടുണ്ടെങ്കിലും ഭൂരിഭാഗവും പ്രവര്‍ത്തന രഹിതമാണ്. കളക്‌ടറേറ്റ് വളപ്പില്‍ നടന്ന സ്‌ഫോടനത്തെ തുടര്‍ന്നാണ് സമുച്ചയത്തില്‍ ആധുനിക കാമറകള്‍ സ്ഥാപിക്കാന്‍ തീരുമാനിച്ചത്. 2019-ല്‍ പണം അനുവദിക്കുകയും പിന്നാലെ കാമറ സ്ഥാപിക്കുകയുമായിരുന്നു. എന്നാല്‍ ഇത് കൃത്യമായി പരിപാലിക്കുന്നതില്‍ വീഴ്ചയുണ്ടായി.

കളക്‌ടറേറ്റിന് വീണ്ടും ബോംബ് ഭീഷണി : ഉറവിടം കണ്ടെത്താൻ പോലീസ്

കൊല്ലം: ജില്ലാ കളക്‌ടറേറ്റില്‍ വീണ്ടും ബോംബ് ഭിഷണി സന്ദേശമെത്തി. കളക്‌ടര്‍ എന്‍.ദേവിദാസിന്‍റെ ഔദ്യോഗിക ഇ- മെയിലിലേക്കാണ് ഭീഷണി സന്ദേശം എത്തിയത്. കളക്‌ടര്‍ സിറ്റി പോലീസ് കമ്മിഷണറെ വിവമറിയിച്ചതിനെത്തുടര്‍ ന്ന് പോലീസും ബോംബ് സ്‌ക്വോഡും ഡോഗ് സ്‌ക്വോഡും കളക്‌ടറേറ്റിലും പരിസരത്തും പഴുതുകൾ അടച്ചുള്ള വിശദമായ പരിശോധന നടത്തി. രണ്ട് മണിക്കൂറോളം പരിശോധന നടത്തിയിട്ടും അസ്വാഭാവികമായി ഒന്നും കണ്ടെത്താനായില്ല. ഇന്നലെ രാവിലെ 7.30ഓടെയാണ് മെയില്‍ എത്തിയത്. കളക്്‌ടറുടെ ഓഫീസില്‍ ഉദ്യോഗസ്ഥരെത്തിയ ശേഷം രാവിലെ 10.30ഓടെയാണ് സന്ദേശം കാണുന്നത്. ഉടന്‍ തന്നെ കളക്‌ടറെ വിവരമറിയിക്കുകയും കളക്‌ടര്‍ സിറ്റി പോലീസ് കമ്മീഷണര്‍ക്ക് വിവരം കൈമാറുകയുമായിരുന്നു. തമിഴ്‌നാട്ടില്‍ നര്‍ക്കോട്ടിക് കേസില്‍ അറസ്റ്റിലായവരെ വിട്ടയക്കണമെന്നാവശ്യപ്പെട്ടായിരുന്നു ബോംബ് ഭീഷണി. അകാരണമായി പിടിച്ചുവച്ചിരിക്കുന്ന ഇവരെ ഉച്ചകഴിഞ്ഞ് രണ്ടിന് മുമ്പ് മോചിപ്പിച്ചില്ലെങ്കില്‍ കൃത്യം രണ്ടിന് തന്നെ ബോംബ് പൊട്ടുമെന്നും സന്ദേശത്തിലുണ്ട്. കഴിഞ്ഞ മാസം 18നും സമാനരീതിയില്‍ ബോംബ് ഭീഷണി സന്ദേശമെത്തിയിരുന്നു. അന്ന് ഇ- മെയില്‍ സന്ദേശം വളരെ വൈകിയാണ് ശ്രദ്ധയിൽപ്പെട്ടത്. അന്നും മണിക്കൂറുകള്‍ നീണ്ട പരിശോധന നടത്തിയെങ്കിലും ഒന്നും കണ്ടെത്താന്‍ കഴിഞ്ഞില്ല. ഇപ്പോഴത്തെ ഭീഷണിയെ തുടര്‍ന്നും മണിക്കൂറുകള്‍ നീണ്ട കർശന പരിശോധനയാണ് നടത്തിയത്. കളക്്‌ടറേറ്റിന് ഉള്ളിലേക്ക് ആളുകളെ കടത്തി വിട്ടത് പോലീസ് പരിശോധനയ്ക്ക് ശേഷമായിരുന്നു. ജമ്മു കാശ്മീരിലെ തീവ്രവാദി ആക്രമണത്തിന്‍റെപശ്ചാത്തലത്തിലും കളക്‌ടറേറ്റില്‍ നേരത്തെ ബോംബ് സ്‌ഫോടനം നടന്നതിനാലും ബോംബ് ഭീഷണികളെ ഗൗരവമായാണ് അധികൃതർ കാണുന്നത്. ഭീഷണി സന്ദേശമെത്തിയ മെയില്‍ ഐഡിയുടെ ഉറവിടം കണ്ടെത്താനുള്ള ശ്രമത്തിലാണ് പോലീസ്. ആശങ്ക ഒഴിവായെന്ന് കളക്‌ടര്‍ കൊല്ലം : കളക്‌ടറേറ്റില്‍ ഉച്ചയോടെ ബോംബ് പൊട്ടുമെന്ന് വന്ന ഇ-മെയില്‍ സന്ദേശ പശ്ചാത്തലത്തില്‍ നടത്തിയ പരിശോധനയില്‍ ആശങ്ക ഒഴിവായെന്ന് ജില്ലാകളക്‌ടര്‍ എന്‍. ദേവിദാസ്. രാവിലെയാണ് കളക്‌ടറേറ്റിലേക്ക് സന്ദേശമെത്തിയത്. തുടര്‍ന്ന് പരിശോധന നടത്തി സുരക്ഷ ഉറപ്പാക്കാന്‍ സിറ്റി പോലീസ് കമ്മീഷണര്‍ക്ക് നിര്‍ദേശം നല്‍കി. പോലീസിന്‍റെ ഡോഗ് - ബോംബ് സ്‌ക്വാഡുകള്‍, തീവ്രവാദവിരുദ്ധ സുരക്ഷാസേന എന്നിവ കളക്‌ട്രേറ്റും പരിസരവും വിശദമായി പരിശോധിച്ചു. സംശയകരമാംവിധം ഒന്നും കണ്ടെത്താനായില്ല. ഭീഷണി കണക്കിലെടുത്തു ഗൗരവകരമായ അന്വേഷണമാണ് നടത്തുന്നത്. സന്ദേശത്തിന്‍റെ ഉറവിടം കണ്ടെത്താനുള്ള ശ്രമം തുടരുന്നു. നിലവില്‍ സുരക്ഷിതമായ സാഹചര്യമാണുള്ളത്. കര്‍ശനനിരീക്ഷണം തുടരുമെന്ന് ജില്ലാകളക്‌ടര്‍ അറിയിച്ചു.

നിധി ആപ്‌കെ നികത് അദാലത്ത് 28ന്

കൊല്ലം: എംപ്ലോയീസ് പ്രോവിഡന്‍റ് ഫണ്ട് ഓർഗനൈസേഷൻ കൊല്ലം മേഖലാ കാര്യാലയ ആഭിമുഖ്യത്തിൽ നിധി ആപ്‌കെ നികത് അദാലത്ത് 28 രാവിലെ ഒമ്പത് മുതൽ ഉച്ചയ്ക്ക് ഒന്ന് വരെ കൊല്ലം സാവിത്രി ഹാൾ, പബ്ലിക് ലൈബ്രറിയിലെ നടത്തും. പരാതി പരിഹരിക്കൽ, പി എഫിൽ പുതുതായി രജിസ്റ്റർ ചെയ്ത സ്ഥാപനങ്ങൾക്കുള്ള നിർദേശങ്ങൾ, ഇ പി എഫ് ഒ യുടെ പുതിയ പദ്ധതികൾ എന്നിവ വിശദീകരിക്കും.

പ്രവർത്തക യോഗം വിലയിരുത്തി

കൊല്ലം :സാഹിത്യവും സാംസ്കാരിക പ്രവർത്തനവും സവർണ വിഭാഗത്തിന്‍റെതാണെന്ന ചിന്താഗതിക്ക് മാറ്റമുണ്ടാകാത്തോളം രാജ്യപുരോഗതി കൈവരിക്കാൻ കഴിയില്ലെന്ന് ഡോ. ബി ആർ .അംബേദ്കർ സ്റ്റഡി സെന്‍റർ പ്രവർത്തക യോഗം വിലയിരുത്തി. രാഷ്ട്രീയ നേതാക്കന്മാർ സാംസ്കാരിക പ്രവർത്തകർ സാഹിത്യകാരന്മാർ പലരുടെയും വിചാരം രാജ്യത്തിന്‍റെ സാഹിത്യസൃഷ്ടിയും സാംസ്കാരിക സൃഷ്ടിയും സവർണ വിഭാഗങ്ങളിൽ നിന്നുണ്ടായതാണെന്നുള്ള ചിന്ത യാഥാർഥ്യം മനസിലാക്കാതെയാണ്.ഇതിഹാസ ഗ്രന്ഥങ്ങളായ രാമായണവും മഹാഭാരതവും രചിച്ചത് വാല്മീകിയും വേദവ്യാസനും ആണ്. അവർ ഏത് വിഭാഗത്തിൽ പെട്ടവരാണ് എന്ന് ചിന്തിക്കണം. രാജ്യത്തെ സാംസ്കാരിക പൈതൃകങ്ങൾ ദ്രാവിഡ കാലഘട്ടത്തിലുള്ളതാണ്. ലോകം കണ്ട ഏറ്റവും ഉന്നത ശ്രേഷ്ഠൻ ഡോ. ബി .ആർ .അംബേദ്കറാണ് ഇന്ത്യൻ ഭരണഘടന രൂപകൽപ്പന ചെയ്തിട്ടുള്ളത്. ദലിത് സാഹിത്യത്തെയും ദലിത് സാമൂഹിക സാംസ്കാരിക പ്രവർത്തകരേയും മാറ്റി നിർത്താനുള്ള ശ്രമങ്ങളെ ശക്തമായി പ്രതിരോധിക്കാൻ പൊതു സമൂഹം തയാറാകണമെന്ന് യോഗം ആവശ്യപ്പെട്ടു.ഡോ.ബി.ആർ അംബേദ്കർ സ്റ്റഡി സെന്‍റർ പ്രസിഡന്‍റ്ബോബൻ ജി നാഥ് അധ്യക്ഷത വഹിച്ചു.

കെഎസ്ആർടിസി കൺട്രോളിംഗ് ഇൻസ്പെക്ടർക്കെതിരേ കേസെടുത്തു

കൊല്ലം: കേന്ദ്ര മന്ത്രി സുരേഷ് ഗോപിക്കെതിരെ സാമൂഹ്യ മാധ്യമങ്ങളിൽ മോർഫ് ചെയ്ത ചിത്രങ്ങൾ പ്രചരിപ്പിച്ച സംഭവത്തിൽ കേസെടുത്തു. ഈസ്റ്റർ ദിനത്തിൽ സാമുദായിക ഭിന്നത സൃഷ്ടിക്കുവാൻ കൊല്ലം ഡിപ്പോയിലെ കെഎസ്ആർടിസി ജനറൽ കൺട്രോളിംഗ് ഇൻസ്പെക്ടർ അനിൽ വി ആർ ഫ്രണ്ട്സ് എന്ന വാട്സ്ആപ്പ് ഗ്രൂപ്പിൽ പ്രചരിപ്പിച്ച ചിത്രങ്ങൾ ഉൾപ്പെടെ ചൂണ്ടിക്കാണിച്ചുകൊണ്ട് ലോക്സഭാ സ്പീക്കർക്കും കേന്ദ്ര ആഭ്യന്തരവകുപ്പിനും ഉൾപ്പെടെ പരാതി കൊടുത്തതിന്‍റെ അടിസ്ഥാനത്തിലാണ് കൊല്ലം ഈസ്റ്റ് പോലീസ് കേസെടുത്തിരിക്കുന്നത്. യുവമോർച്ച കൊല്ലം ജില്ലാ പ്രസിഡന്‍റ്പ്രണവ് താമരക്കുളം നൽകിയ പരാതിയിന് മേൽ ആയിരുന്നു പോലീസ് കേസ് എടുത്തത്.

കമ്പനിപടിയ്ക്കൽ വിശദീകരണ യോഗം നടത്തി

ചവറ : കെ എം എം എൽ കമ്പനിയിലെ ഡിസിഡബ്ല്യൂ തൊഴിലാളികളുടെ തൊഴിൽ സംരക്ഷണത്തിനും അവകാശങ്ങൾ നേടിയെടുക്കാനും അണിനിരക്കണമെന്നു ആവശ്യപ്പെട്ടു കമ്പനി പടിയ്ക്കൽ വിശദീകരണ യോഗം നടന്നു. ടൈറ്റാനിയം ജനറൽ വർക്കേഴ്സ് യൂണിയൻ സിഐടിയു ആഭിമുഖ്യത്തിൽ നടന്ന വിശദീകരണയോഗം ജില്ലാ സെക്രട്ടറി എസ്. ജയമോഹൻ ഉദ്ഘാടനം ചെയ്തു. യോഗത്തിൽ സിപിഎം ഏരിയ കമ്മിറ്റി അംഗം എം. വി. പ്രസാദ് അധ്യക്ഷനായി. ജില്ലാ കമ്മിറ്റി അംഗം ആർ. രവീന്ദ്രൻ, സിഐടിയു സംസ്ഥാന കമ്മിറ്റി അംഗം ടി. മനോഹരൻ, ഏരിയ പ്രസിഡന്‍റ് ആർ. സുരേന്ദ്രൻ പിള്ള, ജില്ലാ കമ്മിറ്റി അംഗം വി. സി. രതീഷ് കുമാർ, ഏരിയ കമ്മിറ്റി അംഗം ജെ. അനിൽ, കെ. വി. ദിലീപ്കുമാർ, എൻ. ആർ. ബിജു, എസ്. സന്തോഷ് എന്നിവർ പ്രസംഗിച്ചു.

ഇ.വി.കൃഷ്ണപിള്ളയുടെ ഓർമയ്ക്കായി ശാസ്താംകോട്ടയിൽ ഗ്രന്ഥശാല

കൊല്ലം: ഇ.വി.കൃഷ്ണപിള്ളയുടെ ഓർമയ്ക്കായി ശാസ്താംകോട്ട ബ്ലോക്ക് പഞ്ചായത്ത് ഒരുക്കിയ ഗ്രന്ഥശാല മന്ത്രി പി.പ്രസാദ് ഉദ്ഘാടനം ചെയ്തു. ശാസ്താംകോട്ട ബ്ലോക്ക് പഞ്ചായത്ത് വാർഷിക പദ്ധതിയിൽ ഉൾപ്പെടുത്തിയാണ് ഗ്രന്ഥശാല ബ്ലോക്ക് സമുച്ചയത്തിൽ സജീകരിച്ചത്. കുന്നത്തൂർ പഞ്ചായത്തിൽ ജനിച്ച പ്രശസ്ത ഹാസ്യ സാഹിത്യകാരനായ ഇ.വി കൃഷ്ണപിള്ളയുടെ നാമധേയത്തിലാണ് ഗ്രന്ഥശാല ഒരുക്കിയത്.ബ്ലോക്ക് പഞ്ചായത്തിന്‍റെനേതൃത്വത്തിൽ സംഘടിപ്പിച്ച പുസ്തക സമാഹരണ യജ്ഞത്തിലൂടെയും വാർഷിക പദ്ധതിയിൽ ഉൾപ്പെടുത്തി പുസ്തകങ്ങൾ വാങ്ങിയും ഗ്രന്ഥശാലക്കായി സമാഹരിച്ചിട്ടുണ്ട്. സർക്കാർ സർവീസ് ഗ്രന്ഥങ്ങൾ, മത്സര പരീക്ഷാ സഹായികൾ, റഫറൻസ് ഗ്രന്ഥങ്ങൾ, വിവിധ പത്ര മാസികകൾ ഉൾപ്പടെ 1500ലധികം ശേഖരണങ്ങളുണ്ട്. കോവൂർ കുഞ്ഞുമോൻ എംഎൽഎ അധ്യക്ഷനായി. ബ്ലോക്ക് പഞ്ചായത്ത് വൈസ് പ്രസിഡന്‍റ് പി. പുഷ്പകുമാരി, താലൂക്ക് ലൈബ്രറി കൗൺസിൽ സെക്രട്ടറി എസ്.ശശികുമാർ, ബ്ലോക്ക് പഞ്ചായത്ത് സെക്രട്ടറി കെ. ചന്ദ്രബാബു, സ്റ്റാൻഡിങ് കമ്മിറ്റി ചെയർമാൻമാരായ കെ.സനിൽകുമാർ, എസ്.ഷീജ, വി.രതീഷ്, ഗ്രാമപഞ്ചായത്ത് പ്രസിഡന്‍റുമാർ, വിവിധ ഗ്രന്ഥശാല പ്രതിനിധികൾ, ബ്ലോക്ക് പഞ്ചായത്ത് അംഗങ്ങൾ എന്നിവർ പങ്കെടുത്തു.

ക്ഷേത്ര വിഗ്രഹത്തില്‍ നിന്നും സ്വര്‍ണതാലി മോഷ്ടിച്ച പൂജാരി പിടിയില്‍

കൊല്ലം :ക്ഷേത്ര വിഗ്രഹത്തില്‍ നിന്നും സ്വര്‍ണതാലി മോഷ്ടിച്ചെടുത്ത പൂജാരി പോലീസ് പിടിയിലായി. ഉമയനല്ലൂര്‍, സുധാമണിയാലയം വീട്ടില്‍ സുദര്‍ശനന്‍ മകന്‍ ഉണ്ണി എന്ന ശ്രീഹരി (23) ആണ് ഇരവിപുരം പോലീസിന്‍റെ പിടിയിലായത്. കഴിഞ്ഞ ഒന്പതിന് പാട്ടിയഴികം ശ്രീഭദ്ര ഭഗവതി ക്ഷേത്രത്തിലെ സ്ഥിരം പൂജാരി അവധിയില്‍ ആയതിനാല്‍ പകരക്കാരനായി എത്തിയ ഇയാള്‍, പൂജ കഴിഞ്ഞ് വിഗ്രഹത്തില്‍ ചാര്‍ത്തിയിരുന്ന രണ്ട് ഗ്രാമോളം വരുന്ന സ്വര്‍ണതാലി മോഷ്ടിച്ച് കടന്ന് കളയുകയായിരുന്നു. മോഷണം ശ്രദ്ധയില്‍പ്പെട്ട ക്ഷേത്ര ഭാരവാഹികള്‍ പോലീസില്‍ നല്‍കിയ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്ത് നടത്തിയ അന്വേഷണത്തില്‍ പ്രതിയെ കണ്ടെത്തി പിടികൂടുകയായിരുന്നു. ഇരവിപുരം ഇന്‍സ്പെക്ടര്‍ രാജീവിന്‍റെ നേതൃത്വത്തില്‍ എസ്ഐ മാരായ ജയേഷ്, സിദ്ദീഖ്, സിപിഒ മാരായ രജിത്, രാജീവ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.

യുവതിയുടെ ആത്മഹത്യ : ഭര്‍ത്താവ് ഒരുവര്‍ഷത്തിനുശേഷം പിടിയില്‍

അഞ്ചല്‍ : ഏരൂര്‍ പഞ്ചായത്തിലെ രണ്ടേക്കര്‍മുക്ക് സ്വദേശിനി അശ്വതിയുടെ ആത്മഹത്യയുമായി ബന്ധപ്പെട്ട് ഭര്‍ത്താവ് അറസ്റ്റില്‍. ഏരൂര്‍ മയിലാടുംകുന്ന് ബംഗ്ലാംമുകളില്‍ സനു സോമന്‍ (36) ആണ് അറസ്റ്റിലായത്. 2024 ഫെബ്രുവരി 16 നാണ് വീട്ടിലെ കിടപ്പുമുറിയില്‍ അശ്വതിയെ തൂങ്ങിമരിച്ച നിലയില്‍ കണ്ടെത്തിയത്. അസ്വാഭാവിക മരണത്തിന് ഏരൂര്‍ പോലീസ് കേസെടുക്കുകയും ചെയ്തിരുന്നു. എന്നാല്‍ മകളുടെ പെട്ടെള്ള മരണത്തില്‍ മാതാപിതാക്കള്‍ ഉള്‍പ്പടെയുള്ള ബന്ധുക്കള്‍ക്ക് ചില സംശയങ്ങള്‍ ഉണ്ടായിരുന്നു. മകളുടെ ആത്മഹത്യക്ക് കാരണം ഭര്‍ത്താവ് ആണെന്ന സംശയമുണ്ടായിരുന്നുവെങ്കിലും തെളിവുകള്‍ ഒന്നും ലഭിക്കാതിരുന്നതിനാല്‍ ഈവിവരം പോലീസില്‍ അറിയിച്ചിരുന്നില്ല. മകളുടെ മരണത്തില്‍ ദുരൂഹതയുണ്ടെന്ന സംശയം പോലീസിനെ അറിയിച്ചിരുന്നുവെങ്കിലും മൊബൈല്‍ ഫോണ്‍ ഉള്‍പ്പടെയുള്ളവ പരിശോധിക്കാനോ സനുവിനെ ചോദ്യചെയ്യാനോ തെളിവുകള്‍ ശേഖരിക്കാനോ ഏരൂര്‍ പോലീസ് അന്ന് കൂട്ടാക്കിയില്ല. ഇതോടെ മകളുടെ മരണത്തില്‍ പോലീസ് അന്വേഷണം തൃപ്തികരമല്ലെന്നു ചൂണ്ടിക്കാട്ടി മാതാപിതാക്കള്‍ മുഖ്യമന്ത്രിക്കും ഉന്നത പോലീസ് ഉദ്യോഗസ്ഥര്‍ക്കും പരാതി നല്‍കി. തുടര്‍ന്നു അന്വേഷണം പുനലൂര്‍ ഡിവൈഎസ്പി ഏറ്റെടുക്കുകയായിരുന്നു. ഇതിനിടയില്‍ അശ്വതിയുടെ മകള്‍ കളിക്കുന്നതിനിടെ അശ്വതിയുടെ മൊബൈല്‍ ഫോണിന്‍റെ ലോക്ക് മാറ്റിയതോടെയാണ് മകളുടെ ആത്മഹത്യക്കുപിന്നില്‍ മരുമകന്‍ സനു സോമന്‍ ആണെന്ന തരത്തില്‍ ചില ശബ്ദ സന്ദേശങ്ങള്‍ മാതാപിതാക്കള്‍ക്ക് ലഭിക്കുന്നത്. ഈതെളിവുകള്‍ സഹിതം അശ്വതിയുടെ മാതാപിതാക്കള്‍ വീണ്ടും പോലീസിനെ സമീപിച്ചു. ഇതോടെ കുടുങ്ങുമെന്ന് ഉറപ്പായ സനുസോമന്‍ വിദേശത്തേക്ക് പോയി. എന്നാല്‍ അടുത്തിടെ നാട്ടിലെത്തിയ സനുവിനെ പുനലൂര്‍ ഡിവൈഎസ്പിയുടെ നേതൃത്വത്തിലുള്ള പ്രത്യേക സംഘം കഴിഞ്ഞ ദിവസം പിടികൂടുകയായിരുന്നു. ആത്മഹത്യ പ്രേരണ, സ്ത്രീധന പീഡന നിരോധന നിയമം ഉള്‍പ്പടെയുള്ള വകുപ്പുകള്‍ ചുമത്തിയാണ് ഇയാളുടെ അറസ്റ്റ് പോലീസ് രേഖപ്പെടുത്തിയത്. മരിക്കുന്നതിന് തൊട്ടുമുമ്പും അശ്വതി കടുത്ത മാനസിക പീഡനത്തിനിരയായി എന്നാണ് പോലീസ് കണ്ടെത്തല്‍. വൈദ്യ പരിശോധനയ്ക്ക് ശേഷം പ്രതിയെ കോടതിയില്‍ ഹാജരാക്കി

കൊട്ടാരക്കരയിൽ പോലീസ് ഓഫീസേഴ്സ് ലഹരി വിരുദ്ധ ഓപ്പൺ ഫോറം നടത്തി

കൊട്ടാരക്കര: കേരള പോലീസ് ഓഫീസേഴ്സ് അസോസിയേഷൻ കൊല്ലം റൂറൽ ജില്ലാ കമ്മിറ്റിയുടെ ആഭിമുഖ്യത്തിൽ വിദ്യാർഥികളിലും യുവാക്കളിലും വർധിച്ചു വരുന്ന ലഹരി വ്യാപനവും ലഹരിയുടെ ഉപയോഗം മൂലം ഉണ്ടാകുന്ന ഭവിഷത്തുകളെയും പറ്റി സമൂഹത്തിൽ അവബോധം സൃഷ്ടിക്കുന്നതിന് കൈകോർക്കാം യുവതിക്കായ്' എന്ന പേരിൽ കൊട്ടാരക്കരയിൽ ഓപ്പൺ ഫോറം നടത്തി. കുറ്റകൃത്യങ്ങളെയും ലഹരി വ്യാപനത്തെയും കുറിച്ചുള്ള അറിവുകൾ പോലീസിനെ അറിയിക്കാൻ പൊതുസമൂഹത്തെ പ്രാപ്തമാക്കുക എന്ന ലക്ഷ്യത്തോടെയായിരുന്നു പരിപാടി പത്താം കൊല്ലം റൂറൽ ജില്ലാ സമ്മേളനത്തിന് മുന്നോടിയായാണ് ഓപ്പൺ ഫോറം നടത്തിയത്. കൊട്ടാരക്കര മുനിസിപ്പൽ ചെയർമാൻ അഡ്വ.കെ. ഉണ്ണികൃഷ്ണ മേനോൻ ഉദ്ഘാടനം ചെയ്തു. കൊല്ലം റൂറൽ ജില്ലാ പോലീസ് മേധാവി സാബു മാത്യു കെ.എം, മുഖ്യ സാന്നിദ്ധ്യമായി പങ്കെടുത്തു. കൊട്ടാരക്കര ഡി വൈ എസ് പി ബൈജു കുമാർ.കെ, കെ പി എ ജില്ലാ പ്രസിഡന്‍റ് എ.എസ്. ശിവേഷ്,പോലീസ് ഹൗസിങ് സഹകരണ സംഘം ഭരണ സമിതി അംഗം സിന്ധു.പി.കെ, ക്ലിനിക്കൽ സൈക്കോളജിസ്റ്റ് ഡോ. എസ്.ആനന്ദ്, കൺസൾട്ടന്‍റ് സൈക്കോളജിസ്റ്റ് സൗമ്യ മനോജ്, കൊട്ടാരക്കര പ്രസ്സ് ക്ലബ്‌ പ്രസിഡന്‍റ് പി. അഭിലാഷ്, കൊല്ലം ഡാൻസാഫ് എസ് ഐ ദീപു എന്നിവർ പ്രസംഗിച്ചു. പത്തനാപുരം എസ് എച്ച് ഒ ബിജു മോഡറേറ്ററായിരുന്നു. എസ്. ജയകൃഷ്ണൻ അധ്യക്ഷത വഹിച്ചു.

യുവതലമുറയെ ദിശാബോധമുള്ളവരാക്കുന്നതിൽ ഗ്രന്ഥശാലകളുടെ പങ്ക് നിർണായകം : മേയർ

ചവറ : ലഹരിയുടെ വർധിത വ്യാപന കാലത്ത് യുവതീയുവാക്കളെ നേർവഴിക്കു നയിക്കുന്നതിൽ ഗ്രന്ഥശാലകളുടെ പങ്ക് നിർണായകമാണെന്നും, ആ ഉത്തരവാദിത്വം നിർവഹിക്കാൻ ഗ്രന്ഥശാല പ്രവർത്തനം കൂടുതൽ കാര്യക്ഷമമാകേണ്ട കാലമാണിതെന്നും മേയർ ഹണി ബെഞ്ചമിൻ. പൊന്മന സംസ്കൃതി ഗ്രന്ഥശാലയുടെ വാർഷികാഘോഷ പരിപാടി ഉദ്ഘാടനം ചെയ്യുകയായിരുന്നു മേയർ.ഗ്രന്ഥശാലപ്രസിഡന്‍റ് സാംസൺ പൊന്മന അദ്ധ്യക്ഷനായി. ജില്ലയിലെ മികച്ച ലൈബ്രറിക്കും താലുക്കിലെ മികച്ച ലൈബ്രേറിയനുമുള്ള സംസ്കൃതി അവാർഡുകളും, വിദ്യാഭ്യാസ സ്കോളർഷിപ്പുകളും മുൻ എംപി രമ്യഹരിദാസ് വിതരണം ചെയ്തു. ജില്ലയിലെ മികച്ച ലൈബ്രേറിയായി തെരഞ്ഞെടുക്കപ്പെട്ട മയ്യനാട് ലിറ്റററി റിക്രിയേഷൻ ക്ലബ് ഗ്രന്ഥശാലക്ക്, വടക്കേഭാഗത്ത് ബാലപ്പൻപിള്ള സ്മാരക10001രൂപ ക്യാഷ് അവാർഡും, ഫലകവും പ്രശസ്തി പത്രവും അടങ്ങിയ സംസ്കൃതി പുരസ്കാരവും നൽകി.താലുക്കിലെ മികച്ച ലൈബ്രേറിയനായി ഏർപ്പെടുത്തിയ മംഗലത്ത് ആർ.സുഭാഷ്ചന്ദ്രൻ സ്മാരക5001 രൂപ കാഷ് അവാർഡും പ്രശസ്തി പത്രവും ഫലകവും പണ്ടാരത്തുരുത്ത് പ്രബോധിനി ഗ്രന്ഥശാലാ ലൈബ്രേറിയൻ ശിവചന്ദ്രൻ ഏറ്റുവാങ്ങി. പന്മന ഗ്രാമ പഞ്ചായത്ത് പ്രസിഡന്‍റ് പി . ശ്രീകല, നാടകകൃത്ത് അഡ്വ. മണിലാൽ, താലൂക്ക് ലൈബ്രറി കൗൺസിൽ പ്രസിഡന്‍റ്അഡ്വ.പി.ബി.ശിവൻ, വാർഡ് മെമ്പർ ജയചിത്ര, ഗീത, സെക്രട്ടറി ആർ.മുരളി എന്നിവർ പ്രസംഗിച്ചു. തുടർന്ന് നറുക്കെടുപ്പും സമ്മാനവിതരണവും, കലാവിരുന്നും നടന്നു.

കെഎസ്എസ്പിഎ ലഹരി വിരുദ്ധ സായാഹ്ന സദസ് നാളെ

കൊല്ലം: സമൂഹത്തെയും പുത്തൻ തലമുറയെയും ബാധിച്ച ലഹരി മരുന്ന് വരവ് തടയണമെന്നും ലഹരി മാഫിയയുടെ അടിവേരറുത്ത് കടുത്ത ശിക്ഷയുറപ്പാക്കണമെന്നുംആവശ്യപ്പെട്ട് കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ ജില്ലാ കമ്മിറ്റി നാളെ വൈകുന്നേരം അഞ്ചിന് ചിന്നക്കടയിൽ ലഹരി വിരുദ്ധ സായാഹ്ന സദസ് സംഘടിപ്പിക്കും.ജില്ലാ പ്രസിഡന്‍റ് വാരൃത്ത് മോഹൻകുമാർ അധൃക്ഷത വഹിക്കും. കെപിസിസി സംഘടനാ ചുമതലയുള്ള ജനറൽ സെക്രട്ടറി അഡ്വ. എം. ലിജു ഉദ്ഘാടനം ചെയ്യും. കെപിസിസി രാഷ്ട്രീയ കാര്യ സമിതിയംഗം അഡ്വ. ബിന്ദു കൃഷ്ണ മുഖൃപ്രഭാഷണം നടത്തും. ഡിസിസി വൈസ് പ്രസിഡന്‍റ് എസ്. വിപിനചന്ദ്രൻ, കെഎസ്എസ്പിഎ സംസ്ഥാന ട്രഷറർ പി. ഗോപാലകൃഷ്ണൻ നായർ, സംസ്ഥാന വൈസ് പ്രസിഡന്‍റ് വി. മധുസൂദനൻ, സംസ്ഥാന സെക്രട്ടറിമാരായ കെ.സി. വരദരാജൻ പിള്ള, എം, സുജയ്, ജില്ലാ സെക്രട്ടറി സി, ഗോപിനാഥ പണിക്കർ, എന്നിവർ പ്രസംഗിക്കും. തുടർന്ന് ലഹരി വിരുദ്ധ തീപ്പന്തം കൊളുത്തി പ്രതിജ്ഞ എടുക്കും.

സിവിൽ സർവീസ്: നാൽപ്പത്തിയേഴാം റാങ്ക് വയക്കൽ സ്വദേശിനിക്ക്

കൊട്ടാരക്കര: ഈ വർഷത്തെ സിവിൽ സർവീസ് പരീക്ഷാ ഫലം പ്രസിദ്ധീധീകരിച്ചു.നാൽപ്പത്തിയേഴാമത് റാങ്ക് വാളകം വയക്കൽ സ്വദേശിനി ജി .പി. നന്ദനക്ക്. കേരളത്തിൽ നിന്ന് രണ്ടാം സ്ഥാനവും ഈ മിടുക്കിക്കാണ്. വയക്കൽ സ്വസ്തിയിൽ വാളകം ആർ വി എച്ച് എസ് അധ്യാപകൻ ഇ .കെ. ഗിരീഷിന്‍റെയും തേവന്നൂർ ഗവ. എച്ച് എസ് അധ്യാപിക പ്രഭ എം എസിന്‍റെയും മകളാണ് നന്ദന.

കൊട്ടാരക്കര മഹാഗണപതി ക്ഷേത്രം: പുനരുദ്ധാരണം നടത്തി ശ്രീകോവിൽ സമർപ്പിച്ചു

കൊട്ടാരക്കര: ശ്രീ മഹാഗണപതി ക്ഷേത്രത്തിൽ പുനരുദ്ധാരണ പ്രവർത്തനങ്ങൾ പൂർത്തിയാക്കിയ ശ്രീകോവിലിന്‍റെ സമർപ്പണം തിരുവിതാംകൂർ ദേവസ്വം ബോർഡ് പ്രസിഡന്‍റ് അഡ്വ. പി.എസ് പ്രശാന്ത് ഭദ്രദീപം കൊളുത്തി നിർവഹിച്ചു. വർഷങ്ങളായി ചോർച്ച മൂലം ജീർണാവസ്ഥയിലേക്ക് മാറിയ ശ്രീ കോവിൽ ശോചനീയാവസ്ഥയിൽ ആയിരുന്നു. ശിവൻ, ഗണപതി, ദേവി എന്നിവയുടെ മേൽക്കൂര ഭാഗങ്ങളിൽചോർച്ചയെ തുടർന്ന് ഉരുളികൾ വച്ചാണ് വിഗ്രഹങ്ങളുടെ മുകളിൽ മഴ വെള്ളം വീഴാതെ ശാന്തിക്കാർ സംരക്ഷിച്ച് വന്നിരുന്നത്. ശ്രീകോവിൽ 50 ലക്ഷം രൂപ ചിലവാക്കിയാണ് നവീകരിച്ചത്. മേൽക്കൂരയുടെ തടികൾ പൂർണമായും മാറ്റി പുതിയത് സ്ഥാപിച്ച് ചെമ്പോല പാകി.ശ്രീകോവിലി െ ന്‍റ താഴിക കുടം സമർപണവും കലശ പൂജയും ക്ഷേത്രം തന്ത്രി മുഖ്യൻ ഗോവിന്ദൻ നമ്പൂതിരിപ്പാട്, ക്ഷേത്രം മേൽശാന്തി രതീഷ് കുമാർ എന്നിവരുടെ മുഖ്യ കാർമികത്വത്തിൽ നടന്നു. ചടങ്ങിൽ ദേവസ്വം ചീഫ് എൻജിനീയർ രഞ്ജിത് ശേഖർ, എക്സിക്യൂട്ടീവ് എൻജിനീയർ വിജയമോഹനൻ, അസിസ്റ്റന്‍റ് കമ്മീഷണർ സൈനു ലാൽ, അഡ്മിനി സ്ട്രേറ്റീവ് ഓഫിസർ സുഷമ,അസിസ്റ്റ ന്‍റ്എൻജിനീയർ ആതിര കൃഷ്ണൻ, ഉപദേശക സമിതി പ്രസിഡന്‍റ് വി. അനിൽകുമാർ, സെക്രട്ടറി സ്മിത രവി, കീഴ്‌ശാന്തി നാരായണൻ നമ്പൂതിരി, സഹ ശാന്തി എൻ. കൃഷ്ണകുമാർ പോറ്റി ഉപദേശക സമിതി അംഗങ്ങൾ എന്നിവർ പങ്കെടുത്തു.

സിപിഎം ജില്ലാ സെക്രട്ടേറിയറ്റില്‍ മൂന്ന് പുതുമുഖങ്ങള്‍

സസന്തോഷം കുട്ടികൾ…പൂതക്കുളത്ത് ഒരുങ്ങുന്നു ഹാപിനെസ് പാർക്ക്

കൊല്ലം: സന്തോഷമാണ് ജീവിതവിജയമെന്ന വലിയപാഠത്തിലേക്ക് കുട്ടികളെ നയിക്കുകയാണ് പൂതക്കുളം പഞ്ചായത്ത്. ജീവിതാസ്വാദനത്തി െ ന്‍റ കൊച്ചുസ്വപ്നങ്ങൾ പൂവണിയാനുള്ള വേദിയാണ് പൂതക്കുളത്ത് ഒരുങ്ങുന്നത്. എല്ലാ തദ്ദേശസ്ഥാപനങ്ങളിലും ഹാപ്പിനസ് പാർക്കുകൾ സ്ഥാപിക്കണമെന്ന സർക്കാരി െ ന്‍റ കാഴ്ചപാടാണ് കുട്ടികൾക്കായുള്ള പാർക്കി െ ന്‍റ നവീകരണത്തിലേക്ക് പഞ്ചായത്തിനെ എത്തിക്കുന്നത്. കുട്ടികളുടെ ക്ഷേമത്തിനും കായിക-മാനസിക ഉല്ലാസത്തിനും പ്രാധാന്യം നൽകി ഒരുക്കുന്ന പാർക്കിൽ അനവധി ഉല്ലാസ, വിശ്രമ സൗകര്യങ്ങളാണ് ഉള്ളത്. കളിക്കാനുള്ള ഉപകരണങ്ങൾ, സെൽഫി പോയിന്‍റ്, മൈക്ക് സെറ്റ്, ലൈറ്റ്, കഫ്റ്റീരിയ, സ്റ്റേജ് തുടങ്ങിയ സൗകര്യങ്ങളാണ് ഏർപ്പെടുത്തുന്നത്. നിലവിൽ ടേക് എ ബ്രേക്കി െ ന്‍റ രണ്ട് ടോയ് ല റ്റുകളും ലൈറ്റ് റിഫ്രഷ്മെന്‍റ് ഏരിയയും ഒരുക്കിയിട്ടുണ്ട്. എല്ലാവർക്കും പാട്ട്പാടാനും കലാപരിപാടികൾ അവതരിപ്പിക്കാനുമുള്ള ഇടമായാണ് ഇവിടെ വികസിക്കുന്നത്. സ്വകാര്യ ചടങ്ങുകളും യോഗങ്ങളും സംഗമങ്ങളും നടത്താൻ പാകത്തിലുളള അധികസൗകര്യങ്ങളും നവീകരണത്തി െ ന്‍റ ഭാഗമായി ഒരുക്കുന്നുണ്ട്. പഞ്ചായത്തിന്റെ നിരന്തരപരിശ്രമങ്ങളുടെ ഫലമായാണ് ടൂറിസം വകുപ്പി െ ന്‍റ നേതൃത്വത്തിൽ നവീകരണപ്രവർത്തനം പുനരാരംഭിച്ചത്. ‘കുട്ടികളുടെ പാർക്കിലെ അടിസ്ഥാന സൗകര്യ വികസനം' പദ്ധതിപ്രകാരമാണ് പാർക്കി െ ന്‍റ ആദ്യഘട്ട പ്രവർത്തനങ്ങൾ നടപ്പിലാക്കിയത്. കുട്ടികൾക്ക് മാത്രമല്ല ഏത് പ്രായക്കാർക്കും വിശ്രമിക്കാനും സമയം ചെലവഴിക്കാനുമുള്ള അന്തരീക്ഷമാണ് ഇവിടെ നിലവിൽ ഒരുക്കുന്നത്. വിനോദ സഞ്ചാരവകുപ്പിെ ന്‍റ 49 ലക്ഷം രൂപയും ഇത്തിക്കര ബ്ലോക്കിെ ന്‍റ യും പൂതക്കുളം ഗ്രാമപഞ്ചായത്തിനിെ ന്‍റതുമായി 10 ലക്ഷം രൂപയും ചെലവഴിച്ചാണ് നിർമാണ പ്രവർത്തനങ്ങൾ.പാർക്കിെ ന്‍റ പ്രവർത്തനങ്ങളിൽ മാത്രം ചുരുങ്ങാതെ ഭാവിയിലേക്കുള്ള ഒട്ടനവധി പദ്ധതികളാണ് ടൂറിസം വകുപ്പുമായി ചേർന്ന് പഞ്ചായത്ത് വിഭാവനംചെയ്യുന്നത്. പാർക്കിനോട്‌ചേർന്നുള്ള പാണാട്ട്ചിറയുടെ വിനോദസഞ്ചാരമേഖലയിലെ പ്രാധാന്യംകണ്ടാണ് പാർക്കിിെ ന്‍റ പ്രവർത്തനം ആരംഭിച്ചത്. പാണാട്ട് ചിറ ബോട്ടിംഗ്, ജലകേളി തുടങ്ങിയ സാധ്യതകളും പരമാവധി പ്രയോജനപ്പെടുത്തുമെന്ന് എസ്. അമ്മിണിയമ്മ പറഞ്ഞു.

കോർപറേഷന്‍റെ 'സർഗധാര - 2025' ഇന്ന്

കൊല്ലം: കോർപറേഷന്‍റെ ആഭിമുഖ്യത്തിൽ 'സർഗധാര - 2025' ഇന്ന് സാഹിത്യോത്സവവും സാംബശിവൻ അനുസ്മരണവും എന്ന പേരിൽ നടത്തും. കൊല്ലം ചിന്നക്കട സാംബശിവൻ സ്ക്വയറിൽ വൈകുന്നേരം 5.30 ന് കുരീപ്പുഴ ശ്രീകുമാർ പരിപാടി ഉദ്ഘാടനം ചെയ്യും. മേയർ ഹണിബഞ്ചമിൻ, ഡെപ്യൂട്ടി മേയർ എസ്‌.ജയൻ, സാഹിത്യ പ്രമുഖർ എന്നിവർ പങ്കെടുക്കും. ആറിന് ഡോ.വസന്തകുമാർ കഥാപ്രസംഗം അവതരിപ്പിക്കും.

മൈനാഗപ്പള്ളി ഏലായിൽ നെൽകൃഷി ആരംഭിക്കും

കൊല്ലം: ഹരിത കേരളം മിഷ ന്‍റ നേതൃത്വത്തിൽ വർഷങ്ങളായി തരിശായികിടന്ന ചാലായിൽ മാടൻനട ഏലയിൽ നെൽകൃഷി നടത്തും. മൈനാഗപ്പള്ളി ഗ്രാമപഞ്ചായത്തിൽ 18, 20 വാർഡുകളിലായി 468 ഏക്കർ വിസ്തൃതിയുള്ള ചാലായിൽ മാടൻനട ഏലയാണ് കൃഷിയിടം. വെള്ളക്കെട്ട് ഒഴിവാക്കി ചാലായിൽ മാടൻനട ഏലയും വെട്ടിക്കാട്ട് ഏലയും ക്യഷി യോഗ്യമാക്കുന്നതിനാണ് പദ്ധതി. ഇറിഗേഷൻ വകുപ്പും തൊഴിലുറപ്പ് പദ്ധതിയും സംയുക്തമായാണ് ഗ്രാമപഞ്ചായത്തിന്‍റെയും കൃഷി വകുപ്പിിെ ന്‍റയും സഹായത്തോടെ ഹരിതകേരളം മിഷന്‍റെ ഏകോപനത്തിൽ ഇവിടെ നെൽകൃഷി പുനഃരാരംഭിക്കുന്നത്. തോട്ടുമുഖം തോടിലെ ചെളിയും മാലിന്യവും നീക്കം ചെയ്യുന്നതിനുള്ള പ്രവർത്തനം ഉടൻ തുടങ്ങും. 18, 20 വാർഡുകളിലായി വ്യാപിച്ച് കിടക്കുന്ന ചാലായിൽ ഏലയ്ക്ക് പുറമേ ഭാഗികമായി ഒരുപൂ മാത്രം കൃഷി ചെയ്യുന്ന വെട്ടിക്കാട്ട് ഏലയിലും പൂർണമായി ഇരിപ്പൂ ക്യഷി ആരംഭിക്കുന്നതിനുള്ള തയാറെടുപ്പുമുണ്ടെന്ന് ഹരിത കേരള മിഷൻ ജില്ലാ കോർഡിനേറ്റർ എസ്. ഐസക് അറിയിച്ചു.

പീഡന ശ്രമം: പ്രതിക്ക് കഠിന തടവും പിഴയും

കൊട്ടാരക്കര: 45 വയസുള്ള സ്ത്രീയെ വഴിയിൽ തടഞ്ഞു നിർത്തി ലൈംഗികമായി പീഡിപ്പിക്കാൻ ശ്രമിച്ച പ്രതിക്ക് 16 വർഷം കഠിന തടവും 35000 രൂപ പിഴയും ശിക്ഷിച്ച് കോടതി. കൊട്ടാരക്കര ഫാസ്റ്റ് ട്രാക്ക് സ്പെഷൽ കോടതി ജഡ്ജി അഞ്ജു മീര ബിർലയുടേതാണ് വിധി. ഉമ്മന്നൂർ വിലയന്തൂർ പിണറ്റിൻ മുകൾ വിജയ സദനത്തിൽ വിനോദ് (46) നെയാണ് ശിക്ഷിച്ചത്. 2023 ഒക്ടോബർ നാലിന് നടന്ന സംഭവത്തിൽ കൊട്ടാരക്കര പോലീസ് സ്റ്റേഷൻ സബ് ഇൻസ്‌പെക്ടർ നൗഷാദ് എഫ് ഐ ആർ രജിസ്റ്റർ ചെയ്ത് കൊട്ടാരക്കര ഇൻസ്‌പെക്ടർ വി. എസ്. പ്രശാന്ത് അന്വേഷണം നടത്തി ചാർജ് ഷീറ്റ് സമർപ്പിച്ച കേസാണിത്. പിഴത്തുക അടച്ചില്ലെങ്കിൽ ആറു മാസം കൂടി അധികം തടവ് ശിക്ഷ അനുഭവിക്കണം. പ്രോസിക്യൂഷന് വേണ്ടി അഡ്വ. ഷുഗു .സി. തോമസ് ഹാജരായി.

മത്സ്യത്തൊഴിലാളികളെ പുനർവിന്യസിക്കും

കൊല്ലം: മുതലപ്പൊഴിയിലുള്ള മത്സ്യതൊഴിലാളികളുടെ താൽക്കാലിക പുനർവിന്യാസത്തിന്‍റെ ഭാഗമായി തങ്കശേരി, വാടി, മൂതാക്കര, ജോനകപ്പുറം ലാന്‍റിംഗ് സെന്‍ററുകളിൽ വള്ളങ്ങൾ അടുപ്പിക്കുന്നതിനുള്ള സാഹചര്യം ഒരുക്കാൻ ജില്ലാ കളക്ടറുടെ അധ്യക്ഷതയിൽ ചേർന്ന യോഗം തീരുമാനിച്ചു. ടോയ്‌ലറ്റ് സംവിധാനങ്ങൾ, സി സി ടി വി, ലൈറ്റ് എന്നിവ സ്ഥാപിക്കുന്നതിന് ഹാർബർ എൻജിനീയറിംഗ് വകുപ്പിനെ ചുമതലപ്പെടുത്തി. ലൈറ്റ് ഫിഷിംഗ് തടയുന്നതിനായി കോസ്റ്റൽ പോലീസ്, മറൈൻ എൻഫോഴ്‌സ്മെന്‍റ്, വൊളന്‍റ ിയേഴ്‌സ് എന്നിവരെ ഉൾപ്പെടുത്തി സ്‌ക്വാഡ് രൂപീകരിക്കുന്നുണ്ട്.

മരുതൂർ -പാവക്കാട്ട് ഏലാ റോഡി െ ന്‍റ നിർമാണ ജോലികൾ തുടങ്ങി

തേവലക്കര പഞ്ചായത്തിൽ അട്ടിമറി: സ്വതന്ത്രൻ വൈസ് പ്രസിഡന്‍റ്

ചവറ : തേവലക്കര ഗ്രാമ പഞ്ചായത്തിലെ വൈസ് പ്രസിഡന്‍റ് സ്ഥാനത്തേക്ക് നടന്ന തെരഞ്ഞെടുപ്പിൽ ഇടത്, കോൺഗ്രസ് വിമത അംഗങ്ങളുടെ പിന്തുണയോടെ സ്വതന്ത്ര അംഗം അനസ് നാത്തയ്യത്ത് തെരഞ്ഞെടുക്കപ്പെട്ടു. അനസ് നാത്തയ്യത്തിന് 12 വോട്ടുകൾ ലഭിച്ചപ്പോൾ യു ഡി എഫ് സ്ഥാനാർഥിയായി മത്സരിച്ച ഷാനവാസിന് 10 വോട്ടുകൾ കിട്ടി. എൽ ഡി എഫിലെ സ്നേഹാമേരി തെരഞ്ഞെടുപ്പിന് എത്തിയില്ല.എട്ട് ഇടത്പക്ഷ ജനാധിപത്യ മുന്നണി അംഗങ്ങളും കോൺഗ്രസ് വിമതരായ മൂന്ന് അംഗങ്ങളും സ്വതന്ത്ര അംഗത്തിന്‍റെയും കൂടിയാണ് 12 വോട്ട് ലഭിച്ചത്.

ഗണപതി ക്ഷേത്രത്തിൽ25 കോടിയുടെ ഷോ പ്പിംഗ് കോംപ്ലക്സ് നിർമിക്കും

കൊട്ടാരക്കര: അസിസ്റ്റന്‍റ് കമ്മീഷണർ ഓഫീസ് നിലനിൽക്കുന്നിടത്ത് 25 കോടി രൂപ ചെലവിൽ ദേവസ്വം ഷോപ്പിംഗ് കോംപ്ലക്സ് നിർമിക്കുമെന്നു ദേവസ്വം ബോർഡ് പ്രസിഡന്‍റ് അഡ്വ പി. എസ്. പ്രശാന്ത് പറഞ്ഞു. കെട്ടിടത്തിന്‍റെ രൂപ രേഖ പൂർത്തിയായി കഴിഞ്ഞെന്നും ഗ്രൗണ്ട് ഫ്ലോറ്റിൽ പാർക്കിംഗ് സൗകര്യം ഒരുക്കുമെന്നും അദ്ദേഹം പറഞ്ഞു. ദേവസ്വം വഴിപാട് കൗണ്ടർ നിർമാണം ശീവേലി പാതകളിലെ കല്ലുകൾ പുനർ ക്രമീകരണം തുടങ്ങിയ നിർമാണ പ്രവർത്തികൾ ആരംഭിക്കും. മാസ്റ്റർ പ്ലാൻ സംബന്ധിച്ചു സ്ഥലം എം എൽ എ കൂടിയായ മന്ത്രി കെ. എൻ. ബാലഗോപാലിന്‍റെസാന്നിധ്യത്തിൽ വികസന സമിതി കൂടി അടിയന്തരമായി കർമപദ്ധതികൾ ആരഭിക്കുമെന്നും അദ്ദേഹം പറഞ്ഞു.

ലഹരിക്കെതിരെ മധ്യവേനലവധി ക്യാമ്പുമായി കുട്ടി പോലീസ്

മയ്യനാട്: ലഹരിക്കെതിരായ പ്രവർത്തനങ്ങളിൽ ക്രിയാത്മകമായി പ്രവർത്തിക്കാൻ എസ് പി സി അംഗങ്ങളെ പ്രാപ്തരാക്കുക എന്ന ലക്ഷ്യത്തോടെ എസ് പി സിയുടെ അവധിക്കാല ദ്വദിനക്യാമ്പ് "സുരക്ഷിതം 2025 വെള്ളമണൽ ഹയർ സെക്കൻഡറി സ്കൂളിൽ തുടങ്ങി. ജില്ലാ പഞ്ചായത്ത് അംഗം എസ്. സെൽവി ഉദ്ഘാടനം ചെയ്തു. പിടിഎ പ്രസിഡന്‍റ് സജി സാമുവൽ അധ്യക്ഷത വഹിച്ചു. പ്രഥമ അധ്യാപിക ഫാമില ടീച്ചർ സ്വാഗതം പറഞ്ഞു. പ്രിൻസിപ്പൽ ബിന്ദു, സീനിയർ അസിസ്റ്റന്‍റ് നീന, സാബു, സ്റ്റാഫ് സെക്രട്ടറി ദിലീപ് കുമാർ എന്നിവർ പ്രസംഗിച്ചു. സുജിത്ത്, നീതു, ഡി ഐ സജിൻ, ശോഭ എന്നിവരുടെ നേതൃത്വത്തിൽ ലഹരിക്കെതിരെ കേഡറ്റുകളുടെ സൈക്കിൾ റാലിയും സംഘടിപ്പിച്ചു.

വി. സാംബശിവൻ അനുസ്മരണവും അവാർഡുദാനവും ചവറയിൽ

ചവറ: കാഥികൻ പ്രഫ. വി. സാംബശിവൻ ചരമ വാർഷിക ആചരണവും അവാർഡുദാനവും ഇന്നും നാളെയും ചവറയിൽ നടക്കും. ഇന്ന് രാവിലെ പത്തിന് വി. സാംബശിവൻ സാംസ്കാരിക സമിതിയുടെ നേതൃത്വത്തിൽ മേലൂട്ട് തറവാട്ട് മുറ്റത്തെ സ്മൃതി മണ്ഡപത്തിൽ പുഷ്പാർച്ചന. നാളെ വൈകുന്നേരം 5.30 ന് നടക്കാവ് മാർക്കറ്റ് മൈതാനിയിൽ നടക്കുന്ന അനുസ്മരണ സമ്മേളനവും അവാർഡ് ദാനവും മന്ത്രി കെ.എൻ. ബാലഗോപാൽ ഉദ്ഘാടനം ചെയ്യും. സമിതി രക്ഷാധികാരി വി. സുബ്രഹ്മണ്യൻ അധ്യക്ഷത വഹിക്കും. കെപിസിസി മുൻ പ്രസിഡന്‍റ് കെ.മുരളീധരൻ മുഖ്യപ്രഭാഷണം നടത്തും. മുൻ മന്ത്രി മുല്ലക്കര രത്നാകരൻ സാംബശിവൻ അനുസ്മരണ പ്രഭാഷണം നിർവഹിക്കും. ശ്രീകുമാരൻ തമ്പി, ജയരാജ് വാര്യർ, കല്ലട .വി.വി. ജോസ്, വി.എം.രാധാകൃഷ്ണൻ എന്നിവർക്ക് ചടങ്ങിൽ പുരസ്കാരങ്ങൾ സമ്മാനിക്കും. മുൻ മന്ത്രി പി.കെ.ഗുരുദാസൻ, സിനിമാ നിർമാതാവ് പി. ഗോപാലകൃഷ്ണൻ എന്നിവരെ ആദരിക്കും. ഡോ. സുജിത് വിജയൻപിള്ള എംഎൽഎ, ടി. മനോഹരൻ, തങ്കച്ചി പ്രഭാകരൻ, ഷാജി.എസ്. പള്ളിപ്പാടൻ, ഡോ.വസന്തകുമാർ സാംബശിവൻതുടങ്ങിയവർ പ്രസംഗിക്കും. പത്രസമ്മേളനത്തിൽ സമിതി രക്ഷാധികാരി വി. സുബ്രഹ്മണ്യൻ, ആർ.രവീന്ദ്രൻ, ബാജി സേനാധിപൻ,ആർ. ഷാജി ശർമ, ആർ. സന്തോഷ് എന്നിവർ പങ്കെടുത്തു.

സി.ആർ.ഫൗണ്ടേഷൻ പുരസ്കാരം ഡോ.ശൂരനാട് രാജശേഖരന് ഇന്ന് സമർപ്പിക്കും

കൊല്ലം: മുതിർന്ന മാധ്യമ പ്രവർത്തകനും കേരള പത്രപ്രവർത്ത യൂണിയൻ സംസ്ഥാന ജനറൽ സെക്രട്ടറി, സീനിയർ ജേണലിസ്റ്റ് ഫോറം സംസ്ഥാന പ്രസിഡന്‍റ്, കൊല്ലം പ്രസ് ക്ലബ് സെക്രട്ടറി തുടങ്ങിയ നിലകളിൽ പ്രവർത്തിച്ചിട്ടുമുള്ള സി.ആർ. രാമചന്ദ്ര െ ന്‍റ സ്മരണയ്ക്ക് സി.ആർ. ഫൗണ്ടേഷൻ ഏർപ്പെടുത്തിയ മാധ്യമ പുരസ്കാരം മുതിർന്ന പത്രപ്രവർത്തകനും വീക്ഷണം മാനേജിംഗ് എഡിറ്ററുമായിരുന്ന ഡോ. ശൂരനാട് രാജശേഖരന് മരണാനന്തര ബഹുമതിയായി ഇന്നു സമർപ്പിക്കും. ഗോവ ഗവർണർ അഡ്വ. പി.എസ്. ശ്രീധരൻ പിള്ളയിൽ നിന്ന് രാജശേഖര െ ന്‍റ മകൻ അരുൺ ഗണേഷ് പുരസ്കാരം ഏറ്റു വാങ്ങും. പ്രസ്ക്ലബ് ഹാളിൽ രാവിലെ 10നു നടക്കുന്ന ചടങ്ങിൽ ഫൗണ്ടേഷൻ പ്രസിഡന്‍റ് എസ്. സുധീശൻ അധ്യക്ഷത വഹിക്കും. അനുസ്മരണ സമ്മേളനം ഉദ്ഘാടനവും അവാർഡ് വിതരണവും ഗോവ ഗവർണർ അഡ്വ. പി.എസ്. ശ്രീധരൻ പിള്ള നിർവഹിക്കും. എഐസിസി പ്രവർത്തക സമിതി അംഗം രമേശ് ചെന്നിത്തല മുഖ്യ പ്രഭാഷണം നടത്തും. മീഡിയ അക്കാഡമി ചെയർമാൻ ആർ.എസ് ബാബു, സീനിയർ ജേണലിസ്റ്റ് ഫോറം സംസ്ഥാന ജനറൽ സെക്രട്ടറി കെ.പി. വിജയകുമാർ, പ്രസ് ക്ലബ് പ്രസിഡന്‍റ് ഡി. ജയകൃഷ്ണൻ, സെക്രട്ടറി സനൽ.ഡി. പ്രേം, സി.പി .രാജശേഖരൻ, ഫോറം സംസ്ഥാന സെക്രട്ടറി കെ. സുന്ദരേശൻ എന്നിവർ പ്രസംഗിക്കും.

ആർവൈഎഫ് ആശുപത്രി സൂപ്രണ്ടിനെ ഉപരോധിച്ചു

കൊല്ലം: ജില്ലാ ആശുപത്രി, വിക്ടോറിയആശുപത്രി എന്നിവയോട് ചേർന്ന കോർപറേഷൻ റോഡ് അടച്ച് പൂട്ടിയതിൽ പ്രതിക്ഷേധിച്ച് ആർ വൈ എഫ് ജില്ലാ കമ്മിറ്റിയുടെ നേതൃത്വത്തിൽ വിക്ടോറിയ ആശുപത്രി സൂപ്രണ്ടിനെ ഉപരോധിച്ചു. സ്വകാര്യ വ്യക്തികളെ സഹായിക്കുന്നതിനും സ്വകാര്യ പാർക്കിംഗ് സൗകര്യം ഒരുക്കി കൊടുന്നതിനും വേണ്ടിയാണ് പൊതു റോഡ് അടച്ച് ചങ്ങല ഇട്ട് പൂട്ടിയതെന്നു ആർ വൈ എഫ് ആരോപിച്ചു. പൊതുവഴി പൊതുജനങ്ങൾക്ക് തുറന്ന് കൊടുക്കണമെന്നും അല്ലാത്ത പക്ഷം പൂട്ട് പൊളിച്ച് പൊതു ജനങ്ങൾക്ക് തുറന്ന് കൊടുക്കുമെന്നും ജില്ലാ സെക്രട്ടറി സുഭാഷ്. എസ് . കല്ലട പറഞ്ഞു. ആർവൈഎഫ് ജില്ലാ പ്രസിഡന്‍റ് എഫ് സ്റ്റാലിൻ, സംസ്ഥാന കമ്മിറ്റി അംഗങ്ങളായ ആർ വൈശാഖ്, നവീൻ നീണ്ടകര, ജില്ലാ കമ്മിറ്റി അംഗങ്ങളായ ഷംനാദ് വെട്ടുവിള, തൃദീപ് ആശ്രാമം, മുരുകദാസ്, നാസി മുദീൻ, സദു പള്ളിത്തോട്ടം നിജിൻ, ഉപരോധ സമരത്തിന് നേതൃത്വം നൽകി തുടർന്ന് പോലീസ് സൂപ്രണ്ടുമായി നടത്തിയ ചർച്ചയിൽ റോഡ് തുറന്ന് കൊടുക്കാം എന്ന ഉറപ്പിൻമേൽ സമരം അവസാനിപ്പിച്ചു.

Deepika.com

The Largest Read Malayalam Internet Daily

Quick Links

Rashtra Deepika LTD

Deepika.com

The Largest Read Malayalam Internet Daily

Local News

Quick Links

Rashtra Deepika LTD