കാ​ടു ന​ശി​പ്പി​ക്കു​ന്ന​വ​ർ​ക്കെ​തി​രേ​യു​ള്ള നാ​ട​ക​വു​മാ​യി കാ​ടി​ന്‍റെ മ​ക​ൻ ക​ലോ​ത്സ​വ വേ​ദി​യി​ലെ താ​ര​മാ​യി ച​രി​ത്രം കു​റി​ച്ചു. ഹൈ​സ്കൂ​ൾ വി​ഭാ​ഗം നാ​ട​ക മ​ത്സ​ര​ത്തി​ൽ അം​ഗ​മാ​യ മ​ല​മ്പ​ണ്ടാ​രം ഗോ​ത്ര​വി​ഭാ​ഗ​ത്തി​ൽ​പ്പെ​ട്ട പ​ത്താം ക്ലാ​സ് വി​ദ്യാ​ർ​ഥി സു​ഭീ​ഷാ​ണ് ക​ലോ​ത്സ​വ ച​രി​ത്ര​ത്തി​ന്‍റെ ഭാ​ഗ​മാ​യെ​ത്തി​യ​ത്.

സ​ർ​ക്കാ​ർ ക​ണ​ക്ക​നു​സ​രി​ച്ച് വ​ള​രെ കു​റ​ച്ച് ആ​ളു​ക​ൾ മാ​ത്ര​മു​ള്ള ഈ ​വി​ഭാ​ഗ​ത്തി​ൽ നി​ന്ന് ഒ​രു വി​ദ്യാ​ർ​ഥി ആ​ദ്യ​മാ​യാ​ണ് സം​സ്ഥാ​ന സ്കൂ​ൾ ക​ലോ​ത്സ​വ​ത്തി​നെ​ത്തി​യ​ത്. പ്ര​കൃ​തി സം​ര​ക്ഷ​ണ​ത്തി​ന്‍റെ ക​ഥ പ​റ​യു​ന്ന സൈ​റ​ൺ എ​ന്ന നാ​ട​ക​മാ​ണ് സു​ഭീ​ഷും സം​ഘ​വും ഇ​ന്നലെ ടാ​ഗോ​ർ തീയ​റ്റ​റി​ൽ അ​വ​ത​രി​പ്പി​ച്ച​ത്. നാ​ട​ക അ​വ​ത​ര​ണ​ത്തി​നുശേ​ഷം വൈ​കുന്ന േരം ന​ട​ന്ന വാ​ർ​ത്താ സ​മ്മേ​ള​ന​ത്തി​ൽ മ​ന്ത്രി​മാ​രാ​യ വി. ​ശി​വ​ൻ കു​ട്ടി​യും ജി.​ആ​ർ. അ​നി​ലും ചേ​ർ​ന്നു സു​ഭീ​ഷി​നെ​യും സം​ഘ​ത്തെ​യും ആ​ദ​രി​ച്ചു.

പ​ത്ത​നം​തി​ട്ട വ​ട​ശേ​രി​ക്ക​ര എം​ആ​ർഎ​സ് സ്കൂ​ളി​ലെ പ​ത്താം ക്ലാ​സ് വി​ദ്യാ​ർ​ഥി​യാ​ണ് സു​ഭീ​ഷ്. ഗോ​ത്രാ​ചാ​ര​ങ്ങ​ളും വി​ശ്വാ​സ​ങ്ങ​ളും മു​റു​കെ​പ്പി​ടി​ക്കു​ന്ന മ​ല​മ്പ​ണ്ടാ​രം വി​ഭാ​ഗ​ത്തി​ൽ​പ്പെ​ട്ട​വ​ർ വ​ന​ത്തി​നു​ള്ളി​ൽ അ​ല​ഞ്ഞു​തി​രി​ഞ്ഞാ​ണു ജീ​വി​ക്കു​ന്ന​ത്. പ​ത്ത​നം​തി​ട്ട, കൊ​ല്ലം ജി​ല്ല​ക​ളി​ലെ വ​ന​മേ​ഖ​ല​ക​ളി​ലാ​ണ് ഇ​വ​ർ വ​സി​ക്കു​ന്ന​ത്.

നി​ല​വി​ൽ പ​ത്ത​നം​തി​ട്ട ജി​ല്ല​യി​ലെ ളാ​ഹ വ​ന​മേ​ഖ​ല​യി​ൽ താ​മ​സി​ക്കു​ന്ന മോ​ഹ​ന​ന്‍റെ യും സു​മി​ത്ര​യു​ടേ​യും ഒ​ൻ​പ​തു മ​ക്ക​ളി​ൽ മൂ​ത്ത​യാ​ളാ​ണ് സു​ഭീ​ഷ്. പ​ല​പ്പോ​ഴും സ്കൂ​ൾ വി​ദ്യാ​ഭ്യാ​സം നി​ർ​ത്തി​പ്പോ​യ സു​ഭീ​ഷി​നെ ഗോ​ത്ര​വി​ഭാ​ഗ​ങ്ങ​ളി​ൽ​പ്പെ​ട്ട​വ​ർ​ക്കു​ള്ള വി​ദ്യാ​ഭ്യാ​സം ഉ​റ​പ്പാ​ക്കു​ന്ന​തി​നു​ള്ള സം​സ്ഥാ​ന സ​ർ​ക്കാ​രി​ന്‍റെ തീ​വ്ര​ശ്ര​മ​ങ്ങ​ളു​ടെ ഭാ​ഗ​മാ​യി തി​രി​കെ എ​ത്തി​ക്കാ​നാ​യി​ട്ടു​ണ്ട്.

ഈ ​വ​ർ​ഷം ഗോ​ത്ര​വി​ഭാ​ഗ​ങ്ങ​ളു​ടെ ത​ന​തു ക​ല​ക​ൾ അ​ട​ക്ക​മു​ള്ള​വ ക​ലോ​ത്സ​വ​ത്തി​ന്‍റെ ഭാ​ഗ​മാ​ക്കി​യ വി​ദ്യാ​ഭ്യാ​സ വ​കു​പ്പി​ന് അ​ഭി​മാ​ന​ക​ര​മാ​യ അ​ര​ങ്ങേ​റ്റം കൂ​ടി​യാ​യി സു​ഭീ​ഷി​ന്‍റെ നാ​ട​ക അ​വ​ത​ര​ണം.