ADVERTISEMENT

ADVERTISEMENT

മതിൽ തകർത്ത് വധഭീഷണി മുഴക്കിയതിന് കേസ്

മയ്യിൽ: ചുറ്റുമതിൽ തകർക്കുകയും ചോദ്യം ചെയ്ത വിരോധത്തിൽ സ്ഥലം ഉടമയ്ക്കു നേരെവധ ഭീഷണി മുഴക്കുകയും ചെയ്തെന്ന പരാതിയിൽ രണ്ടു പേർക്കെതിരേ മയ്യിൽ പോലീസ് കേസെടുത്തു. മലപ്പട്ടം ഭഗത് സിംഗ് വായനശാലക്ക് സമീപം കെ.പി. മോഹനന്‍റെ പരാതിയിൽ പയ്യേരി വയലിലെ ഹരിദാസൻ, വിപിൻദാസ് എന്നിവർക്കെതിരെയാണ് കേസ്.

ADVERTISEMENT

ഭക്ഷണം തൊണ്ടയില്‍ കുടുങ്ങി വീട്ടമ്മ മരിച്ചു

പയ്യന്നൂര്‍: ഭക്ഷണം കഴിക്കുന്നതിനിടെ തൊണ്ടയില്‍ കുടുങ്ങി വീട്ടമ്മ മരിച്ചു. കുഞ്ഞിമംഗലം വണ്ണച്ചാലിലെ പുത്തന്‍വീട്ടില്‍ കമലാക്ഷിയാണ് (60) മരിച്ചത്. ഇന്നലെ രാവിലെ ഏഴോടെ വീട്ടില്‍ പ്രഭാത ഭക്ഷണം കഴിക്കുമ്പോഴായിരുന്നു സംഭവം. ശ്വാസംമുട്ടലും അസ്വസ്ഥതയും അനുഭവപ്പെട്ട ഇവരെ ഉടന്‍ കണ്ണൂര്‍ ഗവ. മെഡിക്കല്‍ കോളജ് ആശുപത്രിയിലെത്തിച്ചെങ്കിലും രക്ഷിക്കാനായില്ല. മകള്‍: സൗമ്യ. മരുമകന്‍: പി.കെ. പ്രേമന്‍. സഹോദരങ്ങള്‍: കാര്‍ത്യായനി, ബാബു.

ചെറുപുഴയിൽ ഞാറ്റുവേല ചന്ത തുടങ്ങി

ചെറുപുഴ: കൃഷിഭവൻ, കുടുംബശ്രീ സിഡിഎസ് എന്നിവയുടെ നേതൃത്വത്തിൽ ആരംഭിച്ച ഞാറ്റുവേല ചന്തയുടെയും കർഷകസഭയുടെയും ഉദ്ഘാടനം പഞ്ചായത്ത് പ്രസിഡന്‍റ് കെ.എഫ്. അലക്സാണ്ടർ നിർവഹിച്ചു. വൈസ് പ്രസിഡന്‍റ് റെജി പുളിക്കൽ അധ്യക്ഷത വഹിച്ചു. സ്ഥിരം സമിതി അധ്യക്ഷൻമാരായ കെ.കെ. ജോയി, എം. ബാലകൃഷ്ണൻ, പഞ്ചായത്തംഗം കെ.പി. സുനിത, കൃഷി ഓഫീസർ പി. അഞ്ജു, അസിസ്റ്റന്‍റ് കൃഷി ഓഫീസർമാരായ പി. ഗീത, സുരേഷ് കുറ്റൂർ എന്നിവർ പ്രസംഗിച്ചു. കാലാവസ്ഥാ അധിഷ്ഠിത വിള ഇൻഷ്വറൻസ് പദ്ധതി, കൃഷിഭവൻ നടപ്പാക്കുന്ന വിവിധ പദ്ധതികൾ എന്നിവയെക്കുറിച്ചുള്ള ക്ലാസും നടന്നു.

കബഡി ടൂർണമെന്‍റ്: സെന്‍റ് ആൻസ് ജേതാക്കൾ

പയ്യാവൂർ: സിഐഎസ്‌സിഇ സോണൽ കബഡി ടൂർണമെന്‍റിൽ പയ്യാവൂർ സെന്‍റ് ആൻസ് ഇംഗ്ലീഷ് മീഡിയം സ്കൂൾ ജേതാക്കളായി. സെന്‍റ് ആൻസ് സ്കൂൾ ഓഡിറ്റോറിയത്തിൽ നടന്ന ചടങ്ങിൽ പയ്യാവൂർ എസ്ഐ ടോമി തോമസ് ഉദ്ഘാടനം നിർവഹിച്ചു. സ്കൂൾ പ്രിൻസിപ്പൽ സിസ്റ്റർ ജിൽസി അധ്യക്ഷത വഹിച്ചു. സ്പോർട്സ് കൺവീനർ ആർ.പി. ബിനേഷ്, വി.ടി. മിനി, സ്കൂൾ ലീഡർ ആൻജലിക് ടോം പ്രിൻസ് എന്നിവർ പ്രസംഗിച്ചു. സെന്‍റ് ആൻസ് ടീം അണ്ടർ 19, 14 ആൺകുട്ടികളുടെ വിഭാഗങ്ങളിൽ ജേതാക്കളും അണ്ടർ 17 ൽ റണ്ണർ അപ്പുമായി. പെൺകുട്ടികളുടെ വിഭാഗത്തിൽ അണ്ടർ 17ൽ ജേതാക്കളും അണ്ടർ 14ൽ റണ്ണർ അപ്പുമായി. മത്സരത്തിൽ വിവിധ സ്കൂളുകളിൽ നിന്നുള്ള വിദ്യാർഥികൾ പങ്കെടുത്തു.

വീടുകളുടെ സംരക്ഷണ ഭിത്തികൾ തകർന്നു

ചെറുപുഴ: ശക്തമായ മഴയിൽ വീടുകളുടെ സംരക്ഷണ ഭിത്തികൾ തകർന്നു. കന്നിക്കളത്തെ വഹാനായിൽ ഷംനാദ്, വയലായിലെ ഇളംപുരയിടത്തിൽ ജുമൈലത്ത് എന്നിവരുടെ വീടുകളുടെ സംരക്ഷണ ഭിത്തികളാണ് തകർന്നത്. ജുമൈലത്തിന്‍റെ വീടിന്‍റെ സംരക്ഷണ ഭിത്തി തകർന്നതിനെ തുടർന്ന് സമീപത്തെ വാഴവളപ്പിൽ മുഹമ്മദ് കുഞ്ഞിയുടെ വീട് അപകടഭീഷണിയിലായിട്ടുണ്ട്.

യുനാനി മെഡിക്കൽ ക്യാമ്പും ആരോഗ്യ ബോധവത്കരണ ക്ലാസും

എരുവാട്ടി: ചപ്പാരപ്പടവ് പഞ്ചായത്ത്, എൻഎച്ച്എം ആയുഷ്, പ്രാഥമിക ആരോഗ്യ കേന്ദ്രം (യുനാനി) പെരുമ്പടവ്, ജനത വായനശാല ആൻഡ് ഗ്രന്ഥാലയം എന്നിവയുടെ സംയുക്താഭിമുഖ്യത്തിൽ രോഗ നിർണയവും സൗജന്യ മരുന്ന് വിതരണവും ആരോഗ്യ ബോധവത്കരണ ക്ലാസും സംഘടിപ്പിച്ചു. ബ്ലോക്ക് പഞ്ചായത്തംഗം പി.കെ. ഉനൈസ് ഉദ്ഘാടനം ചെയ്തു. പ്രസിഡന്‍റ് കെ.കെ. ശശി അധ്യക്ഷത വഹിച്ചു. വാർഡംഗം ജോസഫ് ജോൺ ഉഴുന്നുപാറ, ജില്ലാ ലൈബ്രറി കൗൺസിൽ എക്സിക്യൂട്ടീവ് അംഗം രാജേഷ് മാത്യു പുതുപ്പറമ്പിൽ, യുവജനവേദി പ്രസിഡന്‍റ് റെനീഷ് മാത്യു പുതുപ്പറമ്പിൽ, വായനശാല സെക്രട്ടറി പി.വി. തോമസുകുട്ടി എന്നിവർ പ്രസംഗിച്ചു. മെഡിക്കൽ ഓഫീസർ ഡോ. ടി.എസ്. നജീം ബാദ്ഷ, ഡോ. സന, ഡോ. ഫൗസിയാന എന്നിവർ ക്യാമ്പ് നയിച്ചു.

അംബേദ്കർ സെറ്റിൽമെന്‍റ് പദ്ധതി: ഡിപിആർ സമർപ്പിക്കാൻ നിർദേശം

കണ്ണൂർ: ജില്ലയിൽ നടപ്പാക്കുന്ന അംബേദ്കർ സെറ്റിൽമെന്‍റ് പദ്ധതികളുടെ നിർവഹണം വേഗത്തിലാക്കാൻ ബന്ധപ്പെട്ട പഞ്ചായത്തുകൾക്ക് ജില്ലാ കളക്ടർ അരുൺ കെ. വിജയൻ നിർദേശം നൽകി. കളക്ടറേറ്റ് കോൺഫറൻസ് ഹാളിൽ ചേർന്ന നിർവഹണ പുരോഗതി അവലോകന യോഗത്തിലാണ് കളക്ടർ പഞ്ചായത്ത് സെക്രട്ടറിമാർക്ക് നിർദേശം നൽകിയത്. പദ്ധതികൾക്ക് പെരിങ്ങോം-വയക്കര, പയ്യാവൂർ, പടിയൂർ, കൊട്ടിയൂർ, കേളകം, ചെറുപുഴ പഞ്ചായത്തുകൾ രണ്ടാഴ്ചക്കുള്ളിൽ ഡിപിആർ സമർപ്പിക്കാനും നിർദേശം നൽകി. 2021 മുതൽ 2025 വരെ വിവിധ പട്ടികവർഗ സെറ്റിൽമെന്‍റുകളിലായി നിർമിക്കുന്ന റോഡ്, കമ്യൂണിറ്റി ഹാൾ, ശ്മശാനം, വീട് നവീകരണം എന്നീ പദ്ധതികൾക്കുണ്ടാകുന്ന കാലതാമസം പഞ്ചായത്ത് തലത്തിൽ പരിഹരിക്കണമെന്ന് കളക്ടർ നിർദേശം നൽകി. പഞ്ചായത്ത് ആസ്തിയിൽ ഉൾപ്പെടുത്താത്തതിനാലാണ് റോഡുകളുടെ ഡിപിആർ സമർപ്പിക്കാൻ കഴിയാത്തതെന്ന് പയ്യാവൂർ, പെരിങ്ങോം-വയക്കര പഞ്ചായത്ത് സെക്രട്ടറിമാർ യോഗത്തിൽ ഉന്നയിച്ചു. എന്നാൽ, പദ്ധതിയിൽ ഉൾപ്പെടുന്ന വസ്തുക്കൾ ആസ്തിയിൽ ഉൾപ്പെടുത്തുന്ന നടപടിക്രമങ്ങൾ പൂർത്തിയാകുന്നതുവരെ ഡിപിആർ സമർപ്പിക്കുന്നതിനായി കാത്തിരിക്കുന്നത് പദ്ധതി നീളാൻ ഇടയാക്കുമെന്ന് കളക്ടർ പറഞ്ഞു. പദ്ധതി ഡിപിആർ സമർപ്പിക്കുന്നത് വേഗത്തിലാക്കുകയും ഒപ്പം ആസ്തിയിൽ ഉൾപ്പെടുത്തുന്നതിനുള്ള നടപടികൾ സ്വീകരിക്കുകയും വേണമെന്നും കളക്ടർ നിർദേശം നൽകി. ജില്ലാ പ്ലാനിംഗ് ഓഫീസർ നെനോജ് മേപ്പടിയത്ത്, ഐടിഡിപി ജില്ലാ പ്രോജക്ട് ഓഫീസർ കെ. ബിന്ദു, വിവിധ പഞ്ചായത്ത് സെക്രട്ടറിമാർ, ഉദ്യോഗസ്ഥർ തുടങ്ങിയവർ യോഗത്തിൽ പങ്കെടുത്തു.

ആരോഗ്യമന്ത്രിയുടെ രാജി ആവശ്യപ്പെട്ട് കോൺഗ്രസ് പ്രതിഷേധ ജ്വാല നടത്തി

മന്ത്രി വീണാ ജോർജിനെ വഴിയിൽ തടയും: വിജിൽ മോഹൻ ശ്രീകണ്ഠപുരം: ആരോഗ്യ മന്ത്രി രാജിവയ്ക്കണം എന്നാവശ്യപ്പെട്ടുകൊണ്ട് കോൺഗ്രസ് ബ്ലോക്ക് മണ്ഡലം കമ്മിറ്റികൾ പ്രതിഷേധ ജ്വാല സംഘടിപ്പിച്ചു. മന്ത്രി വീണ ജോർജിനെ യൂത്ത് കോൺഗ്രസ് വഴിയിൽ തടയുമെന്ന് ജില്ലാ പ്രസിഡന്‍റ് വിജിൽ മോഹൻ. യൂത്ത് കോൺഗ്രസ്‌ ഇരിക്കൂർ നിയോജക മണ്ഡലം കമ്മറ്റി ശ്രീകണ്ഠപുരത്ത് നടത്തിയ പ്രതിഷേധ പ്രകടനവും കോലം കത്തിക്കലും ഉദ്ഘാടനം ചെയ്തു പ്രസംഗിക്കുകയായിരുന്നു വിജിൽ മോഹൻ. യൂത്ത് കോൺഗ്രസ് ഇരിക്കൂർ നിയോജക മണ്ഡലം പ്രസിഡന്‍റ് പ്രിൻസ് പി. ജോർജ് അധ്യക്ഷത വഹിച്ചു. കോൺഗ്രസ് ശ്രീകണ്ഠപുരം ബ്ലോക്ക് പ്രസിഡന്‍റ് ഇ.വി. രാമകൃഷ്ണൻ, കെപിസിസി സെക്രട്ടറി കെ.വി. ഫിലോമിന, ഡിസിസി ജനറൽ സെക്രട്ടറി കെ.പി.ഗംഗാധരൻ, മഹിളാ കോൺഗ്രസ്‌ സംസ്ഥാന സെക്രട്ടറി നസീമ ഖാദർ, യൂത്ത് കോൺഗ്രസ്‌ ശ്രീകണ്ഠപുരം മണ്ഡലം പ്രസിഡന്‍റ് ജസിൽ കണിയാർവയൽ എന്നിവർ പ്രസംഗിച്ചു. ചെറുപുഴ: കോൺഗ്രസ് ചെറുപുഴ, പുളിങ്ങോം മണ്ഡലം കമ്മിറ്റികളുടെ നേതൃത്വത്തിൽ ചെറുപുഴ ടൗണിൽ പ്രതിഷേധ പ്രകടനവും പൊതുയോഗവും നടത്തി. ചെറുപുഴ മണ്ഡലം പ്രസിഡന്‍റ് ടി.പി. ചന്ദ്രൻ അധ്യക്ഷത വഹിച്ചു. കോൺഗ്രസ് ചെറുപുഴ ബ്ലോക്ക് പ്രസിഡന്‍റ് മഹേഷ് കുന്നുമ്മൽ ഉദ്ഘാടനം ചെയ്തു. തോമസ് കൈപ്പനാനിക്കൽ, ജോയിസി ഷാജി, ഉഷാ മുരളി, ലളിതാ ബാബു, ടി.പി. പ്രണവ്, പി.പി. ബാലകൃഷ്ണൻ, പ്രണവ് കരള, റോജി, മാത്യു തടത്തിൽ, രേഷ്മ വി. രാജു, എം. സജീവൻ, വി.വി. ദാമോദരൻ എന്നിവർ പ്രസംഗിച്ചു. തേർത്തല്ലി: തേർത്തല്ലി മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ നടത്തിയ പ്രതിഷേധപ്രകടനം മണ്ഡലം കോൺഗ്രസ് വൈസ് പ്രസിഡന്‍റ് സി.സി. രാജൻ നയിച്ചു. ആലക്കോട് ബ്ലോക്ക് കോൺഗ്രസ് പ്രസിഡന്‍റ് ജോസ് വട്ടമല ഉദ്ഘാടനം ചെയ്തു. ആലക്കോട് പഞ്ചായത്ത് പ്രസിഡന്‍റ് ജോജി കന്നിക്കാട്ട്, വൽസമ്മ വാണിശേരി, മൃദുല രാജഗോപാൽ, ഷൈൻ പുളിക്കൽ, ജോയി പേഴത്തിങ്കൽ, ചാക്കോച്ചൻ തകിടിയേൽ, ബിനു സ്രാമ്പിക്കൽ, സോജൻ പേഴത്തിങ്കൽ, മാമച്ചൻ പുന്നാമടം തുടങ്ങിയവർ നേതൃത്വം നൽകി. ആലക്കോട്: ആലക്കോട് മണ്ഡലം കോൺഗ്രസ്സ് കമ്മിറ്റിയുടെ നേതൃത്വത്തിൽ ആലക്കോട് ടൗണിൽ പ്രതിഷേധ പ്രകടനം നടത്തി. മണ്ഡലം കോൺഗ്രസ് കമ്മറ്റി പ്രസിഡന്‍റ് ബാബു പള്ളിപ്പുറം, ജിൻസ് മാത്യു, സിബിച്ചൻ കളപ്പുര, ജോൺസൺ ചിറവയൽ, അപ്പുക്കുട്ടൻ സ്വാമിമഠം, ബിനോയി പാലനാനി, പ്രിൻസ് കച്ചിറയിൽ, സിബി വളവനാട്ട്, ജനാർദനൻ വലമറ്റം, രാജേന്ദ്രൻ പി സി, ഡെൻസൺ ജോർജ്, രവി കുന്നുംപുറം, സി.ഡി.ബി നായർ എന്നിവർ നേതൃത്വം നൽകി. കാർത്തികപുരം: ഉദയഗിരി മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ കാർത്തികപുരം ടൗണിൽ പ്രതിഷേധപ്രകടനം ജില്ലാ പഞ്ചായത്തംഗം തോമസ് വെക്കത്താനം ഉദ്ഘാടനം ചെയ്തു. ജോയിച്ചൻ പള്ളിയാലിൽ അധ്യക്ഷത വഹിച്ചു. സരിത ജോസ്, സിന്ധു കുളക്കോട്ട്, ടെസി ആലുംമൂട്ടിൽ, ജോസ് പറയൻകുഴി, രഞ്ജിത്ത് ഇരുപ്പക്കാട്ട്, ജോസി സക്കറിയാസ്, ബെന്നി പീടിയേക്കൽ, ഷെന്നി മാങ്കോട്ടിൽ, കെ.കെ. ചന്ദ്രൻ, സി.ബി. കൃഷ്ണൻകുട്ടി, മോഹനൻ പറപ്പള്ളിയിൽ, അജിത്ത് വരിക്കമാക്കൽ, ബേബി കോയിക്കൽ, സിബിച്ചൻ പുലിയുറുമ്പിൽ, ടോം കാപ്പിൽ,ജോബി പന്തലാനി എന്നിവർ നേതൃത്വം നൽകി. ബ്ലാത്തൂർ: കല്യാട് മണ്ഡലം കോൺഗ്രസ്‌ കമ്മിറ്റിയുടെ നേതൃത്വത്തിൽ ബ്ലാത്തൂർ ടൗണിൽ പ്രതിഷേധപ്രകടനം നടത്തി. മണ്ഡലം കോൺഗ്രസ്‌ കമ്മിറ്റി പ്രസിഡന്‍റ് അയൂബ് മഞ്ഞാങ്കരി, മട്ടന്നൂർ ബ്ലോക്ക്‌ കോൺഗ്രസ്‌ വൈസ് പ്രസിഡന്‍റ് കെ.ടി. മാത്യു, ജവഹർ ബാലമഞ്ച് ജില്ലാ കോ-ഓഡിനേറ്റർ ആനന്ദബാബു, രാഘവൻ വട്ടക്കീൽ, രാജീവ്‌ ജോസഫ്, അനൂപ് പനക്കൽ, സത്യൻ ഊരത്തൂർ, ഗോകുൽ കല്യാട് എന്നിവർ നേതൃത്വം നൽകി.

"ശുചിത്വം പാലിക്കൂ രോഗം അകറ്റൂ, മാലിന്യമുക്തം രോഗമുക്തം': ചപ്പാരപ്പടവ് പഞ്ചായത്തിൽ പോസ്റ്റർ പ്രചാരണം

ചപ്പാരപ്പടവ്: "ശുചിത്വം പാലിക്കൂ രോഗം അകറ്റൂ, മാലിന്യമുക്തം രോഗമുക്തം' എന്ന ലക്ഷ്യത്തോടെ ചപ്പാരപ്പടവ് പഞ്ചായത്തിന്‍റെ ആഭിമുഖ്യത്തിൽ 31 വരെ നടക്കുന്ന കാമ്പയിന്‍റെ പ്രചാരണാർഥം പോസ്റ്റർ പ്രചാരണവും ബോധവത്കരണവും ന‌ത്തി. ചപ്പാരപ്പടവ് ഹയർ സെക്കൻഡറി സ്കൂളിൽ നടന്ന ചടങ്ങിൽ പഞ്ചായത്ത് പ്രസിഡന്‍റ് സുനിജ ബാലകൃഷ്ണൻ വിദ്യാർഥികൾക്ക് പോസ്റ്റർ നൽകി ഉദ്ഘാടനം ചെയ്തു. സെക്രട്ടറി സി.കെ. ശ്രീകുമാർ, പ്രിൻസിപ്പൽ എം.പി. അഹമ്മദ്, ഹരിത കേരളം മിഷൻ ആർപി വി. സഹദേവൻ, ശുചിത്വ മിഷൻ ആർപി എം. സുജന എന്നിവർ പ്രസംഗിച്ചു. വാതിൽപ്പടി ശേഖരണത്തോടൊപ്പം വീടുകളിലും സ്ഥാപനങ്ങളിലും ഹരിതകർമ സേന വഴി ശുചിത്വ സന്ദേശങ്ങൾ കൈമാറി.

അപ്പർ ചീക്കാട് കാട്ടാന കൃഷി നശിപ്പിച്ചു

ആലക്കോട്: അപ്പർ ചീക്കാട് മേഖലയിൽ കാട്ടാനക്കൂട്ടം കൃഷി നശിപ്പിച്ചു. നമ്പിശേരി കുട്ടിച്ചന്‍റെ പറമ്പിലെ കായ്ഫലമുള്ള രണ്ടു തെങ്ങുകൾ ഉൾപ്പടെയുള്ള കാർഷിക വിളകളാണ് നശിപ്പിച്ചത്. സൗരോർജ വേലി പ്രവർത്തന രഹിതമായതാണ് കാട്ടാനകൾ കൃഷിയിടത്തിലെത്താൻ കാരണമെന്ന് പ്രദേശവാസികൾ പറഞ്ഞു. കാട്ടാന നശിപ്പിച്ച കൃഷിയിടം കാപ്പിമല സെന്‍റ് ജോസഫ്സ് പള്ളി വികാരി ഫാ. ജോസഫ് തകിടിയേൽ സന്ദർശിച്ചു.

പാറക്കല്ലുകൾ വീഴുന്നത് ഭീഷണിയാകുന്നു

ആലക്കോട്: മഴ ശക്തമായതോടെ രയറോം-പരപ്പ-കാർത്തികപുരം പിഡബ്ല്യുഡി റോഡിലൂടെയുള്ള യാത്ര അതീവ അപകടകരമാകുന്നു. പലയിടങ്ങളിലും ഉയരത്തിൽ നിന്നും കല്ലുകൾ റോഡിലേക്ക് പതിക്കുകയാണ്. ഇതിനകം നിരവധിയിടങ്ങളിൽ കല്ലുകൾ വീണു. സംഭവസമയത്ത് റോഡിൽ വാഹനങ്ങളോ ആളുകളോ ഇല്ലാതിരുന്നതിനാലാണ് ദുരന്തങ്ങളൊഴിവായത്. കഴിഞ്ഞ മാസം വീണ കൂറ്റൻ കല്ല് ഇനിയും മാറ്റാൻ ബന്ധപ്പെട്ടവർ തയാറായിട്ടില്ല. റോഡിൽ വീണു കിടക്കുന്ന കല്ല് വാഹനാപകടങ്ങൾക്ക് ഇടയാക്കുമെന്ന് ചൂണ്ടിക്കാണിച്ചിട്ടും ബന്ധപ്പെട്ടവരുടെ ഭാഗത്ത് നിന്ന് നടപടി ഉണ്ടായില്ലെന്ന് നാട്ടുകാർ പറഞ്ഞു. നിരവധി വാഹനങ്ങൾ കടന്നുപോകുന്ന റോഡിലെ വളവിലാണ് കാഴ്ച മറയക്കുന്ന തരത്തിൽ കല്ല് വീണു കിടക്കുന്നത്.

കെഎസ്‌യു വിദ്യാഭ്യാസ ബന്ദ് നടത്തി

കണ്ണൂർ: ഉന്നത വിദ്യാഭ്യാസ മേഖലയുടെ തകർച്ചയ്ക്ക് കാരണമാകുന്ന സർക്കാർ നിലപാട് തിരുത്തണമെന്നാവശ്യപ്പെട്ട് കെഎസ്‌യു സെക്രട്ടേറിയറ്റിലേക്ക് നടത്തിയ മാർച്ചിൽ പ്രവർത്തകരെ പോലീസ് മർദിച്ചതിൽ പ്രതിഷേധിച്ച് ജില്ലയിൽ വിദ്യാഭ്യാസ ബന്ദ് നടത്തി. വേങ്ങാട് ഹയർ സെക്കൻഡറി സ്കൂളിൽ വിദ്യാഭ്യാസ ബന്ദുമായി പ്രകടനം നടത്തുകയും സ്കൂൾ വിടാൻ ആവശ്യപ്പടുകയും ചെയ്ത സംഭവത്തിൽ ജില്ലാ പ്രസിഡന്‍റ് എം.സി. അതുൽ, ധർമടം ബ്ലോക്ക് പ്രസിഡന്‍റ് വൈഷ്ണവ് എന്നിവരെ പോലീസ് അറസ്റ്റു ചെയ്തു. വിദ്യാഭ്യാസ മേഖലയെ തകർക്കുന്ന സർക്കാരിനെതിരെ വിദ്യാർഥി സമൂഹം ശക്തമായി പ്രതികരിച്ചുകൊണ്ടേയിരിക്കുമെന്ന് ജില്ലാ പ്രസിഡന്‍റ് എം.സി. അതുൽ പറഞ്ഞു.

ആരോഗ്യമന്ത്രിയുടെ രാജി ആവശ്യപ്പെട്ട് കോൺഗ്രസ് പ്രതിഷേധ ജ്വാല നടത്തി

ഇരിട്ടി: ആരോഗ്യ മന്ത്രി രാജിവയ്ക്കണം എന്നാവശ്യപ്പെട്ടുകൊണ്ട് കോൺഗ്രസ് ബ്ലോക്ക് മണ്ഡലം കമ്മിറ്റികൾ പ്രതിഷേധ ജ്വാല സംഘടിപ്പിച്ചു. ഇരിട്ടി ബ്ലോക്ക് കോൺഗ്രസ് കമ്മറ്റിയുടെ നേതൃത്വത്തിൽ നടന്ന പ്രതിഷേധ ജാഥക്ക് ഡിസിസി സെക്രട്ടറി പി.കെ. ജനാർദനൻ, ബ്ലോക്ക് പ്രസിഡന്‍റ് പി.എ. നസീർ, സി.കെ. ശശീന്ദ്രൻ, കെ.വി. രാമചന്ദ്രൻ, പി.വി. മോഹനൻ, കെ.വി. പവിത്രൻ, എം.അജേഷ്, കെ. സുമേഷ്കുമാർ, ഷാനിദ് പുന്നാട് എന്നിവർ നേതൃത്വം നൽകി. ഉളിക്കൽ: ഉളിക്കൽ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ മന്ത്രി വീണ ജോർജിന്‍റെ കോലം കത്തിച്ചു. കെപിസിസി മെംബർ പി.സി. ഷാജി ഉദ്ഘാടനം ചെയ്തു. മണ്ഡലം പ്രസിഡന്‍റ് ടോമി മൂക്കനോലിൽ, അധ്യക്ഷത വഹിച്ചു. ഡിസിസി ജനറൽ സെക്രട്ടറിമാരായ ബേബി തോലാനി, ജോജി വർഗീസ്, എ.ജെ. ജോസഫ്, ദിലീപ് മാത്യു, കുര്യാക്കോസ് മാണിപ്പാടം, മോഹൻദാസ് വയത്തൂർ, അലൻ ജോസഫ്, റെജി ചക്കാലക്കൽ എന്നിവർ പ്രസംഗിച്ചു. കരിക്കോട്ടക്കരി: അയ്യൻകുന്ന്, കരിക്കോട്ടക്കരി മണ്ഡലം കമ്മിറ്റികളുടെ നേതൃത്വത്തിൽ കരിക്കോട്ടക്കരി ടൗണിൽ നടന്ന പ്രതിഷേധ ജ്വാല ഡിസിസി സെക്രട്ടറി ജയ്സൺ കാരക്കാട്ട് ഉദ്ഘാടനം ചെയ്തു. മണ്ഡലം പ്രസിഡന്‍റുമാരായ മനോജ്‌ എം. കണ്ടത്തിൽ, ജയിൻസ്.ടി. മാത്യു, പഞ്ചായത്ത് പ്രസിഡന്‍റ് കുര്യാച്ചൻ പൈമ്പള്ളിക്കുന്നേൽ, ഷീജ സെബാസ്റ്റ്യൻ, പി.സി. ജോസ്, പഞ്ചായത്ത് അംഗങ്ങളായ ഐസക് ജോസഫ്, മിനി വിശ്വനാഥൻ, സജി മച്ചിത്താന്നി, സെലീന ബിനോയ്‌, സിന്ധു ബെന്നി, ജോസഫ് വട്ടുകുളം, തോമസ് വലിയതൊട്ടി, എം.കെ. വിനോദ്, ടി.എം. വേണുഗോപാൽ, ജോസ്കുഞ്ഞ് തടത്തിൽ, ബെന്നി പുതിയാംപുറം, ഷിബോ അഗസ്റ്റിൻ, ജിതിൻ തോമസ്, ജോർജ് വടക്കുംകര, ടി.ടി. ബേബി എന്നിവർ നേതൃത്വം നൽകി. വള്ളിത്തോട്: പായം മണ്ഡലം കോൺഗ്രസ് കമ്മിറ്റികളുടെ നേതൃത്വത്തിൽ വള്ളിത്തോട് ടൗണിൽ നടന്ന പ്രതിഷേധ ജ്വാല ഡിസിസി എക്സിക്യൂട്ടീവ് അംഗം തോമസ് വർഗീസ് ഉദ്ഘാടനം ചെയ്തു. മണ്ഡലം പ്രസിഡന്‍റ് റയീസ് കണിയാറയ്ക്കൽ അധ്യക്ഷത വഹിച്ചു. വി. ബാലകൃഷ്ണൻ, മട്ടിണി വിജയൻ, പി.സി. പോക്കർ, ഷൈജൻ ജേക്കബ്, മിനി പ്രസാദ്, ഫിലോമിന കക്കാട്ടിൽ, ടോം മാത്യു, മൂര്യൻ രവീന്ദ്രൻ, ബിജു കരിമാക്കി, ഹംസ നാരോൺ, ബൈജു ആരാഞ്ചേരി എന്നിവർ പ്രസംഗിച്ചു. മട്ടന്നൂർ: യൂത്ത് കോൺഗ്രസ് മട്ടന്നൂർ നിയോജക മണ്ഡലം കമ്മിറ്റിയുടെ നേതൃത്വത്തിൽ മട്ടന്നൂരിൽ പ്രതിഷേധ സദസും മന്ത്രി വീണ ജോർജിന്‍റെ കോലം കത്തിക്കലും നടത്തി. ബസ്റ്റാൻഡ് പരിസരത്ത് നടന്ന പ്രതിഷേധ സദസ് യൂത്ത് കോൺഗ്രസ് ജില്ലാ വൈസ് പ്രസിഡന്‍റ് ഫർസീൻ മജീദ് ഉദ്ഘാടനം ചെയ്തു. യൂത്ത് കോൺഗ്രസ് മട്ടന്നൂർ നിയോജക മണ്ഡലം പ്രസിഡന്‍റ് ജിതിൻ കൊളപ്പ അധ്യക്ഷത വഹിച്ചു.

പിക്കപ്പ് ലോറി സ്‌കൂട്ടറിലിടിച്ച് സ്‌കൂട്ടർ യാത്രികനു പരിക്ക്

ഇരിട്ടി: പിക്കപ്പ് ലോറി സ്‌കൂട്ടറിലിടിച്ച് സ്‌കൂട്ടർ യാത്രക്കാരനു പരിക്കേറ്റു. പടിയൂർ സ്വദേശി പാറയിൽ വിജയനാണ് (62) പരിക്കേറ്റത്. ഗുരുതരമായി പരിക്കേറ്റ വിജയനെ ഇരിട്ടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്നലെ വൈകുന്നേരം 5.30 തോടെ ഇരിട്ടി-ഇരിക്കൂർ റോഡിൽ നിടിയോടിയിൽ പെട്രോൾ പമ്പിനു സമീപമായിരുന്നു അപകടം. റോഡരികിൽ നിർത്തിയിട്ട സ്‌കൂട്ടർ തിരിച്ച് പടിയൂർ ഭാഗത്തേക്കു പോകാൻ ശ്രമിക്കുന്നതിനിടയിൽ ഇരിക്കൂർ ഭാഗത്തുനിന്നും കർണാടകത്തിലേക്കു പോവുകയായിരുന്ന പിക്കപ്പ് ലോറി ഇടിക്കുകയായിരുന്നു.

വിദ്യാർഥികളുമായി സഞ്ചരിച്ച ജീപ്പ് മറിഞ്ഞു: കുട്ടികൾ അത്ഭുതകരമായി രക്ഷപ്പെട്ടു

കൊട്ടിയൂർ: സ്കൂളിലേക്ക് വിദ്യാർഥികളുമായി പോകുകയായിരുന്ന ജീപ്പ് നിയന്ത്രണം വിട്ടു മറിഞ്ഞു. കുട്ടികൾ നിസാരപരിക്കുകളോടെ അത്ഭുതകരമായി രക്ഷപ്പെട്ടു. തലക്കാണി ഗവ. യുപി സ്കൂൾ വിദ്യാർഥികൾ സഞ്ചരിച്ച ജീപ്പാണ് കൊട്ടിയൂർ ഗണപതിപ്പുറത്ത് അപകടത്തിൽപ്പെട്ടത്. ഇന്നലെ രാവിലെ എട്ടരയോടെയായിരുന്നു അപകടം. റോഡിൽ നിന്നും തെന്നിമാറിയ വാഹനം റോഡരികിലെ ഓവുചാലിലേക്ക് ചെരിയുകയായിരുന്നു. ഓടിയെത്തിയ നാട്ടുകാരാണ് വാഹനത്തിൽ നിന്നും കുട്ടികളെ പുറത്തെടുത്തത്. തുടർന്ന് കൊട്ടിയൂർ പ്രാഥമികാരോഗ്യ കേന്ദ്രത്തിൽ എത്തിച്ച് ചികിത്സ നൽകി വിട്ടയച്ചു. ആരുടെയും പരിക്ക് സാരമുള്ളതല്ല.

വന്യമൃഗശല്യത്തിനും വനംവകുപ്പിന്‍റെ കടന്നുകയറ്റത്തിനുമെതിരേ ഒപ്പു ശേഖരണം

കേളകം: അടയ്ക്കാത്തോട് പ്രദേശത്ത് രൂക്ഷമായി തുടരുന്ന വന്യമൃഗ ശല്യത്തിനും ചീങ്കണ്ണിപ്പുഴയുടെ മേൽ ആധിപത്യം സ്ഥാപിക്കാനുള്ള വനംവകുപ്പിന്‍റെ ശ്രമത്തിനുമെതിരേ മുഖ്യമന്ത്രിക്ക് നിവേദനം നൽകാനായി ജനകീയ കമ്മിറ്റി അടയ്ക്കാത്തോട് മുസ്‌ലിം പള്ളികൾ കേന്ദ്രീകരിച്ച് കർഷകരുടെ ഒപ്പുശേഖരണം നടത്തി.ആറളം വന്യജീവി സങ്കേതത്തിന്‍റെ അതിർത്തിയിൽ താമസിക്കുന്ന വിവിധ വാർഡുകളിലെ ജനങ്ങളുടെ ജനകീയ കൂട്ടായ്മയാണ് മുഖ്യമന്ത്രിക്ക് നിവേദനം നൽകുകയെന്ന് ജനകീയ കമ്മിറ്റി ചെയർമാൻ ചെട്ടിയാംപറന്പ് പള്ളി വികാരി ഫാ. സെബാസ്റ്റ്യൻ പൊടിമറ്റം പറഞ്ഞു. കാട്ടാനകൾ തുടർച്ചയായി ആന പ്രതിരോധ മതിൽ ഭേദിച്ച സാഹചര്യത്തിൽ ആനമതിലിന്‍റെ ഉയരവും ദൈർഘ്യവും വർധിപ്പിക്കുക, കൊലയാളി മോഴയാനയെ പിടികൂടി മറ്റൊരിടത്തേക്ക് മാറ്റുക, ചീങ്കണ്ണിപ്പുഴയുടെ ഉടമസ്ഥാവകാശം കേളകം വില്ലേജിൽ നിലനിർത്തുക തുടങ്ങിയ ആവശ്യങ്ങളുന്നയിച്ചാണ് നിവേദനം നൽകുന്നത്. ജനകീയ കമ്മിറ്റി കൺവീനർ കബീർ പുത്തൻപുരയിൽ, കമ്മറ്റി അംഗങ്ങളായ എൻ.എ.താജുദ്ദീൻ, കെ.എ. ഷൗക്കത്തലി, കുഞ്ഞിമോൻ, കെ.എ. യാസീൻ, പി.എ. ബഷീർ, കെ.എ. അസൻകുട്ടി എന്നിവർ നേതൃത്വം നൽകി. വരുംദിവസങ്ങളിൽ അടയ്ക്കാത്തോട്, ശാന്തിഗിരി മേഖലകളിലെ വിവിധ ആരാധനാലയങ്ങൾ കേന്ദ്രീകരിച്ചും ഒപ്പു ശേഖരണം നടത്തും.

അംബേദ്കർ സെറ്റിൽമെന്‍റ് പദ്ധതി: ഡിപിആർ സമർപ്പിക്കാൻ നിർദേശം

കണ്ണൂർ: ജില്ലയിൽ നടപ്പാക്കുന്ന അംബേദ്കർ സെറ്റിൽമെന്‍റ് പദ്ധതികളുടെ നിർവഹണം വേഗത്തിലാക്കാൻ ബന്ധപ്പെട്ട പഞ്ചായത്തുകൾക്ക് ജില്ലാ കളക്ടർ അരുൺ കെ. വിജയൻ നിർദേശം നൽകി. കളക്ടറേറ്റ് കോൺഫറൻസ് ഹാളിൽ ചേർന്ന നിർവഹണ പുരോഗതി അവലോകന യോഗത്തിലാണ് കളക്ടർ പഞ്ചായത്ത് സെക്രട്ടറിമാർക്ക് നിർദേശം നൽകിയത്. പദ്ധതികൾക്ക് പെരിങ്ങോം-വയക്കര, പയ്യാവൂർ, പടിയൂർ, കൊട്ടിയൂർ, കേളകം, ചെറുപുഴ പഞ്ചായത്തുകൾ രണ്ടാഴ്ചക്കുള്ളിൽ ഡിപിആർ സമർപ്പിക്കാനും നിർദേശം നൽകി. 2021 മുതൽ 2025 വരെ വിവിധ പട്ടികവർഗ സെറ്റിൽമെന്‍റുകളിലായി നിർമിക്കുന്ന റോഡ്, കമ്യൂണിറ്റി ഹാൾ, ശ്മശാനം, വീട് നവീകരണം എന്നീ പദ്ധതികൾക്കുണ്ടാകുന്ന കാലതാമസം പഞ്ചായത്ത് തലത്തിൽ പരിഹരിക്കണമെന്ന് കളക്ടർ നിർദേശം നൽകി. പഞ്ചായത്ത് ആസ്തിയിൽ ഉൾപ്പെടുത്താത്തതിനാലാണ് റോഡുകളുടെ ഡിപിആർ സമർപ്പിക്കാൻ കഴിയാത്തതെന്ന് പയ്യാവൂർ, പെരിങ്ങോം-വയക്കര പഞ്ചായത്ത് സെക്രട്ടറിമാർ യോഗത്തിൽ ഉന്നയിച്ചു. എന്നാൽ, പദ്ധതിയിൽ ഉൾപ്പെടുന്ന വസ്തുക്കൾ ആസ്തിയിൽ ഉൾപ്പെടുത്തുന്ന നടപടിക്രമങ്ങൾ പൂർത്തിയാകുന്നതുവരെ ഡിപിആർ സമർപ്പിക്കുന്നതിനായി കാത്തിരിക്കുന്നത് പദ്ധതി നീളാൻ ഇടയാക്കുമെന്ന് കളക്ടർ പറഞ്ഞു. പദ്ധതി ഡിപിആർ സമർപ്പിക്കുന്നത് വേഗത്തിലാക്കുകയും ഒപ്പം ആസ്തിയിൽ ഉൾപ്പെടുത്തുന്നതിനുള്ള നടപടികൾ സ്വീകരിക്കുകയും വേണമെന്നും കളക്ടർ നിർദേശം നൽകി. ജില്ലാ പ്ലാനിംഗ് ഓഫീസർ നെനോജ് മേപ്പടിയത്ത്, ഐടിഡിപി ജില്ലാ പ്രോജക്ട് ഓഫീസർ കെ. ബിന്ദു, വിവിധ പഞ്ചായത്ത് സെക്രട്ടറിമാർ, ഉദ്യോഗസ്ഥർ തുടങ്ങിയവർ യോഗത്തിൽ പങ്കെടുത്തു.

മൾട്ടി ലെവൽ കാർ പാർക്കിംഗ് പൂർത്തിയാകാത്തത് സാങ്കേതിക കാരണങ്ങളാലെന്ന് കോർപറേഷൻ

കണ്ണൂർ: സാങ്കേതിക തടസങ്ങൾ കാരണമാണ് സ്റ്റേഡിയം കോർണറിന് സമീപമുള്ള മൾട്ടിലെവൽ കാർ പാർക്കിംഗിന്‍റെ നിർമാണം യഥാസമയം പൂർത്തിയാക്കാനാകാഞ്ഞതെന്ന് കോർപറേഷൻ. മൾട്ടിലെവൽ പാർക്കിംഗ് സംവിധാനം യഥാസമയം പൂർത്തിയാക്കിയില്ലെന്ന് കാണിച്ച് ലഭിച്ച പരാതിയിൽ കമ്മീഷൻ ജുഡീഷ്യൽ അംഗം കെ. ബൈജുനാഥ് കോർപറേഷൻ സെക്രട്ടറിയോട് റിപ്പോർട്ട് ആവശ്യപ്പെട്ടിരുന്നു. ഈ റിപ്പോർട്ടിലാണ് കോർപറേഷൻ ഇക്കാര്യം അറിയിച്ചത്. ഫയർ ആൻഡ് സേഫ്റ്റി, ഇലക്‌ട്രിക്കൽ ഇൻസ്പെക്ടറേറ്റ് എന്നിവയുടെ അനുമതി ലഭിക്കാൻ കാലതാമസമുണ്ടായതായി റിപ്പോർട്ടിൽ പറയുന്നു. സ്റ്റേഡിയം സൈറ്റിലെ പ്രവൃത്തികൾക്ക് 2023 ഓഗസ്റ്റ് 11നും ബാങ്ക് റോഡിലെ സൈറ്റിന് 2023 നവംബർ 10 നുമാണ് അംഗീകാരം ലഭിച്ചത്. ആരംഭഘട്ടത്തിൽ സൈറ്റിൽ മാറ്റം വരുത്തേണ്ടി വന്നു. അനിയന്ത്രിതമായ കാലാവസ്ഥയും താമസത്തിന് കാരണമായി. കൺസൾട്ടൻസിയിൽ നിന്ന് ഡ്രോയിംഗുകൾ ലഭിക്കാൻ എടുത്ത കാലതാമസവും കരാറുകാരൻ ഡ്രോയിംഗുകൾ വെറ്റ് ചെയ്തു സമർപ്പിക്കുന്നതിലെടുത്ത കാലതാമസവുമാണ് പ്രവൃത്തി യഥാസമയം പൂർത്തിയാക്കാൻ കഴിയാതിരുന്നതെന്ന് റിപ്പോർട്ടിൽ പറയുന്നു. കോർപറേഷൻ ഓഫീസിൽ ചേർന്ന അമൃത് കോർ കമ്മിറ്റി വിഷയം ചർച്ച ചെയ്തു. എസ്റ്റിമേറ്റിന് ചീഫ് എൻജിനിയറുടെ അനുമതി ലഭിച്ച് മൂന്നു മാസത്തിനകം പ്രവൃത്തി പൂർത്തിയാക്കണമെന്ന് നിർദേശം നൽകിയിട്ടുണ്ടെന്നും കോർപറേഷൻ നൽകിയ റിപ്പോർട്ടിൽ പറയുന്നു.

കെഎസ്ഇബി ട്രാൻസ്‍ഗ്രിഡ് ഓഫീസിലേക്ക് മാർച്ച് നടത്തി

ഇരിട്ടി: വൈദ്യുതി മന്ത്രി പ്രഖ്യാപിച്ച 400 കെവി ലൈൻ നഷ്ടപരിഹാര പാക്കേജിൽ പ്രതിഷേധിച്ച് ആക്‌ഷൻ കൗൺസിലിന്‍റെ നേതൃത്വത്തിൽ എടൂർ കെഎസ്ഇബി ട്രാൻസ്ഗ്രിഡ് ഓഫീസിലേക്ക് മാർച്ചും ധർണയും നടത്തി. എടൂർ സെന്‍റ് മേരീസ് പള്ളിയങ്കണത്തിൽ നിന്ന് ആരംഭിച്ച റാലി ഫൊറോന വികാരി ഫാ. തോമസ് വടക്കേമുറിയിൽ ഫ്ലാഗ്ഓഫ് ചെയ്തു. മണിക്കടവ് ഫൊറോന വികാരി ഫാ. പയസ് പടിഞ്ഞാറെമുറിയിൽ ധർണ ഉദ്ഘാടനം ചെയ്തു. ആക്‌ഷൻ കൗൺസിൽ ചെയർമാൻ തോമസ് വർഗീസ് അധ്യക്ഷത വഹിച്ചു. തിരുവനന്തപുരത്ത് ജനപ്രതിനിധികളും ആക്‌ഷൻ കൗൺസിൽ അംഗങ്ങളുമായി നടത്തിയ ധാരണക്ക് വിപരീദമായും ഏകപക്ഷീയമായവുമായ പാക്കേജ് പ്രഖ്യാപനത്തിനെതിരെ ആയിരുന്നു കർഷകരുടെ പ്രതിഷേധം. കർഷകർ ആവശ്യപ്പെടുന്ന നഷ്ടപരിഹാരം നൽകാതെ ഒരു വിധത്തിലും ഭൂമിയിൽ പ്രവേശിക്കാൻ അനുവദിക്കില്ലെന്ന് ആക്‌ഷൻ കൗൺസിൽ രക്ഷാധികാരികൂടിയായി ഫാ. പയസ് പടിഞ്ഞാറെമുറിയിൽ പറഞ്ഞു. ശതമാനത്തിന്‍റെ കണക്കു പറഞ്ഞ് കർഷകരെ വഞ്ചിക്കാമെന്ന വ്യാമോഹം നടക്കില്ലെന്നും കൂട്ടിച്ചേർത്തു. കൺവീനർ ബെന്നി പുതിയമ്പുറം, അയ്യൻകുന്ന് പഞ്ചായത്ത് വൈസ് പ്രസിഡന്‍റ് ബീന റോജസ്, ജിമ്മി അന്തീനാട്ട്, ജയിംസ് കണിച്ചാർ, ജോർജ് കുമ്പളാംകുഴി, സെബാസ്റ്റ്യൻ മുണ്ടയാനി, ജോസഫ് മണിക്കടവ്, ഷാജു ഇടശേരി എന്നിവർ പ്രസംഗിച്ചു.

ആരോഗ്യമന്ത്രാലയം അഴിമതിയുടെ കൂത്തരങ്ങ്: രമേശ് ചെന്നിത്തല

കാഞ്ഞങ്ങാട്: ആരോഗ്യമന്ത്രാലയം അഴിമതിയുടെയും കെടുകാര്യസ്ഥതയുടെയും കൂത്തരങ്ങായി മാറിയെന്ന് മുന്‍ പ്രതിപക്ഷനേതാവ് രമേശ് ചെന്നിത്തല. കാഞ്ഞങ്ങാട്ട് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. സാധാരണക്കാരന്‍റെ ജീവന് യാതൊരു വിലയും ഈ സര്‍ക്കാര്‍ കല്‍പിക്കുന്നില്ല എന്നതിന്‍റെ ഏറ്റവും വലിയ ഉദാഹരമാണ് ജനുവരി 25നു സിഎജി നിമസഭയില്‍ സമര്‍പ്പച്ച റിപ്പോര്‍ട്ടിലെ ഒരു പ്രധാന ഭാഗം. സര്‍ക്കാര്‍ കാലാവധി കഴിഞ്ഞ മരുന്നുകള്‍ വന്‍തോതില്‍ വാങ്ങിക്കൂട്ടി സര്‍ക്കാര്‍ ആശുപത്രികള്‍ വഴി വിതരണം ചെയ്തുവെന്നാണ് ഇതിലെ ആരോപണം. മെഡിക്കല്‍ സ്റ്റോറുകളില്‍ നിന്നും ഹോള്‍സെയിലര്‍മാര്‍ തിരിച്ചയയ്ക്കുന്ന ഉപയോഗശൂന്യമായ മരുന്നുകള്‍ സര്‍ക്കാര്‍ കോടികള്‍ കമ്പനികള്‍ക്കു നല്‍കി വാങ്ങിക്കൂട്ടി. ഇതുവഴി കമ്പനികള്‍ക്ക് കോടികളുടെ ലാഭം. ഇടനില നിന്നവര്‍ക്ക് കോടികളുടെ കമ്മീഷന്‍. ഒരു പക്ഷേ ആ കാലഘട്ടത്തില്‍ കേരളത്തിലെ സര്‍ക്കാര്‍ ആശുപത്രികളില്‍ മരണപ്പെട്ട പാവപ്പെട്ട പല രോഗികളും ഈ കാലാവധി കഴിഞ്ഞ മരുന്നു കഴിച്ചു മരിച്ചവരാകാം. എന്നാല്‍ ഇതേപ്പറ്റി ഒരു അന്വേഷണം പോലും ഈ നിമിഷം വരെയും നടന്നിട്ടില്ല.ആരോഗ്യ മന്ത്രിയുടെ ഓഫീസ് അറിയാതെ ഒരു മൊട്ടുസൂചി പോലും ഒറ്റ സര്‍ക്കാര്‍ ആശുപത്രികളിലും വാങ്ങാന്‍ കഴിയാത്ത അവസ്ഥയാണ്. കോടിക്കണക്കിന് രൂപയുടെ സാമഗ്രികളാണ് സര്‍ക്കാര്‍ വാങ്ങിക്കൂട്ടുന്നത്. കോടിക്കണക്കിന് രൂപ നല്‍കി വാങ്ങിയ മെഷീനുകള്‍ സര്‍ക്കാര്‍ ആശുപത്രികളില്‍ ഉപയോഗശൂന്യമായി ഇരിക്കുകയും ജനത്തിന് സ്വകാര്യ ലാബുകളെ ആശ്രയിക്കേണ്ടി വരുകയും ചെയ്യുന്നു. സ്വകാര്യ ലാബുകള്‍ക്ക് ലാഭമുണ്ടാക്കാനള്ള ഈ കള്ളക്കളിക്ക് മന്ത്രിയുടെ ഓഫീസ് കൂട്ടുനില്‍ക്കുകയാണ്. അതുപോലെ ഈ മെഷീനുകള്‍ക്കുള്ള ആനുവല്‍ മെയിന്‍റന്‍സ് കോണ്‍ട്രാക്ടുകള്‍ക്കുള്ള തുക നല്‍കില്ല. അതോടെ ഗ്യാരണ്ടി പിരീഡ് കഴിയുന്ന മുറയ്ക്ക് ഈ മെഷീനുകള്‍ ഉപയോഗശൂന്യമാകും. സര്‍ക്കാര്‍ വീണ്ടും പുതിയ മെഷീനുകള്‍ വീണ്ടും കോടികള്‍ നല്‍കി വാങ്ങും. എന്നിട്ട് കമ്മിഷന്‍ കൈപ്പറ്റും. ഇതു കമ്മീഷന്‍ രാജ് ആണ്. സാധാരണക്കാരന്‍റെ ജീവന്‍ വെച്ചാണ് ഇവര്‍ കളിക്കുന്നത്. കോട്ടയം സംഭവത്തോടെ ഡോ.ഹാരിസ് പറഞ്ഞത് ആരോഗ്യരംഗത്തെ അപചയത്തിന്‍റെ ഒരു ചെറു കണിക മാത്രമാണ് എന്നു ജനത്തിന് ബോധ്യപ്പെട്ടിരിക്കുന്നതായും അദ്ദേഹം കൂട്ടിച്ചേര്‍ത്തു.

കണ്ണൂർ സർവകലാശാല‍യിൽ ബി.ആർ.അംബേദ്കർ സ്കോളർഷിപ്പ് ഏർപ്പെടുത്താൻ തീരുമാനം

കണ്ണൂർ: സാന്പത്തികമായി പിന്നാക്കം നിൽക്കുകയും പഠനകാര്യങ്ങളിൽ മികവ് പുലർത്തുകയും ചെയ്യുന്ന വിദ്യാർഥികൾക്കായി ബി.ആർ. അംബേദ്കറുടെ പേരിൽ സ്കോളർഷിപ്പ് ഏർപ്പെടുത്താൻ ഇന്നലെ ചേർന്ന കണ്ണൂർ യൂണിവേഴ്സിറ്റി സിൻഡിക്കേറ്റ് യോഗത്തിൽ തീരുമാനം. ഇതുമായി ബന്ധപ്പെട്ട വിശദമായ മാർഗരേഖ ഉടൻ പുറത്തിറക്കും. വിദ്യാർഥികൾക്ക് ഗ്രൂപ്പ് പേഴ്സണൽ ആക്സിഡന്‍റ് പോളിസി ഏർപ്പടുത്താനും തീരുമാനിച്ചു.അംഗപരിമിതമായവർക്ക് എയ്ഡഡ് കോളജുകളുകളിലും പ്രഫഷണൽ കോളജുകളിലും നിയമനം നടത്തുന്പോൾ നാലു ശതമാനം റിസർവേഷൻ നൽകാനും തീരുമാനിച്ചു. സ്റ്റാറ്റ്യൂട്ടിൽ ഭേദഗത വരുത്തിയാണ് ഇതിന് സിൻഡിക്കേറ്റ് അംഗീകാരം നൽകിയത്. മറ്റു പ്രധാന തീരുമാനങ്ങൾ: തലശേരിയിൽ ആരംഭിക്കുന്ന ഹെർമൻ ഗുണ്ടർട്ട് കോളജ് ഓഫ് അഡ്വാൻസ്‌ഡ് സ്റ്റഡീസ് കോളജിന്‍റെ ഇൻസ്‌പെക്ഷൻ റിപ്പോർട്ടിന് അംഗീകാരം നൽകി. ഡോ. ജോബി കെ. ജോസിനെ രജിസ്ട്രാറായി രണ്ടു വർഷത്തേക്ക് കൂടി കാലാവധി ദീർഘിപ്പിച്ചു. മാനന്തവാടിയിൽ ആരംഭിക്കുന്ന ശ്രീ ഷൺമുഖ എഡ്യുക്കേഷണൽ ആൻഡ് ചാരിറ്റബിൾ ട്രസ്റ്റിന്‍റെ ഇൻസ്‌പെക്ഷൻ റിപ്പോർട്ടിന് അംഗീകാരം നൽകി. ഗസ്റ്റ് അധ്യാപകരുടെ വേതന വർധനയുമായി ബന്ധപ്പെട്ട് ഇറങ്ങിയ സർക്കാർ ഉത്തരവ് കണ്ണൂരിലും നടപ്പാക്കും. കാസർഗോഡ് കാമ്പസിലെ ബിഎഡ് പ്രോഗ്രാമിൽനിന്നും രണ്ട് ഓപ്ഷണൽ വിഷയങ്ങളായ മാത്തമാറ്റിക്സ് , ഫിസിക്കൽ സയൻസ് എന്നിവ നിർത്തലാക്കിയ തീരുമാനം പുനഃപരിശോധിപ്പിക്കും. അഫിലിയേറ്റഡ് കോളജുകളിലെ 29 അസിസ്റ്റന്‍റ് പ്രഫസർ, അസോസിയേറ്റ് പ്രഫസർമാരുടെ സ്ഥാനക്കയറ്റ ശിപാർശ അംഗീകാരം നൽകി. 2024 -25 വാർഷിക കണക്കുകൾക്ക് സിൻഡിക്കേറ്റ് യോഗം അംഗീകാരം നൽകി.

കണ്ണൂർ ജില്ലാ ആശുപത്രിയിലേക്ക് യൂത്ത് കോൺ.-ലീഗ് മാർച്ച്; ഉപരോധം

കണ്ണൂർ: തകർച്ച നേരിടുന്ന കെട്ടിടത്തിൽ ആശുപത്രി വിഭാഗം പ്രവർത്തിപ്പിക്കുന്നതിൽ പ്രതിഷേധിച്ച് യൂത്ത് കോൺഗ്രസ്, യൂത്ത് ലീഗ് പ്രവർത്തകർ സൂപ്രണ്ടിന്‍റെ ഓഫീസിലേക്ക് മാർച്ചും ഉപരോധവും നടത്തി. ആശുപത്രിയിലെ ഫീസിബിലിറ്റി നഷ്ടപ്പെട്ട കെട്ടിടത്തിലാണ് ഇപ്പോഴും ഓക്സിജൻ സിലിണ്ടറുകൾ, മരുന്ന് സംഭരണം എന്നിവ നടത്തുന്നത്. അപകടാവസ്ഥയിലുള്ള ഈ കെട്ടിടത്തിലൂടെയാണ് രോഗികളും കൂട്ടിരിപ്പുകാരും നടന്നുപോകുന്നത്. ജീവനക്കാർ വിശ്രമിക്കാനും ഈ കെട്ടിടം ഉപയോഗിച്ചു വരുന്നുണ്ട്. രോഗികളുടെയും കൂട്ടിരിപ്പുകാരുടെയും ജീവനക്കാരുടെയും ജീവൻ പോലും അപകടപ്പെടുത്തുന്ന അവസ്ഥയുണ്ടായിട്ടും ബന്ധപ്പെട്ടവർ നിസംഗത പുലർത്തുകയാണെന്നാരോപിച്ചായിരുന്നു മാർച്ചും ഉപരോധവും. പ്രകടനമായെത്തിയ യൂത്ത് കോൺഗ്രസ് പ്രവർത്തകർ സൂപ്രണ്ട് ഡോ. ഷാജിന്‍റെ ഓഫീസിലേക്ക് തള്ളിക്കയറാൻ ശ്രമിച്ചത് പോലീസ് തടഞ്ഞത് ഉന്തിലും തള്ളിലും കലാശിച്ചു. സൂപ്രണ്ടിനെയോ ഡപ്യൂട്ടി സൂപ്രണ്ടിനെയോ കാണാതെ മടങ്ങില്ലെന്ന് സമരക്കാർ അറിയിച്ചതോടെ പോലീസ് ഇവരെ അറസ്റ്റ് ചെയ്തു നീക്കി. ഇതിനിടെ സൂപ്രണ്ട് ഓഫീസിൽ നിന്നും ഇറങ്ങിപ്പോയി. സമരം യൂത്ത് കോൺഗ്രസ് ജില്ലാ പ്രസിഡന്‍റ് വിജിൽ മോഹൻ ഉദ്ഘാടനം ചെയ്തു. നിയോജക മണ്ഡലം പ്രസിഡന്‍റ് എം.കെ. വരുൺ അധ്യക്ഷത വഹിച്ചു. സുബീഷ് മരക്കാർക്കണ്ടി, പ്രിനിൽ മതുക്കോത്ത്, റൂബിൻ കിഴുന്ന, റിജിൻ ബാബു, സി.എച്ച്. മുഹമ്മദ്‌ റിബിൻ, പി.എ. ഹരി, ശ്രീരാഗ് വലിയന്നൂർ, അതുൽ നാരായണൻ, പ്രകീർത്ത് മുണ്ടേരി, അർജുൻ ചാലാട് എന്നിവർ നേതൃത്വം നൽകി. ജില്ലാ ‌ആശുപത്രിയിലേക്ക് മാർച്ച് നടത്തിയ യൂത്ത് ലീഗ് പ്രവർത്തകർ ആശുപത്രി സൂപ്രണ്ടിനെ ഉപരോധിച്ചു. കണ്ണൂർ മണ്ഡലം കമ്മിറ്റിയുടെ നേതൃത്വത്തിലായിരുന്നു സമരം. അപകട ഭീഷണി ഉയർത്തുന്ന കെട്ടിടങ്ങൾ, ഡോക്ടർമാരുടെ കുറവ്, സർജിക്കൽ വസ്തുക്കളുടെ ലഭ്യതക്കുറവ് കാരണം ശസ്ത്രക്രിയ മാറ്റിവയ്ക്കൽ എന്നീ കാര്യങ്ങൾ ബന്ധപ്പെട്ടവരെ അറിയിച്ചിട്ടും നടപടി ഉണ്ടായില്ലെന്ന് യൂത്ത് ലീഗ് കുറ്റപ്പെടുത്തി. ഉപരോധ സമരക്കാരെ പോലീസ് ബലം പ്രയോഗിച്ച് നീക്കി. തു‌ടർന്ന് സൂപ്രണ്ടുമായി നടത്തിയ ചർച്ചയിൽ പ്രശ്നങ്ങൾ പരിഹരിക്കാനാവാശ്യമായ നടപടികൾ സ്വീകരിക്കുമെന്ന് ഉറപ്പ് നൽകിയതിനെ തുടർന്ന് സമരം അവസാനിപ്പിച്ചു. യൂത്ത് ലീഗ് കണ്ണൂർ മണ്ഡലം പ്രസിഡന്‍റ് സി.എം. ഇസുദ്ദീൻ, ജനറൽ സെക്രട്ടറി അസ്‌ലം പറേത്ത്, താഹിർ പള്ളിപ്രം, മൻസൂർ കാനച്ചേരി, റഷിദ് പടന്ന, സഹീർ താണ, ഫാരിസ് കൊച്ചിപ്പള്ളി, സിറാജ് ഉരുവച്ചാൽ, സൈനുദ്ദീൻ മുണ്ടേരി, കെ.പി. അർഷിൽ, റാഷിദ്‌ സിറ്റി, മുസ്തഫ സിറ്റി എന്നിവർ നേതൃത്വം നൽകി.

"തിരുത്തലുകൾ വേണ്ടിടത്ത് തിരുത്തലുകൾ നടത്തണം' സർക്കാരിനെതിരെ വിമർശനവുമായി പി. സന്തോഷ്കുമാർ

കണ്ണൂർ: സംസ്ഥാന സർക്കാരിനെ രൂക്ഷമായി വിമർശിച്ച് സിപിഐ ദേശീയ എക്സിക്യുട്ടീവ് അംഗം പി. സന്തോഷ്കുമാർ എംപി. സിപിഐ ജില്ലാ സമ്മേളനത്തിന് തുടക്കം കുറിച്ച് കണ്ണൂർ ടൗൺസ്ക്വയറിൽ നടന്ന പൊതുസമ്മേളനം ഉദ്ഘാടനം ചെയ്തു പ്രസംഗിക്കുന്നതിനി‌ടെയാണ് പി. സന്തോഷ്കുമാർ എംപി എൽഡിഎഫ് സർക്കാരിനെതിരെ വിമർശനം ഉന്നയിച്ചത്. ഇന്ത്യയിൽ അവശേഷിക്കുന്ന കേരളത്തിലെ ഇടത് സർക്കാരിന് പരിമിതികളുണ്ടാകുമെങ്കിലും തിരുത്തലുകൾ നടത്തേണ്ടിടത്ത് തിരുത്തിയും ആവശ്യമായ പരിശോധനകൾ നടത്താനും തയാറാകണമെന്നായിരുന്നു വിമർശനം. യുഡിഎഫിന്‍റെ കാലത്ത് കൊള്ളരുതായ്മകൾ ഉണ്ടായിട്ടുണ്ടെന്ന കാര്യത്തിൽ സംശയമില്ല, പക്ഷേ അതു കൊണ്ട് എൽഡിഎഫിന്‍റെ കാലത്ത് സംഭവിച്ച വീഴ്ചകളെ ന്യായീകരിക്കാനാവില്ലെന്നും അദ്ദേഹം തുറന്നടിച്ചു. കോട്ടയത്തെ മെഡിക്കൽ കോളേജ് കെട്ടിടം വീണ് സ്ത്രീ മരണപ്പെട്ട സംഭവം ഏറെ നിർഭാഗ്യകരമാണ്. മെഡിക്കൽ കോളജധികൃതർ കൂടുതൽ ജാഗ്രതയോടെ പ്രവർത്തിക്കേണ്ടതായിരുന്നു. പക്ഷെ നിർഭാഗ്യകരമായ ആ ദുരന്തം പോലും എൽഡി എഫിനെ പരാജയപ്പെടുത്താനും രാഷ്‌‌ട്രീയ ആയുധമാക്കാനുമുള്ള ശ്രമങ്ങളാണ് നടന്നുകൊണ്ടിരിക്കുന്നതെന്ന് മനസിലാക്കണം. നിലമ്പൂർ തെരഞ്ഞെടുപ്പ് കഴിഞ്ഞതോടെ സംസ്ഥാനത്ത് മത-വർഗീയ ശക്തികൾ കരുത്താർജിച്ചിട്ടുണ്ട്. ജാതീയമായും മതപരമായും സമൂഹത്തെ വിഭജിക്കാനുള്ള നീക്കമാണ് നടക്കുന്നത്. യുഡിഎഫ് ഇത്തരക്കാർക്ക് ആവേശം പകരുകയും ചെയ്യുന്നുണ്ട്. ഈ സാഹചര്യത്തിൽ സമൂഹം കൂടുതൽ ജാഗ്രത പുലർത്തി പ്രതിരോധിക്കണം. ഇതിന് എൽഡിഎഫ് മാത്രമാണ് മുന്നിലുള്ള ഏക പോംവഴിയെന്നും പി. സന്തോഷ്കുമാർ എംപി പറഞ്ഞു. ‌ ജില്ലാ സെക്രട്ടറി സി.പി. സന്തോഷ് കുമാർ അധ്യക്ഷത വഹിച്ചു. ദേശീയ കൗൺസിൽ അംഗങ്ങളായ സത്യൻ മൊകേരി, പി.വസന്തം, സംസ്ഥാന എക്സിക്യുട്ടീവംഗം സി.പി.മുരളി, സംസ്ഥാന കൗൺസിൽ അംഗങ്ങളായ സി.എൻ. ചന്ദ്രൻ, സി.പി. ഷൈജൻ , നേതാക്കളായ എ. പ്രദീപൻ, കെ.ടി. ജോസ്, താവം ബാലകൃഷ്ണൻ, പി.കെ. മധുസൂദനൻ, കെ.വി. ബാബു, വി.കെ. സുരേഷ് ബാബു, വി. ഷാജി, സി.വിജയൻ, പി. അജയകുമാർ, മുൻ ജില്ലാ സെക്രട്ടറി സി.രവീന്ദ്രൻ, വെള്ളോറ രാജൻ, എൻ. ഉഷ എന്നിവർ പങ്കെടുത്തു. പ്രതിനിധി സമ്മേളനം ഇന്നും നാളെയുമായി നവനീതം ഓഡിറ്റോറിയത്തിൽ നടക്കും. ഇന്ന് രാവിലെ പത്തിന് സംസ്ഥാന സെക്രട്ടറി ബിനോയ് വിശ്വം ഉദ്ഘാടനം ചെയ്യും.

വിമൽജ്യോതിയിൽ ഫോർബ്സ് മാർഷൽ സെന്‍റർ ഓഫ് എക്സലൻസ് ലാബ്

ചെമ്പേരി: ചെന്പേരി വിമൽ ജ്യോതി എൻജിനിയറിംഗ് കോളജിൽ പൂനെ കേന്ദ്രീകൃത ഇൻഡസ്ട്രിയൽ മെഷിനറി നിർമാണ കമ്പനിയായ ഫോർബ്സ് മാർഷലിന്‍റെ വ്യവസായിക പിന്തുണയുള്ള സെന്‍റർ ഓഫ് എക്സലൻസ് ലാബ് വിമൽ ജ്യോതി സ്ഥാപനങ്ങളുടെ ചെയർമാൻ മോൺ. ആന്‍റണി മുതുകുന്നേൽ ഉദ്ഘാടനം ചെയ്തു. കോളജ് മാനേജർ ഫാ. ജയിംസ് ചെല്ലങ്കോട്ട് അധ്യക്ഷത വഹിച്ചു. കോളജ് പ്രിൻസിപ്പൽ ഡോ. ബെന്നി ജോസഫ്, ബർസാർ ഫാ. ലാസർ വരമ്പകത്ത്, ഫോർബ്സ് മാർഷൽ സപ്ലൈ ഹെഡ് അജയ് ഗാഡ്ഗിൽ, പ്രോജക്‌ട് മാനേജർ ശരദ് രഹുദകർ, കസ്റ്റമർ സപ്പോർട്ടർ രാജേഷ് രാജാമണി, പ്ലേസ്മെന്‍റ് സപ്പോർട്ടർ പി.ഇ. ഷാജി, ഇൻസ്ട്രുമെന്‍റേഷൻ ഡിപ്പാർട്ട്മെന്‍റ് മേധാവി എം. ധനോജ് എന്നിവർ പ്രസംഗിച്ചു. ഫോർബ്സ് മാർഷൽ കമ്പനി ഇതാദ്യമായാണ് പുനെക്ക് പുറത്ത് ഒരു സെന്‍റർ ഓഫ് എക്സലൻസ് ലാബ് സ്ഥാപിക്കുന്നത്. മുപ്പതു ലക്ഷത്തിലധികം രൂപയുടെ വ്യവസായ പിന്തുണയുള്ള ഈ ലാബ് ഇൻസ്ട്രുമെന്‍റേഷൻ എൻജിനിയറിംഗ് മേഖലയിലെ നൂതന പ്രവണതകളെ പ്രോത്സഹിപ്പിക്കുന്നതിനു വേണ്ടിയുള്ളതാണ്. വിദ്യാർഥികൾക്കും അധ്യാപകർക്കും ഗവേഷണത്തിനും വികസനത്തിനുമുള്ള അവസരമൊരുക്കുന്നു. മെക്കാനിക്കൽ, ഇലക്‌ട്രിക്കൽ, ഇലക്‌ട്രോണിക്സ് ഡിപ്പാർട്ടുമെന്‍റുകളിലെ കുട്ടികൾക്ക് ജോലി സാധ്യത വർധിക്കുന്നുവെന്നത് വലിയ നേട്ടവുമാണ്.

ലോറിയിലെത്തി കവർച്ച: പിടികിട്ടാപ്പുള്ളി അറസ്റ്റിൽ

തലശേരി: കോട്ടയത്തുനിന്ന് ലോറിയിലെത്തി മലബാറിലെ അഞ്ച് ജില്ലകളിൽ കവർച്ച നടത്തിവന്ന സംഘത്തിലെ പിടികിട്ടാപ്പുള്ളി അറസ്റ്റിൽ. അഞ്ചു ജില്ലകളിലായി 26 കേസുകളിൽ പ്രതിയായ ഇടുക്കി പുറപ്പുഴ കരിങ്കുന്നം തോണിക്കത്തടത്തിൽ ജോമോൻ ജോസഫിനെയാണ് (50) പേരാവൂർ ഡിവൈഎസ്പി എം.പി. ആസാദിന്‍റെ നേതൃത്വത്തിൽ സിഐ പി.ബി. സജീവനും സംഘവും തൊടുപുഴയിൽ നിന്ന് അറസ്റ്റ് ചെയ്തത്. വേഷംമാറി പ്രതിയുടെ വീടിന് സമീപം തമ്പടിച്ച പോലീസ് സംഘം പ്രതിയെ വലയിലാക്കുകയായിരുന്നു. കാസർഗോഡ്, കണ്ണൂർ, വയനാട്, കോഴിക്കോട്, മലപ്പുറം ജില്ലകളിൽ ഹാർഡ്‌വേർ ഷോപ്പുകളുടെ പുറത്തു സൂക്ഷിക്കാറുള്ള കമ്പികൾ ഉൾപ്പെടെയുള്ള സാധനങ്ങൾ കവർച്ച നടത്തിവന്ന സംഘത്തിലെ പ്രധാനിയായിരുന്നു ജോമോൻ ജോസഫെന്ന് പോലീസ് പറഞ്ഞു. 2012 മുതലാണ് ഈ സംഘം കവർച്ച നടത്തിയിരുന്നത്. ഹാർഡ്‌വേർ ഷോപ്പുകളിലെ ഇരുമ്പ് കമ്പികൾ, വാട്ടർ ടാങ്ക്, തുടങ്ങിയ സാധനങ്ങൾ കടയ്ക്ക് പുറത്താണ് സൂക്ഷിക്കുക. ഈ സാധനങ്ങളാണ് ലോറിയിലെത്തി സംഘം കവർന്നിരുന്നത്. പേരാവൂർ പോലീസ് സ്റ്റേഷൻ പരിധിയിൽ നടത്തിയ കവർച്ച കേസിലാണ് പ്രതി അറസ്റ്റിലായത്. സീനിയർ സിവിൽ പോലീസ് ഓഫീസർമാരായ കെ.ജെ. ജയദേവ്, പ്രജോദ്, സുഭാഷ് എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു.

കെഎസ്ഇബിക്ക് കൊള്ളലാഭം; കർഷകന് കോടികളുടെ നഷ്ടം

ഇരിട്ടി: 400 കെവി ലൈൻ നഷ്ടപരിഹാരവുമായി ബന്ധപ്പെട്ട് സർക്കാർ ഏകപക്ഷീയമായി പാക്കേജ് പ്രഖ്യാപിച്ചതിൽ കർഷകർക്കിടയിൽ പ്രതിഷേധം കനക്കുന്നു. വയനാട് - കരിന്തളം പവർ ഹൈവേയുടെ ഭാഗമായി സ്ഥലം നഷ്ടപ്പെടുന്ന കർഷകർക്ക് പ്രത്യേക പാക്കേജ് അനുവദിക്കാൻ കർമസമിതിയും ജനപ്രതിനിധികളും ചേർന്ന് സമർപ്പിച്ച പാക്കേജ് തള്ളിക്കൊണ്ട് വൈദ്യുതി മന്ത്രി കഴിഞ്ഞ ദിവസം പ്രഖ്യാപിച്ച പാക്കേജിനെതിരെയാണ് വ്യാപകമായി പ്രതിഷേധം ഉയരുന്നത്. 125 കിലോ മീറ്റർ പദ്ധതിക്ക് 1500 ഏക്കർ കൃഷിഭൂമിയാണ് നഷ്ടപ്പെടുന്നത്. 40 മീറ്റർ വീതിയിൽ കടന്നുപോകുന്ന ലൈൻ കണ്ണൂർ ജില്ലയിൽ കണിച്ചാർ, കേളകം, ആറളം, അയ്യൻകുന്ന്, പായം, ഉളിക്കൽ, പയ്യാവൂർ, ഏരുവേശി, ആലക്കോട് തുടങ്ങിയ പഞ്ചായത്തുകളിലൂടെയാണ് കടന്നുപോകുന്നത്. ഫലഭൂയിഷ്ടമായ കൃഷി സ്ഥലങ്ങളിലൂടെ കടന്നുപോകുന്ന പദ്ധതി കർഷകന് വലിയ നാശനഷ്ടമാണ് വരുത്തുന്നത്. നഷ്ടപരിഹാര പാക്കേജുകൾ കേരളത്തിലെ വൈദ്യുതി ക്ഷാമത്തിന് പരിഹാരം കാണുന്നതിന് 2016 ലാണ് പദ്ധതി ആരംഭിച്ചത്. രണ്ട് വർഷം മുന്പാണ് നിർമാണവുമായി ബന്ധപ്പെട്ട് കെഎസ്ഇബി കർഷകരെ സമീപിക്കുന്നത്. കൃഷിയിടത്തിൽ കയറി ടവർ ലൊക്കേഷൻ ഉൾപ്പെടെ മാർക്ക് ചെയ്യാൻ എത്തിയ കെഎസ്ഇബി അധികൃതരെ ജനങ്ങൾ പലതവണ തടഞ്ഞ് തിരിച്ചയച്ചിരുന്നു. ടവർ സ്ഥാപിക്കുന്ന സ്ഥലത്തിന് ന്യയവിലയുടെ രണ്ട് ഇരട്ടിയുടെ 85 ശതമാനവും ലൈൻ കടന്നുപോകുന്ന സ്ഥലത്തിന് ന്യായ വിലയുടെ 15 ശതമാനവും ആയിരുന്നു ആരംഭഘട്ടത്തിൽ കെഎസ്ഇബി പ്രഖ്യാപിച്ച നഷ്ടപരിഹാര പാക്കേജ്. ഇതിനെതിരെ കർഷകർ കർമസമിതിയുടെ നേതൃത്വത്തിൽ ശക്തമായ പ്രതിഷേധം സംഘടിപ്പിക്കുക യായിരുന്നു. തുടർന്ന് ഉദ്യോഗസ്ഥതലത്തിലും മന്ത്രി തലത്തിലും ചർച്ചകൾ നടന്നെകിലും കൂടുതൽ പുരോഗതി ഉണ്ടായില്ല. രണ്ട് വർഷമായി പദ്ധതി മുടങ്ങിയതോടെ കെഎസ്ഇബി നഷ്ടപരിഹാരത്തിന് കർണാടക പാക്കേജ് അവതരിപ്പിച്ചെങ്കിലും കർഷകരും കർമസമിതിയും ഇത് പൂർണമായും തള്ളിയിരുന്നു. കർണാടക പദ്ധതി പ്രകാരം ന്യായവിലയുടെ നാലിരട്ടിയുടെ 85 ശതമാനം ടവറിനും ന്യായവിലയുടെ രണ്ട് ഇരട്ടിയുടെ 15 ശതമാനവും ആയിരുന്നു നഷ്ടപരിഹാരം. ചർച്ചകൾ ഫലം കാണാതെ വന്നതോടെയാണ് നഷ്ടം കണക്കാക്കാൻ കെഎസ്ഇബിയും കർമസമിതിയും തമ്മിൽ ധാരണയാകുന്നത്. ജൂലൈ രണ്ടിലെ ചർച്ച നഷ്ടപരിഹാരത്തിന്‍റെ കണക്കെടുപ്പ് 75 ശതമാനത്തിൽ അധികം പൂർത്തിയായപ്പോഴാണ് ജൂലൈ രണ്ടിന് മന്ത്രിയുടെ നേതൃത്വത്തിൽ നഷ്ടപരിഹാര പാക്കേജിനെക്കുറിച്ച് ചർച്ചചെയ്യാൻ തിരുവനന്തപുരത്ത് ചർച്ച നടത്തിയത്. ചർച്ചയിൽ കർമസമിതി മുന്നോട്ടുവച്ച ആവശ്യങ്ങൾ ഒന്നും പരിഗണിക്കാതെ ആയിരുന്നു പാക്കേജ് പ്രഖ്യാപനം. കർമസമിതി മുന്നോട്ടുവച്ച അലൈൻമെന്‍റ് മാറ്റം ഉൾപ്പെടെ യാതൊരു ചർച്ചയും അംഗീകരിച്ചില്ല. ഇതിനെതിരെ കടുത്ത പ്രതിഷേധമാണ് കർമസമിതിയും കർഷകരും ഉയർത്തുന്നത്. പ്രഖ്യാപനത്തിൽ ലൈൻ കടന്നുപോകുന്ന സ്ഥലത്തെ വീടിന് രണ്ട് ലക്ഷവും കുറഞ്ഞ ന്യായവില 7000 രൂപയുമായി ഉയർത്തുക മാത്രമാണ് കർമസമിതി ഉന്നയിച്ച ആവശ്യങ്ങളിൽ പരിഗണിച്ചത്. കർഷകർ മുന്നോട്ടുവച്ച പാക്കേജ് കർമസമിതിയുടെ നേതൃത്വത്തിൽ കർഷകർ മുന്നോട്ടുവച്ച നഷ്ടപരിഹാര പാക്കേജ് ടവർ സ്ഥാപിക്കുന്ന സ്ഥലത്തിന് സെന്‍റിന് ഒരു ലക്ഷം രൂപയും ലൈൻ കടന്നുപോകുന്ന സ്ഥലത്തിന് സെന്‍റിന് 50000 രൂപയും വേണമെന്നതായിരുന്നു. സ്ഥലത്തിന്‍റെ ന്യായവിലയും മാർക്കറ്റ് വിലയും തമ്മിൽ വലിയ അന്തരം നിലനിൽക്കുന്നതാണ് കർഷകരെ നഷ്ടത്തിലാക്കാൻ കാരണം. കൂടാതെ ലൈൻ കടന്നുപോകുന്ന സ്ഥലത്തിന് അടിയിൽ വരുന്ന വീടുകളുടെ നഷ്ടപരിഹാരം, ലൈൻ അലൈൻമെന്‍റ് മാറ്റം ഉൾപ്പെടെ കർഷകർ മുന്നോട്ടുവച്ചിരുന്നു. സെന്‍റിന് ഒന്നുമുതൽ അഞ്ച് ലക്ഷം രൂപവരെ വിലയുള്ള സ്ഥലങ്ങൾക്കാണ് തുച്ഛമായ വില നിർണയിച്ച് കർഷകരെ കബിളിപ്പിക്കാൻ ശ്രമിക്കുന്നത്. കെഎസ്ഇബി അറിയിക്കുന്ന നഷ്ടപരിഹാരം സെന്‍റിനല്ല ആറിനാണെന്നതും നഷ്ടപരിഹാരം തുച്ഛമാകുന്നതിന് കാരണമാകുന്നു. നിലവിൽ കാർഷിക വിളകൾക്ക് കൂടുതൽ തുക ലഭിക്കുന്നുവെന്നത് മാത്രമാണ് ഏക നേട്ടം. എങ്കിലും ഇത് രണ്ടും ചേർത്താലും കർഷകന്‍റെ യഥാർഥ നഷ്ടത്തിന് ഒപ്പമാകില്ല എന്നതാണ് യാഥാർഥ്യം. ലൈൻ കടന്നുപോകുന്നതിന് സമീപത്തെ സ്ഥലങ്ങൾക്കും മൂല്യം ഇല്ലാതാകുന്നുവെന്നതും കർഷകരെ അലട്ടുന്ന മറ്റൊരു വിഷയമാണ്. നിലവിൽ പ്രഖ്യാപിച്ച പാക്കേജ് പ്രകാരം നാലു കോടി രൂപ മാർക്കറ്റ് വിലവരുന്ന സ്ഥലം നഷ്ടമാകുന്ന കർഷകർക്ക് ലഭിക്കുന്നത് ഒരു കോടി രൂപയിൽ താഴെ മാത്രമാണ്. പദ്ധതി തുകയിൽ വർധന‍? ആരംഭത്തിൽ 500 കോടി രൂപയായിരുന്ന പദ്ധതി തുക 930 കോടിയായി ഉയർത്തിയിരുന്നു. വീണ്ടും 1000 കോടിക്ക് മുകളിലേക്ക് ഉയർത്തിയെന്നാണ് സ്ഥിരീകരിക്കാത്ത വിവരം. ന്യായമായ നഷ്ടപരിഹാരം ലഭിച്ചാൽ ഭൂമി വിട്ടുനൽകാൻ കർഷകർ തയ്യാറാണ്. എന്നാൽ, വില നൽകാതെ കബളിപ്പിക്കാനുള്ള തീരുമാനത്തെ കർഷകരും ജനപ്രതിനിധികളും ഒറ്റക്കെട്ടായി പ്രതിരോധിക്കാനുള്ള തീരുമാനത്തിലാണ്. കേന്ദ്ര സർക്കാരിന്‍റെ ഗ്യാരണ്ടിയിൽ ജർമൻ ബാങ്കാണ് പദ്ധതിക്ക് വായ്പ നൽകുന്നത്.

വൈശാഖോത്സവത്തിന് സമാപ്തി; ഇന്ന് വറ്റടി

കൊ‌ട്ടിയൂർ: ഒരു മാസം നീണ്ടു നിന്ന കൊട്ടിയൂർ വൈശാഖോത്സവം സമാപിച്ചു. ഇന്ന് വറ്റടി നടക്കും. ഇന്നലെ രാവിലെ ചോതി വിളക്കിലെ നാളം തേങ്ങാമുറികളിലേക്ക് പകർന്നതോടെ തൃക്കലശാട്ടചടങ്ങുകൾ ആരംഭിച്ചു. ഉത്സവസമാപനത്തിന്‍റെ ഭാഗമായി ശ്രീകോവിൽ പിഴുത് തിരുവഞ്ചിറയിൽ നിക്ഷേപിച്ചു. കലശമണ്ഡപത്തിൽ നിന്ന് മണിത്തറയിലേക്ക് തിരുവഞ്ചിറ മുറിച്ചുള്ള പാത ഓടകൾ കൊണ്ട് പ്രത്യേകമായി വേർതിരിച്ചു. തുടർന്ന് പ്രധാന തന്ത്രിമാർ സ്വർണം,വെള്ളി കുംഭങ്ങളിൽ പൂജിച്ചുവച്ച കളഭകുംഭങ്ങളുമായി വാദ്യഘോഷങ്ങളോടെ മുഖമണ്ഡപത്തിലേക്ക് നീങ്ങിയ ശേഷം സ്ഥാനികരോടൊപ്പം മണിത്തറയിൽ പ്രവേശിച്ച് ബ്രാഹ്ണരുടെയും അടിയന്തിര യോഗക്കാരുടെയും സാന്നിധ്യത്തിൽ സ്വയംഭൂവിൽ അഭിഷേകം ചെയ്തു. അഭിഷേകത്തിന് ശേഷം ബ്രാഹ്മണർ ചേർന്ന് പുഷ്പാജ്ഞലി കഴിച്ച് തീർഥവും പ്രസാദവും ആടിയ കളഭവും ഭക്തർക്ക് നിൽകി. കുടിപതികൾ തിടപ്പള്ളിയിൽ കയറി നിവേദ്യചേറും കടുംപായസവും മുളക്, ഉപ്പ് എന്നിവ മാത്രം ചേർത്ത് കഴിക്കുന്ന തണ്ടുമ്മൽ ഊൺ എന്ന ചടങ്ങ് നടത്തി. തുടർന്ന് മുതിരേരിക്കാവിലേക്ക് ആദിപരാശക്തിയുടെ വാൾ തിരിച്ചെഴുന്നള്ളിച്ചു. അമ്മാറക്കൽ തറയിൽ തൃച്ചന്ദനപ്പൊടി അഭിഷേകം നടത്തി ഭണ്ഡാരം ഇക്കരെക്ക് തിരിച്ചെഴുന്നള്ളിച്ചശേഷം സന്നിധാനത്ത് നിന്ന് എല്ലാവരെയും തിരിച്ചയച്ചു. ശേഷം യാത്രബലിയും നടത്തി പ്രധാന തന്ത്രി അക്കരെ കൊട്ടിയൂർ സന്നിധാനത്തിൽ നിന്നും മടങ്ങി. ഓച്ചറും പന്തക്കിടാവും തന്ത്രിയെ അനുഗമിച്ചു. പാമ്പറപ്പാൻ തോട് വരെ നിശ്ചിത സ്ഥാനങ്ങളിൽ ഹവിസ് തൂവി കർമങ്ങൾ നടത്തിയശേഷം തട്ട് പന്തക്കിടാവിന് കൈമാറി തിരിഞ്ഞു നോക്കാതെ തന്ത്രി കൊട്ടിയൂരിൽ നിന്ന് പടിഞ്ഞാറേക്ക് നടന്നു നീങ്ങിയതോടെയാണ് വൈശാഖോത്സവത്തിന് സമാപനമായത്. ഇതിനു ശേഷം ബലിബിംബങ്ങൾ ഇക്കരെ ക്ഷേത്രത്തിൽ പ്രതിഷ്ഠിച്ച് ഇവിടെയുള്ള നിത്യപൂജകൾക്ക് തുടക്കം കുറിച്ചു. ഭണ്ഡാരവും ചപ്പാരം വാളുകളും മണത്തണയിലേക്ക് തിരിച്ചെഴുന്നള്ളിച്ചു. ഇന്ന നടക്കുന്ന വറ്റടിയിൽ ജൻമശാന്തി പടിഞ്ഞീറ്റയും ഉഷകാപ്രവും അക്കരെ എത്തി സ്വയം ഭൂവിനെ അഷ്ടബന്ധം കൊണ്ട് മൂടും. തുടർന്ന് ഒരു ചെന്പ് ചോറ് നിവേദിച്ച് മടങ്ങും. ഇതോടു കൂടി അക്കരെ കൊട്ടിയൂർ സന്നിധാനം അടുത്ത വൈശാഖോത്സവം വരെയുള്ള 11 മാസം മനുഷ്യ സന്പർക്കമില്ലാതെയായിരിക്കും.

തെരുവു നായ നിയന്ത്രണത്തിന് എബിസി റൂളിൽ കേന്ദ്ര ഭേദഗതി വേണം: വെറ്ററിനറി അസോസിയേഷൻ

കണ്ണൂർ: തെരുവ് നായകളുടെ പ്രജനന നിയന്ത്രണത്തിനായുള്ള അനിമൽ ബർത്ത് കൺട്രോൾ ( എബിസി )റൂളിൽ കേന്ദ്ര സർക്കാർ ഭേദഗതി കൊണ്ടുവരണമെന്നും അതിലേക്കായി കേരള നിയമസഭ പ്രമേയം പാസാക്കണമെന്നും ഇന്ത്യൻ വെറ്ററിനറി അസോസിയേഷൻ സംസ്ഥാന ജനറൽ സെക്രട്ടറി ഡോ. വി.കെ.പി. മോഹൻകുമാർ. പ്രസ്ക്ലബിൽ സംഘടനയുടെ സംസ്ഥാന സമ്മേളനത്തോടനുബന്ധിച്ച്നടത്തിയ പത്രസമ്മേളനത്തിലാണ് ഇക്കാര്യം ആവശ്യപ്പെട്ടത്. നിലവിലെ നിയമ പ്രകാരം എബിസി നടപ്പാക്കുന്നതിൽ പ്രായോഗിക ബുദ്ധിമുട്ട് നേരിടുകയാണ്. ബ്ലോക്ക് അടിസ്ഥാനത്തിൽ എബിസി കേന്ദ്രങ്ങൾ ആരംഭിച്ചാൽ മാത്രമേ വർധിച്ചുവരുന്ന തെരുവ് നായ വർധന നിയന്ത്രിക്കാനാകൂ. 2000 നായകളെ എബിസി ചെ‌യ്ത ഡോക്ടറെ മാത്രമേ ഇത്തരം ജോലിക്ക് നിയോഗിക്കാവൂ എന്നാണ് 2023 ലെ പുതിയ കേന്ദ്ര റൂളിൽ പറയുന്നത്. നിലവിലെ എബിസി കേന്ദ്രങ്ങളിൽ അഞ്ചു വർഷം ജോലി ചെയ്താൽ മാത്രമേ പുതിയതായി കൂടുതൽ പേർക്ക് ഈ യോഗ്യത ലഭിക്കൂ. അതിനാൽ അടുത്ത അഞ്ചു വർഷം കേരളത്തിൽ പുതിയ എബിസി കേന്ദ്രം തുടങ്ങാനാകാതെ വരും. അങ്ങനെ വന്നാൽ അഞ്ചു വർഷത്തിനിടയിൽ നിലവിലുള്ളതും പുതിയതായി തെരുവിൽ ഉപേക്ഷിക്കുന്നതുമായ നായകൾ പെറ്റുപെരുകി നാട്ടിൽ കുഴപ്പമുണ്ടാക്കും. എബിസി ചെയ്യുന്ന തെരുവ് നായയ്ക്ക് പ്രജനനശേഷി നഷ്ടപ്പെടുമെങ്കിലും അവയ്ക്ക് പേ വിഷ ബാധയേൽക്കുകയും കടിച്ചാൽ മനുഷ്യർക്ക് പേ വിഷബാധയേൽക്കുകയും ചെയ്യും. മാത്രമല്ല എബിസിക്കായി പിടികൂടിയ നായയെ കോടതി ഉത്തരവ് പ്രകാരം പിടിച്ചി‌ടത്ത് കൊണ്ടു വിടുന്നതിനാൽ നായ ശല്യം കൂടിയ പ്രദേശത്ത് ശല്യം പഴയപടി തു‌ടരുകയും ചെയ്യും. അതിനാൽ തെരുവുനായ ഷെൽറ്റർ ആരംഭിച്ച് തെരുവു നായകളെ സംരക്ഷിക്കുകയാണ് പോം വഴിയെന്നും അദ്ദേഹം പറഞ്ഞു. പേ വിഷബാധയേറ്റ തെരുവു നായകളെ പിടികൂടി 3,7,14,21 ദിവസങ്ങളിൽ വാക്സിൻ നൽകി 120 ദിവസം നിരീക്ഷിച്ചതിനുശേഷമാണ് പിടികൂടിയ സ്ഥലത്തേക്ക് കൊണ്ടുവിടേണ്ടത്. എന്നാൽ പേ വിഷ ബാധയേറ്റതും രോഗബാധയില്ലാത്തതുമായ നായകളെ പിടികൂടി ഒരുമിച്ച് പാർപ്പിച്ചശേഷം കൃത്യമായി വാക്സിൻ നൽകാതെ തുറന്നുവിടുന്നത് സംസ്ഥാനത്ത് പേ ബാധിച്ച തെരുവു നായകളുടെ എണ്ണം കൂട്ടാൻ ഇടയാക്കുന്നതായി അദ്ദേഹം പറഞ്ഞു.

ആറളത്ത് നാല് കാട്ടാനകളെ വനത്തിലേക്ക് തുരത്തി

ഇരിട്ടി: ആറളം പുനരധിവാസ മേഖലയിലെ ജനവാസ കേന്ദ്രങ്ങളിൽ തമ്പടിച്ചിരുന്ന നാല് കാട്ടാനകളെ വനത്തിലേക്ക് തുരത്തി. ബ്ലോക്ക്10ൽ കോട്ടപ്പാറ ജലനിധി ടാങ്കിന് സമീപം നിലയുറപ്പിച്ചിരുന്ന നാല് കാട്ടാനകളെയാണ് ഏറെ നേരത്തെ പ്രയത്നത്തിനൊടുവിൽ ആറളം വന്യജീവി സങ്കേതത്തിലേക്ക് തുരത്തിയത്. കൊട്ടിയൂർ റേഞ്ചർ നിതിൻ രാജ്, ആർആർടി ഡപ്യൂട്ടി റേഞ്ചർ ഷൈനി കുമാർ എന്നിവരുടെ നേതൃത്വത്തിൽ 30 അംഗ ദൗത്യസംഘമാണ് ശ്രമകരമായ ദൗത്യത്തിൽ പങ്കെടുത്തത്. പുനരധിവാസ മേഖലയിലെ ബ്ലോക്ക് ഒന്പത് എംആർഎസ് ഭാഗത്തെ വട്ടക്കാടിനുള്ളിൽ തമ്പടിച്ചിരുന്ന രണ്ട് കൊമ്പനാനകളെ തുരത്തുന്നത് പ്രതികൂല കാലാവസ്ഥ കാരണം പരാജയപ്പെട്ടു.

ആഫ്രിക്കൻ ഒച്ചിനെ നശിപ്പിക്കാൻ കണ്ണൂർ കോർപറേഷൻ രംഗത്ത്

കണ്ണൂർ: ആഫ്രിക്കൻ ഒച്ചിനെ നശിപ്പിക്കാനുള്ള പ്രവൃത്തിയുമായി കണ്ണൂർ കോർപറേഷൻ. റെയിൽവേ സ്റ്റേഷൻ പരിസരത്ത് കാൽനടയാത്രക്കാർക്ക് ശല്യമായ ഒച്ചുകളെയാണ് തുരിശ് ലായനി കലക്കി തളിച്ച് നശിപ്പിച്ചത്. കൃഷി വകുപ്പ് ആഫ്രിക്കൻ ഒച്ചിനെ നശിപ്പിക്കാൻ യാതൊരു നടപടിയും സ്വീകരിക്കുന്നില്ലെന്ന് ആക്ഷേപം നിലനിൽക്കെയാണ് കോർപറേഷൻ നടപടിയുമായി രംഗത്തെത്തിയത്. ഒരുകിലോ കോപ്പർ സൾഫേറ്റ് 10 ലിറ്റർ വെള്ളത്തിൽ കലക്കി സ്പ്രേയർ ഉപയോഗിച്ച് പമ്പ് ചെയ്താണ് ഒച്ച് കൂട്ടത്തെ നശിപ്പിക്കുന്നത്. മുൻ വർഷത്തെ അപേക്ഷിച്ച് പത്തിരട്ടി വർധനവാണ് ഇത്തവണ പലയിടങ്ങളിലും കണ്ടുവരുന്നത്. ഇലകൾ തിന്ന് വ്യാപകമായി കൃഷി നശിപ്പിക്കുന്നത്തിന് പുറമേ ചില ആളുകൾക്ക് ഇവ ശരീരത്തിൽ തട്ടിയാൽ ചൊറിച്ചിൽ പോലുള്ള അലർജിയുണ്ടാകുന്നതായും കണ്ടുവരുന്നുണ്ട്. കാബേജ്, പച്ചക്കറി പോലുള്ളവയുടെ ഇലകൾ ഇവയെ കണ്ടെത്തുന്ന സ്ഥലത്തിന്‍റെ മൂലയിൽ കൂട്ടിയിടുകയും ഈ ഇല തിന്നാനായി ഒച്ചുകൾ കൂട്ടമായി എത്തുമ്പോൾ ഇവയെ തുരിശ് ലായനി തളിച്ച് നശിപ്പിക്കുകയും ചെയ്യുന്നതാണ് ഇപ്പോൾ കോർപറേഷൻ ചെയ്തുവരുന്ന രീതി. \ മേയർ മുസ്‌ലിഹ് മഠത്തിൽ, സ്റ്റാൻഡിംഗ് കമ്മിറ്റി ചെയർമാൻ സുരേഷ് ബാബു എളയാവൂർ, കൗൺസിലർ കെ.പി. അബ്ദുൾ റസാഖ്, സീനിയർ പബ്ലിക് ഹെൽത്ത് ഇൻസ്‌പെക്ടർ കെ.പി. പദ്മരാജൻ, പബ്ലിക് ഹെൽത്ത് ഇൻസ്‌പെക്ടർമാരായ സി.ആർ. സന്തോഷ് കുമാർ, കെ.ജി. ദീപാവല്ലി എന്നിവർ പങ്കെടുത്തു.

യൂത്ത് കോൺഗ്രസ്‌ കെയർ കൊട്ടിയൂർ

കണ്ണൂർ: വൈശാഖ മഹോത്സവം അവസാനിക്കാനിരിക്കെ കൊട്ടിയൂർ ക്ഷേത്ര പരിസരം മാലിന്യമുക്ത മാക്കണമെന്ന ലക്ഷ്യത്തോടെ യൂത്ത് കോൺഗ്രസ്‌ കണ്ണൂർ ജില്ലാ കമ്മിറ്റിയുടെ നേതൃത്വത്തിൽ കെയർ കൊട്ടിയൂർ മെഗാ ശുചീകരണ കാമ്പയിൻ രണ്ടാം വർഷവും സംഘടിപ്പിച്ചു. വൈശാഖ മഹോത്സവ സമാപനത്തോടനുബന്ധിച്ച് യൂത്ത് കോൺഗ്രസ്‌ സ്വാന്തന സേനയായ യൂത്ത് കെയറിന്‍റെ പേരിലാണ് പരിപാടി സംഘടിപ്പിച്ചത്. മെഗാ ശുചീകരണ പരിപാടിയുടെ ഉദ്ഘാടനം യൂത്ത് കോൺഗ്രസ്‌ ദേശീയ സെക്രട്ടറി പി.എൻ. വൈശാഖ് ഉദ്ഘാടനം ചെയ്യ്തു. ജില്ലാ പ്രസിഡന്‍റ് വിജിൽ മോഹനൻ അധ്യക്ഷത വഹിച്ചു.

വിത്ത് ഊട്ട് പദ്ധതിക്ക് തുടക്കമായി

ചെട്ടിയാംപറമ്പ്: ചെട്ടിയാംപറമ്പ് ഇടവകയുടെ നേതൃത്വത്തിൽ ആറളം വന്യജീവി സങ്കേതത്തിൽ വിത്തൂട്ട് പദ്ധതിയുടെ ഭാഗമായി ഫലവൃക്ഷങ്ങളുടെ വിത്തുകൾ നട്ടു. ഇടവകയിലെ കത്തോലിക്കാ കോൺഗ്രസ്, മാതൃവേദി, കെസിവൈഎം എന്നീ സംഘടനകളും വനം വകുപ്പും സംയുക്തമായാണ് ഫലവൃക്ഷത്തൈകൾ നട്ടത്. ആറളം വന്യജീവി സങ്കേതത്തിൽ നടന്ന ചടങ്ങിൽ അസിസ്റ്റന്‍റ് വൈൽഡ് ലൈഫ് വാർഡൻ രമ്യ രാഘവൻ, ഡപ്യൂട്ടി റേഞ്ച് ഓഫീസർ മുജീബ് റഹ്മാൻ, ഫോറസ്റ്റർ മനോജ്, ഇടവക വികാരി ഫാ. സെബാസ്റ്റ്യൻ പൊടിമറ്റം, ഗ്രേയ്സൺ ഉള്ളാഹയിൽ എന്നിവർ നേതൃത്വം നൽകി.

ദേശീയ പണിമുടക്ക്: എൽഐസി ഓഫീസുകൾക്ക് മുന്നിൽ പ്രകടനം നടത്തി

മട്ടന്നൂർ: ഒമ്പതിന് നടക്കുന്ന ദേശീയ പണിമുടക്കിന് മുന്നോടിയായി ഇൻഷ്വറൻസ് ജീവനക്കാരും ഏജന്‍റുമാരും ജില്ലയിലെ എൽഐസി ഓഫീസുകൾക്ക് മുന്നിൽ പ്രകടനവും പൊതുയോഗവും നടത്തി. എൽഐസി എംപ്ലോയീസ് യൂണിയൻ, എൽഐസി ഏജന്‍റ്സ് ഓർഗനൈസേഷൻ ഓഫ് ഇന്ത്യ, സെക്യൂരിറ്റി ആൻഡ് ലേബർ കോൺട്രാക്ട് വർക്കേഴ്സ് യൂണിയൻ എന്നിവയുടെ സംയുക്താഭിമുഖ്യത്തിലാണ് പരിപാടി സംഘടിപ്പിച്ചത്. കണ്ണൂരിൽ എൽഐസി എംപ്ലോയീസ് യൂണിയൻ കോഴിക്കോട് ഡിവിഷൻ പ്രസിഡന്‍റ് കെ. ബാഹുലേയൻ പൊതുയോഗം ഉദ്ഘാടനം ചെയ്തു, ഏജന്‍റ്സ് ഓർഗനൈസേഷൻ ജില്ലാ ട്രഷറർ ഒ. സജീവൻ, എൽഐസി എംപ്ലോയീസ് യൂണിയൻ കണ്ണൂർ കാസർഗോഡ്-ജില്ലാ കോ-ഓർഡിനേഷൻ കമ്മിറ്റി കൺവീനർ എം.കെ. പ്രേംജിത്ത്, സി.സി. വിനോദ്, ടി. മണി, പ്രദീപൻ കണ്ണോത്ത്, എ.എം. മനോഹരൻ, എം.എച്ച്. രാജേഷ് എന്നിവർ പ്രസംഗിച്ചു. തലശേരി ബ്രാഞ്ച് ഒന്നിൽ എ.പി. രജില, വി. വിജയകുമാരൻ, കെ. രമേശൻ, കെ. അനിൽ എന്നിവർ പ്രസംഗിച്ചു. തലശേരി ബ്രാഞ്ച് രണ്ടിൽ എം. അനിൽകുമാർ, കെ. അനിൽകുമാർ, സി. വി.സൂരജ് എന്നിവർ പ്രസംഗിച്ചു. മട്ടന്നൂരിൽ കെ. രമേശൻ. ജി. ഉത്തമൻ, ഇ. ചന്ദ്രൻ, എം. മനോജ്‌ എന്നിവർ പ്രസംഗിച്ചു. തളിപ്പറമ്പിൽ പി.വി. ഷിജു, കെ. ഗണേശൻ, സി.വി. മനീഷ എന്നിവർ പ്രസംഗിച്ചു. പയ്യന്നൂരിൽ ടി.വി.ഗണേശൻ, കെ.വി. വേണു, രമേഷ് പുതിയറക്കൽ എന്നിവർ പ്രസംഗിച്ചു.

നഗരസഭ ഓഫീസിനു മുന്നിൽ പ്രതിഷേധ സഭ നടത്തി

ഇരിട്ടി: തദ്ദേശ സ്വയംഭരണ സ്ഥാപനങ്ങളുടെ പ്രർത്തനങ്ങളെ അട്ടിമറിക്കുന്ന ഇടതു സർക്കാരിന്‍റെ നയങ്ങൾക്കെതിരെ നടത്തുന്ന സമരത്തിന്‍റെ ഭാഗമായി മുസ്‌ലിം ലീഗ് ജനപ്രതിനിധികളുടെ സംഘടനയായ ലോക്കൽ ബോഡി ഗവ. മെംബേഴ്‌സ് ലീഗ് (എൽജിഎംഎൽ )പേരാവൂർ നിയോജക മണ്ഡലം കമ്മിറ്റിയുടെ നേതൃത്വത്തിൽ ഇരിട്ടി നഗരസഭാ ഓഫീസിന് മുന്നിൽ പ്രതിഷേധ സഭ നടത്തി. മുസ്‌ലിം ലീഗ് ജില്ലാ വൈസ് പ്രസിഡന്‍റ് ഇബ്രാഹിം മുണ്ടേരി ഉദ്ഘാടനം ചെയ്തു. എൽജിഎംഎൽ ജില്ലാ സെക്രട്ടറി സമീർ പുന്നാട് അധ്യക്ഷത വഹിച്ചു. എൽജിഎംഎൽ നിയോജക മണ്ഡലം ചെയർമാൻ കെ.വി. റഷീദ്, ഇരിട്ടി നഗരസഭ വികസന സ്റ്റാൻഡിംഗ് കമ്മിറ്റി ചെയർപേഴ്‌സൺ പി.കെ. ബൽക്കീസ്, എൽജിഎംഎൽ നിയോജക മണ്ഡലം ജനറൽ സെക്രട്ടറി പി. ബഷീർ, ഇരിട്ടി നഗരസഭ കൗൺസിലർമാരായ വി.പി. റഷീദ്, കോമ്പിൽ അബ്ദുൾ ഖാദർ, എം.കെ. നജ്മുന്നിസ, ടി.കെ. ഷരീഫ, സി. സാജിദ എന്നിവർ പ്രസംഗിച്ചു.

വിദ്യാർഥികള്‍ക്കായി ‘ലെറ്റസ് വോട്ട്’ ഗെയിം പുറത്തിറക്കി

കണ്ണൂർ: വിദ്യാര്‍ഥികളെ വോട്ടിംഗ് പ്രക്രിയ പരിചയപ്പെടുത്താനും പോളിംഗ് ബൂത്തിലേക്ക് പോകുന്ന പുതിയ വോട്ടര്‍മാര്‍ക്ക് ആശയക്കുഴപ്പമില്ലാതെ വോട്ട് രേഖപ്പെടുത്താനും ജില്ലയില്‍ രൂപകല്പന ചെയ്ത വോട്ടര്‍ ബോധവത്കത്കരണ ഗെയിം "ലെറ്റ്സ് വോട്ട്' മുഖ്യതെരഞ്ഞെടുപ്പ് ഓഫീസര്‍ ഡോ. രത്തന്‍ യു. ഖേല്‍ക്കര്‍ ഓണ്‍ലൈനായി ഉദ്ഘാടനം ചെയ്തു. സബ് കളക്ടര്‍ കാര്‍ത്തിക് പാണിഗ്രഹിയുടെ നേതൃത്വത്തില്‍ തലശേരി എന്‍ജിനിയറിംഗ് കോളജിലെ കംപ്യൂട്ടര്‍ സയന്‍സ് വിഭാഗവുമായി സഹകരിച്ചാണ് വെര്‍ച്വല്‍ ഇലക്‌ഷന്‍ ഗെയിം തയാറാക്കിയത്. സിസ്റ്റമാറ്റിക് വോട്ടര്‍ എഡ്യുക്കേഷന്‍ ആന്‍ഡ് ഇലക്ടറല്‍ പാര്‍ട്ടിസിപ്പേഷന്‍ (സ്വീപ്പ്) പദ്ധതിയുടെ ഭാഗമായി തയാറാക്കിയ ഗെയിം ആറാം ക്ലാസ് മുതലുള്ള വിദ്യാര്‍ഥികള്‍ക്ക് ഉപയോഗിക്കാനാകും. ഇലക്‌ഷന്‍ നടപടി ക്രമങ്ങളിലേക്ക് യുവതലമുറയെ ആകര്‍ഷിക്കുന്നതിന് ഇത്തരം ഗെയിമുകള്‍ സഹായിക്കുമെന്ന് മുഖ്യതെരഞ്ഞെടുപ്പ് ഓഫീസര്‍ പറഞ്ഞു. തെരഞ്ഞെടുപ്പ് പ്രക്രിയയിലും വോട്ട് ചെയ്യുന്നതിലും യുവതലമുറയ്ക്ക് താത്പര്യമില്ലെന്നാണ് അടുത്തിടെ നടത്തിയ പഠനങ്ങള്‍ കാണിക്കുന്നത്. ഇത്തരം പ്രവണതകള്‍ കുറച്ച് വോട്ടവകാശമുള്ള മുഴുവന്‍ പേരേയും തെരഞ്ഞെടുപ്പ് പ്രക്രിയയില്‍ ഭാഗമാക്കുന്നതിന്‍റെ ഭാഗമായി തെരഞ്ഞെടുപ്പ് കമ്മീഷന്‍റെ നേതൃത്വത്തില്‍ മൊബൈല്‍ ഗെയിം ആപ് രണ്ടുമാസത്തിനുള്ളില്‍ പൂര്‍ത്തിയാക്കുമെന്നും ഓഫീസര്‍ പറഞ്ഞു. ഇലക്‌ഷന്‍ ലിറ്ററസി ക്ലബ് പ്രവര്‍ത്തനങ്ങളുടെ ഭാഗമായി സ്‌കൂള്‍, കോളജ് തലത്തില്‍ നിരവധി ബോധവത്കരണ പരിപാടികള്‍ കമ്മീഷന്‍ നടത്തുന്നുണ്ടെന്നും ഡോ. രത്തന്‍ യു. ഖേല്‍ക്കര്‍ പറഞ്ഞു. കളക്ടറേറ്റ് കോണ്‍ഫറന്‍സ് ഹാളില്‍ നടന്ന പരിപാടിയില്‍ ജില്ലാ കളക്ടര്‍ അരുണ്‍ കെ. വിജയന്‍ അധ്യക്ഷത വഹിച്ചു. തലശേരി സബ് കളക്ടര്‍ കാര്‍ത്തിക് പാണിഗ്രഹി മുഖ്യാതിഥിയായിരുന്നു. അസിസ്റ്റന്‍റ് കളക്ടര്‍ എഹ്തെദ മുഫസിര്‍, ഇലക്‌ഷന്‍ ഡപ്യൂട്ടി കളക്ടര്‍ കെ.കെ. ബിന്നി തുടങ്ങിയവർ പ്രസംഗിച്ചു.

കനത്ത കാറ്റിലും മഴയിലും ചെറുപുഴയിൽ വ്യാപക നാശനഷ്‌ടം

ചെറുപുഴ: കനത്ത കാറ്റിലും മഴയിലും ചെറുപുഴയിൽ നാശനഷ്‌ടം. ഇന്നലെ ഉച്ചകഴിഞ്ഞ് 2.15 ഓടെ ഉണ്ടായ കനത്ത കാറ്റിലും മഴയിലുമാണ് നാശനഷ്‌ടമുണ്ടായത്. ചെറുപുഴ ടൗണിൽ ബ‌സ്‌സ്റ്റാൻഡിനു സമീപം ടാക്സി സ്റ്റാൻഡിൽ നിർത്തിയിട്ടിരുന്ന കാറിനു മുകളിൽ മരം കടപുഴകി വീണു. കാറിന് കേടുപാടുകൾ ഒന്നും സംഭവിച്ചില്ല. കക്കറ സ്വദേശി നാരായണന്‍റേതായിരുന്നു കാർ. പരിസരത്ത് ആളുകളൊന്നും ഇല്ലാതിരുന്നതിനാൽ അപകടം ഒഴിവായി. ചെറുപുഴ പഞ്ചായത്തിന്‍റെ ഓഫീസ് പ്രവർത്തിച്ചിരുന്ന പഴയ കെട്ടിടത്തിന്‍റെ മേൽക്കൂരയുടെ അലൂമിനിയം ഷീറ്റുകൾ കാറ്റിൽ തകർന്നു. ഷീറ്റുകൾ താഴേയ്ക്കു വീഴാതിരുന്നതിനാൽ അപകടം ഒഴിവായി. നിരവധി സ്ഥാപനങ്ങൾ ഇവിടെ പ്രവർത്തിക്കുന്നുണ്ട്. ബസ്‌സ്റ്റാൻഡിലെ പഞ്ചായത്ത് കംഫർട്ട് സ്റ്റേഷനു പിന്നിലുള്ള തെങ്ങ് കടപുഴകി വീണു. ചെറുപുഴ ബസ്‌സ്റ്റാൻഡിൽ പോസ്റ്റ് ഓഫീസിനു മുന്നിലായി നിർത്തിയിട്ടിരുന്ന നിരവധി ബൈക്കുകൾ കാറ്റിൽ മറിഞ്ഞു വീണു. ചെറുപുഴ സെന്‍റ് ജോസഫ്സ് സ്കൂളിനു സമീപത്തെ സി.എം. ബേബിയുടെ ഉടമസ്ഥതയിലുള്ള വീടിനു മുകളിൽ അയൽവാസിയുടെ ഉണങ്ങിനിന്ന കൂറ്റൻ മരം പൊട്ടിവീണു. സമീപത്തെ പ്ലാവിൽ തട്ടിയതിനാൽ പ്ലാവും ഒടിഞ്ഞുവീണു. വീടിന്‍റെ ഷെയ്ഡുകൾ തകർന്നു. ഈ വീട്ടിൽ തുരുത്തേൽ ജോസും കുടുംബവും വാടകയ്ക്ക് താമസിക്കുകയാണ്. ഇന്നലെ പുലർച്ചെ മൂന്നോടെയാണു മരം വീഴുന്നത്. അപകടം നടക്കുമ്പോൾ ജോസും ഭാര്യയും രണ്ടു മക്കളും വീട്ടിലുണ്ടായിരുന്നു. പഞ്ചായത്തംഗം എം. ബാലകൃഷ്ണന്‍റെ നേതൃത്വത്തിൽ പഞ്ചായത്തിലെ ദുരന്ത നിവാരണ സേനാംഗങ്ങൾ വീടിനു മുകളിൽ നിന്നും മരം മുറിച്ചുമാറ്റി. ചെറുപുഴ ചെക്ക്ഡാമിനു സമീപം അരിമ്പയിൽ മഠത്തിക്കുഴിഞ്ഞൂർ ജെസി സെബാസ്റ്റ്യന്‍റെ വീടിനു മുകളിൽ തെങ്ങ് ഒടിഞ്ഞു വീണു. രണ്ട് വൈദ്യുതി തൂണുകളും പൊട്ടിവീണു. വീടിന്‍റെ 200 ഓളം ഓടുകൾ തകർന്നു. കോൺക്രീറ്റിന് പൊട്ടലുണ്ടോയെന്നു സംശയിക്കുന്നു. പഞ്ചായത്ത്, വില്ലേജ് അധികൃതർ സ്ഥലം സന്ദർശിച്ചു.

റോഡിലേക്ക് വളർന്ന കാടുകൾ കാഴ്ച മറയ്ക്കുന്നു

കാർത്തികപുരം: തളിപ്പറമ്പ്-മണക്കടവ് ടിസിബി റോഡിൽ കാഴ്ച മറച്ച് കാടുകൾ വളർന്നു നിൽക്കുന്നു. കാർത്തികപുരത്തിനും മണക്കടവിനും ഇടയിൽ പച്ചതുരുത്തിനു സമീപത്തെ വളവിലാണു റോഡിലേക്ക് ചാഞ്ഞ് മരങ്ങളുടെ ശിഖരങ്ങളും കാടുകളും വളർന്നു നിൽക്കുന്നത്. ഇതുവഴി കടന്നുപോകുന്ന വാഹനങ്ങളിലെ ഡ്രൈവർമാർക്ക് പരസ്പരം കാണാൻ കഴിയുന്നില്ലെന്ന് പരാതി ഉണ്ട്. അപകടങ്ങൾ നടക്കുന്ന വളവുകൂടിയാണിത്.ദിവസേന ദീർഘദൂര ബസുകൾ അടക്കം നൂറുകണക്കിന് വാഹനങ്ങൾ ഇതുവഴി കടന്നുപോകുന്നുണ്ട്. കാഴ്ച മറക്കുന്ന കാടുകൾ നീക്കം ചെയ്യണമെന്ന ആവശ്യത്തിലാണു നാട്ടുകാർ.

ഹയര്‍ സെക്കന്‍ഡറി തുല്യതാ പരീക്ഷ 10ന് ആരംഭിക്കും

കണ്ണൂർ: സംസ്ഥാന സാക്ഷരത മിഷന്‍ പൊതുവിദ്യാഭ്യാസ വകുപ്പുമായി ചേര്‍ന്ന് നടത്തുന്ന ഹയര്‍ സെക്കന്‍ഡറി തുല്യതാ പരീക്ഷ പത്തിനാരംഭിക്കും. ജില്ലയിലെ 16 കേന്ദ്രങ്ങളിലായി 1565 പേര്‍ ഹ്യുമാനിറ്റീസ്, കൊമേഴ്സ് വിഷയങ്ങളില്‍ പരീക്ഷ എഴുതും. പ്ലസ് വണ്‍ തുല്യതാ പരീക്ഷ എഴുതുന്ന 630 പേരില്‍ 474 സ്ത്രീകളും 156 പുരുഷന്മാരുമാണ്. ഇതില്‍ പട്ടികജാതി വിഭാഗത്തില്‍ 25 പേരും പട്ടികവര്‍ഗ വിഭാഗത്തില്‍ ഒരാളും പരീക്ഷ എഴുതുന്നുണ്ട്. 925 പേരാണ് പ്ലസ് ടു തുല്യതാ പരീക്ഷ എഴുതുന്നത്. ഇതില്‍ 733 സ്ത്രീകളും 192 പുരുഷന്മാരും ഉള്‍പ്പെടുന്നു. പട്ടികജാതി വിഭാഗത്തില്‍പ്പെട്ട 34 പേരും പട്ടികവര്‍ഗ വിഭാഗത്തില്‍പ്പെട്ട 16 പേരും പരീക്ഷ എഴുതുന്നുണ്ട്. ജിഎച്ച്എസ്എസ് ചാവശേരി, ഗവ. ബ്രണ്ണന്‍ എച്ച്എസ്എസ് തലശേരി, കെപിആര്‍ ജിഎച്ച്എസ്എസ് കല്യാശേരി, ജിഎച്ച്എസ്എസ് പള്ളിക്കുന്ന്, ജിഎച്ച്എസ്എസ് മാത്തില്‍, ജിബിഎച്ച്എസ്എസ് മാടായി, ജിഎച്ച്എസ്എസ് കൂത്തുപറമ്പ്, സീതീ സാഹിബ് എച്ച്എസ്എസ് തളിപ്പറമ്പ്, എച്ച്എസ്എസ് മട്ടന്നൂര്‍, മൂത്തേടത്ത് എച്ച്എസ്എസ് തളിപ്പറമ്പ് എന്നിവയാണ് പരീക്ഷാ കേന്ദ്രങ്ങള്‍. പഠിതാക്കള്‍ ബന്ധപ്പെട്ട സ്‌കൂളുകളില്‍ നിന്നും ഹാള്‍ടിക്കറ്റുകള്‍ കൈപ്പറ്റണമെന്ന് ജില്ലാ കോ-ഓര്‍ഡിനേറ്റര്‍ അറിയിച്ചു.

യുവാവിന് മർദനം; നാലുപേർക്കെതിരേ കേസ്

കുടിയാന്മല: ഭാര്യയുടെ വീട്ടിൽ പോയി മടങ്ങുകയായിരുന്ന യുവാവിനെ മർദിച്ചതിന് നാലുപേർക്കെതിരെ പോലീസ് കേസെടുത്തു. കുടിയാന്മലയിൽ വാടകയ്ക്ക് താമസിക്കുന്ന ആട്ടപ്പാട്ട് സിജോ ജോസിന്‍റെ (37) പരാതിയിൽ പൊട്ടൻപ്ലാവിലെ പി. ജോയി, വിൽസൺ, പ്രിൻസ്, ജിൻസ് എന്നിവർക്കെതിരെയാണ് കേസ്. കഴിഞ്ഞമാസം 29ന് രാത്രി 9.30 ഓടെയായിരുന്നു സംഭവം. പൊട്ടൻപ്ലാവിലാണ് സിജോയുടെ ഭാര്യയുടെ വീട്. ഇവിടെ നിന്ന് കുടിയാന്മലയിലേക്ക് കാറിൽ മടങ്ങുന്നതിനിടെ പൊട്ടൻപ്ലാവ് വളപ്പിൽ നിന്നും എതിരെ വന്ന കാറിന് സൈഡ് കൊടുക്കുന്നതിനായി വാഹനം നിർത്തിയിരുന്നു. ഇതിനിടെ കാറിലെത്തിയ നാലുപേരും ചേർന്ന് തന്നെ മർദിക്കുകയായിരുന്നുവെന്നാണു സിജോയുടെ പരാതി. എന്തിനാണ് ഇവിടെ നിർത്തിയിട്ടതെന്ന് ചോദിച്ചും സൈഡ് കൊടുത്തില്ലെന്ന് ആരോപിച്ചായിരുന്നു മർദനം.

കെഎസ്എസ്പിഎ കരിദിനാചരണം

ആലക്കോട്: കെഎസ്എസ്പിഎ ഇരിക്കൂർ നിയോജക മണ്ഡലം കമ്മിറ്റിയുടെ നേതൃത്വത്തിൽ ആലക്കോട് സബ് ട്രഷറിക്കു മുന്നിൽ കരിദിനാചരണം നടത്തി. പെൻഷൻ പരിഷ്കരണം അട്ടിമറിച്ചുവെന്നാരോപിച്ചും ഡിഎ കുടിശിക അനുവദിക്കാത്തതിലും മെഡിസെപ് കുറ്റമറ്റരീതിയിലാക്കാത്തതിലും പ്രതിഷേധിച്ചാണ് കരിദിനം ആചരിച്ചത്. ജില്ലാ ജോയിന്‍റ് സെക്രട്ടറി എം.പി. കുഞ്ഞിമൊയ്തീൻ ഉദ്ഘാടനം ചെയ്തു. ആലക്കോട് മണ്ഡലം പ്രസിഡന്‍റ് ചാക്കോ വർഗീസ്, ഇരിക്കൂർ നിയോജക മണ്ഡലം സെക്രട്ടറി കെ. ബാബു, സി.എം. മാത്യു, ഷാജു ജോസഫ്, വി.ടി. മാത്യു, പി. പദ്‌മനാഭൻ, പി.എ. ജോർജ്, കെ.വി. മുരളിധരൻ, പി.കെ. ഗിരിജാമണി, കെ.എം. ഡൊമിനിക് എന്നിവർ പ്രസംഗിച്ചു.

ചെമ്പേരി ലയൺസ് ക്ലബ് സ്ഥാനാരോഹണം നടത്തി

ചെമ്പേരി: ലയൺസ് ഇന്‍റർനാഷണൽ ചെമ്പേരി ക്ലബിന്‍റെ 2025-26 വർഷത്തെ ഭാരവാഹികളുടെ സ്ഥാനാരോഹണവും കമ്യൂണിറ്റി സർവീസിന്‍റെ ഭാഗമായുള്ള വീൽചെയർ വിതരണവും ചെമ്പേരി അമല ഓഡിറ്റോറിയത്തിൽ നടന്നു. നിയുക്ത ഫസ്റ്റ് വൈസ് ഡിസ്ട്രിക്‌ട് ഗവർണർ ടൈറ്റസ് തോമസ് ഉദ്ഘാടനം ചെയ്തു. ക്ലബ് പ്രസിഡന്‍റ് ഡെന്നീസ് ഏബ്രഹാം അധ്യക്ഷത വഹിച്ചു. സെക്രട്ടറി ജോഷി കുന്നത്ത് റിപ്പോർട്ട് അവതരിപ്പിച്ചു. നിയുക്ത റീജണൽ ചെയർമാൻ ദിനേശ് കുമാർ, ഏരുവേശി പഞ്ചായത്ത് പ്രസിഡന്‍റ് മിനി ഷൈബി, ജോയിന്‍റ് കാബിനറ്റ് സെക്രട്ടറിമാരായ മാർട്ടിൻ മാത്യു, സിജു കൊട്ടാരം, ഡിസ്ട്രിക്‌ട് കോ-ഓഡിനേറ്റർ പി.ഡി. തോമസ്, സോണൽ ചെയർപേഴ്സൺ ഡെന്നീസ് വാഴപ്പള്ളി, നിയുക്ത സെക്രട്ടറി റിജു സിറിയക്ക് എന്നിവർ പ്രസംഗിച്ചു. പഞ്ചായത്ത് പ്രസിഡന്‍റ് മിനി ഷൈബി വീൽചെയറുകൾ ഏറ്റുവാങ്ങി. 2025-26 വർഷത്തെ ക്ലബ് ഭാരവാഹികൾ: മാത്തുക്കുട്ടി അലക്സ്-പ്രസിഡന്‍റ്, റിജു സിറിയക്ക്-സെക്രട്ടറി, സോയിച്ചൻ അഗസ്റ്റിൻ-ട്രഷറർ.

തേർത്തല്ലി-ചപ്പാരപ്പടവ്-തളിപ്പറമ്പ് റൂട്ടിൽ വൈകുന്നേരം ബസില്ല; വിദ്യാർഥികൾ വലയുന്നു

തേർത്തല്ലി: തേർത്തല്ലി-ചപ്പാരപ്പടവ്-തളിപ്പറമ്പ് റൂട്ടിൽ വൈകുന്നേരം സ്കൂൾ വിടുന്പോൾ ബസ് ഇല്ലാത്തതിനാൽ വിദ്യാർഥികൾ വലയുന്നു. ഇതിനെതിരെ മേരിഗിരി ഹയർ സെക്കൻഡറി സ്കൂൾ മാനേജ്മെന്‍റും അധ്യാപകരും പിടിഎയും ആശങ്ക അറിയിച്ചു. മലയോര ഗ്രാമമായ തേർത്തല്ലി, മേരിഗിരി ഹയർ സെക്കൻഡറി സ്കൂൾ, ഹൈസ്കൂൾ, ഹയർ സെക്കൻഡറി വിഭാഗങ്ങളിൽ മാത്രം അഞ്ഞൂറിലധികം വിദ്യാർഥികളും, മേരിഗിരി ചെറുപുഷ്പം യുപി വിഭാഗത്തിലെ ഇരുന്നൂറിലധികം വിദ്യാർഥികളും വൈകുന്നേരങ്ങളിൽ സ്കൂൾ വിട്ടതിനുശേഷം ബസ് ലഭിക്കാത്തതിനാൽ ബുദ്ധിമുട്ടുകയാണ്. സ്കൂൾ സമയം പുതുക്കിയതോടെ 4.15 വരെയാണ് സ്കൂൾ പ്രവർത്തന സമയം. എന്നാൽ, മേരിഗിരിയിൽ നിന്നു ചപ്പാരപ്പടവ്, തളിപ്പറമ്പ് ഭാഗത്തേക്ക് വൈകുന്നേരം 3.30നുള്ള ബസ് കഴിഞ്ഞാൽ, ആറിനു മാത്രമേ അടുത്ത ബസ് ഉള്ളൂ. അതിനാൽ ചപ്പാരപ്പടവ്, തളിപ്പറമ്പ് ഭാഗത്തേക്ക് പോകേണ്ട വിദ്യാർഥികൾ ബുദ്ധിമുട്ട് അനുഭവിക്കുകയാണ്. ഈ സാഹചര്യത്തിൽ 4.15നും അഞ്ചിനും ഇടയിൽ വിദ്യാർഥികളുടെ സൗകര്യം പരിഗണിച്ച് ഒരു ബസ് സർവീസ് ക്രമീകരിക്കണമെന്ന ആവശ്യം ഉയരുകയാണ്.

ശ്രീകണ്ഠപുരം നഗരസഭ കുടുംബശ്രീ സിഡിഎസിന് ആദരം

ശ്രീകണ്ഠപുരം: നഗരസഭ കുടുംബശ്രീ സിഡിഎസിന് ആദരം. മൈക്രോ ഫിനാൻസ്, സംയോജനം, തനതുപ്രവർത്തനം എന്നീ മൂന്നു മേഖലകളിലും മികച്ച പ്രവർത്തനം കാഴ്ചവച്ച ജില്ലയിലെ കുടുംബശ്രീ സിഡിഎസിനുള്ള രണ്ടാം സ്ഥാനത്തിനുള്ള അവാർഡാണ് കരസ്ഥമാക്കിയത്. ജില്ലാ പഞ്ചായത്ത് ഹാളിൽ നടത്തിയ പരിപാടിയിൽ സിഡിഎസ് ചെയർപേഴ്സൺ എ. ഓമന അവാർഡ് സ്വീകരിച്ചു. കുടുംബശ്രീ ഇബ്ലിമെന്‍റിംഗ് ഓഫീസർ വി. പ്രേമരാജൻ, വൈസ് ചെയർപേഴ്സൺ കെ. രജിത, അക്കൗണ്ടന്‍റ് കെ. മേഘ, സിഡിഎസ് ഭാരവാഹികൾ തുടങ്ങിയവർ പങ്കെടുത്തു.

റീസർവേ ഓഫീസ് ശ്രീകണ്ഠപുരത്ത് നിലനിർത്തണം; എംഎൽഎ റവന്യൂ മന്ത്രിക്ക് കത്ത് നൽകി

ശ്രീകണ്ഠപുരം: പതിറ്റാണ്ടുകളായി പ്രവർത്തിച്ചിരുന്ന റീസർവേ ഓഫീസ് ശ്രീകണ്ഠപുരത്ത് തന്നെ നിലനിർത്തണമെന്നും ഇതിന് ആവശ്യമായ കെട്ടിടസൗകര്യം ഒരുക്കിയിട്ടുണ്ടെന്നും കാണിച്ച് സജീവ് ജോസഫ് എംഎൽഎ റവന്യൂ മന്ത്രി കെ. രാജന് കത്ത് നൽകി. കഴിഞ്ഞദിവസം ശ്രീകണ്ഠപുരത്ത് ചേർന്ന സർവകക്ഷി യോഗ തീരുമാനപ്രകാരമാണ് എംഎൽഎ മന്ത്രിക്ക് കത്ത് നൽകിയത്. ശ്രീകണ്ഠപുരം നഗരസഭ പ്രവർത്തിക്കുന്ന കെട്ടിടത്തിൽ തന്നെ പ്രസ്തുത ഓഫീസ് പ്രവർത്തിക്കാൻ ആവശ്യമായ സൗകര്യം ഏർപ്പെടുത്തുമെന്ന് നഗരസഭ അറിയിച്ചിട്ടുണ്ട്. റീസർവേ ഓഫീസ് നിലവിൽ പ്രവർത്തിക്കുന്ന കെട്ടിടത്തിന്‍റെ വാടകയും കെട്ടിടത്തിലെ അസൗകര്യങ്ങളുമാണ് ഓഫീസ് മാറ്റത്തിനു കാരണമെന്നാണ് അധികൃതർ അറിയിച്ചത്. സർവകക്ഷി യോഗത്തിൽ എംഎൽഎ നഗരസഭയോട് സൗജന്യമായി കെട്ടിട സൗകര്യം ഏർപ്പെടുത്തണമെന്ന് ആവശ്യപ്പെട്ടിരുന്നു. സർവകക്ഷിയോഗത്തിൽ നഗരസഭാധ്യക്ഷ ഡോ. കെ.വി. ഫിലോമിന, വികസനസമിതി സ്റ്റാൻഡിംഗ് കമ്മിറ്റി ചെയർമാൻ പി.പി. ചന്ദ്രാംഗതൻ, വാർഡ് കൗൺസിലർ വി.പി. നസീമ, ഇ.വി. രാമകൃഷ്ണൻ, വി.സി. രാമചന്ദ്രൻ, ടി.പി. സുനിൽകുമാർ, വി.വി. സേവി, എൻ.പി. സിദ്ദിഖ്, കെ. സലാഹുദീൻ, പി.സി. രമേശൻ, ഗോപി, സി.കെ. അലക്സ്, നഗരസഭ സെക്രട്ടറി ടി.വി. നാരായണൻ എന്നിവർ പങ്കെടുത്തു.

ഡോക്ടർമാരെ ആദരിച്ചു

നടുവിൽ: നടുവിൽ ബികെഎം ഇംഗ്ലീഷ് സ്കൂളിന്‍റെ ആഭിമുഖ്യത്തിൽ ഡോക്ടേഴ്സ് ഡേയിൽ നടുവിൽ സ്മൈൽ ഡെന്‍റൽ ക്ലിനിക് ഉടമ ഡോ. മാർട്ടിൻ റിച്ചാർഡിനെ ആദരിച്ചു. സ്കൂൾ മാനേജർ കെ.പി. ഹംസ പൊന്നാടണിയിച്ചു. പ്രിൻസിപ്പൽ പ്രേമചന്ദ്രൻ, അഡ്മിനിസ്ട്രേറ്റർ ഷറഫ് കത്തിച്ചാൽ, സ്റ്റാഫ് സെക്രട്ടറി ശാന്തി ജയ്സൺ എന്നിവർ പ്രസംഗിച്ചു. ആലക്കോട്: സെന്‍റ് മേരീസ് കോൺവന്‍റ് സ്കൂളിൽ ഡിസിഎൽ യൂണിറ്റിന്‍റെ ആഭിമുഖ്യത്തിൽ പൂർവ വിദ്യാർഥികളും വിവിധ ആശുപത്രികളിൽ സേവനം ചെയ്യുന്നവരുമായ ഡോ. ജിബിൻ ചാക്കോ, ഡോ. ബിബിൻ ജയിംസ്, ഡോ. അർച്ചന ബേബി, ഡോ. അമൽ ജോസ്, ഡോ. ജാസ്മിൻ ജോസ്, ഡോ. മനു സെബാസ്റ്റ്യൻ എന്നിവരെ ആദരിച്ചു. പ്രിൻസിപ്പൽ സിസ്റ്റർ റോസ് മേരി സിജെ ഉപഹാര സമർപ്പണം നടത്തി. സ്കൂൾ മാനേജർ സിസ്റ്റർ തോമസീന സിജെ അധ്യക്ഷത വഹിച്ചു. അധ്യാപകരായ ഡെയ്സി കിഷോർ, പ്രീതാ സജി,ഡിസിഎൽ കോ-ഓർഡിനേറ്റർ സോജി ജോസഫ്, റീത്താമ്മ റെജി എന്നിവർ പ്രസംഗിച്ചു. കുടിയാന്മല: ഫാത്തിമ യുപി സ്കൂൾ, ചെമ്പേരി റോട്ടറി ക്ലബ് എന്നിവയുടെ സംയുക്താഭിമുഖ്യത്തിൽ ഡോക്ടേഴ്സ് ദിനാചരണത്തിന്‍റെ ഭാഗമായി കുടിയാന്മല പിഎച്ച്സിയിലെ ഡോ. ഷക്കീർ മുഹമ്മദിനെ പൊന്നാടയണിയിച്ച് ആദരിച്ചു. റോട്ടറി ക്ലബ് പ്രസിഡന്‍റ് ജിജി കടുവാതൂക്കിൽ, പ്രഫ. വാസുദേവൻ നായർ, ജോമി ജോസ്, ടിന്‍റോ ജോസഫ്, അധ്യാപിക ജാസ്മിൻ എന്നിവർ പ്രസംഗിച്ചു. നവീൻ കുമാർ നയിക്കുന്ന "സയൻസ് ഓൺ വീൽസ്' ശാസ്ത്ര പരീക്ഷണ ബോ‌ധവത്കരണ ക്ലാസും നടന്നു. ചെമ്പേരി: വൈഎംസിഎ ചെമ്പേരി യൂണിറ്റിന്‍റെ ആഭിമുഖ്യത്തിൽ ഡോക്ടേഴ്സ് ഡേയും ചാർട്ടേഡ് അക്കൗണ്ടന്‍റ്സ് ദിനവും സംയുക്തമായി ആചരിച്ചു. വൈഎംസിഎ ഓഫീസിൽ മുതിർന്ന ചാർട്ടേഡ് അക്കൗണ്ടന്‍റ് പി.ഡി.തോമസ്, ഡോ. സ്റ്റെനിൻ ബാബു, ഡോ. സ്റ്റെമിൻ തോമസ് എന്നിവരെ പൊന്നാടയണിയിച്ച് മെമന്‍റോ നൽകി ആദരിച്ചു. വൈഎംസിഎ പ്രസിഡന്‍റ് ഷീൻ ഏബ്രഹാം അധ്യക്ഷത വഹിച്ചു. റോബി ഇലവുങ്കൽ, ജോസ് മേമടം, ജോഷി കുന്നത്ത്, ജോമി ജോസ് ചാലിൽ, ലിസിയാമ്മ ജോസഫ്, ലിജി ജോമി എന്നിവർ പ്രസംഗിച്ചു.

വളർത്തുനായ്ക്കളെ അഴിച്ചുവിടുന്നത്‌ പ്രദേശത്തെ ഭീതിയിലാക്കുന്നു

തേർത്തല്ലി: വളർത്തുനായ്ക്കളെ കെട്ടിയിടുകയോ കൂടുകളിലാക്കുകയോ ചെയ്യാതെ അഴിച്ചുവിടുന്നത് നാട്ടുകാരെ ഭീതിയിലാക്കുന്നു. ആലത്താംവളപ്പ് ചെറുപാറ റോഡിൽ പീക്കാച്ചേരി പാലത്തിനു സമിപം കൊടുംവളവിൽ റോഡരികിൽ തനിച്ച് താമസിക്കുന്ന സ്ത്രീ വളർത്തുന്ന നാലു നായകളെയാണ് ഏതു സമയവും അഴിച്ചു വിട്ടിരിക്കുന്നത്. റോഡരികിൽ തന്പടിക്കുന്ന ഇവ ഇരുചക്രവാഹാനയാത്രക്കാർക്കും കാൽനടയാത്രക്കാർക്കും കടുത്ത ഭീഷണിയാണ് ഉയർത്തുന്നത്. പലപ്പോഴും അക്രമോസ്തുകത കാട്ടുന്ന നായകൾ ഇരുചക്രവാഹനങ്ങൾ പിന്തുടർന്ന് ഓടുകയും കാൽനടയാത്രികരെ ആക്രമിക്കാൻ ശ്രമിക്കുന്നുമുണ്ട്. വാഹനങ്ങളുടെ ശബ്ദം കേൾക്കുന്പോൾ തന്നെ ആക്രമിക്കാൻ തയാറെടുത്തു നിൽക്കുന്ന നായകൾ വാഹനം അടുത്തെത്തുന്പോൾ ചാടിവീഴുകയാണ്. വാഹനം നിയന്ത്രണം വിട്ട് വീണ് പലർക്കും പരിക്കേറ്റിട്ടുണ്ട്. നിരവധി തവണ നായകളെ പുറത്തേക്ക് അഴിച്ചു വിടരുതെന്ന് ആവശ്യപ്പെട്ടിടും ഉടമ ഇതിനു തയാറാകുന്നില്ലെന്നും നാട്ടുകാർ പറഞ്ഞു. ചില സമയങ്ങളിൽ മറ്റു സ്ഥലങ്ങളിൽ നിന്നും വന്നതടക്കം പത്തോളം നായകളും പ്രദേശത്ത് തന്പടിക്കുന്നുണ്ട്.

നാലു വർഷ ബിരുദ പ്രോഗ്രാം ഉദ്ഘാടനം ചെയ്തു

ചെറുപുഴ: നാലുവർഷ ബിരുദ പ്രോഗ്രാമിലേക്ക് വിദ്യാർഥികളെ വരവേറ്റ് മാത്തിൽ ഗുരുദേവ് ആർട്സ് ആൻഡ് സയൻസ് കോളജ്. നാലുവർഷ ബിരുദ പ്രോഗ്രാമുകളിലേക്കുള്ള ഒന്നാം വർഷ വിദ്യാർഥികളുടെ പ്രവേശനത്തിന്‍റെ ഉദ്ഘാടനം കേരള ഉന്നത വിദ്യാഭ്യാസ മന്ത്രി ആർ. ബിന്ദു നിർവഹിച്ചു. കോഴിക്കോട് ഗവ. കോളജിൽ നടന്ന ചടങ്ങ് ഓൺലൈനിലൂടെ പ്രദർശിപ്പിച്ചു. ഗുരുദേവ് ആർട്സ് ആൻഡ് സയൻസ് കോളജിൽ നടന്ന ഉദ്ഘാടന ചടങ്ങിൽ ഒന്നാം വർഷ വിദ്യാർഥികളും അവരുടെ രക്ഷിതാക്കളും പങ്കെടുത്തു. കോള‌‌‌‌‌‌‌ജ് പ്രിൻസിപ്പൽ റവ. ഡോ. സാമുവൽ പുതുപ്പാടി അധ്യക്ഷത വഹിച്ചു. ഒന്നാം വർഷ വിദ്യാർഥികളെ കോളജിലേക്ക് അദ്ദേഹം സ്വാഗതം ചെയ്തു. കാങ്കോൽ-ആലപ്പടമ്പ് പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ സതീശൻ ഉദ്ഘാടനം ചെയ്തു. പ്രശസ്ത സിനിമാ താരം കെ.യു. മനോജ്‌ മുഖ്യാതിഥിയായിരുന്നു. കോളജ് ബർസാർ ഫാ. ഏബ്രഹാം പുന്നവിള, കോളജ് വൈസ് പ്രിൻസിപ്പൽ പി. വിനോദ് കുമാർ, പിടിഎ പ്രതിനിധി കെ. ഉണ്ണിക്കണ്ണൻ, കോളജ് കോ-ഓർഡിനേറ്റർ എ. മൃദുല, സ്റ്റാഫ്‌ സെക്രട്ടറി കെ.യു. സന്തോഷ്‌, നാക് കോ-ഓഡിനേറ്റർ പി.കെ. സിന്ധു, എഫ്‌വൈയുജിപി കോ-ഓഡിനേറ്ററും നോഡൽ ഓഫീസറുമായ കെ. സുമേഷ്, എൻഎസ്എസ് പ്രോഗ്രാം ഓഫീസർ ഷജ്ന ഗോവിന്ദൻ, കോളേജ് യൂണിയൻ ചെയർപേഴ്സൺ ദേവിക, നാക് കോ-ഓഡിനേറ്റർ എ.ടി.വി. ശ്രുതി എന്നിവർ പ്രസംഗിച്ചു. തുടർന്ന് ലഹരിവിരുദ്ധ ഫ്ലാഷ്മോബും തെരുവുനാടകവും അവതരിപ്പിച്ചു. സംഗീത നൃത്ത പരിപാടികളും നടന്നു. ശ്രീകണ്ഠപുരം: ശ്രീകണ്ഠപുരം എസ്ഇഎസ് കോളജിലെ നാലുവർഷ ബിരുദ പ്രോഗ്രാമുകളുടെ സ്ഥാപനതല ഉദ്ഘാടനം മുനിസിപ്പൽ വൈസ് ചെയർമാൻ കെ. ശിവദാസൻ നിർവഹിച്ചു. സംസ്ഥാനതല ഉദ്ഘാടനം മന്ത്രി ആർ. ബിന്ദു നിർവഹിച്ചു. കോളജ്തല ഉദ്ഘാടനത്തിന് പ്രിൻസിപ്പൽ ഡോ. റീന സെബാസ്റ്റ്യൻ അധ്യക്ഷത വഹിച്ചു. കോളജ് മാനേജർ വിനിൽ വർഗീസ്, സെക്രട്ടറി കൗൺസിലർ അജിത, സൈജോ ജോസഫ്, ഐക്യുഎസി കോ-ഓർഡിനേറ്റർ ഡോ. പി.പി. സീന, പിടിഎ പ്രതിനിധി രമേശൻ, ഡോ. കെ.വി. പ്രദീപ്, നാലുവർഷ ബിരുദ പ്രോഗ്രാം കോ-ഓർഡിനേറ്റർ അനുമോൾ തോമസ്, കെ.പി. ഫാഇസ്, ജെ.പി.ആദിത്ത്, എം.കെ. പുണ്യ പ്രകാശൻ, ഡോ. സൗമ്യ മരിയ ജേക്കബ് എന്നിവർ പ്രസംഗിച്ചു.

ഓണത്തിന് ഒരുകൊട്ടപ്പൂവ്; പൂക്കൃഷി തുടങ്ങി

ചെമ്പേരി: ഏരുവേശി പഞ്ചായത്ത് ഓണത്തിന് ഒരുകൊട്ടപ്പൂവ് പദ്ധതിയിൽ ഉൾപ്പെടുത്തി അനുഗ്രഹ ജെഎൽജിയുടെ ആഭിമുഖ്യത്തിൽ ചെമ്പേരിയിൽ പൂക്കൃഷി ആരംഭിച്ചു. പഞ്ചായത്ത് വൈസ് പ്രസിഡന്‍റ് മധു തൊട്ടിയിൽ നടീൽ ഉദ്ഘാടനം ചെയ്തു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ മോഹനൻ മൂത്തേടൻ അധ്യക്ഷത വഹിച്ചു. വാർഡ് മെംബർമാരായ ഏബ്രഹാം കാവനാടിയിൽ, അനില ജെയിൻ, അസിസ്റ്റന്‍റ് കൃഷി ഓഫീസർ കെ.വി. അശോക്‌കുമാർ, ജോസഫ് കൊട്ടുകാപ്പള്ളിൽ എന്നിവർ പ്രസംഗിച്ചു. അനുഗ്രഹ ജെഎൽജിയുടെ പ്രവർത്തകരായ രഞ്ജു, സെലിൻ, കാർത്തിക എന്നിവരാണ് കൃഷിക്ക് നേതൃത്വം നൽകുന്നത്. ചെമ്പേരി ബസ് സ്റ്റാൻഡിന് സമീപത്തെ അരയേക്കർ സ്ഥലത്താണ് ചെണ്ടുമല്ലി, വാടാമല്ലി എന്നീയിനങ്ങളിൽപ്പെട്ട ആയിരം ഹൈബ്രിഡ് പൂച്ചെടികൾ കൃഷി ചെയ്തി തിട്ടുള്ളത്. ചെറുപുഴ: ഓണത്തിന് ഒരുകൊട്ടപ്പൂവ് പദ്ധതിയുടെ ചെറുപുഴ പഞ്ചായത്ത്‌തല നടീൽ ഉദ്ഘാടനം നടത്തി. പാറോത്തും നീരിൽ ചെണ്ടുമല്ലിത്തൈകൾ നട്ട് പയ്യന്നൂർ ബ്ലോക്ക് പഞ്ചായത്തംഗം കെ.പി. നസീറ ഉദ്ഘാടനം ചെയ്തു. പഞ്ചായത്തംഗം സന്തോഷ്‌ ഇളയിടത്ത് അധ്യക്ഷത വഹിച്ചു. സിഡിഎസ് ചെയർപേഴ്സൺ കെ.വി. സുനിതകുമാരി, കൃഷി ഓഫിസർ പി. അഞ്ജു, അസി. കൃഷി ഓഫീസർ പി. ഗീത, കൃഷി അസിസ്റ്റന്‍റ് സുരേഷ് കുറ്റൂർ, കെ.ആർ. ശോഭന എന്നിവർ പ്രസംഗിച്ചു. പതിനെട്ടു ജെഎൽജി ഗ്രൂപ്പുകളാണ് ഈ വർഷം ചെണ്ടുമല്ലി കൃഷിയിൽ ഏർപ്പെട്ടിരിക്കുന്നത്.

ആക്രി സാധനങ്ങളുടെ കൈമാറ്റം; തളിപ്പറമ്പ് നഗരസഭയിൽ ക്രമക്കേടെന്ന്

തളിപ്പറമ്പ്: ആക്രി സാധനങ്ങളുടെ കൈമാറ്റവുമായി ബന്ധപ്പെട്ട് തളിപ്പറമ്പ് നഗരസഭയിൽ ക്രമക്കേട് കണ്ടെത്തി. മേയ് 22ന് ചേര്‍ന്ന നഗരസഭാ കൗണ്‍സിലില്‍ പ്രതിപക്ഷാംഗങ്ങൾ നടത്തിയ ആരോപണത്തെ തുടർന്ന് നടത്തിയ അന്വേഷണത്തിലാണ് സെക്ഷന്‍ ക്ലാര്‍ക്ക് വി.വി. ഷാജി ഗുരുതരമായ വീഴ്ച വരുത്തിയതായി സ്റ്റിയറിംഗ് കമ്മിറ്റി കണ്ടെത്തിയത്. സാധനങ്ങളുടെ തൂക്കം രേഖപ്പെടുത്തിയത് സാക്ഷ്യപ്പെടുത്താതിരുന്നത് ഉള്‍പ്പെടെ നഗരസഭയ്ക്ക് അധിക ബാധ്യത വരുത്തിയതില്‍ ഷാജിയുടെ ഭാഗത്ത് ഗുരുതരമായ വീഴ്ചയും അനാസ്ഥയുമുണ്ടായെന്ന് സ്റ്റിയറിംഗ് കമ്മറ്റി വിലയിരുത്തി. ഫയല്‍ പഠിച്ച ശേഷം വി.വി. ഷാജിക്കെതിരെ കൈക്കൊള്ളേണ്ട നടപടി സംബന്ധിച്ച് റിപ്പോര്‍ട്ട് ചെയ്യാന്‍ അന്വേഷണ ഉദ്യോഗസ്ഥയായി റവന്യൂവിഭാഗം അസി. സെക്രട്ടറി പി. ലേഖയെ സ്റ്റിയറിംഗ് കമ്മിറ്റി ചുമതലപ്പെടുത്തിയിട്ടുണ്ട്. 1,81,560 രൂപയ്ക്കാണ് തളിപ്പറമ്പ് മന്നയിലെ അഴീക്കോടന്‍റകത്ത് അബ്ദുള്‍ റഷീദ് സ്‌ക്രാപ്പ് ലേലം കൊണ്ടത്. ഇയാള്‍ക്ക് നല്‍കിയ അറിയിപ്പിന്‍റെ പകര്‍പ്പല്ലാതെ മറ്റ് നടപടിക്രമങ്ങളൊന്നും തന്നെ ഫയലില്‍ രേഖപ്പെടുത്തിയിട്ടില്ല. സാധനങ്ങളുടെ ഇനം തിരിച്ചുള്ള തൂക്കം മേലധികാരികളെക്കൊണ്ട് സാക്ഷ്യപ്പെടുത്തിയില്ലെന്നും കണ്ടെത്തി. 1,10,000 രൂപ മാത്രമാണ് ഈ ഇനത്തില്‍ നഗരസഭ ഫണ്ടില്‍ ഒടുക്കിയിട്ടുള്ളത്. പിതാവിനും മകനും അസുഖമായതിനാലും മകളുടെ വിവാഹത്തിരക്കിനായതിനാലുമാണ് നടപടി ക്രമങ്ങള്‍ പൂര്‍ത്തിയാക്കാതിരുന്നതെന്നാണ് വി.വി. ഷാജി സ്റ്റിയറിംഗ് കമ്മിറ്റിയെ അറിയിച്ചത്. എന്നാൽ, മാസങ്ങൾക്ക് മുന്നേ നടന്ന ക്രമക്കേടിൽ ഈയടുത്ത് നടന്ന വിവാഹം കാരണമായി എന്നു പറയുന്നതിൽ എന്ത് ന്യായമാണ് എന്നാണ് പ്രതിപക്ഷം ആരോപിക്കുന്നത്. ക്രമക്കേടിന് പിന്നിൽ നഗരസഭ ഭരണം നടത്തുന്നവർക്ക് പങ്കുണ്ടെന്നും കോൺഗ്രസ് നിയന്ത്രണത്തിലുള്ള നഗരസഭാ ജീവനക്കാരുടെ സംഘടനയുടെ കണ്ണൂർ-കാസർഗോഡ് ജില്ലാ പ്രസിഡന്‍റാണ് വി.വി. ഷാജിയെന്നും പ്രതിപക്ഷം ആരോപിക്കുന്നു. കൗൺസിൽ യോഗത്തിൽ ഭരണ-പ്രതിപക്ഷ കൈയാങ്കളി ആക്രി സാധനങ്ങൾ കൈമാറ്റം ചെയ്തതിൽ ക്രമക്കട് നടന്നത് സംബന്ധിച്ച് ക്രമക്കേട് നടത്തിയ ഉദ്യോഗസ്ഥനെ സംരക്ഷിക്കുന്നതായി ആരോപിച്ച് തളിപ്പറമ്പ് നഗരസഭാ കൗൺസിൽ യോഗത്തിൽ പ്രതിപക്ഷവും ഭരണപക്ഷവും തമ്മിൽ രൂക്ഷമായ വാക്കേറ്റവും കൈയാങ്കളിയും. ഇന്നലെ രാവിലെ നടന്ന കൗൺസിൽ യോഗത്തിലാണ് ഭരണ പ്രതിപക്ഷങ്ങൾ തമ്മിൽ കൊമ്പുകോർത്തത്. ഇതേക്കുറിച്ച് പ്രതിപക്ഷ അംഗം സി.വി. ഗിരീശൻ ഉന്നയിച്ച ചോദ്യമാണ് ഏറ്റുമുട്ടലിൽ കലാശിച്ചത്. ഫയല്‍ പഠിച്ച ശേഷം വി.വി. ഷാജിക്കെതിരേ കൈക്കൊള്ളേണ്ട നടപടി സംബന്ധിച്ച് റിപ്പോര്‍ട്ട് ചെയ്യാന്‍ അന്വേഷണ ഉദ്യേഗസ്ഥയായി റവന്യൂ വിഭാഗം അസി. സെക്രട്ടറി പി. ലേഖയെ സ്റ്റിയറിംഗ് കമ്മിറ്റി ചുമതലപ്പെടുത്തിയതിനെതിരേ കൗൺസിലിൽ പ്രതിപക്ഷ നേതാവ് ഒ. സുഭാഗ്യം, സി.വി. ഗിരീശൻ, കെ.എം. ലത്തീഫ്, വി. വിജയൻ എന്നിവർ ചോദ്യങ്ങളുമായി എഴുന്നേറ്റു. ഇത് സപ്ലിമെന്‍ററി അജൻഡയിൽ അവസാനമായി ചർച്ച ചെയ്യാമെന്ന ചെയർപേഴ്സൻ മുർഷിദ കൊങ്ങായി പറഞ്ഞത് അംഗീകരിക്കാനാവില്ലെന്നും മുഖ്യ അജൻഡയിൽ ഒന്നാമതായി ഉൾപ്പെടുത്തണമെന്നും പ്രതിപക്ഷം വാദിച്ചു. ഇതിനെതിരേ വൈസ് ചെയർമാൻ കല്ലിങ്കീൽ പദ്മനാഭൻ, പി.സി നസീർ, പി.പി മുഹമ്മദ് നിസാർ, എം.കെ. ഷബിത എന്നിവരും രംഗത്തിറങ്ങി. പിന്നീട് ഇരു വിഭാഗവും തമ്മിൽ ഇരിപ്പിടം വിട്ട് എഴുന്നേറ്റ് വാക്കേറ്റവും കയ്യാങ്കളിയുമായി. തുടർന്ന് ചെയർപേഴ്സൺ കൗൺസിൽ യോഗം പിരിച്ചു വിടുകയായിരുന്നു. ഗുരുതരമായ ക്രമക്കേട് നടന്നതിനെതിരേ അന്വേഷണം വേണമെന്നാവശ്യപ്പെട്ട് ഒ. സുഭാഗ്യത്തിന്‍റെ നേതൃത്വത്തിൽ കൗൺസിലർമാർ നഗരസഭാ ഓഫീസ് കവാടത്തിന് മുന്നിൽ ധർണ നടത്തി. ധർണ നഗരസഭാ മുൻ വൈസ് ചെയർമാനും സിപിഎം നേതാവുമായ ടി. ബാലകൃഷ്ണൻ ഉദ്ഘാടനം ചെയ്തു. പ്രതിപക്ഷം നടത്തിയത് രാഷ്ട്രീയപ്രേരിത നീക്കം: ചെയര്‍പേഴ്‌സന്‍. തളിപ്പറമ്പ് നഗരസഭാ കൗണ്‍സില്‍ യോഗത്തില്‍ പ്രതിപക്ഷമുണ്ടാക്കിയ പ്രശ്‌നങ്ങള്‍ ജനാതിപത്യ പരമല്ലെന്ന് ചെയര്‍പേഴ്സൺ മുര്‍ഷിദ കൊങ്ങായി പ്രസ്താവനയില്‍ അറിയിച്ചു. കൗണ്‍സിലില്‍ ഉന്നയിച്ച വിഷയം തന്നെയാണ് ചോദ്യമായി എഴുതി തന്നത്. അതുകൊണ്ട് തന്നെ ആ ചോദ്യം അജൻഡയില്‍ ഉള്‍പെടുത്താതിരിക്കാനുള്ള വിവേചനാധികാരം ചെയര്‍പേഴ്‌സനുണ്ട്. മുന്‍ കൗണ്‍സിലില്‍ ഉന്നയിച്ച വിഷയം ഇന്നലത്തെ സപ്ലിമെന്‍ററി അജൻഡയില്‍ രണ്ടാമതായി വിശദമായി പ്രതിപാതിച്ചിട്ടുള്ളതാണ്. ചോദ്യം അജൻഡയില്‍ ഉള്‍പെടുത്താതിരുന്നത് കൗണ്‍സിലറുടെ അവകാശം നിഷേധിക്കലല്ല. വീഴ്ച കണ്ടെത്തിയ ഉദ്യോഗസ്ഥനെതിരേ നടപടിയുമായി മുന്നോട്ട് പോകുന്ന സാഹചര്യത്തിലും തികച്ചും രാഷ്ട്രീയ പ്രേരിതമായാണ് ഈ വിഷയങ്ങള്‍ കൗണ്‍സില്‍ അജൻഡ തുടങ്ങുന്നതിനു മുമ്പ് ഉന്നയിച്ച് കൗണ്‍സില്‍ അലങ്കപ്പെടുത്തിയത്. ഇത് തികച്ചും ജനാധിപത്യ വിരുദ്ധമാണ്. വരാന്‍ പോകുന്ന തദ്ദേശ തിരഞ്ഞെടുപ്പ് മുന്നില്‍ കണ്ട് നടത്തുന്ന പ്രതിപക്ഷത്തിന്‍റെ രാഷ്ട്രീയ പ്രേരിതമായ നീക്കങ്ങള്‍ ജനങ്ങള്‍ തിരിച്ചറിയണമെന്നും ചെയര്‍പേഴ്‌സന്ൺ പ്രസ്താവനയില്‍ പറഞ്ഞു.

മലയോരത്ത് നാശം വിതച്ച് കാറ്റും മഴയും

ശ്രീകണ്ഠപുരം: കനത്ത കാറ്റും മഴയും മലയോരത്ത് വ്യാപകനാശം. ശ്രീകണ്ഠപുരം, ചെങ്ങളായി, മലപ്പട്ടം, മടമ്പം, ഇരിക്കൂർ മേഖലയിലാണ് വ്യാപക നാശനഷ്ടമുണ്ടായത്. ശ്രീകണ്ഠപുരം-ഇരിക്കൂർ സംസ്ഥാന പാതയിൽ തൃക്കടമ്പിൽ മരംകടപുഴകി വീണ് ഗതാഗതം തടസപ്പെട്ടു. വൈദ്യുതി ലൈനുകളും തകർന്നു. ശ്രീകണ്ഠപുരം-അഡൂര്‍-മലപ്പട്ടം റോഡില്‍ മണ്ണിടിച്ചില്‍ ഉണ്ടായി. വൈദ്യുത തൂൺ റോഡിലേക്ക് വീണ് ഗതാഗതം തടസപ്പെട്ടു. കെഎസ്ഇബി ജീവനക്കാരും നാട്ടുകാരും വാർഡ് മെംബറുടെ നേതൃത്വത്തിൽ ഏറെ പ്രയാസപ്പെട്ടാണ് മരം മുറിച്ചുമാറ്റിയത്. ചെറുകൊളന്ത കയറ്റത്തിൽ മണ്ണിടിഞ്ഞുവീണ് ഗതാഗതം ഭാഗികമായി തടസപെട്ടു. മരങ്ങളും കടപുഴകിവീണു. താഴ്ന്ന ഭാഗങ്ങളിൽ വെള്ളക്കെട്ട് രൂക്ഷമായി. മലയോരത്ത് നാശം വിതച്ച് കാറ്റും മഴയും വലിയ മരങ്ങൾ കടപുഴകി ചെങ്ങളായി തവറൂലിലെ എം.ടി. വിമലയുടെ വീടിന് മുകളിൽ പതിച്ച് കെട്ടിടത്തിന് സാരമായ കേടുപാടുകൾ സംഭവിച്ചു.

കൊട്ടിയൂരിൽ ഇന്ന് അത്തം ചതുശതവും വാളാട്ടവും; നാളെ തൃക്കലശാട്ട്

കൊട്ടിയൂർ: വൈശാഖ മഹോത്സവത്തിന്‍റെ അത്തം നാളിലെ ചടങ്ങ് ഇന്ന് നടക്കും. വാളാട്ടം, കുടിപതികളുടെ തേങ്ങയേറ്, പായസ നിവേദ്യം, കൂത്ത് സമർപ്പണം എന്നിവ ഉണ്ടായിരിക്കും. അത്തം നാളിലേത് പന്തീരടിക്ക് നടക്കുന്ന അവസാനത്തെ ശീവേലിയായിരിക്കും. ശീവേലി സമയത്ത് ചപ്പാരം ക്ഷേത്രത്തിലെ മൂന്ന് വാളുകളും എഴുന്നള്ളിച്ച് ഏഴില്ലക്കാരായ വാളാശൻമാർ വാളാട്ടം നടത്തും. തിടമ്പുകൾ വഹിക്കുന്ന ബ്രാഹ്മണർക്കഭിമുഖമായി മൂന്ന് പ്രദക്ഷിണം വയ്ക്കും. തിടമ്പുകളിൽ നിന്ന് ദേവചൈതന്യം വാളുകളിലേക്ക് ആവാഹിക്കപ്പെടുമെന്നാണ് വിശ്വാസം. തുടർന്ന് കുടിപതികൾ പൂവറക്കും അമ്മാറക്കൽ തറയ്ക്കും മധ്യേയുള്ള സ്ഥാനത്ത് തേങ്ങയേറും നടത്തും. നാലാമത് വലിയവട്ടളം പായസം അത്തം നാളിൽ ഭഗവാന് നിവേദിക്കും. ഈ ദിവസം ആയിരംകുടം അഭിഷേകവും ഉണ്ടാകും. രാത്രിയിൽ പൂജയോ നിവേദ്യങ്ങളോ ഉണ്ടാകില്ല.അന്നേ ദിവസം കൂത്ത് സമർപ്പണവും നടക്കും. നാളെ തൃക്കലശാട്ടോടെ വൈശാഖോത്സവം സമാപിക്കും.

കൊട്ടിയൂരിലെ കുരുക്കഴിക്കാൻ പോലീസിന്‍റെ മാസ്റ്റർ പ്ലാൻ

കണ്ണൂർ: കൊട്ടിയൂർ മഹാദേവ ക്ഷേത്ര വൈശാഖ മഹോത്സവ സമയത്തുണ്ടാകുന്ന ഗതാഗത കുരുക്ക് ഒഴിവാക്കാൻ പോലീസിന്‍റെ മാസ്റ്റർ പ്ലാൻ. പേരാവൂർ ഡിവൈഎസ്പി എം.പി. ആസാദിന്‍റെ നേതൃത്വത്തിലാണ് മാസ്റ്റർ പ്ലാൻ തയാറാക്കിയത്. 2026 ലെ ഉത്സവസീസൺ തുടങ്ങുന്നതിന് മുന്പ് മാസ്റ്റർ പ്ലാൻ നടപ്പിലാക്കണമെന്നാണ് നിർദേശം. ഉത്തരമേഖലാ ഐജി രാജ്പാൽ മീണ, കണ്ണൂർ റേഞ്ച് ഡിഐജി യതീഷ് ചന്ദ്ര, കണ്ണൂർ റൂറൽ എസ്പി. അനൂജ് പലിവാൽ എന്നിവരുടെ നിർദേശാനുസരണമാണ് മാസ്റ്റർ പ്ലാൻ തയാറാക്കിയത്. പ്രധാനപ്പെട്ട നിർദേശങ്ങൾ 4 വർധിച്ചു വരുന്ന തീർഥാടക പ്രവാഹം പരിഗണിച്ച് കുറഞ്ഞത് പതിനായിരത്തിലധികം വാഹനങ്ങളെങ്കിലും ഒരേസമയം പാർക്ക് ചെയ്യാൻ പറ്റുന്ന തരത്തിൽ പാർക്കിംഗ് സൗകര്യങ്ങൾ വികസിപ്പിക്കണം. സമാന്തര പാതയ്ക്ക് സമീപം ഉൾപ്പെടെ എല്ലായിടത്തും സ്വകാര്യ പാർക്കിംഗ് പ്രോത്സാഹിപ്പിക്കണം. 4എല്ലാ പ്രധാന പാർക്കിംഗുകളുടെയും എൻട്രിയും എക്സിറ്റും മെയിൻ റോഡിലേക്കായതിനാൽ അത് ഗതാഗത കുരുക്കിന് കാരണമാകുന്നുണ്ട്. അത് ഒഴിവാക്കുന്നതിന് കെഎസ്ആർടിസി ബസ് സ്റ്റാൻഡിനോട് ചേർന്ന് പുതുതായി ഒരു ബസ് ബേ നിർമിക്കണം. 4കേളകം ഭാഗത്തുനിന്ന് കൊട്ടിയൂർ ദർശനത്തിനുള്ള ഭക്തരെയും കയറ്റി വരുന്ന എല്ലാ വാഹനങ്ങളും കെഎസ്ആർടിസി ബസ് സ്റ്റാൻഡിനോട് ചേർന്ന് നിർമിക്കാൻ ഉദ്ദേശിക്കുന്ന പുതിയ ബസ് ബേയിൽ ആളുകളെ ഇറക്കിയശേഷം ചെറിയ വാഹനങ്ങൾ പാർക്കിംഗ്-ഒന്നിൽ പാർക്ക് ചെയ്യുകയും ബസുകൾ പുതിയ ബസ് ബേ വഴി മെയിൻ റോഡിൽ കയറി മന്ദംചേരിയിലെ ബസ് പാർക്കിംഗിലേക്ക് പോയി പാർക്ക് ചെയ്യുക. 4കെഎസ്ആർടിസി ബസ് സ്റ്റാൻഡിനോട് ചേർന്നുള്ള പുതുതായി നിർമിക്കുന്ന ബസ് ബേയിൽ ഇറങ്ങുന്ന തീർഥാടകർ മെയിൻ റോഡിൽ പ്രവേശിക്കാതെ ബസ് സ്റ്റാൻഡിനോട് ചേർന്നുള്ള നടപ്പാതയിലൂടെ ഒന്നാം പാലം വഴി അക്കരെ കൊട്ടിയൂരിലേക്ക് പ്രവേശിക്കണം. 4 ഒന്നാം പാലം വഴിയും മന്ദംചേരി പാലം വഴിയും മറ്റ് വഴികളിലൂടെയും അക്കരെ കൊട്ടിയൂർ ക്ഷേത്രത്തിലേക്ക് എത്തുന്ന മുഴുവൻ തീർഥാടകരും ദർശനത്തിനുശേഷം രണ്ടാം പാലം വഴി പുറത്തേക്ക് വരേണ്ടതാണ്. 4നിലവിൽ തിരുവഞ്ചിറയിലേക്ക് ഇറങ്ങുന്ന മേൽപ്പാലത്തിനു സമാന്തരമായി ഇക്കരെ കൊട്ടിയൂരിൽ നിന്നും ഒന്നാം പാലം വഴി വരുന്ന ഭക്തജനങ്ങൾക്കും ശീവേലിക്ക് തടസം വരാത്ത രീതിയിൽ മറ്റൊരു മേൽപ്പാലം പണിയുക. 4 പാമ്പറപ്പാൻ പാലം മുതൽ മന്ദംചേരി ജംഗ്ഷൻ വരെ റോഡിന് ഇരുവശവും നടപ്പാത നിർമിച്ച് തീർഥാടകർ റോഡിലേക്ക് ഇറങ്ങാത്ത രീതിയിൽ നടപ്പാതക്ക് ഇരുവശവും സ്ഥിരം ബാരിക്കേഡുകൾ സ്ഥാപിക്കണം. 4മന്ദംചേരി പുഴക്ക് സമീപമുള്ള പാർക്കിംഗിന് പ്രത്യേകം എൻട്രി എക്സിറ്റ് പാർക്കിംഗിന് ഇരുവശങ്ങളിലുമായി വലിയ വാഹനങ്ങൾക്കു കൂടി കയറുവാനും ഇറങ്ങുവാനും പാകത്തിൽ നിർമിക്കുക. 4സമാന്തരപാതയോട് ചേർന്നുള്ള പാർക്കിംഗിൽ അടിസ്ഥാന സൗകര്യങ്ങൾ വർധിപ്പിക്കുകയും കേളകം ഭാഗത്ത് നിന്നും സമാന്തര പാത വഴി വരുന്ന വാഹനങ്ങൾ പാർക്കിംഗ് രണ്ടിൽ പാർക്ക് ചെയ്യുകയും ചെയ്യുക. 4സമാന്തരപാതയോട് ചേർന്നുള്ള പാർക്കിംഗിൽ ഇറങ്ങുന്ന ഭക്തജനങ്ങൾക്ക് അക്കരെ കൊട്ടിയൂർ ക്ഷേത്രത്തിലേക്ക് പ്രവേശിക്കുന്നതിനായി നടപ്പാത ഉണ്ടാക്കണം. 4 മാനന്തവാടി ഭാഗത്തുനിന്ന് തീർഥാടകരെയും കൊണ്ട് വരുന്ന ബസുകൾ മന്ദംചേരി ബസ് പാർക്കിംഗിൽ ആളുകളെ ഇറക്കുകയും പാർക്ക് ചെയ്യുകയും ചെയ്യുക, ചെറു വാഹനങ്ങൾ മന്ദംചേരി പുഴക്ക് സമീപമുള്ള പാർക്കിംഗിൽ ആളുകളെ ഇറക്കി പാർക്ക് ചെയ്യുക. 4അവധിദിനങ്ങളിലും തിരക്കേറിയ ദിവസങ്ങളിലും വയനാട് ഭാഗത്തേക്ക് പോകുന്നതും വരുന്നതുമായ തീർഥാടകർ ഒഴികെയുള്ള വാഹനങ്ങൾ നിടുംപൊയിൽപേരിയ റോഡ് ഉപയോഗിക്കേണ്ടതാണ്. 4ദർശനം കഴിഞ്ഞു തിരിച്ചു പോകുന്ന തീർത്ഥാടകരെ പാർക്കിംഗിൽ വെച്ചു മാത്രമേ കയറ്റുവാൻ പാടുള്ളൂ. യാതൊരു വാഹനങ്ങളും റോഡിൽ നിർത്തി ആളുകളെ ഇറക്കുവാനോ, കയറ്റുവാനോ പാടുള്ളതല്ല. 4അക്കരെ ഇക്കരെ കൊട്ടിയൂർ ക്ഷേത്രങ്ങളെ ബന്ധിപ്പിച്ച് മെയിൻ റോഡിനു കുറുകെ രണ്ടാം പാലം വഴി മടങ്ങുന്ന തീർത്ഥാടകർക്കായി താല്കാലിക മേൽപാലം പണിയേണ്ടതാണ്. സുരക്ഷാ നിർദേശങ്ങൾ 4 ബാവലി പുഴയിൽ സുരക്ഷാ മാനദണ്ഡങ്ങൾ പാലിച്ചു കൊണ്ടുള്ള സ്ഥിരം സ്നാനഘട്ടം നിർമിക്കണം. 4സ്നാനഘട്ടം ഒഴികെയുള്ള ഭാഗങ്ങളിൽ ഭക്തജനങ്ങൾ പുഴയിലേക്കിറങ്ങാതിരിക്കുവാൻ പുഴയുടെ ഇരുവശവും സ്ഥിരം ബാരിക്കേഡുകൾ നിർമിക്കണം. 4കയർ കെട്ടി തീർഥാടകരെ നിയന്ത്രിക്കുന്നതിന് ഹൈക്കോടതി വിലക്കുള്ളതിനാൽ സ്ഥിരം ബാരിക്കേഡുകൾ സ്ഥാപിച്ച് സെഗ്മന്‍റുകൾ തിരിച്ച് ഭക്തജനങ്ങളുടെ തിരക്ക് നിയന്ത്രിക്കണം. 4 അക്കരെ ഇക്കരെ കൊട്ടിയൂരിൽ അടിസ്ഥാന സൗകര്യങ്ങൾ വർധിപ്പിച്ചു കൊണ്ടുള്ള പോലീസ് കൺട്രോൾ റൂം സ്ഥാപിക്കേണ്ടതാണ്. 4അമ്പായത്തോട് മുതൽ ചുങ്കക്കുന്നുവരെയും സമാന്തര പാതയിലും പാർക്കിംഗുകളിലും അക്കരെ കൊട്ടിയൂർ മുഴുവൻ കവർ ചെയ്യുന്ന രീതിയിലും പുഴയോരങ്ങളിലും സിസിടിവി കാമറകളും അനൗൺസ്മെന്‍റ് സിസ്റ്റവും സ്ഥാപിച്ച് അക്കരെ ഇക്കരെ പോലീസ് കൺട്രോൾ റൂമുകളുമായി ബന്ധിപ്പിക്കേണ്ടതാണ്. 4കാണാതാകുന്നവരെയും വഴി തെറ്റി പോകുന്നവരെയും പ്രായമായ ആളുകളെയും സഹായിക്കുന്നതിനായി കാര്യക്ഷമമായ സംവിധാനം ഏർപ്പെടുത്തേണ്ടതും എല്ലായിടത്തും വിവിധ ഭാഷകളിലുള്ള ദിശാ ബോർഡുകളും അനൗൺസ്മെന്‍റും ഏർപ്പെടുത്തേണ്ടതുമാണ്. 4പതിവിനു വിപരീതമായി രാത്രി കാലങ്ങളിൽ തീർഥാടകരുടെ തിരക്ക് വർധിച്ചു വരുന്നതിനാൽ അക്കരെ ഇക്കരെ കൊട്ടിയൂരിലും പാർക്കിംഗ് ഏരിയകളിലും,പുഴയോരങ്ങളിലും സമാന്തര പാതയിലും കാര്യക്ഷമമായ ലൈറ്റ് സംവിധാനം ഏർപ്പെടുത്തണം. 4ഫയർആൻഡ് റെസ്ക്യൂ, വളണ്ടിയർ സെക്യൂരിറ്റി ഡ്യൂട്ടി ചെയ്യുന്നവരുടെ എണ്ണം വർധിപ്പിക്കണം. 4അക്കരെ-ഇക്കരെ കൊട്ടിയൂരിൽ മതിയായ ശൗചാലയങ്ങളും വിശ്രമകേന്ദ്രങ്ങളും അടിസ്ഥാന സൗകര്യങ്ങളും നിർമിക്കണം. 4കൊട്ടിയൂർ ഉത്സവത്തിന് ഉൾക്കൊള്ളാൻ പറ്റുന്ന വാഹനങ്ങളുടെയും ഭക്തജനങ്ങളുടെയും എണ്ണം പഠനം നടത്തി കണക്കാക്കേണ്ടതും അതിനനുസരിച്ച് വാഹനങ്ങളുടെയും ഭക്തജനങ്ങളുടെയും ഇൻഫ്ലോ ഔട്ഫ്ലോ ക്രമീകരിക്കുന്നതിനായി ചുങ്കക്കുന്നും അമ്പായത്തോടും സ്ഥിരം ചെക്ക് പോസ്റ്റ് നിർമ്മിച്ച് നിയന്ത്രണം ഏർപ്പെടുത്തണം.

ബികെജെഎം സ്കൂൾ ഓഫ് നഴ്സിംഗിൽ "ബിറ്റ് ബ്ലൂം 2025'

തലശേരി: ജോസ്ഗിരി ആശുപത്രിയുടെ ഭാഗമായ ബികെജെഎം സ്കൂൾ ഓഫ് നഴ്സിംഗിലെ 26 ാമത് ബാച്ചിലെ വിദ്യാർഥികളുടെ പാഠ്യേതര പദ്ധതിയുടെ ഭാഗമായി ന്യൂട്രീഷ്യൻ പ്രോഗ്രാം "ബിറ്റ് ബ്ലൂം 2025' അവതരിപ്പിച്ചു. തലശേരി അതിരൂപത വികാരി ജനറാൾ മോൺ. സെബാസ്റ്റ്യൻ പാലാക്കുഴി ഉദ്ഘാടനം ചെയ്തു. ഫാസ്റ്റ് ഫുഡിന്‍റെ കാലത്ത് തനതായ ആഹാര ക്രമീകരണത്തിന്‍റെ പ്രാധാന്യത്തെക്കുറിച്ച് ബികെജെഎം സ്കൂൾ ഓഫ് നഴ്സിംഗ് പ്രിൻസിപ്പൽ സിസ്റ്റർ കൊച്ചുറാണി എസ്എബിഎസ് പ്രസംഗിച്ചു. ആരോഗ്യദായകമായ വിവിധ വിഭവങ്ങൾ പരിപാടിയിൽ ഒരുക്കി. ആർച്ച്ബിഷപ് എമരിറ്റസ് മാർ ജോർജ് വലിയമറ്റം, ജോസ്ഗിരി ആശുപത്രി ചാപ്ലയിൻമാരായ ഫാ. സുബീഷ് കൊട്ടുകാപ്പള്ളി, ഫാ. സുബിൻ റാത്തപ്പള്ളി, മൈനർ സെമിനാരി ബ്രദേഴ്സ്, സാൻജോസ് മെട്രോപോളിറ്റൻ സ്കൂൾ കുട്ടികൾ, സന്ദേശ് ഭവനിലെയും ബിഷപ് ഹൗസിലെയും വൈദികർ, ജോസ്ഗിരി ആശുപത്രി അഡ്മിനിസ്ട്രേറ്റർ സിസ്റ്റർ ഡോ. അഞ്ജലി, സിസ്റ്റർ ഡോ. ദീപ, ഡോ. വേണുഗോപാൽ, ഡോ. നദീം, ഡോ. ദേവരാജ്, ബികെജെഎം സ്കൂൾ ഓഫ് നഴ്സിംഗ് മാനേജർ സിസ്റ്റർ ട്രീസ, നഴ്സിംഗ് സൂപ്രണ്ട് സിസ്റ്റർ സ്റ്റെല്ല തുടങ്ങിയവർ പങ്കെടുത്തു.

കണ്ണൂരിൽ"റാഞ്ചിയ'വിമാനത്തിലെ യാത്രക്കാരെ രക്ഷപ്പെടുത്തി'

മട്ടന്നൂർ: കണ്ണൂർ വിമാനത്താവളത്തിൽ "റാഞ്ചിയ' വിമാനത്തിലെ യാത്രക്കാരെ സുരക്ഷിതമായി രക്ഷപ്പെടുത്തി. ഇന്നലെ രാവിലെ 11.20 ഓടെയാണ് ഉദ്യോഗസ്ഥരെയും വിമാനത്താവളത്തിലുള്ളവരെയും നടുക്കിക്കൊണ്ട് എയർ ഇന്ത്യ വിമാനം റാഞ്ചിയതായുള്ള സന്ദേശമെത്തിയത്. തുടർന്ന് സബ് കളക്ടർ കാർത്തിക് പാണിഗ്രാഹിയുടെ നേതൃത്വത്വത്തിൽ എടിസി ടവറിൽ എയ്റോഡ്രോം കമ്മിറ്റി യോഗം ചേരുകയും യാത്രക്കാരുടെയും ജീവനക്കാരുടെയും സുരക്ഷ ഉറപ്പാക്കുകയും ചെയ്തു. ഇതേ സമയം സിഐഎസ്എഫ് ഉദ്യോഗസ്ഥർ റാഞ്ചികളെ കീഴടക്കാനുള്ള നീക്കവും ആരംഭിച്ചു. ഉച്ചയക്ക് 12 ഓടെ റാഞ്ചികളെ കീഴടക്കിയെന്ന സന്ദേശം എടിസി ടവറിലെത്തി. ഇതിനു പിന്നാലെ വിമാനത്താവളത്തിൽ നടന്നത് ആന്‍റ-ഹൈജാക്ക് മോക്ക് എക്‌സര്‍സൈസാണെന്ന അറിയിപ്പു കൂടെ വന്നതോടെയാണ് അരമണിക്കൂറോളമുള്ള ആശങ്കയും ഭീതിയും ഒഴിവായത്. തുടർന്ന് നടന്ന അവലോകനത്തിൽ എക്‌സര്‍സൈസ് വിജയകരമായിരുന്നെന്ന് സബ് കളക്ടര്‍ വിലയിരുത്തി. എയര്‍പോര്‍ട്ട് ചീഫ് ഓപ്പറേറ്റിംഗ് ഓഫീസര്‍ അശ്വനികുമാര്‍ കണ്‍വീനര്‍ ആയിരുന്നു. ചീഫ് എയ്‌റോഡ്രോം സെക്യൂരിറ്റി ഓഫീസര്‍ നിതിന്‍ ത്യാഗി, ചീഫ് സെക്യൂരിറ്റി ഓഫീസര്‍ പി. സതീഷ് ബാബു, എസിപി കെ.വി. പ്രമോദൻ, എഎഐ അസി. ജനറല്‍ മാനേജര്‍ ജോണ്‍സന്‍ ജോസഫ്, ജില്ലാ ഇന്‍ഫര്‍മേഷന്‍ ഓഫീസര്‍ പി.പി. വിനീഷ്, പ്രതിരോധം, സ്‌പെഷല്‍ ബ്യൂറോ, ഐബി, എൻഎസ്ജി, വിവിധ എയര്‍ലൈന്‍സ്, ഗ്രൗണ്ട് ഹാന്‍ഡ്‌ലിംഗ് ഏജന്‍സികളുടെ പ്രതിനിധികള്‍ എന്നിവർ പങ്കെടുത്തു. വിമാനത്താവളത്തിൽ ഒരു വിമാനം റാഞ്ചുകയോ അല്ലെങ്കില്‍ ഏതെങ്കിലും റാഞ്ചപ്പട്ട വിമാനം ഇറങ്ങിയാല്‍ സ്വീകരിക്കേണ്ട നടപടികളും അത്തരം സാഹചര്യത്തിൽ ഒരുക്കേണ്ട സജ്ജീകരണങ്ങളുടെയും അവലോകനമാണ് ആന്‍റി ഹൈജാക്ക് മോക്ക് എക്സർസൈസ്. ബ്യൂറോ ഓഫ് സിവില്‍ ഏവിയേഷന്‍ സെക്യൂരിറ്റിയുടെ മാനദണ്ഡം അനുസരിച്ചാണ് വർഷത്തിൽ ഒരു തവണ ഇത്തരം എക്സൈസ് നടത്തുന്നത്.

പുതിയ ഡിജിപി നിയമനം; പിണറായി-അമിത് ഷാ ബന്ധത്തിന്‍റെ തെളിവ്: രമേശ് ചെന്നിത്തല

കണ്ണൂർ: സംസ്ഥാനത്തെ പുതിയ ഡിജിപിയുടെ നിയമനം കൂത്തുപറമ്പ് രക്തസാക്ഷികളോടുള്ള കടുത്ത വഞ്ചനയും മുഖ്യമന്ത്രി പിണറായി വിജയനും കേന്ദ്ര ആഭ്യന്തര മന്ത്രി അമിത്ഷായും തമ്മിലുള്ള അവിശുദ്ധ ബന്ധത്തിന്‍റെ ഏറ്റവും വലിയ തെളിവും ആണെന്ന് കോൺഗ്രസ് വർക്കിംഗ് കമ്മിറ്റി അംഗം രമേശ് ചെന്നിത്തല ആരോപിച്ചു. കണ്ണൂരിൽ മാധ്യമങ്ങളോട് പ്രതികരിക്കുകയായിരുന്നു അദ്ദേഹം. കൂത്തുപറമ്പ് വെടിവയ്പുമായി ബന്ധപ്പെട്ട് സിപിഎം അന്ന് ആരുടെ പേരിനാണോ സമരം ചെയ്തത്, ആരേയാണോ പ്രതിപ്പട്ടികയിൽ ചേർക്കാൻ കിണഞ്ഞു ശ്രമിച്ചത്, അതേ ഉദ്യോഗസ്ഥനെ ഇന്ന് ഡിജിപിയായി നിയമിക്കുന്നത് രക്തസാക്ഷികളെ വഞ്ചിക്കുന്നതിന് തുല്യമാണ്. സ്വാശ്രയ കോളജു കൾക്കെതിരേ സമരം ചെയ്ത് അഞ്ച് യുവാക്കളുടെ ജീവൻ ബലി നല്കിയവർ, ഇന്ന് അതേ സ്വാശ്രയ നയങ്ങൾ സ്വീകരിക്കുകയും സ്വന്തമായി കോളജുകൾ നടത്തുകയും ചെയ്യുന്നു. ഇത് സിപിഎമ്മിന്‍റെ രാഷ്‌ട്രീയ വഞ്ചനയാണ്. ഈ വിഷയത്തിൽ പി. ജയരാജൻ സ്വീകരിക്കുന്നത് അഴകൊഴമ്പൻ നയമാണ്. ഒരേസമയം സർക്കാർ തീരുമാനത്തെ അംഗീകരിക്കുകയും എന്നാൽ തന്‍റെ മുൻ നിലപാടിൽ ഉറച്ചുനിൽക്കുകയും ചെയ്യു ന്നത് വ്യക്തതയില്ലാത്ത സമീപനമാണ്. കൂത്തുപറമ്പ് സമരം ഒരു തെറ്റായിരുന്നു എന്ന് പരസ്യമായി സമ്മതിക്കാൻ മുഖ്യമന്ത്രിയും സിപിഎമ്മും തയാറാകണം. അമിത് ഷായുമായി ഏറ്റവും അടുപ്പമുള്ള, കേന്ദ്രത്തിൽ സുപ്രധാന പദവികൾ വഹിച്ച ഒരു ഉദ്യോഗസ്ഥനെ ഡിജിപിയായി നിയമിക്കുന്നത് പിണറായി വിജയനും ബിജെപിയും തമ്മിലുള്ള ധാരണയുടെ ഭാഗമാണ്. വയനാട്ടിലെ പുനരധിവാസ പ്രവർത്തനങ്ങൾ ഒച്ചിഴയുന്ന വേഗതയിലാണ് മുന്നോട്ട് പോകുന്നത്. യാതൊരു വ്യക്തതയുമില്ലാതെ പദ്ധതികൾ നീട്ടിക്കൊണ്ടുപോവുകയാണ്. യൂത്ത് കോൺഗ്രസ് ഉൾപ്പെടെയുള്ള സംഘടനകൾ വീട് നിർമിക്കാൻ പണം സമാഹരിച്ച് തയാറായിട്ടും സർക്കാർ ഭൂമി അനുവദിക്കാത്തതിനാൽ പദ്ധതികൾ വൈകുകയാണ്. ഈ വിഷയത്തിൽ സർക്കാർ അടിയന്തരമായി ഇടപെട്ട് ഭൂമി ലഭ്യമാക്കുകയും പുനരധിവാസ പ്രവർത്തനങ്ങൾ വേഗത്തിലാക്കുകയും വേണം. യൂത്ത് കോൺഗ്രസിന്‍റെ ഫണ്ട് പിരിവുമായി ബന്ധപ്പെട്ട് ഒരു പരാതിയും നേതൃത്വത്തിന് ലഭിച്ചിട്ടി ല്ലെന്നും യൂത്ത് കോൺഗ്രസ് മാതൃകാപരമായാണ് പ്രവർത്തിക്കുന്നതെന്നും ചെന്നിത്തല വ്യക്തമാക്കി.

സൂംബ ഡാൻസ് ഉന്മേഷം നൽകുന്ന വ്യായാമം: കത്തോലിക്ക കോൺഗ്രസ്

തലശേരി: സൂംബ ഡാൻസ് വിദ്യാർഥികളിൽ ഉന്മേഷവും ആരോഗ്യവും വർധിപ്പിക്കുന്ന വ്യായാമ പ്രക്രിയയാണെന്ന് കത്തോലിക്ക കോൺഗ്രസ് തലശേരി അതിരൂപത കമ്മിറ്റി. സൂംബ ഡാൻസിനെ നെഞ്ചിലേറ്റിയ കേരളത്തിലെ വിദ്യാർഥികൾ അതൊരു ആഘോഷമാക്കി മാറ്റിക്കഴിഞ്ഞതായി അതിരൂപത കമ്മിറ്റി അഭിപ്രായപ്പെട്ടു. കലാലയങ്ങളെ ലഹരിയുടെ പിടിയിൽനിന്ന് അകറ്റിനിർത്താൻ ഏറ്റവും നല്ല മാനസിക, ആരോഗ്യ, ഉല്ലാസ പദ്ധതിയാണ് സുംബ ഡാൻസെന്നും യോഗം വിലയിരുത്തി. കത്തോലിക്ക കോൺഗ്രസ് ഗ്ലോബൽ ഡയറക്ടർ റവ.ഡോ. ഫിലിപ്പ് കവിയിൽ ഉദ്ഘാടനം ചെയ്തു. അതിരൂപത പ്രസിഡന്‍റ് ഫിലിപ്പ് വെളിയത്ത് അധ്യക്ഷത വഹിച്ചു. അതിരൂപത ഭാരവാഹികളായ ജിമ്മി ആയിത്തമറ്റം, സുരേഷ് ജോർജ്, ബെന്നിച്ചൻ മഠത്തിനകം, ഐ.സി.മേരി, ടോമി കണയാങ്കൽ, ഷിനോ പാറയ്ക്കൽ, ജയിംസ് ഇമ്മാനുവൽ, കെ.എ. ജോസഫ് കുന്നത്ത്പറമ്പിൽ, സൈജോ ജോസഫ്, ബിജു ഒറ്റപ്ലാക്കൽ, സിജോ കണ്ണേഴത്ത്, വർഗീസ് പള്ളിച്ചിറ, സാജു പടിഞ്ഞാറേട്ട്, ജോബി കുര്യൻ, ബെന്നി ജോൺ ചേരിയ്ക്കത്തടത്തിൽ, സാജു പുത്തൻപുര, മാത്യു വള്ളോംകോട്ട്, ബിജു മണ്ഡപം, ജോസഫ് മാത്യു കൈതമറ്റം, ജയ്സൺ അട്ടാറിമാക്കൽ, ബേബി കോയിക്കൽ, തോമസ് വർഗീസ് എന്നിവർ പ്രസംഗിച്ചു.

നിർമലഗിരി കോളജ് ഓഫ് അഡ്വാൻസ്ഡ് സ്റ്റഡീസിൽ മെറിറ്റ് ഡേ നടത്തി

നിർമലഗിരി: നിർമലഗിരി കോളജ് ഓഫ് അഡ്വാൻസ്ഡ് സ്റ്റഡീസിൽ 2024-25 അധ്യയന വർഷത്തിൽ പാഠ്യ-പാഠ്യേതര വിഷയങ്ങളിൽ മികവ് പുലർത്തിയവരും ഉന്നത വിജയം കൈവരിച്ചവരുമായ വിദ്യാർഥികളെ അനുമോദിച്ചു. മെറിറ്റ് ഡേ കോളജ് രക്ഷാധികാരിയും തലശേരി ആർച്ച്ബിഷപ്പുമായ മാർ ജോസഫ് പാംപ്ലാനി ഉദ്ഘാടനം ചെയ്തു. കണ്ണൂർ യൂണിവേഴ്സിറ്റിയിൽ ബിഎസ്‌സി സൈക്കോളജിയിൽ രണ്ടും മൂന്നും റാങ്കുകൾ കരസ്ഥമാക്കിയ പി. അനുപമ, നിഹാരിക രതീഷ്, യൂണിവേഴ്സിറ്റി പരീക്ഷയിൽ എ പ്ലസ് ഗ്രേഡ് കരസ്ഥമാക്കിയവർ, ഗേറ്റ് പരീക്ഷയിൽ ഉന്നത വിജയം നേടിയ നിഹാല അബ്ദുറഹ്മാൻ, നിഹാരിക രതീഷ്, കണ്ണൂർ യൂണിവേഴ്സിറ്റി ആർട്സ്, സ്പോർട്സ് മത്സരങ്ങളിൽ വിവിധ ഇനങ്ങളിലായി സമ്മാനങ്ങൾ കരസ്ഥമാക്കിയവർ എന്നിവരെ ഫലകങ്ങൾ നൽകി ആദരിച്ചു. കോളജ് മാനേജർ മോൺ. ആന്‍റണി മുതുകുന്നേൽ അധ്യക്ഷത വഹിച്ചു. പ്രിൻസിപ്പൽ ഡോ. കെ.വി. ഔസേപ്പച്ചൻ, വൈസ് പ്രിൻസിപ്പൽ ഡോ. ടെസി ജോർജ് എന്നിവർ പ്രസംഗിച്ചു. കോളജ് ബർസാർ റവ. ഡോ. തോമസ് കൊച്ചുകരോട്ട് സ്വാഗതവും ഡയറക്ടർ റവ. ഡോ. ലൂക്കോസ് മാടശേരി നന്ദിയും പറഞ്ഞു.

400 കെവി ലൈന്‍ നഷ്ടപരിഹാരം: കർണാടക പാക്കേജിൽ മാറ്റമില്ല

ഇരിട്ടി: കാസര്‍ഗോഡ് - വയനാട് 400 കെവി ലൈന്‍ സ്ഥാപിക്കുന്നതുമായി ബന്ധപ്പെട്ട് വൈദ്യുതി മന്ത്രി കെ. കൃഷ്ണന്‍കുട്ടി വിളിച്ചുചേര്‍ത്ത യോഗത്തിലും കാര്യമായ പുരോഗതിയില്ല. നഷ്ടപരിഹാര പാക്കേജ് സംബന്ധിച്ച ചര്‍ച്ചയില്‍ കർണാടക പാക്കേജിൽ മാറ്റം വരുത്താൻ തയാറായില്ല. കൃഷിക്കാ ര്‍ക്ക് നഷ്ടപ്പെടുന്ന കാര്‍ഷിക വിളകള്‍ക്കും സ്ഥലത്തിനും ന്യായമായ നഷ്ടപരിഹാരം ഉറപ്പാക്കുമെന്ന ഉറപ്പ് മാത്രമാണ് മന്ത്രിയിൽ നിന്ന് ലഭിച്ചിരിക്കുന്നത്. ലൈന്‍ കടന്നുപോകുന്ന സ്ഥലങ്ങളില്‍ നടത്തിയ സര്‍വേയുടെ അടിസ്ഥാനത്തിലുള്ള നഷ്ടപരിഹാര തുക സംബന്ധിച്ച് ഏകദേശ രൂപരേഖ യോഗത്തില്‍ അവതരിപ്പിച്ചു. എന്നാല്‍ വീടുകളെ ബാധിക്കുന്ന സാഹചര്യങ്ങളില്‍ ആയവ പ്രത്യേക പാക്കേജായി കണക്കാക്കണമെന്നും നിശ്ചയിച്ച ഭൂമിയുടെ ഏറ്റവും കുറഞ്ഞ ന്യായവില അയ്യായിരം രൂപയില്‍ നിന്ന് പതിനായിരം രൂപയെങ്കിലുമായി ഉയര്‍ത്തണമെന്നും ജനപ്രതിനിധികളും ആക്ഷന്‍ കമ്മിറ്റി ഭാരവാഹികളും ആവശ്യപ്പെട്ടു. ഇക്കാര്യം അനുഭാവപൂര്‍വം പരിഗണിക്കുമെന്നും പാക്കേജ് സംബന്ധിച്ച അന്തിമ തീരുമാനം ഉടന്‍ അറിയിക്കുമെന്നും മന്ത്രി അറിയിച്ചു. കൂടുതലായി ലഭിക്കുന്നത് കാർഷികവിഭവങ്ങളുടെ നഷ്ടപരിഹാരം നിലവിൽ ലൈൻ കടന്നുപോകുന്ന പ്രദേശങ്ങളിലെ നഷ്ടപ്പെടുന്ന കൃഷിയുടെ കണക്കുകൾ ചൂണ്ടിക്കാട്ടിയായിരുന്നു കെഎസ്ഇബി അധികൃതർ കണക്കുകൾ അവതരിപ്പിച്ചത്. ഭൂമിയുടെ വില കൃത്യമായി കണക്കാക്കി അവതരിപ്പിച്ചാൽ മാത്രമേ യഥാർഥ നഷ്ടപരിഹാരം കണ്ടെത്താൻ കഴിയുകയുള്ളൂ. ഇങ്ങനെ കണക്കാക്കിയാലും മാർക്കറ്റ് വില എത്തില്ലെന്നു പറയുന്നു. ഏക്കർ കണക്കിന് ഭൂമി നഷ്ടപ്പെടുന്നവരുടെ കണക്കുകൾ മാത്രമാണ് ഇപ്പോൾ പരിശോധനയ്ക്കായി സമർപ്പിച്ചിരിക്കുന്നത്. ചെറുകിട കർഷകന്‍റെ 10 സെന്‍റ് മുതൽ സ്ഥലങ്ങൾ നഷ്ടപ്പെടുമ്പോൾ ലഭിക്കുന്ന നഷ്ടപരിഹാരം തുച്ഛമായിരിക്കും. പ്രധാന റോഡുകളോട് ചേർന്നു വരുന്ന സ്ഥലങ്ങൾക്കും നഷ്ടപരിഹാരം മാർക്കറ്റ് വിലയെ അപേക്ഷിച്ച് നോക്കുമ്പോൾ കുറവായിരിക്കും. വർഷങ്ങളായി നടക്കുന്ന മാരത്തോൺ ചർച്ചകളിൽ കെഎസ്ഇബിയുടെ പഴയ നഷ്ടപരിഹാര പാക്കേജിൽ നിന്നും കർണാടക പാക്കേജിലേക്ക് എത്തിക്കാൻ കഴിഞ്ഞു എന്നു മാത്രമാണ്. കാർഷിക വിളയുടെ നഷ്ടങ്ങൾ കൂടി കണക്കാക്കുമ്പോൾ നഷ്ടപരിഹാരത്തിൽ ചെറിയ വ്യത്യാസം മാത്രമാണ് ലഭിക്കുക. പദ്ധതിയോട് ചേർന്നുവരുന്ന കർഷകന്‍റെ ബാക്കി വരുന്ന സ്ഥലം വില ലഭിക്കാതെ പോകുമെന്ന ആശങ്കയും നിലനില്ക്കുന്നു. നിലവിലെ തീരുമാനങ്ങളോട് കർഷകരുടെ പ്രതികരണങ്ങൾ ഇനിയും ലഭിച്ചിട്ടില്ല. അലൈന്‍മെന്‍റിലെ ചില മാറ്റങ്ങള്‍ സംബന്ധിച്ച ചർച്ചകൾ പ്രായോഗികമല്ലന്ന നിലപാടാണ് കെഎസ്ഇബി സ്വീകരിച്ചത് . യോഗത്തില്‍ എംഎല്‍എമാരായ സണ്ണി ജോസഫ്, സജീവ് ജോസഫ്, കെഎസ്ഇബി ചെയര്‍മാന്‍ മിര്‍ മുഹമ്മദ് അലി, ജില്ലാ പഞ്ചായത്ത് വൈസ് പ്രസിഡന്‍റ് ബിനോയ് കുര്യന്‍, ബ്ലോക്ക് പഞ്ചായത്ത് പ്രസിഡന്‍റ് കെ. വേലായുധന്‍, പഞ്ചായത്ത് പ്രസിഡന്‍റുമാരായ പി.സി. ഷാജി, ബേബി ഓടമ്പള്ളി, മിനി ഷൈബി, ജോജി കന്നിക്കാട്ടില്‍, സാജു സേവ്യര്‍, കുര്യാച്ചന്‍ പൈമ്പള്ളി കുന്നേല്‍, പി. ര‍ജനി, സി.ടി. അനീഷ്, കെ.പി. രാജേഷ്, ആക്ഷന്‍ കമ്മിറ്റി ചെയര്‍മാന്‍ തോമസ് വ‍ര്‍‍ഗീസ്, ഭാരവാഹികളായ ഫാ. പയസ് പടിഞ്ഞാറെമുറിയില്‍, ബെന്നി പുതിയാംപുറം, ടോമി കുമ്പിടിമാക്കല്‍, ഒ.വി. ഷാ‍ജു, കെഎസ്ഇബി ഡയറക്ടര്‍ ആർ. ബിജു, ചീഫ് എൻജിനിയര്‍ കെ.എസ്. ഷീബ, എക്സിക്യുട്ടീവ് എൻജിനിയര്‍ എം. കൃഷ്ണേന്ദു തുടങ്ങിയവര്‍ പങ്കെടുത്തു.

അണ്ടർ ബ്രിഡ്ജ് മതിലിലെ കല്ല് താഴേയ്ക്ക് വീണു; ബൈക്ക് യാത്രികൻ രക്ഷപ്പെട്ടത് തലനാരിഴയ്ക്ക്

കണ്ണൂർ: പഴയ ബസ് സ്റ്റാൻഡിനു സമീപത്തെ അണ്ടർ ബ്രിഡ്ജിനോട് ചേർന്ന സ്ഥലത്തെ റെയിൽവേ യുടെ സ്ഥലത്തെ മതിലിന്‍റെ കൂറ്റൻ കല്ല് താഴേയ്ക്ക് വീണുണ്ടായ അപകടത്തിൽ ബൈക്ക് യാത്രികൻ രക്ഷപ്പെട്ടത് തലനാരിഴയ്ക്ക്. ഇന്നലെ രാവിലെ എട്ടോടെയായിരുന്നു സംഭവം. മുനീശ്വരൻ കോവിൽ ഭാഗത്ത് നിന്നും പഴയ ബസ് സ്റ്റാൻഡ് ഭാഗത്തേക്ക് പോകുകയായിരുന്നു ബൈക്ക് യാത്രികൻ. ബൈക്കിന് മുന്നിലാണ് മതിലിന്‍റെ കരിങ്കല്ല് വീണത്. റോഡിൽ മറ്റു വാഹനങ്ങളും നടപ്പാതയിൽ കാൽനടയാത്രക്കാരുമില്ലാത്തതിനാലാണ് ദുരന്തം ഒഴിവായത്. മതിലിൽ ആൽമരം വളർന്നതിനെ തുടർന്ന് മതിൽ വിണ്ടുകീറി കല്ലുകൾ ഇളകിയ നിലയിലാണ്. റെയിൽവേയുടെ സ്ഥലത്ത് നിന്നും മഴവെള്ളവും ഇതിലൂടെ റോഡിലേക്ക് ഒഴുകുന്നുണ്ട്. മതിലിന്‍റെ അപകടാവസ്ഥ ഒഴിവാക്കി റോഡ് യാത്ര സുരക്ഷിതമാക്കാൻ ബന്ധപ്പെട്ടവർ നടപടി സ്വീകരിക്കണമെന്ന ആവശ്യം ശക്തമാണ്.

ഇൻഷ്വറൻസ് ജീവനക്കാർ സ്ഥാപകദിനം ആചരിച്ചു

കണ്ണൂർ: ഇൻഷ്വറൻസ് ജീവനക്കാരുടെ ദേശീയ സംഘടനയായ ഓൾ ഇന്ത്യാ ഇൻഷ്വറൻസ് എംപ്ലോയീസ് അസോസിയേഷന്‍റെ 75-ാമത് സ്ഥാപകദിനം വിവിധ പരിപാടികളോടെ ആചരിച്ചു. ജില്ലയിലെ എൽഐസി ഓഫീസുകൾക്ക് മുന്നിൽ രാവിലെ പതാക ഉയർത്തി. ഉച്ചയ്ക്ക് കവാടയോഗങ്ങളും നടത്തി. കണ്ണൂരിൽ എൽഐസി എംപ്ലോയീസ് യൂണിയൻ പൊതുയോഗം കണ്ണൂർ, കാസർഗോഡ് ജില്ലാ കോ-ഓർഡിനേഷൻ കമ്മിറ്റി കൺവീനർ എം.കെ. പ്രേജിത്ത് പതാക ഉയർത്തി. ഉച്ചയ്ക്ക് നടന്ന പൊതുയോഗം എം.കെ. പ്രേംജിത്ത് ഉദ്ഘാടനം ചെയ്തു. ജില്ലാ കോ-ഓർഡിനേഷൻ കമ്മിറ്റി ജോയിന്‍റ് കൺവീനർ സി.സി. വിനോദ് അധ്യക്ഷത വഹിച്ചു. സംഘടനയുടെ കോഴിക്കോട് ഡിവിഷൻ പ്രസിഡന്‍റ് കെ. ബാഹുലേയൻ, പ്രദീപൻ കണ്ണോത്ത്, ടി. മണി എന്നിവർ പ്രസംഗിച്ചു. തലശേരി ബ്രാഞ്ച് ഒന്നിൽ എ.പി. രജില പതാക ഉയർത്തി. വി. വിജയകുമാർ, പി.വി. രാജേഷ് എന്നിവർ പ്രസംഗിച്ചു. തലശേരി ബ്രാഞ്ച് രണ്ടിൽ എം. അനിൽകുമാർ പതാക ഉയർത്തി. പി. അശോകൻ, പി.പി. സൗമ്യ, വി. തനൂജ എന്നിവർ പ്രസംഗിച്ചു. മട്ടന്നൂരിൽ കെ. രമേശൻ പതാക ഉയർത്തി. ജി. ഉത്തമൻ, ഇ. ചന്ദ്രൻ, എം. മനോജ്‌ എന്നിവർ പ്രസംഗിച്ചു. തളിപ്പറമ്പിൽ പി.വി. ഷിജു പതാക ഉയർത്തി. കെ. ഗണേശൻ, കെ.വി. രജിത, ടി.വി. ജഗദീഷ് ബാബു എന്നിവർ പ്രസംഗിച്ചു. പയ്യന്നൂരിൽ ടി.വി. ഗണേശൻ പതാക ഉയർത്തി. കെ.വി. വേണു, രമേഷ് പുതിയറക്കൽ, കെ. സുമേഷ്, വിനയ കമ്മത്ത്, എം. ചന്ദ്രൻ, ഇ. സുരേന്ദ്രൻ എന്നിവർ പ്രസംഗിച്ചു.

ദേശീയപാത: നടാൽ ഓകെ യുപി സ്കൂൾ പരിസരത്ത് അടിപ്പാത നിർമിക്കണം: കെ. സുധാകരൻ എംപി

കണ്ണൂർ: ദേശീയപാത നിർമാണം പൂർത്തിയായാൽ കണ്ണൂർ-തോട്ടട-തലശേരി റൂട്ടിൽ ഉണ്ടാകാൻ പോകുന്ന യാത്ര ക്ലേശം പരിഹരിക്കുന്നതിന്‍റെ ഭാഗമായി നടാൽ ഓകെ യുപി സ്കൂൾ പരിസരത്ത് അടിപ്പാത നിർമിക്കേണ്ടത് അനിവാര്യമാണെന്ന് കോൺഗ്രസ് പ്രവർത്തകസമിതി അംഗം കെ. സുധാകരൻ എംപി അഭിപ്രായപ്പെട്ടു. അടിപ്പാത നിർമിക്കുന്നതിനായി രണ്ടിലേറെ തവണ കേന്ദ്ര ഉപരിതല ഗതാഗത മന്ത്രി നിധിൻ ഗഡ്കരിയെ കണ്ട് നിവേദനം നൽകി കാര്യങ്ങൾ ബോധ്യപ്പെടുത്തിയിട്ടും ഈ വിഷയത്തിൽ അനുകൂലമായ ഒരു തീരുമാനം ഇതുവരെ ഉണ്ടാകാത്തത് ഖേദകരമാണ്. കണ്ണൂർ പാർലമെന്‍റ് മണ്ഡലത്തിൽ നിരവധി അടിപ്പാതകൾ നിർമിക്കേണ്ടതിന്‍റെ ആവശ്യം അനുഭാവ പൂർവം പരിഗണിച്ച കേന്ദ്ര ഉപരിതലഗതാഗത മന്ത്രി ഈ വിഷയത്തിൽ മാത്രം അനുകൂലമായ ഒരു തീരുമാനം എടുക്കാത്തതിന്‍റെ കാരണം ഇവിടുത്തെ നാഷണൽ ഹൈവേ ഉദ്യോഗസ്ഥരുടെ നിഷേധാത്മക നിലപാടിന്‍റെ ഭാഗമാണോയെന്ന് സംശയിക്കുന്നു. തുടക്കത്തിൽ ഈ അടിപ്പാതയ്ക്ക് വേണ്ടി ശബ്ദമുയർത്താത്ത സംസ്ഥാന സർക്കാർ ഇപ്പോൾ മുന്നോ ട്ടു വന്നതിൽ സന്തോഷമുണ്ട്. ഓകെ യുപി സ്കൂൾ പരിസരത്ത് അടിപ്പാത നിർമിക്കണമെന്ന ആവശ്യവുമായി വീണ്ടും കേന്ദ്ര ഉപരിതല ഗതാഗത മന്ത്രിയെ കാണുകയും, ഈ മാസം നടക്കുന്ന പാർലമെന്‍റ് സമ്മേളനത്തിൽ ഈ വിഷയം ഉന്നയിക്കുകയും ചെയ്യുമെന്ന് കെ. സുധാകരൻ എംപി പറഞ്ഞു. കേരള സംസ്ഥാന കൈത്തറി വികസന കോർപറേഷൻ (ഹാൻഡ് വീവ് ) ജീവനക്കാരുടെയും, കൈത്തറി തൊഴിലാളികളുടെയും മാസങ്ങളായി മുടങ്ങിക്കിടക്കുന്ന ശമ്പളം അടിയന്തരമായി അനുവദിക്കണമെന്ന് ആവശ്യപ്പെട്ട് കെ. സുധാകരൻ എംപി മുഖ്യമന്ത്രിക്ക് കത്തും നൽകി. 2024 ഡിസംബർ മാസത്തെ ശമ്പളമാണ് അവസാനമായി ജീവനക്കാർക്ക് ലഭിച്ചത്. ഇതു തന്നെ ഗഡുക്കളായിട്ടായിരുന്നു അനുവദിച്ചിരുന്നത്. കോർപറേഷനെ ആശ്രയിച്ച് കഴിയുന്ന ആയിരത്തിലധികം നെയ്ത്തു തൊഴിലാളികളുടെ വേതനവും മാസങ്ങളായി മുടങ്ങിക്കിടക്കുകയാണ്. 2022 മുതൽ കോർപറേഷനിൽ നിന്ന് വിരമിച്ച ജീവനക്കാരുടെ റിട്ടയർമെന്‍റ് ആനുകൂല്യവും ഇതുവരെ നൽകിയിട്ടില്ല. അടിയന്തരമായി ഈ വിഷയത്തിൽ ഇടപെട്ട് പരിഹാരം കാണാനുള്ള നടപടികൾ കൈക്കൊള്ളാൻ കെ. സുധാകരൻ എംപി മുഖ്യമന്ത്രിയോട് ആവശ്യപ്പെട്ടു.

കണ്ണൂര്‍ വിമാനത്താവളത്തിലെ ഇന്‍സിനറേറ്റര്‍ മാറ്റി സ്ഥാപിക്കാന്‍ നിര്‍ദേശം

കണ്ണൂർ: അന്താരാഷ്‌ട്ര വിമാനത്താവളത്തിലെ മാലിന്യ സംസ്‌കരണവുമായി ബന്ധപ്പെട്ട് പരാതി ഉയര്‍ന്ന സാഹചര്യത്തില്‍ നിലവിലെ ഇന്‍സിനറേറ്റര്‍ മറ്റൊരു സ്ഥലത്തേക്ക് മാറ്റി സ്ഥാപിക്കാന്‍ വിമാനത്താവള അധികൃതരോട് കെ.കെ. ശൈലജ എംഎല്‍എ നിര്‍ദേശിച്ചു. വിമാനത്താവളവുമായി ബന്ധപ്പെട്ട് നാട്ടുകാര്‍ ഉന്നയിച്ച വിവിധ പരാതികള്‍ പരിഹരിക്കാന്‍ എംഎല്‍എയുടെ നേതൃത്വത്തില്‍ കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തിലാണ് നിര്‍ദേശം. പ്ലാസ്റ്റിക് മാലിന്യം കത്തിക്കുന്നുവെന്ന നാട്ടുകാരുടെ പരാതിയില്‍ ഇന്‍സിനറേറ്റര്‍ മാറ്റി സ്ഥാപിക്കുന്നതുവരെ മാലിന്യം സംസ്‌കരിക്കാന്‍ ഏല്‍പിച്ച ഏജന്‍സിയുടെ പ്രവര്‍ത്തനങ്ങള്‍ കൃത്യമായി മോണിറ്റര്‍ ചെയ്യണമെന്നും എന്തെങ്കിലും പിഴവുകള്‍ കണ്ടെത്തിയാല്‍ ഏജന്‍സിയെ മാറ്റുന്നതടക്കമുള്ള നടപടികള്‍ ആലോചിക്കണമെന്നും എംഎല്‍എ യോഗത്തില്‍ പറഞ്ഞു. വിമാനത്താവളത്തില്‍ നിന്ന് ശുചിമുറി മാലിന്യങ്ങള്‍ അടുത്തുള്ള ജനവാസ മേഖലകളിലേക്കെത്തുന്നെന്ന പരാതിയില്‍ എയര്‍പോര്‍ട്ട് സീവേജ് സിസ്റ്റം പരിശോധിക്കാനും മാലിന്യം മറ്റെവിടുന്നെങ്കിലും വരുന്നതാണോയെന്ന് പരിശോധിക്കാനും ബന്ധപ്പെട്ട വകുപ്പുകളെ ചുമതലപ്പെടുത്തി. വിമാനത്താവളത്തില്‍ നിന്ന് ശക്തമായി മഴവെള്ളം പുറത്തേക്കൊഴുകി കൃഷി നശിക്കുന്നുവെന്ന പരാ തിയില്‍ വെള്ളം ഒഴുകിയെത്തുന്ന കാരത്തോട്, കോതേരിത്തോട് എന്നിവയുടെ സംരക്ഷണ ഭിത്തിയുടെ നിര്‍മാണം പൂര്‍ത്തീകരിക്കാത്ത ഭാഗത്തെ അടിഞ്ഞുകൂടിയ മണ്ണ് നീക്കം ചെയ്യാന്‍ ജലസേചന വകുപ്പ് അധികൃതരോട് യോഗം നിര്‍ദേശിച്ചു. കൂടാതെ കൂടുതല്‍ വെള്ളം പുറത്തേക്കൊഴുകുന്നതുമായി ബന്ധപ്പെട്ട് സംയുക്ത പരിശോധന നടത്താനും നിര്‍ദേശം നല്‍കി. കൃഷി നശിച്ചവര്‍ക്ക് നഷ്ടപരിഹാരം നല്‍കാനുള്ള നടപടികള്‍ സ്വീകരിക്കാൻ കൃഷി വകുപ്പ് അധികൃതർക്ക് നിര്‍ദേശം നല്‍കി. യോഗത്തില്‍ ജില്ലാ കളക്ടര്‍ അരുണ്‍ കെ. വിജയന്‍, കീഴൂര്‍-ചാവശേരി പഞ്ചായത്ത് പ്രസിഡന്‍റ് കെ.വി. മിനി, എല്‍എസ്ജിഡി ജോയിന്‍റ് ഡയറക്ടര്‍ ടി.ജെ. അരുണ്‍, ഡപ്യൂട്ടി കളക്ടര്‍മാരായ കെ.വി. ശ്രുതി, എ കെ. അനീഷ്, കീഴൂര്‍-ചാവശേരി പഞ്ചായത്ത് സെക്രട്ടറി എസ് അജി, മട്ടന്നൂര്‍ പബ്ലിക് ഹെല്‍ത്ത് ഇന്‍സ്‌പെക്ടര്‍ ജൂലി, കിന്‍ഫ്ര, കിയാല്‍, ഇറിഗേഷന്‍, ഹരിത കേരളം മിഷന്‍ എന്നിവയുടെ പ്രതിനിധികള്‍ തുടങ്ങിയവര്‍ പങ്കെടുത്തു.

ദേശീയപാതയിലെ പാലങ്ങളുടെ നിർമാണം പുഴകളുടെ താളം തെറ്റിക്കുന്നു: ശാസ്ത്രവേദി

കണ്ണൂർ: ദേശീയപാത വീതി കൂട്ടുന്നതിനൊപ്പം പുഴയ്ക്കുകുറുകെ പെരുന്പ, കുപ്പം, കുറ്റിക്കോൽ, വളപട്ടണം എന്നിവിടങ്ങളിൽ അശാസ്ത്രീയമായി നിർമിക്കുന്ന പാലങ്ങൾ പുഴകളുടെ സ്വാഭാവിക ഒഴുക്ക് താളം തെറ്റിക്കുകയും അടിത്തട്ടിനും പാരിസ്ഥിതിക ആഘാതം സൃഷ്ടിക്കുകയുമാണെന്ന് ശാസ്ത്രവേദി കണ്ണൂർ ജില്ലാ കമ്മിറ്റിയോഗം. അശാസ്ത്രീയ നിർമാണം തുരുത്തുകൾ രൂപപ്പെടാൻ ഇടയാക്കുന്നതിനൊപ്പം പുഴയുടെ സ്വാഭാവികത നഷ്ടപ്പടുത്തുകയും ചെയ്യുന്നുണ്ടെന്ന് ശാസ്ത്രവേദി ചൂണ്ടിക്കാട്ടി. സംസ്ഥാന വൈസ് പ്രസിഡന്‍റും ഭൗമപഠന ശാസ്ത്രഞ്ജനുമായ ഡോ. കെ.കെ. രാമചന്ദ്രൻ ഉദ്ഘാടനം ചെയ്തു. ജില്ലാ പ്രസിഡന്‍റ് എ.ആർ. ജിതേന്ദ്രൻ അധ്യക്ഷത വഹിച്ചു. ഇരിട്ടി എം.ജി. കോളേജ് മുൻ പ്രിൻസിപ്പൽ പ്രഫ. എം.പി. ലക്ഷ്മണൻ, എം. രാജീവൻ, ആർ. ദിനേശ്, എം. രത്നകുമാർ, കെ.സി. ശ്രീജിത്ത്, ജില്ലാ സെക്രട്ടറി എസ്.പി. മധുസൂദനൻ, ജോയിന്‍റ് സെക്രട്ടറി കെ.എൻ. പുഷ്പലത എന്നിവർ പ്രസംഗിച്ചു. ഭാരവാഹികൾ: ഡോ. ആർ. ബിജു-പ്രസിഡന്‍റ്, എസ്.പി. മധുസൂദനൻ-സെക്രട്ടറി, കെ.സി. ശ്രീജിത്ത്-ട്രഷറർ.15 അംഗ എക്സിക്യുട്ടീവ് കമ്മറ്റിയെയും തെരഞ്ഞെടുത്തു.

ബാരാപോൾ പവർ ഹൗസിന് മുന്നിൽ കോൺഗ്രസ് ധർണ നടത്തി

ഇരിട്ടി: ബാരാപോൾ കനാലിൽ ഗർത്തം രൂപപ്പെട്ടതിന് താഴെ താമസിക്കുന്നവരും സുരക്ഷ ഉറപ്പാക്കുക, കെഎസ്ഇബിയുടെ അനാസ്ഥ അവസാനിപ്പിക്കുക തുടങ്ങിയ ആവശ്യങ്ങളുന്നയിച്ച് കോൺഗ്രസ് അയ്യൻകുന്ന് പഞ്ചായത്ത് കമ്മിറ്റി ബാരാപോൾ പവർ ഹൗസിന് മുന്നിൽ ധർണ നടത്തി. കെപിസിസിയംഗം ചന്ദ്രൻ തില്ലങ്കേരി ഉദ്ഘാടനം ചെയ്തു. ഡിസിസി സെക്രട്ടറി ജയ്സൺ കാരക്കാട്ട് അധ്യക്ഷത വഹിച്ചു. വിജിലൻസ് അന്വേഷണത്തിൽ കുറ്റക്കാരാണെന്ന് കണ്ടെത്തിയ ഉദ്യോഗസ്ഥർക്കെതിരേ രണ്ടുവര്ഷം കഴിഞ്ഞിട്ടും നടപടി സ്വീകരിക്കാത്തത് ഭരണാനുകൂല സംഘടനാംഗങ്ങളായതു കൊണ്ടാണെന്ന് കോൺഗ്രസ് കുറ്റപ്പെടുത്തി. ജില്ലാ പഞ്ചായത്തംഗം ലിസി ജോസഫ്, ബ്ലോക്ക് കോൺഗ്രസ് പ്രസിഡന്‍റ് പി.എ. നസീർ, മണ്ഡലം പ്രസിഡന്‍റ് ജയിൻസ് മാത്യു, ബ്ലോക്ക് പഞ്ചായത്ത് അഗം മേരി റെജി എന്നിവർ പ്രസംഗിച്ചു. പഞ്ചായത്ത് അംഗങ്ങളായ ഐസക് ജോസഫ്, മിനി വിശ്വനാഥൻ, സജി മച്ചിത്താന്നി, ലിസി തോമസ്, സെലീന ബിനോയി, എൽസമ്മ ജോസഫ് എന്നിവർ പ്രസംഗിച്ചു. പി.സി. ജോസ്, എം.കെ. വിനോദ്, ജോസ് കുഞ്ഞ്തടത്തിൽ, ജോഷി കാഞ്ഞമല, ഷിബോ കൊച്ചുവേലിക്കകത്ത്, എൻ.എം. സാജു, തോമസ് വലിയതൊട്ടി, സി.സി. ജോയി, ബിജുനിത്ത് കുറുപ്പംപറമ്പിൽ, റോസിലി വിൽസൺ, അനൂപ് ചെമ്പകശേരി എന്നിവർ നേതൃത്വം നൽകി.

നഷ്ടപരിഹാരം; മന്ത്രിക്ക് നിവേദനം നല്കി മാനന്തവാടി-മട്ടന്നൂർ എയർപോർട്ട് റോഡ് ആക്‌ഷൻ കമ്മിറ്റി

കേളകം: കണ്ണൂർ വിമാനത്താവള റോഡകൾക്കായി വീടും കെട്ടിടങ്ങളും മറ്റ് നിർമിതികളും വിട്ടു നല്കിയവർക്ക് കാലപഴക്കം കണക്കാക്കി വിലനിശ്ചയിക്കണമെന്ന സർക്കാർ തീരുമാനം റദ്ദ് ചെയ്യണമെന്ന് ആവശ്യപ്പെട്ട് മാനന്തവാടി-മട്ടന്നൂർ എയർപോർട്ട് റോഡ് ആക്‌ഷൻ കമ്മിറ്റി നിവേദനം നല്കി. സണ്ണി ജോസഫ് എംഎൽഎയുടെ സാന്നിധ്യത്തിൽ പൊതുമരാമത്ത് മന്ത്രിക്കാണ് ആക്‌ഷൻ കമ്മിറ്റി നിവേദനം നല്കിയത്. കമ്മിറ്റി കൺവീനർ ജിൽസ് എം. മേയ്ക്കൽ, വൈസ് ചെയർമാൻ ബിജു ടി. മാത്യു തോട്ടത്തിൽ, ജോസഫ് പള്ളിക്കാമഠത്തിൽ, സജി ജോർജ് മേച്ചേരി കിഴക്കേൽ എന്നിവർ തിരുവനന്തപുരത്ത് എത്തിയാണ് നിവേദനം നൽകിയത്. വിഷയം ഗൗരവം ഉള്ളതാന്നെന്നും പരിഹരിക്കപ്പെടേണ്ടതാണെന്നും മന്ത്രി അറിയിച്ചു.

അന്തർസംസ്ഥാന പാതയിൽ റോഡിലൂടെ വെള്ളമൊഴുകുന്നു

ഇരിട്ടി: ഇരിട്ടി-കൂട്ടുപുഴ അന്തർസംസ്ഥാന പാതയിൽ ഓവുചാലകൾ അറ്റകുറ്റപ്പണികൾ പൂർത്തിയാക്കാത്തത് യാത്രക്കാരെ വലയ്ക്കുന്നു. അതിശക്തമായ മഴയിൽ മഴവെള്ളം റോഡിലൂടെ ഒഴുകുന്നതാണ് ഇരുചക്ര വാഹനങ്ങളെയും കാൽനട യാത്രക്കാരെയും ദുരിതത്തിലാക്കുന്നത്. മാടത്തിൽ ബെൻഹിൽ സ്കൂളിന് സമീപം വളവിൽ റോഡിലൂടെ ഒഴുകുന്ന മഴവെള്ളം കനത്ത അപകട ഭീഷണിയാണ് സൃഷ്ടിക്കുന്നത്. വേഗത്തിൽ എത്തുന്ന വലിയ വാഹനങ്ങൾ കടന്നുപോകുമ്പോൾ വെള്ളം തെറിച്ച് ഇരുചക്ര വാഹനയാത്രക്കാരും കാൽനട യാത്രക്കാരും ഒരേപോലെ ബുദ്ധിമുട്ടുകയാണ്. അന്തർസംസ്ഥാന പാതയിൽ മഴക്കാലപൂർവ ശുചീകരണങ്ങൾ നടക്കാത്തതാണ് അപകടാവസ്ഥയ്ക്ക് കാരണം. റോഡിന് ഇരുവശവുമുള്ള കാടുകൾ വെട്ടി മാറ്റാത്തത് മറ്റൊരു കാരണമാണ്. കാടുകളും ചപ്പുചവറുകളും നിറഞ്ഞ ഓവുചാലുകളിലൂടെ മഴവെള്ളം ഒഴുകിപ്പോകാൻ പറ്റാത്ത സാഹചര്യമാണ്. പൊതുമരാമത്ത് അധികൃതർ അടിയന്തര നടപടികൾ സ്വീകരിച്ചില്ലെങ്കിൽ ഇവിടെ വാഹനങ്ങൾ അപകടത്തിൽ പെടാനുള്ള സാധ്യതയും കൂടുതലാണ്.

ബാരാപോൾ കനാലിലെ ഗർത്തം ഗുരുതരം : ഉന്നതതല പഠനസംഘം പരിശോധന നടത്തണം: സണ്ണിജോസഫ്

ഇരിട്ടി: ബാരാപോൾ കനാൽ തകർച്ചയെ കുറിച്ച് ഉന്നതതല പഠന സംഘം പരിശോധന നടത്തി ശാശ്വത പരിഹാരമുണ്ടാക്കണമെന്ന് കെപിസിസി പ്രസിഡന്‍റ് സണ്ണി ജോസഫ് എംഎൽഎ ആവശ്യപ്പെട്ടു. ജനങ്ങളുടെ ആശങ്ക അകറ്റുന്നതിനോടൊപ്പം വൈദ്യുതി വകുപ്പിന് ഉണ്ടാകുന്ന കോടികളുടെ നഷ്ടവും സർക്കാർ പരിഗണിക്കണം. 400 കെവി ലൈനിന്‍റെ നിർമാണ പ്രവൃത്തിയുമായി ബന്ധപ്പെട്ട് തിരുവനന്തപുരത്ത് നടക്കുന്ന ചർച്ചയിൽ ഇക്കാര്യം വൈദ്യുതി മന്ത്രിയുടെ ശ്രദ്ധയിൽപ്പെടുത്തുമെന്നും എംഎൽഎ പറഞ്ഞു. പദ്ധതി പ്രദേശം സന്ദർഷിച്ച ശേഷം മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. നിർമാണത്തിലെ അപാകതയാണ് പ്രശ്‌നങ്ങൾക്ക് കാരണമെന്നാണ് പ്രാഥമിക പരിശോധനയിൽ കണ്ടെത്തിയത്. ജനങ്ങളുടെ ആശങ്ക അകറ്റും വിധം കനാലിൽ 1.4 കിലോമീറ്റർ ഭാഗം പൂർണമായും പുനർനിർമാണം നടത്തണമെന്നും എംഎൽഎ പറഞ്ഞു. വർഷങ്ങളായി തുടരുന്ന ചോർച്ച കാരണം രണ്ട് കുടുംബങ്ങളെ മാറ്റി പാർപ്പിച്ചെങ്കിലും താൻ ഉൾപ്പെടെയുള്ള ജനപ്രതിനിധികൾ ചേർന്നെടുത്ത തീരുമാനം പൂർത്തീകരിക്കാൻ കഴിഞ്ഞിട്ടില്ല. അയ്യൻകുന്ന് പഞ്ചായത്ത് പ്രസിഡന്‍റ് കുര്യാച്ചൻ പൈമ്പളിക്കുന്നേൽ, സ്ഥിരം സമിതി അധ്യക്ഷൻ ഐസക് ജോസഫ്, പഞ്ചായത്ത് അംഗങ്ങളായ മിനി വിശ്വനാഥൻ, സജി മച്ചിത്താനി, ബിജോയ് പ്ലാത്തോട്ടം, ഇരിട്ടി ബ്ലോക്ക് പഞ്ചായത്ത് അംഗം മേരി റെജി, കോൺഗ്രസ് ഇരിട്ടി ബ്ലോക്ക് പ്രസിഡന്‍റ് പി.എ. നസീർ, അയ്യൻകുന്ന് മണ്ഡലം കോൺഗ്രസ് പ്രസിഡന്‍റ് ജയിൻസ് ടി. മാത്യു, തോമസ് വലിയത്തൊട്ടി, എം.കെ. വിനോദ്, ബിജുനത്ത് കുറുപ്പൻപറമ്പിൽ എന്നിവരും ഒപ്പം ഉണ്ടായിരുന്നു. ഫയർ ഫോഴ്‌സ് പരിശോധന നടത്തി ഇരിട്ടി: ബാരാപോൾ കനാലിൽ ഗർത്തം രൂപപെട്ടതിനെ തുടർന്ന് ഇരിട്ടി അഗ്നി രക്ഷാനിലയം ഓഫീസർ ടി.വി. ഉണ്ണികൃഷ്ണന്‍റെ നേതൃത്വത്തിൽ പരിശാധന നടത്തി. അസി. സ്റ്റേഷൻ ഓഫീസർ എൻ.ജി. അശോകൻ ഫയർ ആൻഡ് സേയ്ഫ്റ്റി ഓഫിസർമാരായ ബിനോയി രാഹുൽ , സിവിൽ ഡിഫൻസ് അംഗം വിനീത് കുമാർ എന്നിവരും ഒപ്പമുണ്ടായിരുന്നു .

കെജിഒയു പ്രതിഷേധ പ്രകടനം നടത്തി

കണ്ണൂർ: ഒരു വർഷമായിട്ടും സർക്കാർ ജീവനക്കാരുടെ ശന്പള പരിഷ്കരണത്തിന് നടപടിയെടുക്കാത്ത സർക്കാർ നിലപാടിൽ പ്രതിഷേധിച്ച് കെജിഒയു കണ്ണൂർ ജില്ലാ കമ്മിറ്റിയുടെ നേതൃത്വത്തിൽ കണ്ണൂർ കളക്ടറേറ്റിനു പ്രതിഷേധ പ്രകടനം നടത്തി. സംസ്ഥാന ജനറൽ സെക്രട്ടറി ബി. ഗോപകുമാർ ഉദ്ഘാടനം ചെയ്തു. ജില്ലാ പ്രസിഡന്‍റ് കെ.പി ഗിരീഷ് കുമാർ അധ്യക്ഷത വഹിച്ചു. സംസ്ഥാന സെക്രട്ടറി സി. ഉണ്ണികൃഷ്ണൻ, ജില്ലാ സെക്രട്ടറി പ്രഫ. മുഹമ്മദ് അനീസ്, കെ.കെ രാജേഷ് ഖന്ന, ടി.ഷജിൽ, ഷിജിൻ മാണിയത്ത്, കെ.എം.ഷാഹുൽ ഹമീദ്, ബിന്ദു ചെറുവാട്ടിൽ എന്നിവർ പ്രസംഗിച്ചു. പി.സി സാബു,കെ.വി.ജയേഷ്, സി.അജിത്ത് കുമാർ, കെ.ശ്രീകാന്ത് എന്നിവർ നേതൃത്വം നൽകി.

ഉളിക്കൽ സിഎച്ച്സിക്ക് വീൽ ചെയർ നൽകി

ഉളിക്കൽ: ഉളിക്കൽ സിറ്റി ലയൺസ് ക്ലബി ഇരിട്ടി, ഉളിക്കൽ ജനമൈത്രി പോലീസ് എന്നിവയുടെ നേതൃത്വത്തിൽ ഉളിക്കൽ സിഎച്ച്സിക്ക് നൽകുന്ന വീൽ ചെയർ ഉളിക്കൽ പോലീസ് സ്റ്റേഷൻ എസ്എച്ച്‌ഒ വി.എം.ഡോളി, മെഡിക്കൽ ഓഫീസർ ഡോ. ടിൻസി ബിനിവിയ്ക്ക് കൈമാറി ഉദ്ഘാടനം ചെയ്തു. ജില്ലാ പോലീസ് മേധാവി അട്ടറഞ്ഞി സങ്കേത്തിൽ നടത്തിയ അദാലത്തിൽ സിഎച്ച്സിയിൽ വീൽ ചെയർ ഇല്ലെന്ന കാര്യം ശ്രദ്ധയിൽപ്പെടുത്തിയിരുന്നു. ഇതേ തുടർന്നാണ് ലയൺസ് ക്ലബ് വീൽചെയർ നൽകിയത്. സിറ്റി ലയൺസ് ക്ലബ് പ്രസിഡന്‍റ് എൻ.കെ. ബിജുമോൻ, ഷിനോ മാത്യു, നിധീഷ് ജോസഫ്, ടി.എസ്. സജുനൻ അഖിൽ മാത്യു , വിജേഷ് ദിവാകരൻ, ആന്‍റണി മുലേപ്ലാക്കൽ, ബെന്നി പാലക്കൽ, എസ്ഐ ഇ.കെ. സുനിൽകുമാർ, എഎസ്ഐ ഇ.പി. ബിജു എന്നിവർ പ്രസംഗിച്ചു.

വിദ്യാർഥികളെ അനുമോദിച്ചു

കണ്ണൂർ: ഉർസുലൈൻ സീനിയർ സെക്കൻഡറി സ്കൂളിൽ ഉന്നത വിജയം കൈവരിച്ച വിദ്യാർഥികൾക്കായി അനുമോദന ചടങ്ങ് നടത്തി. 2024 അക്കാഡമിക്ക് ഇയറിൽ മികച്ച വിജയം കൈവരിച്ച വിദ്യാർഥിനികളെയും സബ്ജക്‌ട് അടിസ്ഥാനത്തിൽ മികവു തെളിയിച്ച അധ്യാപകരെയും അനുമോദിക്കുകയും ആദരിക്കുകയും ചെയ്തു. കണ്ണൂർ-കാസർഗോഡ് ക്രൈംബ്രാഞ്ച് എസ്പി ബാലകൃഷ്ണൻ നായർ ഉദ്ഘാടനം നിർവഹിച്ച് സ്വർണമെഡൽ, മൊമെന്‍റോ, സർട്ടിഫിക്കറ്റ് എന്നിവ വിതരണം ചെയ്തു. പിടിഎ പ്രസിഡന്‍റ് ഷാജി പടിഞ്ഞാറെക്കണ്ടി അധ്യക്ഷത വഹിച്ചു. സ്കൂൾ പ്രിൻസിപ്പൽ സിസ്റ്റർ അർച്ചന പോൾ, അധ്യാപിക വന്ദന, എം.കെ. ഷീബ എന്നിവർ പ്രസംഗിച്ചു.

ഇ -സൈക്കിള്‍ കാര്‍ബണ്‍ ന്യൂട്രല്‍ കേരളത്തിലേക്കുള്ള ആദ്യ ചുവടുവയ്പ്: മന്ത്രി രാജേഷ്

കണ്ണൂർ: ഇ- സൈക്കിള്‍ കാര്‍ബണ്‍ ന്യൂട്രല്‍ കേരളത്തിലേക്കുള്ള ആദ്യ ചുവടുവയ്പാണെന്ന് മന്ത്രി എം.ബി. രാജേഷ്. തദ്ദേശ സ്വയംഭരണ ഊര്‍ജ വകുപ്പുകളും കേന്ദ്ര ഗ്രാമവികസന മന്ത്രാലയവും സംയുക്തമായി ജില്ലയില്‍ വിതരണം ചെയ്യുന്ന ഇലക്ട്രിക് സൈക്കിളുകളുടെ ജില്ലാതല ഉദ്ഘാടനം നിര്‍വഹിച്ചു പ്രസംഗിക്കുകയായിരുന്നു അദ്ദേഹം. ഈ പദ്ധതിയിലൂടെ സ്ത്രീകളുടെ ജീവിത നിലവാരത്തില്‍ കൂടുതല്‍ പുരോഗതി ഉണ്ടാകുമെന്നും മന്ത്രി കൂട്ടിച്ചേര്‍ത്തു. സംസ്ഥാനത്തെ മികച്ച എഡിഎസായി തെരഞ്ഞെടുക്കപ്പെട്ട മാട്ടറ എഡിഎസി നും മികച്ച ബഡ്‌സ് സ്‌കൂളായി തെരഞ്ഞെടുത്ത പഴശിരാജ ബഡ്‌സ് സ്‌കൂളിനുമുള്ള അവാര്‍ഡ് വിതരണവും മന്ത്രി നിര്‍വഹിച്ചു. മന്ത്രി കടന്നപ്പള്ളി രാമചന്ദ്രന്‍ അധ്യക്ഷത വഹിച്ചു. 2050 ഓടെ കാര്‍ബണ്‍ ന്യൂട്രല്‍ കേരളം സൃഷ്ടിക്കുക എന്ന ലക്ഷ്യത്തോടെയാണ് കുടുംബശ്രീ അംഗങ്ങള്‍ക്ക് ഇ സൈക്കിള്‍ വിതരണം ചെയ്തത്. കണ്ണൂര്‍ ജില്ലയിലെ 71 ഗ്രാമീണ സിഡിഎസുകളിലെ 350 വനിതകള്‍ക്കാണ് ഇ സൈക്കിളുകള്‍ നല്‍കുന്നത്. കാര്‍ബണ്‍ ന്യൂട്രല്‍ കേരളം പദ്ധതിയുടെ ആദ്യഘട്ടമായി കണ്ണൂര്‍, പാലക്കാട് ജില്ലകളിലാണ് കുടുംബശ്രീ അംഗങ്ങള്‍ക്ക് ഇ സൈക്കിളുകള്‍ നല്‍കുന്നത്. 40.000രൂപ വിലമതിക്കുന്ന ഈ സൈക്കിള്‍ 3000 ഗുണഭോക്തൃ വിഹിതം വാങ്ങിക്കൊണ്ടാണ് കുടുംബശ്രീ പ്രവര്‍ത്തകര്‍ക്ക് നല്കുന്നത്.

ഡോക്‌ടേഴ്സ് ദിനാചരണം

കൂത്തുപറന്പ്: നിർമലഗിരി കോളജ് ഓഫ് അഡ്വാൻസ് സ്റ്റഡീസിന്‍റെ നേതൃത്വത്തിൽ കൂത്തുപറമ്പ് തൊക്കിലങ്ങാടി ക്രിസ്തുരാജ ആശുപത്രിയിൽ ഡോക്‌ടേഴ്സ് ദിനാചരണം നടത്തി. ആശുപത്രി അഡ്മിനിസ്ട്രേറ്റർ സിസ്റ്റർ സിൻസി അധ്യക്ഷത വഹിച്ചു. കോളജ് എൻഎസ്എസ് യൂണിറ്റിന്‍റെ (യൂണിറ്റ് 35) നേതൃത്വത്തിൽ നടത്തിയ പരിപാടിയിൽ എൻഎസ്എസ് പ്രോഗ്രാം ഓഫീസർ ഫാ. ജിന്‍റോ പന്തലാനിക്കൽ, കോളജ് അസിസ്റ്റന്‍റ് പ്രിൻസിപ്പൽ ഡോ. ടെസി ജോർജ്, സ്റ്റുഡന്‍റ് ലീഡർ ദേവിക എന്നിവർ പ്രസംഗിച്ചു. തൊണ്ടിയിൽ : ദേശീയ ഡോക്ടേഴ്സ് ദിനത്തോടനുബന്ധിച്ച് പേരാവൂർ സെന്‍റ് ജോസഫ് ഹൈസ്കൂളിൽ നടന്ന ചടങ്ങിൽ താലൂക്ക് ഹോസ്പിറ്റൽ സൂപ്രണ്ട് ഡോ. എ.കെ. സഹീനയെ ആദരിച്ചു. സ്കൂൾ ഹെഡ്മാസ്റ്റർ സണ്ണി കെ. സെബാസ്റ്റ്യൻ അധ്യക്ഷത വഹിച്ചു. അധ്യാപകരായ ബൈജു വർഗീസ്, ജയേഷ് ജോർജ്, റിൻസി പി. കുര്യൻ, സിസ്റ്റർ. വിനയ എന്നിവർ പ്രസംഗിച്ചു. കേളകം: കഴിഞ്ഞ 50 വർഷക്കാലമായി ആതുര ചികിത്സാരംഗത്ത് സേവനം ചെയ്യുന്ന ഡോ. സി.ജെ. ഡാനിയലിനെ ഡോക്ടേഴ്സ് ദിനത്തിൽ കേളകം വൈസ്മെന്‍ ആദരിച്ചു. ഹോമിയോപ്പതിയിൽ ഡോക്ടറേറ്റ് നേടിയ കാലം മുതൽ കേളകത്തെ നൂറുകണക്കിന് രോഗികൾക്കും കുട്ടികൾക്കും ആശ്രയമാണ് ഡോ. സി.ജെ. ഡാനിയൽ. പ്രസിഡന്‍റ് ഷാജി ജോൺ, മുൻ ഡിസ്ട്രിക്ട് ഗവർണർ പി.വി. ജോസ്, ക്ലബ് അംഗങ്ങളായ എം.വി. മാത്യു, ബേബി മഞ്ഞുമ്മൽ, കെ.എസ്. ജോജി, കെ. ദിലീപ് കെ എന്നിവർ പ്രസംഗിച്ചു. കൊളക്കാട്: ഡോക്ടേഴ്സ് ദിനചാരണത്തിന്‍റെ ഭാഗമായി കാപ്പാട് സെന്‍റ് സെബാസ്റ്റ്യൻസ് സ്കൂളിലെ അധ്യാപകരും വിദ്യാർഥികളും ചേർന്ന് കണിച്ചാർ പ്രാഥമിക ആരോഗ്യ കേന്ദ്രത്തിലെത്തി മെഡിക്കൽ ഓഫീസർ ഡോ. പി. അതുലിനെ ആദരിച്ചു. സ്കൂൾ മുഖ്യാധ്യാപിക ജാൻസി തോമസ്, പിടിഎ പ്രസിഡന്‍റ് സന്തോഷ്‌ പെരേപ്പാടൻ, ജൂണിയർ ഹെൽത്ത്‌ ഇൻസ്‌പെക്ടർ എം.വി. നവീന, അധ്യാപകരായ പി.എ. ജെയ്സൺ, റീന ചെറിയാൻ, സിസ്റ്റർ പി.വി. ജയ, ഷൈനി ജോമി, വിദ്യാർഥി പ്രതിനിധികൾ എന്നിവർ പങ്കെടുത്തു.

കെഎസ്എസ്പിഎ ധർണ നടത്തി

ശ്രീകണ്ഠപുരം: കേരളത്തിലെ സർവീസ് പെൻഷൻകാരുടെ പെൻഷൻ പരിഷ്ക്കരണം അട്ടിമറിച്ചതിൽ പ്രതിഷേധിച്ച് കെഎസ്എസ്പിഎ ഇരിക്കൂർ നിയോജക മണ്ഡലം കമ്മിറ്റിയുടെ നേതൃത്വത്തിൽ ശ്രീകണ്ഠപുരം സബ്ട്രഷറിക്ക് മുമ്പിൽ കരിദിനാചരണവും ധർണയും നടത്തി. അസോസിയേഷൻ സംസ്ഥാന സെക്രട്ടേറിയറ്റ് അംഗം പി.പി. ചന്ദ്രാംഗദൻ ഉദ്ഘാടനം ചെയ്തു. വനിതകൾ അടക്കം നൂറ് കണക്കിന് പെൻഷൻകാർ പങ്കെടുത്ത പ്രകടനവും നടന്നു. കുടിശികയായ 18 ശതമാനം ക്ഷാമാശ്വാസം അനുവദിക്കുക, മെഡിസെപ്പ് പദ്ധതി കുറ്റമറ്റതാക്കുക തുടങ്ങിയ ആവശ്യങ്ങളും യോഗം ഉന്നയിച്ചു. നിയോജക മണ്ഡലം പ്രസിഡന്‍റ് ജോസഫ് സഖറിയാസ് അധ്യക്ഷത വഹിച്ചു. സംസ്ഥാന കൗൺസിൽ അംഗം പി.ടി. കുര്യാക്കോസ് മുഖ്യഭാഷണം നടത്തി. കെ.വി. പത്മനാഭൻ, കെ. ദിവാകരൻ, പി. ദിനേശൻ, കെ.സി. ജോൺ, എം.എം. ലീല, പി.സി. മറിയാമ്മ, ജോസ് അഗസ്റ്റിൻ, ഡോ. വി.എ. അഗസ്റ്റിൻ തുടങ്ങിയവർ പ്രസംഗിച്ചു. ആലക്കോട് സബ് ട്രഷറിക്ക് മുന്നിൽ നടന്നധർണ ജില്ലാ ജോയിന്‍റ് സെക്രട്ടറി എം.പി. കുഞ്ഞുമൊയ്‌തീൻ ഉദ്ഘാടനം ചെയ്തു.

ഡോക്‌ടേഴ്സ് ദിനാചരണം

ശ്രീകണ്ഠപുരം: ഡോക്‌ടേഴ്സ് ദിനാചരണത്തിന്‍റെ ഭാഗമായി ശ്രീകണ്ഠപുരം വൈസ്മെൻ ക്ലബിന്‍റെ ആഭിമുഖ്യത്തിൽ ഡോ. അഗസ്റ്റ്യൻ ജോർജിനെ ആദരിച്ചു. ക്ലബ് പ്രസിഡന്‍റ് ജോൺസൺ ടി. സഖറിയാസ് അധ്യക്ഷത വഹിച്ചു. റെജി നെല്ലൻകുഴി, ജോർജ് പി. അഗസ്റ്റിൻ, യു.കെ. ഭാനു, എ.വി. മനീഷ്, റെജി കാര്യാങ്കൽ, മാത്യു വർഗീസ്, വിപിൻ വിൻസെന്‍റ് എന്നിവർ പ്രസംഗിച്ചു. കരുവഞ്ചാൽ: കരുവഞ്ചാൽ വൈഎംസിഎയുടെയും വുമൺസ് ഫോറത്തിന്‍റേയും സംയുക്ത ആഭിമുഖ്യത്തിൽ കരുവഞ്ചാൽ സെന്‍റ് ജോസഫ്സ് ആശുപത്രിയിലെ 15 ഡോക്ടർമാരെ ആശുപത്രി അങ്കണത്തിൽ ആദരിച്ചു. ഹോസ്പിറ്റൽ ഡയറക്ടർ ഫാ. സാബു പുതുശരി, അഡ്മിനിസ്ട്രേറ്റർ ഫാ. അനീഷ് മണവത്ത്, ആലക്കോട് സബ് ഇൻസ്പെക്ടർ എൻ.ജെ. ജോസ് എന്നിവർ പ്രസംഗിച്ചു. വൈഎംസിഎ പ്രസിഡന്‍റ് പോൾ ജോർജ് മേച്ചേരിൽ ഡോക്‌ടേഴ്സ് ദിന സന്ദേശം നൽകി. ജോർജുകുട്ടി കുറ്റിയാനിക്കൽ, ഡോ. ജോസ് ചെറുക്കാവിൽ, സാബു ചാണക്കാട്ടിൽ, രാജു ചെരിയൻ കാലായിൽ, ബോബി നമ്പ്യാപറമ്പിൽ, ജയ്സൺ ഓണംകുളം, ലിജോ കളരിക്കൽ, വുമൺസ് ഫോറം പ്രസിഡന്‍റ് ഷാന്‍റി ഷൈജു, സെക്രട്ടറി അനു ജയ്സൺ എന്നിവർ നേതൃത്വം നൽകി. ചെറുപുഴ: ചെറുപുഴ സെന്‍റ് സെബാസ്റ്റ്യൻസ് ആശുപത്രിയിലെ ഡോക്ടർമാരെ മാനേജ്മെന്‍റിന്‍റേയും ജീവനക്കാരുടേയും നേതൃത്വത്തിൽ ആദരിച്ചു. ആശുപത്രി കവാടത്തിനു മുന്നിൽ പ്രത്യേകം സജ്ജമാക്കിയ വേദിയിലാണ് ആദരിക്കൽ ചടങ്ങ് നടന്നത്. യോഗത്തിൽ ആശുപത്രി അഡ്മിനിസ്ട്രേറ്റർ സിസ്റ്റർ തേജസ് മരിയ, അഡ്മിനിസ്ട്രേറ്റീവ് ഓഫീസർ അനൂപ് തോമസ് എന്നിവർ പ്രസംഗിച്ചു. സിസ്റ്റർ തേജസ് മരിയ ഡോക്ടർമാരെ പൂക്കൾ നൽകി സ്വീകരിച്ചു. തുടർന്ന് കേക്ക് മുറിച്ചു. സിസ്റ്റേഴ്സ്, ആശുപത്രി ജീവനക്കാർ തുടങ്ങിയവർ പങ്കെടുത്തു. ഡോ. ഗോപാൽ, ഡോ. ശിവരാജ്, ഡോ. വി.ജെ. അരുൺ, ഡോ. സുബിൻ ജോളി, ഡോ. അബി പോൾ, ഡോ. അഞ്ജലി, ഡോ. വിഷ്ണു എന്നിവരെയാണ് ആദരിച്ചത്. ചെറുപുഴ: നവജ്യോതി കോളജ് സോഷ്യൽ വർക്ക്‌, സൈക്കോളജി ഡിപ്പാർട്ട്മെന്‍റുകളുടെ നേതൃത്വത്തിൽ ഡോക്‌ടേഴ്സ് ഡേയോടനുബന്ധിച്ച് ചെറുപുഴ സെന്‍റ് സെബാസ്റ്റ്യൻസ് ഹോസ്പിറ്റൽ, പുളിങ്ങോം കുടുംബാരോഗ്യ കേന്ദ്രം എന്നിവിടങ്ങളിലെ ഡോക്ടർമാരെ പൊന്നാടയണിച്ച് ആദരിച്ചു. ചടങ്ങിൽ ഡിപ്പാർട്ട്മെന്‍റ് മേധാവി ഫാ. ബിനോയ്‌ വാഴയിൽ അധ്യക്ഷത വഹിച്ചു. ഡിപ്പാർട്ട്മെന്‍റ് പ്രതിനിധി ആൽബർട്ട് മാത്യു, സ്റ്റാഫ് കോ ഓഡിനേറ്റർസ് സിസ്റ്റർ ഷാരോൺ, ജെയ്മി ജോൺസൺ സ്റ്റുഡന്‍റ് കോ ഓർഡിനേറ്റർ പിജെ. തോമസ് എന്നിവർ പ്രസംഗിച്ചു. ജോസ്ഗിരി: ജോസ്ഗിരി സെന്‍റ് ജോസഫ് യുപി സ്കൂളിൽ പിടിഎ ജനറൽബോഡി യോഗവും ബോധവത്കരണ ക്ലാസും സംഘടിപ്പിച്ചു. യോഗത്തിൽ ഡോക്ടേഴ്സ് ഡേയോടനുബന്ധിച്ച് സ്കൂളിലെ പൂർവ വിദ്യാർഥിയായ ഡോ. അരുൺ ജോയിയെ ആദരിച്ചു. എഫക്റ്റീവ് പാരന്‍റിംഗ് എന്ന വിഷയത്തിൽ അദ്ദേഹം ക്ലാസ് നയിച്ചു. ലഹരിക്കെതിരെ ചെറുപുഴ പോലീസ് സ്റ്റേഷനിലെ സിവിൽ പോലീസ് ഓഫീസർ കെ.സി. രതീഷ് ബോധവത്കരണ ക്ലാസ് നയിച്ചു. പത്തായത്തംഗം ഷാന്‍റി കലാധരൻ ഉദ്ഘാടനം ചെയ്തു. ചടങ്ങിൽ പിടിഎ പ്രസിഡന്‍റ് തോമസ് തള്ളായിൽ അധ്യക്ഷത വഹിച്ചു. സ്കൂൾ മാനേജർ ഫാ. ജസ്റ്റിൻ മേപ്രത്ത് മുഖ്യപ്രഭാഷണം നടത്തി. മുഖ്യാധ്യാപിക ജിബി സെബാസ്റ്റ്യൻ, മദർ പിടിഎ പ്രസിഡന്‍റ് റെക്സി ബിജോയ്, സ്റ്റാഫ് സെക്രട്ടറി ജിനു സെബാസ്റ്റ്യൻ എന്നിവർ പ്രസംഗിച്ചു. പെരുമ്പടവ്: ഡോക്ടേഴ്സ് ദിനത്തിൽ പെരുമ്പടവിലെ ഡോ. സത്യശങ്കറിനെ കരിപ്പാൽ എസ് വിയുപി സ്കൂൾ സയൻസ് ക്ലബിന്‍റെ നേതൃത്വത്തിൽ ആദരിച്ചു. മുഖ്യാധ്യാപിക പി.പി. ബിന്ദു പൊന്നാടയണിയിച്ചു. സയൻസ് ക്ലബ് പ്രവർത്തകരായ വിദ്യാർഥികൾ ഉപഹാരം കൈമാറി. സ്റ്റാഫ് സെക്രട്ടറി വി.കെ. വിനീത, പിടിഎ പ്രസിഡന്‍റ് വി.സി. മൊയ്തു, വൈസ് പ്രസിഡന്‍റ് ഇ. ബിബിൻ, കെ.സി.സന്തോഷ്, കെ.കെ. സനൂപ്, പി.വി. സുജേഷ്, എൻ. കെ. ധനുരാജ്, കെ.കെ ജിതിൻ എന്നിവർ നേതൃത്വം നൽകി. കുടിയാന്മല: യംഗ് മൈൻഡ്സ് ഇന്‍റർനാഷണൽ (വൈഎംഐ) കുടിയാന്മല ക്ലബിന്‍റെ ആഭിമുഖ്യ ത്തിൽ സംഘടിപ്പിച്ച ഡോക്ടേഴ്സ് ദിനാചരണത്തിന്‍റെ ഭാഗമായി കുടിയാന്മലയിൻ മൂന്ന് പതിറ്റാണ്ടി ലേറെയായി ആതുര സേവന രംഗത്ത് ശ്രദ്ധേയനായ ഡോ. വി.സുരേഷ്, ഡോ. ലിവിംഗ്സ്റ്റൺ എന്നിവരെ ആദരിച്ചു. ക്ലബ് പ്രസിഡന്‍റ് പോൾ മഞ്ചപ്പിള്ളിൽ ഇരുവരേയും പൊന്നാടയണിയിച്ചു. ബിജു ഫ്രാൻസിസ്, ബേബി വട്ടക്കുന്നേൽ, സോജൻ ഇരുപ്പക്കാട്ട് എന്നിവർ പ്രസംഗിച്ചു. പയ്യാവൂർ: കേരള വ്യാപാരി വ്യവസായി ഏകോപന സമിതി (കെവിവിഇഎസ്) പയ്യാവൂർ യൂണിറ്റിന്‍റെ ആഭിമുഖ്യത്തിൽ ഡോക്ടേഴ്സ് ഡേ ആചരിച്ചു. പയ്യാവൂർ ടൗണിൽ ദീർഘകാലമായി ആതുര സേവന രംഗത്ത് പ്രവർത്തിച്ചുവരുന്ന ഡോ.എം.വി. ലക്ഷ്മണൻ, ഡോ. ഒ.വി.സനൽ, ഡോ. രാജഗോപാൽ, ഡോ. ദിനേശ്, ഡോ. ഡെൽസ് എന്നിവരെ അവരവരുടെ ക്ലിനിക്കുകളിലെത്തി ഷാൾ അണിയിച്ച് ആദരിച്ചു. ചടങ്ങിൽ കെവിവിഇഎസ് പയ്യാവൂർ യൂണിറ്റ് ഭാരവാഹികളും അംഗങ്ങളും പങ്കെടുത്തു.

അപകടാവസ്ഥയിലായ പാലങ്ങൾ പുനർനിർമിക്കണം: സജീവ് ജോസഫ് എംഎൽഎ

ശ്രീകണ്ഠപുരം: കാലവർഷം ശക്തമായതോടെ വട്ട്യാംതോട് പാലം, കണ്ടകശേരി പാലം, വണ്ണായിക്കടവ് പാലം തുടങ്ങിയവ അപകടാവസ്ഥയിലാണെന്നും ഇവ പുനർനിർമിക്കാനുള്ള നടപടി സ്വീകരിക്കണമെന്നും സജീവ് ജോസഫ് എംഎൽഎ ആവശ്യപ്പെട്ടു. നഗരസഭാ പൊതുമരാമത്ത് പ്രവൃത്തികളുടെ അവലോകന യോഗത്തിൽ സംസാരിക്കുകയായിരുന്നു അദ്ദേഹം. അതിശക്തമായ മഴയിൽ പാലത്തിന് മുകളിലൂടെ വെള്ളംകയറുകയും വാഹനങ്ങൾക്ക് പോകാൻ കഴിയാത്ത സാഹചര്യമുണ്ടാകുകയും ചെയ്തു. പാലത്തിന് മുകളിലൂടെ വെള്ളം കയറി പ്രദേശങ്ങൾ ഒറ്റപ്പെട്ട സ്ഥിതിയിലാണ്.ശ്രീകണ്ഠപുരം - ചെമ്പന്തൊട്ടി - നടുവിൽ, പെരുവമ്പറമ്പ് - കല്ലുവയൽ - നെല്ലിക്കാംപോയിൽ തുടങ്ങിയ റോഡുകളുടെ പ്രവൃത്തി പുരോഗമിക്കുന്നതായും ഡിസംബറിൽ നിർമാണം പൂർത്തീകരിക്കാൻ സാധിക്കുമെന്നും യോഗം വിലയിരുത്തി. നുച്യാട് - മണിക്കടവ് - കാഞ്ഞിരകൊല്ലി റോഡ് നിർമാണത്തിന് പുതിയ കരാറുകാരനെ തെരഞ്ഞെടുത്തതിനാൽ ഉടൻ പ്രവൃത്തി പുനരാരംഭിക്കും. കരുവഞ്ചാൽ - വായാട്ടുപറമ്പ് - പോത്തുകുണ്ട് - നടുവിൽ റോഡ് വീതി കൂട്ടി നവീകരിക്കാൻ എസ്റ്റിമേറ്റ് സമർപ്പിച്ചിട്ടുണ്ട്. കരുവഞ്ചാൽ പാലത്തിന്‍റെ നിർമാണം പുരോഗമിക്കുകയാണ്. ഗവ. യുപിഎസ് അരീക്കാമല സ്കൂൾ കെട്ടിട നിർമാണം അന്തിമ ഘട്ടത്തിലാണെന്നും ഗവ. എച്ച്എസ്എസ് കണിയഞ്ചാൽ സ്കൂളുകളുടെ കെട്ടിട നിർമാണം പുരോഗമിക്കുന്നു. ഗവ. എൽപിഎസ് പരിപ്പായി സ്കൂൾ കെട്ടിട നിർമാണത്തിന് ടെൻഡർ നടപടികൾ സ്വീകരിച്ചിട്ടുണ്ടെന്നും യോഗം വിലയിരുത്തി. ബജറ്റ് പ്രവൃത്തികളായ ചുണ്ടപ്പറമ്പ് - വെള്ളാട് -കരുവഞ്ചാൽ റോഡ്, ഉദയഗിരി - അരിവിളഞ്ഞ പൊയിൽ - ജോസ്ഗിരി റോഡ് തുടങ്ങിയവയ്ക്ക് ഭരണാനുമതി നൽകാനുള്ള നടപടി സ്വീകരിക്കണമെന്ന് എംഎൽഎ ആവശ്യപ്പെട്ടു. യോഗത്തിൽ നഗരസഭാധ്യക്ഷ ഡോ. കെ.വി. ഫിലോമിന, എക്സി. എൻജിനിയർ എം. സജിത്ത്, അസി. എക്സി. എൻജിയർമാരായ കെ. പ്രവീൺ, ആശീഷ് കുമാർ, പി. സജിത്ത്, കെ. ഉമാവതി എൻജിനിയർമാരായ എ.എ. ഉണ്ണി, എംസി. രാജൻ, ജി. സ്വപ്ന, എൻ.കെ. സേതുമാധവൻ തുടങ്ങിയവർ പങ്കെടുത്തു.

മംഗര സെന്‍റ് തോമസ് പള്ളി തിരുനാൾ

മംഗര: മംഗര സെന്‍റ് തോമസ് പള്ളി തിരുനാളിന് തുടക്കം കുറിച്ച് ഇടവക വികാരി ഫാ. റിജേഷ് ലൂയിസ് പുതിയവീട്ടിൽ കൊടിയേറ്റി. തുടർന്നു നടന്ന ദിവ്യബലി, നൊവേന എന്നിവയ്ക്ക് ഫാ. ഷാജു ആന്‍റണി തറമ്മൽ കാർമികത്വം വഹിച്ചു. ഇന്നു വൈകുന്നേരം 5.30ന് ജപമാല, ആറിന് ദിവ്യബലി, നൊവേന എന്നിവയ്ക്ക് ഫാ. ജോണി പുത്തൻവീട്ടിൽ കാർമികത്വം വഹിക്കും. സമാപന ദിനമായ നാളെ വൈകുന്നേരം 5.30ന് ജപമാല, ആറിന് ഫാ. മാർട്ടിൻ രായപ്പന്‍റെ കാർമികത്വത്തിൽ തിരുനാൾ ദിവ്യപൂജ. തുടർന്ന് നേർച്ച ഭക്ഷണം.

ലൈഫും, മാലിന്യ നിർമാർജനവും ആർദ്രവും; കണ്ണൂരിന് പ്രശംസ

കണ്ണൂർ: അതിദാരിദ്ര്യ നിർമാർജനത്തിനായുള്ള ജില്ലയുടെ മികവാർന്ന പ്രവർത്തനങ്ങളെ മേഖലാതലാ അവലോകന യോഗത്തിൽ പ്രസംസിച്ച് മുഖ്യമന്ത്രിയും ചീഫ് സെക്രട്ടറി ഡോ. എ ജയതിലകും. അതിദരിദ്ര വിഭാഗത്തിൽ ജില്ലയിൽ കണ്ടെത്തിയ 3973 കുടുംബങ്ങൾക്ക് ആവശ്യമായ ക്രമീകരണ ഏർപെടുത്തിയതാണ് പ്രശംസയ്ക്ക് വഴിവച്ചത്. അടിസ്ഥാന ജീവിത ആവശ്യങ്ങൾ ലഭിക്കാത്തവർക്ക് ഭക്ഷണ ലഭ്യത, ആരോഗ്യം, വരുമാനം, വാസസ്ഥലം എന്നിവ ഉറപ്പാക്കിയാണ് അതിദാരിദ്ര്യ ലഘൂകരണം സാധ്യമാക്കിയത്. ജില്ലയിൽ പാർപ്പിടം മാത്രം ആവശ്യമുള്ള 392 കുടുംബങ്ങളെയാണ് കണ്ടെത്തിയത്. മുഴുവൻ കുടുംബങ്ങൾക്കും പാർപ്പിടം ലഭ്യമാക്കിക്കഴിഞ്ഞു. വസ്തുവും വീടും ആവശ്യമുള്ള 121 കുടുംബങ്ങളെ കണ്ടെത്തി. ഇവർക്ക് വസ്തു ലഭ്യമാക്കുകയും പാർപ്പിടം ഒരുക്കി നല്കുകയും ചെയ്തു. പെട്ടിപ്പാലം, പുന്നോൽ, മാക്കൂട്ടം പ്രദേശങ്ങളിൽ കടൽക്ഷോഭം മൂലം വീടുകളിൽ വെള്ളം കയറുന്നത് തടയാൻ ഈ പ്രദേശങ്ങളിലെ പ്രവൃത്തികൾ തലശേരിയിലെ ഹോട്ട് സ്‌പോട്ട് ഏരിയയിൽ ഉൾപ്പെടു ത്തി എഡിബി സ്‌കീമിൽ ഫണ്ട് ലഭ്യമാക്കുന്നതിനുള്ള നടപടി സ്വീകരിക്കാമെന്ന് ജലവിഭവ വകുപ്പ് സെക്രട്ടറി അറിയിച്ചു. കണ്ണൂർ സ്പോർട്സ് സ്‌കൂൾ വികസനവുമായി ബന്ധപ്പെട്ട വിഷയത്തിൽ കണ്ണൂർ ടൗൺ സ്പോർട്സ് സ്‌കൂളിൽ തിരുവനന്തപുരം ജിവിരാജ സ്പോർട്സ് സ്‌കൂളിനൊപ്പമുള്ള വികസനമാണ് സർക്കാർ ലക്ഷ്യമിടുന്നതെന്ന് കായിക വകുപ്പ് സെക്രട്ടറി പറഞ്ഞു. അടിസ്ഥാന സൗകര്യ വികസനം ഉൾപ്പെ ടെയുള്ളവ നടപ്പാക്കുമെന്നും സെക്രട്ടറി പറഞ്ഞു. ആറളം ഫാം തൊഴിലാളികൾക്കുള്ള 11 കോടി ശമ്പള കുടിശിക സംബന്ധിച്ച് ധനകാര്യ വകുപ്പ് പരിശോധിച്ചു വരുന്നതായി പട്ടികജാതി-പട്ടികവർഗ വികസന വകുപ്പ് അറിയിച്ചു. പട്ടികജാതി വിഭാഗക്കാർക്കുള്ള ഭവന സമുച്ചയ നിർമാണവുമായി ബന്ധപ്പെട്ട് പട്ടികജാതി വികസന വകുപ്പിന്‍റെ ഉടമസ്ഥതയിലുള്ള ഏഴോം വില്ലേജിലെ 50 സെന്‍റ് ഭൂമിയുടെ ഉടമസ്ഥാവകാശം പട്ടികജാതി വികസന വകുപ്പിൽ നിലനിർത്തി പാട്ട വ്യവസ്ഥയിൽ ജില്ലാ പഞ്ചായത്തിന് വിട്ടു നല്കുന്നതിനുള്ള വിഷയത്തി ന്മേൽ നടപടി സ്വീകരിക്കുന്നതിനായി ജില്ലാ പഞ്ചായത്തിനോട് ആവശ്യപ്പെട്ടിട്ടുണ്ടെന്ന് തദ്ദേശ സ്വയംഭരണ വകുപ്പ് സെക്രട്ടറി അറിയിച്ചു. പയ്യന്നൂർ താലൂക്ക് പുളിങ്ങോം വില്ലേജിലെ കേരള കർണാടക അതിർത്തി തർക്കം പരിഹരിക്കുന്ന തിന് ഇരു സംസ്ഥാനങ്ങളും സംയുക്ത സർവേ നടത്താനുള്ള നടപടികൾ സ്വീകരിക്കുമെന്ന് റവന്യൂ വകുപ്പ് സെക്രട്ടറി അറിയിച്ചു. കല്യാട് അന്താരാഷ്ട്ര ആയുർവേദ സെന്‍ററിന്‍റെ 75 ശതമാനം പണികളാണ് പൂർത്തിയായത്. കാലതാ മസം ഒഴിവാക്കുന്നതിന്‍റെ ഭാഗമായി ഉപകരാറുകാരൻ പണി ഉടൻ ആരംഭിക്കുമെന്നും ആരോഗ്യവകുപ്പ് സെക്രട്ടറി അറിയിച്ചു. പരിയാരത്തെ കണ്ണൂർ മെഡിക്കൽ കോളജിൽ ട്രോമ കെയർ ഉൾപ്പെടെയുള്ള നിർമാണ പ്രവൃത്തി ധന വകുപ്പിന്‍റെ അനുമതി ലഭിച്ചാലുടൻ ആരംഭിക്കാനാകുമെന്നും സെക്രട്ടറി അറിയിച്ചു. ആശുപത്രിയുടെ വിവിധ അറ്റകുറ്റ പ്രവൃത്തികളുടെ 85 ശതമാനവും പൂർത്തീയായി. ശേഷിക്കുന്ന പ്രവൃത്തികൾ വേഗത്തിൽ പൂർത്തിയാക്കും. പരിയാരം മെഡിക്കൽ കോളജിൽ ജോലി ചെയ്തിരുന്ന ജീവനക്കാരെ സർക്കാർ സർവീസിലേക്ക് ഏറ്റെടുക്കുന്നതിന്‍റെ ഭാഗമായി 521 നഴ്സിംഗ് തസ്തികകൾ, 147 മെഡിക്കൽ തസ്തികകൾ, എൻഎം സി മാനദണ്ഡങ്ങൾ പാലിക്കുന്നതിനായി അധിക 100 തസ്തികകളും സൃഷ്ടിച്ചിട്ടുണ്ട്. മന്ത്രിമാരായ കടന്നപ്പള്ളി രാമചന്ദ്രൻ, കെ. കൃഷ്ണൻ കുട്ടി, എം.ബി. രാജേഷ്, പി.എ. മുഹമ്മദ് റിയാസ്, ഒ.ആർ. കേളു, അഡീഷണൽ ചീഫ് സെക്രട്ടറിമാർ, പ്രിൻസിപ്പൽ സെക്രട്ടറിമാർ, വിവിധ വകുപ്പ് സെക്രട്ടറിമാർ, കണ്ണൂർ, കോഴിക്കോട്, വയനാട്, കാസർഗോഡ് ജില്ലകളിലെ കളക്ടർമാർ, ജില്ലാതല ഉദ്യോഗസ്ഥർ തുടങ്ങിയവർ പങ്കെടുത്തു. 332 റോഡുകൾക്ക് സാങ്കേതികാനുമതി മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ കണ്ണൂർ ജില്ലയിലെ 447 റോഡുകളിൽ 332 റോഡുകൾക്ക് സാങ്കേതികാനുമതിയായി. 203 റോഡുകളുടെ പ്രവൃത്തിക്ക് കരാർ നല്കുകയും 133 റോഡുകളുടെ പ്രവൃത്തി ആരംഭിക്കുകയും ചെയ്തു. 30 ശതമാനം പ്രവൃത്തിയാണ് ആരംഭിച്ചത്. സ്‌കൂളുകളിൽ മഞ്ചാടി പദ്ധതി വ്യാപിപ്പിക്കും വിദ്യാകിരണം പദ്ധതിയുടെ ഭാഗമായി ജില്ലയിലെ 168 സ്‌കൂളുകളിലും മഞ്ചാടി പദ്ധതി ഈ വർഷം വ്യാപിപ്പിക്കുമെന്ന് വകുപ്പ് സെക്രട്ടറി അറിയിച്ചു. ശുചിത്വ വിദ്യാലയം ഹരിത വിദ്യാലയം പദ്ധതി വഴി നടപ്പാക്കുന്ന ജൈവമാലിന്യ സംസ്‌കരണ സംവിധാനം ജില്ലയിലെ 100 ശതമാനം സ്‌കൂളുകളും കൈവരിച്ചു. കിഫ്ബി പദ്ധതിവഴി ജില്ലയിലെ 60 ശതമാനം സ്‌കൂളുകളിൽ ഭൗതിക വികസനം പൂർത്തീകരിച്ചതായും സെക്രട്ടറി അറിയിച്ചു. ലൈഫിൽ സെപ്റ്റംബറോടെ 86 ശതമാനം വീടുകൾ ജില്ലയിൽ ലൈഫ് മിഷൻ പദ്ധതിയിലൂടെ ജൂലൈ മാസത്തിൽ 21,492 (84.72 ശതമാനം), ഓഗസ്റ്റിൽ 21,627 (85.25 ശതമാനം), സെപ്റ്റംബറിൽ 21,915(86.39 ശതമാനം) കൈവരിക്കാൻ സാധിക്കും. മാലിന്യമുക്ത നവകേരള കാമ്പയിനിൽ ഒന്നാമതായി കണ്ണൂർ മാലിന്യ മുക്ത നവകേരളം പദ്ധതിയിലെ 2025 മാർച്ച് വരെയുള്ള പ്രവർത്തനങ്ങളിൽ മാലിന്യ സംസ്‌കരണവുമായി ബന്ധപ്പെട്ട 27 ഓളം നൂതന ആശയങ്ങൾ സംസ്ഥാനത്ത് ആദ്യമായി നടപ്പിലാക്കിയ ജില്ലയാണ് കണ്ണൂർ. മാലിന്യമുക്തം നവകേരള കാമ്പയിൻ പൂർത്തീകരണത്തിൽ ഒന്നാം സ്ഥാനവും കണ്ണൂർ ജില്ലയ്ക്കാണ്. വാതിൽപടി ശേഖരണത്തിൽ 99 ശതമാനവും, യൂസർ ഫീ ശേഖരണത്തിൽ 95 ശതമാനവും നേട്ടം കൈവരിച്ചു. ആരോഗ്യമേഖലയിൽ മുന്നേറ്റം സമഗ്രാരോഗ്യ മുന്നേറ്റത്തിന്‍റെ പാതയിൽ കുതിക്കുകയാണ് കണ്ണൂർ. ആർദ്രം പദ്ധതിയിൽ ഉൾപ്പെടുത്തി കണ്ണൂർ ജില്ലയിൽ 82 കുടുംബാരോഗ്യകേന്ദ്രങ്ങളിൽ 53 എണ്ണത്തിന്‍റെ നവീകരണ പ്രവർത്തനങ്ങൾ പൂർത്തിയായി. ജൂലൈ മാസത്തിൽ 55 എണ്ണവും ഓഗസ്റ്റ് മാസത്തിൽ 56 എണ്ണവും പൂർത്തിയാവും. ബ്ലോക്ക് തല കുടുംബാരോഗ്യ കേന്ദ്രങ്ങളിൽ 14 സ്ഥാപനങ്ങളാണ് തെരഞ്ഞെടു ത്തിട്ടുള്ളത്.

കേരള എൻജിനിയറിംഗ്, ഫാർമസി എൻട്രൻസ് പരീക്ഷയിൽ കണ്ണൂർ, കാസർഗോഡ് ജില്ലകളിൽ മുന്നിലെത്തിയവർ

ഒന്നാമതെത്തി ജസ്‌വിൻ ജോയൽ ചെമ്പേരി: കീം പരീക്ഷയിൽ കണ്ണൂർ ജില്ലയിൽ ഒന്നാം റാങ്ക് കരസ്ഥമാക്കി ചെമ്പേരി സ്വദേശി ജസ്‌വിൻ ജോയൽ. ദേശീയ തലത്തിൽ ഐഐടിയുടെ ജെഇഇ മെയിൻ പരീക്ഷയിൽ 1517, ജെഇഇ അഡ്വാൻസ് പരീക്ഷയിൽ 1982 എന്നിങ്ങനെ റാങ്കുകൾ സ്വന്തമാക്കിയിരുന്നു. ജസ്‌വിൻ പത്താം ക്ലാസ് വരെ ശ്രീകണ്ഠപുരം മേരിഗിരി ഇംഗ്ലീഷ് മീഡിയം സീനിയർ സെക്കൻഡറി സ്കൂളിലും 11, 12 ക്ലാസുകളിൽ മാന്നാനം കെഇ സ്കൂളിലുമാണ് പഠനം നടത്തിയത്‌. പാലാ ബ്രില്യന്‍റ്സിലായിരുന്നു എൻട്രൻസ് പഠനം. ചെമ്പേരി ചെള്ളിക്കുന്നേൽ ജോയി-ടിജിമോൾ ദമ്പതികളുടെ മകനാണ് ജസ്വിൻ. ഐഐടിയിൽ കംപ്യൂട്ടർ സയൻസിൽ പഠനം തുടരുകയാണ് ലക്ഷ്യം. ബിഫാമിൽ മുഹമ്മദ് സമർ കൂത്തുപറന്പ്: കീം പരീക്ഷയിൽ ബിഫാമിൽ ജില്ലയിൽ ഒന്നാം സ്ഥാനവും സംസ്ഥാന തലത്തിൽ നാൽപത്തി രണ്ടാം റാങ്കും നേടി പെരളശേരി മുണ്ടാലൂർ ആമിനാസിൽ എൻ.പി. മുഹമ്മദ് സമർ. പത്താം ക്ലാസ് വരെ മമ്പറം ഹയർ സെക്കൻഡറി സ്കൂളിലായിരുന്നു പഠനം. ചാല ജിഎച്ച്എഎസ്എസിൽ നിന്ന് പ്ലസ്ടു വിജയിച്ചു. മലപ്പുറം കോട്ടക്കലിലെ യൂണിവേഴ്സൽ ഇൻസ്റ്റിറ്റ്യൂട്ടിലായിരുന്നു എൻട്രൻസ് പഠനം. എംബിബിഎസിനു ചേരണമെന്നായിരുന്നു ആഗ്രഹമെന്നും എന്നാൽ വേണ്ടത്ര റാങ്ക് ലഭിക്കാത്തതിൽ ബിഡിഎസിനു ചേരാനാണ് തീരുമാനമെന്നും മുഹമ്മദ് സമർ പറഞ്ഞു. എസ്. മൻസൂർ-എൻ.പി. ആമിന ദമ്പതികളുടെ മകനാണ്. റസീൻ, മാസിൻ, ആയിഷ, ആലിയ എന്നിവർ സഹോദരങ്ങളാണ്. ആദ്യ അവസരത്തില്‍ തന്നെ അരവിന്ദ് ഒന്നാമന്‍ കാഞ്ഞങ്ങാട്: കീം പരീക്ഷയില്‍ ആദ്യ പരിശ്രമത്തില്‍ തന്നെ ജില്ലയില്‍ ഒന്നാമനായി കാഞ്ഞങ്ങാട് ദുര്‍ഗ സ്‌കൂളിനു സമീപത്തെ എസ്.അരവിന്ദ്. 600ല്‍ 570 സ്‌കോര്‍ ചെയ്ത അരവിന്ദ് സംസ്ഥാനതലത്തില്‍ 54-ാം റാങ്ക് കരസ്ഥമാക്കി. ജെഇഇ പരീക്ഷയിലൂടെ താന്‍ സ്വപ്‌നം കണ്ടിരുന്ന മദ്രാസ് ഐഐടി പ്രവേശനം എന്ന നേട്ടം അരവിന്ദ് ഇതിനകം സ്വന്തമാക്കികഴിഞ്ഞു. നേവല്‍ ആര്‍ക്കിടെക്ചര്‍ ആന്‍ഡ് ഓഷ്യന്‍ എന്‍ജിനിയറിംഗ് കോഴ്‌സിനാണ് അഡ്മിഷന്‍ നേടിയിരിക്കുന്നത്. കാഞ്ഞങ്ങാട് കേന്ദ്രീയവിദ്യാലയത്തില്‍നിന്ന് പത്താംക്ലാസില്‍ 98 ശതമാനം മാര്‍ക്ക് നേടി. ദുര്‍ഗ സ്‌കൂളില്‍ ഇംഗ്ലീഷിന് 10 മാര്‍ക്ക് കുറഞ്ഞതുകൊണ്ട് പ്ലസ്ടുവിന് ഫുള്‍ മാര്‍ക്ക് നേട്ടം നഷ്ടമായി. പ്ലസ്ടു പഠനകാലത്തുതന്നെ ഓണ്‍ലൈന്‍ കോച്ചിംഗ് നടത്തിയിരുന്നു. പിന്നീട് ഒരു വര്‍ഷം പാലാ ബ്രില്യന്‍റ് അക്കാദമിയില്‍ കോച്ചിംഗ് നടത്തിയാണ് സ്വപ്‌നനേട്ടം കരസ്ഥമാക്കിയത്. എല്‍ഐസി ഡെവലപ്‌മെന്‍റ് ഓഫീസര്‍ കെ.ശിവരാമന്‍റേയും കാഞ്ഞങ്ങാട് ധനലക്ഷ്മി ബാങ്ക് ചീഫ് മാനേജര്‍ വി. സന്ധ്യയുടെയും മകനാണ്. ചേച്ചി അനഘ സിഎ പഠനം പൂര്‍ത്തിയാക്കി. ഒറ്റയ്ക്കു വഴിവെട്ടി വന്ന ഗൗരിശങ്കര്‍ പെരിയ: കോച്ചിംഗോ ട്യൂഷനോ ഒരുവര്‍ഷം നീണ്ടുനില്‍ക്കുന്ന തയാറെടുപ്പോ ഇല്ലാതെ കീം പരീക്ഷയില്‍ തിളക്കമാര്‍ന്ന നേട്ടം കൈവരിച്ച് പെരിയ നാലക്രയിലെ ആര്‍. പി.ഗൗരിശങ്കര്‍. തന്‍റെ ആദ്യ പരിശ്രമത്തില്‍ തന്നെ 600ല്‍ 460 സ്‌കോര്‍ ചെയ്ത് എസ്ടി വിഭാഗത്തില്‍ സംസ്ഥാനതലത്തില്‍ രണ്ടാംറാങ്കാണ് ഈ മിടുക്കന്‍ സ്വന്തമാക്കിയത്. പൊതുവിഭാഗത്തില്‍ 3457-ാം റാങ്ക് കരസ്ഥമാക്കി. ജെഇഇ പരീക്ഷ പാസായി കോഴിക്കോട് എന്‍ഐടിയില്‍ ഇലക്‌ട്രിക്കല്‍ എന്‍ജിനിയറിംഗില്‍ പ്രവേശനം കാത്തിരിക്കുകയാണ്. തളിപ്പറമ്പ് ചിന്മയ വിദ്യാലത്തില്‍ നിന്നാണ് സ്‌കൂള്‍ വിദ്യാഭ്യാസം പൂര്‍ത്തിയാക്കിയത്. പത്താംക്ലാസില്‍ 96.2 ശതമാനവും പ്ലസ്ടുവില്‍ 97.8 ശതമാനം മാര്‍ക്കും കരസ്ഥമാക്കിയിരുന്നു. പ്ലസ്ടുവിന് ഫിസിക്‌സിനും ബയോളജിക്കും മുഴുവന്‍ മാര്‍ക്കും കെമിസ്ട്രിയില്‍ 99 മാര്‍ക്കും നേടി. കണ്ണൂര്‍ ഗവ.എന്‍ജിനിയറിംഗ് കോളജിലെ മെക്കാനിക്കല്‍ എന്‍ജിനിയറിംഗ് വിഭാഗം അസി.പ്രഫസര്‍ ടി. രാജന്‍റെയും തളിപ്പറമ്പിലെ സഹകരണവകുപ്പ് ഓഡിറ്ററായ കെ. പാര്‍വതിയുടെയും ഏകമകനാണ്.

സർക്കാർ ആശുപത്രികൾ വെന്‍റിലേറ്ററിൽ: കെ.സി. വേണുഗോപാൽ

പരിയാരം (കണ്ണൂർ): ജനങ്ങൾക്ക് ചികിത്സ ഉറപ്പാക്കേണ്ട സർക്കാർ ആശുപത്രികൾ അതീവഗുരുതരാവസ്ഥയിൽ വെന്‍റിലേറ്ററിൽ കഴിയുകയാണെന്ന് എഐസിസി ജനറൽ സെക്രട്ടറി കെ.സി. വേണുഗോപാൽ എംപി. സർക്കാർ ആശുപത്രികളോട് പിണറായി സർക്കാർ കാണിക്കുന്ന അവഗണനയും അനാസ്ഥയും അവസാനിപ്പിക്കണമെന്നാവശ്യപ്പെട്ട് കോൺഗ്രസ് നടത്തുന്ന സമരത്തിന്‍റെ സംസ്ഥാനതല ഉദ്ഘാടനം പരിയാരത്തെ കണ്ണൂർ ഗവ. മെഡിക്കൽ കോളജിന് മുന്നിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ആശുപത്രികളിലെ പ്രശ്നത്തിന് കാരണം സിസ്റ്റത്തിന്‍റെ തകരാറാണെന്ന് പറയുന്ന മന്ത്രിക്ക് ആ സ്ഥാനത്ത് തുടരാൻ അർഹതയില്ല. സർക്കാർ ആശുപത്രികളിൽ ചികിത്സ തേടുന്നവരുടെ അവയവങ്ങൾ പോലും നഷ്ടപ്പെടുന്ന അവസ്ഥയാണ്. എല്ലാ കാര്യത്തിലും കേരളം നന്പർ വൺ എന്നു ആവർത്തിച്ചു പറയുന്ന മുഖ്യമന്ത്രി കുത്തഴിഞ്ഞതും ആളെ കൊല്ലികളുമായ സർക്കാർ ആശുപത്രികളാണോ നന്പർ വൺ എന്നു വ്യക്തമാക്കണം. വസ്തുനിഷ്ഠാപരമായ അന്വേഷണത്തിലൂടെ ആരോഗ്യ മേഖലയിലെ കാര്യങ്ങൾ പുറത്തുകൊണ്ടു വരുന്ന മാധ്യമങ്ങളുടെ പ്രവർത്തനം പ്രശംസനീയമാണ്.‌ വരാനിരിക്കുന്ന വലിയ സമരത്തിനാണ് കോൺഗ്രസ് തുടക്കം കുറിച്ചിരിക്കുന്നത്. എട്ടു മാസത്തിന് ശേഷം ഇതെല്ലാം നേരെയാക്കാൻ കഴിവുള്ളവർ വരുന്നുണ്ടെന്നും കെ.സി. വേണുഗോപാൽ പറഞ്ഞു. കെപിസിസി പ്രസിഡന്‍റ് സണ്ണി ജോസഫ് എംഎൽഎ അധ്യക്ഷത വഹിച്ചു. ഡിസിസി പ്രസിഡന്‍റ് മാർട്ടിൻ ജോർജ്, സജീവ് ജോസഫ് എംഎൽഎ, സോണി സെബാസ്റ്റ്യൻ, മുഹമ്മദ് ബ്ലാത്തൂർ, ഡോ.കെ.വി.ഫിലോമിന എന്നിവർ പ്രസംഗിച്ചു. കെപിസിസി, ഡിസിസി ഭാരവാഹികൾ പങ്കെടുത്തു.

ബാരാപോൾ കനാൽ തകർച്ച: വിദഗ്‌ധ സംഘത്തെ നിയോഗിക്കും: മന്ത്രി കൃഷ്ണൻകുട്ടി

കണ്ണൂർ: ബാരപോൾ ചെറുകിട ജലവൈദ്യുത പദ്ധതിയുടെ കനാൽ തകർച്ച പരിഹരിക്കുന്നതിന് വിദഗ്‌ധ സംഘത്തെ നിയോഗിക്കുമെന്നും ജനങ്ങളുടെ ജീവന് പ്രാധാന്യം നൽകിക്കൊണ്ട് അപകടരഹിത പദ്ധതിയാക്കി മാറ്റുമെന്നും വൈദ്യുതി മന്ത്രി കെ. കൃഷണൻകുട്ടി. കനാലിന്‍റെ തകർന്ന ഭാഗവും പദ്ധതി പ്രദേശവും കനാലിന്‍റെ ആരംഭവും കണ്ടു മനസിലാക്കിയ മന്ത്രി ജനങ്ങൾക്ക് ആശങ്കയില്ലാത്ത വിധം പദ്ധതിയെ മാറ്റാൻ വേണ്ട പ്രപ്പോസൽ സമർപ്പിക്കാൻ ഉദ്യോഗസ്‌ഥർക്ക് നിർദേശം നൽകി. രണ്ട് കിലോമീറ്ററോളം കനാൽകരയിലൂടെ നടന്ന് പരിശോധിച്ചു. നാല് കിലോമീറ്റർ കനാലിൽ 1.4 കിലോ മീറ്റർ ഭാഗമാണ് അപകടമേഖലയായി കണ്ടെത്തിയത്. അപകടങ്ങൾ പൂർണമായും ഒഴിവാ ക്കാൻ വേണ്ടത് ചെയ്യാനാണ് പദ്ധതി പ്രദേശം സന്ദർശിച്ചതെന്ന് മന്ത്രി പറഞ്ഞു. അപകടാവസ്ഥയിലുള്ള 1.4 കിലോ മീറ്റർ കനാലിന് പകരം പൈപ്പ് വഴി ജലം എത്തിക്കാനുള്ള ശ്രമം ആലോചിച്ചു കൂടെയെന്ന് മന്ത്രി ഉദ്യേഗസ്ഥരോട് ആരാഞ്ഞു. എല്ലാ കാര്യവും വിശദമായി പരിശോ ധിച്ച് വൈദ്യുതി ബോർഡിന് അമിത ചെലവ് വരാത്തതും കൂടുതൽ സുരക്ഷിതത്വം ഉറപ്പാക്കുന്ന തുമായ പദ്ധതികൾ തയാറാക്കാൻ മന്ത്രി ഉദ്യോഗസ്ഥർക്ക് നിർദേശം നൽകി. കനാലിന്‍റെ ചോർച്ച കാരണം അപകടാവസ്ഥയിൽ ആയ കുറ്റിയാനിക്കൽ ബിനോയിയുടെ വീട്ടിലും മന്ത്രി സന്ദർശിച്ചു. രണ്ടുവർഷമായി ബിനോയിയുടെ കുടുംബത്തെ ഇവിടെനിന്നും മാറ്റിപാർപ്പിച്ചിരിക്കുകയാണ് . കെഎസ്ഇബി കോഴിക്കോട് ജനറേഷൻ വിഭാഗം എക്സിക്യൂട്ടീവ് എൻജിനിയർ കെ.എം. സലീന, ബാരാപോൾ അസിസ്റ്റന്‍റ് എൻജിനീയർ പി.എസ്. യദുലാൽ, സിവിൽ വിഭാഗം (പഴശി) എക്സിക്യൂട്ടീവ് എൻജിനിയർ കെ.സി. അനിൽകുമാർ, അസിസ്റ്റന്‍റ് എക്‌സിക്യുട്ടീവ് എൻജിനിയർ എം.കെ. അജിത്ത്, അസിസ്റ്റന്‍റ് എൻജിനീയർമാരായ ടി.പി. മനോജ്, എം. കിഷോർ, തുഷാര, എം.സി. ബിന്ദു, സബ് എൻജിനിയർ എം.ടി. സനൂപ്‌ദാസ്, അയ്യൻകുന്ന് പഞ്ചായത്ത് സ്ഥിരം സമിതി അധ്യക്ഷൻ ഐസക് ജോസഫ്, അംഗങ്ങളായ ബിജോയി പ്ലാത്തോട്ടം, സജി മച്ചിത്താനി, ഷൈനി വർഗീസ്, സെലീന ബിനോയി എന്നിവർ ഒപ്പമുണ്ടായിരുന്നു.

കത്തോലിക്ക കോൺഗ്രസ് ഡോക്ടർമാരെ ആദരിച്ചു

പയ്യാവൂർ: ഡോക്ടേഴ്സ് ദിനാചരണത്തിന്‍റെ ഭാഗമായി കണ്ണൂർ- കാസർഗോഡ് ജില്ലകളിൽ ആതുര സേവന രംഗത്ത് പ്രവർത്തിക്കുന്ന ജനകീയ ഡോക്ടർമാരെ കത്തോലിക്കാ കോൺഗ്രസ് തലശേരി അതിരൂപത കമ്മിറ്റിയുടെ ആഭിമുഖ്യത്തിൽ വിവിധ മേഖലകളിലെ ഭാരവാഹികൾ ആദരിച്ചു. ചെമ്പേരി മേഖലയിൽ അതിരൂപത ജനറൽ സെക്രട്ടറി ജിമ്മി ആയിത്തമറ്റം, ഗ്ലോബൽ യൂത്ത് കോ ഓർഡിനേറ്റർ സിജോ കണ്ണേഴത്ത്, ഫൊറോന പ്രസിഡന്‍റ് ബിജു മണ്ഡപത്തിൽ എന്നിവരും ചെമ്പന്തൊട്ടി മേഖലയിൽ അതിരൂപത ട്രഷറർ സുരേഷ് കാഞ്ഞിരത്തിങ്കൽ, ഫൊറോനാ പ്രസിഡന്‍റ് ജോസഫ് മാത്യു കൈതമറ്റം എന്നിവരും നെല്ലിക്കാംപൊയിൽ മേഖലയിൽ ഫൊറോന പ്രസിഡന്‍റ് തോമസ് വർഗീസ് വരമ്പുങ്കലും പൈസക്കരി മേഖലയിൽ രൂപത സെക്രട്ടറി വർഗീസ് പള്ളിച്ചറ, ഫൊറോന സെക്രട്ടറി വിൽസൺ കന്നുകെട്ടിയിൽ എന്നിവരും തളിപ്പറമ്പ് മേഖലയിൽ ഫൊറോന ട്രഷറർ സജീവ് മുക്കാട്ടുകുന്നേലും തോമാപുരം മേഖലയിൽ രൂപത സെക്രട്ടറി ജോസഫ് കൊച്ചുകുന്നത്ത്പറമ്പിൽ, രൂപത എക്സിക്യൂട്ടീവ് മെംബർ ആന്‍റോ തെരുവംകുന്നേൽ എന്നിവരും ചെറുപുഴ മേഖലയിൽ ഫൊറോന പ്രസിഡന്‍റ് സാജു പുത്തൻപുരയ്ക്കൽ, രൂപത യൂത്ത് കോ ഓർഡിനേറ്റർ ഷിന്‍റോ കയ്പനാനി എന്നിവരും തേർത്തല്ലി മേഖലയിൽ രൂപത സെക്രട്ടറി ജയിംസ് പേരുക്കുന്നേലും ഡോക്ടർമാരെ ആദരിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]