മ​ട്ട​ന്നൂ​ർ: ക​ണ്ണൂ​ർ രാ​ജ്യാ​ന്ത​ര വി​മാ​ന​ത്താ​വ​ള​ത്തി​ലെ ക​സ്റ്റം​സ് പ​രി​ശോ​ധ​ന​യ്ക്ക് ശേ​ഷം പു​റ​ത്തി​റ​ങ്ങി​യ വി​മാ​ന യാ​ത്ര​ക്കാ​ര​നി​ൽ നി​ന്നും പോ​ലീ​സ് സ്വ​ർ​ണം പി​ടി​കൂ​ടി. ബാ​ലു​ശേ​രി ഉ​ണ്ണി​ക്കു​ളം സ്വ​ദേ​ശി ടി.​ടി. ജം​ഷീ​റി​ൽ നി​ന്നാ​ണ് 75 ല​ക്ഷ​ത്തോ​ളം രൂ​പ വ​രു​ന്ന സ്വ​ർ​ണം പി​ടി​കൂ​ടി​യ​ത്.

വി​മാ​ന​ത്താ​വ​ള പ​രി​സ​ര​ത്ത് നി​ന്നാ​ണ് ഒ​രു കി​ലോ​യി​ല​ധി​കം സ്വ​ർ​ണ​വു​മാ​യി യാ​ത്ര​ക്കാ​ര​നെ വി​മാ​ന​ത്താ​വ​ള പോ​ലീ​സും സ്ക്വാ​ഡും ചേ​ർ​ന്നു പി​ടി​കൂ​ടി​യ​ത്. ഇ​ന്ന​ലെ ഉ​ച്ച​യ്ക്ക് ര​ണ്ട​ര​യ്ക്ക് ദോ​ഹ​യി​ൽ നി​ന്നും ഇ​ൻ​ഡി​ഗോ വി​മാ​ന​ത്തി​ലെ​ത്തി​യ​താ​യി​രു​ന്നു ജം​ഷീ​ർ. ക​സ്റ്റം​സി​ന്‍റെ വി​ശ​ദ​മാ​യ പ​രി​ശോ​ധ​ന​യ്ക്ക് ശേ​ഷം നാ​ലോ​ടെ പാ​സ​ഞ്ച​ർ ടെ​ർ​മി​ന​ൽ ബി​ൽ​ഡിം​ഗി​ൽ നി​ന്നും പു​റ​ത്തി​റ​ങ്ങി​യ

ഇ​യാ​ളെ സം​ശ​യം തോ​ന്നി​യ​തി​നെ തു​ട​ർ​ന്നു പോ​ലീ​സ് ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു. തു​ട​ർ​ന്നു​ള്ള പ​രി​ശോ​ധ​ന​യി​ലാ​ണ് സ്വ​ർ​ണം ക​ണ്ടെ​ത്തി​യ​ത്. പേ​സ്റ്റ് രൂ​പ​ത്തി​ലു​ള്ള സ്വ​ർ​ണം നാ​ല് ഗു​ളി​ക മാ​തൃ​ക​യി​ലാ​ക്കി മ​ല​ദ്വാ​ര​ത്തി​ൽ ഒ​ളി​പ്പി​ച്ച നി​ല​യി​ലാ​യി​രു​ന്നു. പേ​സ്റ്റ് രൂ​പ​ത്തി​ലു​ള്ള സ്വ​ർ​ണം പി​ടി​കൂ​ടു​മ്പോ​ൾ 1124 ഗ്രാം ​ഉ​ണ്ടാ​യി​രു​ന്നു. വേ​ർ​തി​രി​ച്ചെ​ടു​ത്ത​പ്പോ​ൾ 1045 ഗ്രാം ​സ്വ​ർ​ണ​മാ​ണ് ല​ഭി​ച്ച​ത്. ഇ​തി​ന് 74,87,000 രൂ​പ വ​രും.

സ്വ​ർ​ണ​വും യാ​ത്ര​ക്കാ​ര​നെ​യും പി​ന്നീ​ട് വി​മാ​ന​ത്താ​വ​ള​ത്തി​ലെ ക​സ്റ്റം​സി​ന് കൈ​മാ​റി. ഇ​യാ​ളെ ചോ​ദ്യം ചെ​യ്തു വ​രി​ക​യാ​ണ്. വി​മാ​ന​ത്താ​വ​ള പ​രി​സ​ര​ത്ത് നി​ന്നു നി​ര​വ​ധി ത​വ​ണ​യാ​ണ് പോ​ലീ​സ് സ്വ​ർ​ണ​ക്ക​ട​ത്തു​കാ​രെ പി​ടി​കൂ​ടു​ന്ന​ത്. ക​ണ്ണൂ​ർ സി​റ്റി പോ​ലീ​സ് ക​മ്മീ​ഷ​ണ​ർ അ​ജി​ത് കു​മാ​റി​ന്‍റെ നേ​തൃ​ത്വ​ത്തി​ൽ ശ​ക്ത​മാ​യ പോ​ലീ​സ് പ​രി​ശോ​ധ​ന​യാ​ണ് വി​മാ​ന​ത്താ​വ​ള പ​രി​സ​ര​ത്ത് ന​ട​ത്തി വ​രു​ന്ന​ത്.