നെ​ടു​മ​ങ്ങാ​ട് : ആ​ര്യ​നാ​ട് ബെ​വ്കോ​യു​ടെ മ​ദ്യ​ശാ​ല​യി​ലും സ​മീ​പ​ത്തെ മ​ഹാ​ഗ​ണ​പ​തി ക്ഷേ​ത്ര​ത്തി​ന്‍റെ കാ​ണി​ക്ക​വ​ഞ്ചി​യും കു​ത്തി​ത്തു​റ​ന്ന് മോ​ഷ​ണം ന​ട​ന്നു.

ഇ​ന്ന​ലെ പു​ല​ർ​ച്ചെ നാ​ലി​നാ​ണ് മോ​ഷ​ണം ന​ട​ന്ന​ത്. മ​ദ്യ​ശാ​ല​യി​ൽ നി​ന്നും മ​ദ്യ​കു​പ്പി​ക​ളാ​ണ് മോ​ഷ​ണം പോ​യ​ത്. എ​ത്ര കു​പ്പി​ക​ൾ മോ​ഷ​ണം പോ​യ​താ​യു​ള്ള വി​വ​ര​ങ്ങ​ൾ ജീ​വ​ന​ക്കാ​രി​ൽ നി​ന്നും ല​ഭ്യ​മ​ല്ല. കൂ​ടു​ത​ൽ പ​രി​ശോ​ധ​ന ന​ട​ത്തി​യാ​ൽ മാ​ത്ര​മേ അ​റി​യാ​ൻ ക​ഴി​യൂ എ​ന്ന് പോ​ലീ​സും പ​റ​ഞ്ഞു. മു​ഖം മൂ​ടി ധ​രി​ച്ചെ​ത്തി​യ നാ​ലം​ഗ സം​ഘം സി​സി​ടി​വി​യു​ടെ കേ​ബി​ളു​ക​ൾ ത​ക​ർ​ത്തു.

മ​ദ്യ​ശാ​ല​യു​ടെ കൗ​ണ്ട​റി​ന്‍റെ ഷ​ട്ട​റി​ന്‍റെ പൂ​ട്ടു ത​ക​ർ​ത്ത നി​ല​യി​ൽ ആ​ണ് ക​ണ്ടെ​ത്തി​യ​ത്. ആ​ര്യ​നാ​ട് മ​ഹാ​ഗ​ണ​പ​തി ക്ഷേ​ത്ര കാ​ണി​ക്ക​വ​ഞ്ചി​യും കു​ത്തി​ത്തു​റ​ന്ന് മോ​ഷ​ണം ന​ട​ത്തി . ക്ഷേ​ത്ര മ​തി​ൽ ചാ​ടി​ക്ക​ട​ന്ന് സ​മീ​പ​ത്തെ കാ​ണി​ക്ക​വ​ഞ്ചി​യി​ൽ നി​ന്നു​മാ​ണ് പ​ണം മോ​ഷ്ടി​ച്ച​ത്.

നാ​ണ​യ​ങ്ങ​ളും കു​റ​ച്ച് നോ​ട്ടു​ക​ളും ഇ​തി​ന് സ​മീ​പം ഉ​പേ​ക്ഷി​ച്ച നി​ല​യി​ൽ കാ​ണ​പ്പെ​ട്ടു. 10000 രൂ​പ​യോ​ളം ന​ഷ്ട​പ്പെ​ട്ട​താ​യി ക്ഷേ​ത്ര ഭാ​ര​വാ​ഹി​ക​ൾ പ​റ​ഞ്ഞു. വി​ര​ല​ട​യാ​ള വി​ഗ​ദ്ധ​ർ, ഡോ​ഗ് സ്ക്വാ​ഡ്, ഫോ​റ​ൻ​സിം​ക് തു​ട​ങ്ങി​യ​വ​ർ പ​രി​ശോ​ധ​ന ന​ട​ത്തി. ആ​ര്യ​നാ​ട് പോ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.