തി​രു​വ​ന​ന്ത​പു​രം: മാ​ലി​ന്യപ്ര​ശ്ന​ത്തി​ൽ റെ​യി​ൽ​വേ​ക്കെ​തി​രെ തി​രു​വ​ന​ന്ത​പു​രം മേ​യ​ർ ആ​ര്യ രാ​ജേ​ന്ദ്ര​ൻ. മാ​ലി​ന്യ സം​സ്ക​ര​ണ​ത്തി​ൽ റെ​യി​ൽ​വേ കൃ​ത്യ​മാ​യ സ​മീ​പ​നം സ്വീ​ക​രി​ക്കു​ന്നി​ല്ല. റെ​യി​ൽ​വേ ക​രാ​റു​കാ​ർ സ്വ​കാ​ര്യ ഭൂ​മി​യി​ല​ട​ക്കം മാ​ലി​ന്യം അ​ന​ധി​കൃ​ത​മാ​യി കൊ​ണ്ടു വ​ന്ന് ത​ള്ളു​ക​യാ​ണ്. ഇ​തി​നെ​തി​രേ ക​ർ​ശ​ന നി​യ​മ​ന​ട​പ​ടി സ്വീ​ക​രി​ക്കു​മെ​ന്നും മേ​യ​ർ പ​റ​ഞ്ഞു.

തി​രു​വ​ന​ന്ത​പു​ര​ത്ത് മാ​ധ്യ​മ​പ്ര​വ​ർ​ത്ത​ക​രു​ടെ ചോ​ദ്യ​ങ്ങ​ൾ​ക്കു മ​റു​പ​ടി പ​റ​യു​ക​യാ​യി​രു​ന്നു മേ​യ​ർ. ആ​മ​യി​ഴ​ഞ്ച​ൻ തോ​ട്ടി​ലെ മാ​ലി​ന്യം നീ​ക്കു​ന്ന​തി​ൽ റെ​യി​ൽ​വേ​യു​ടെ ഭാ​ഗ​ത്തുനി​ന്ന് ആ​ദ്യ​ഘ​ട്ടം മു​ത​ൽ ന​ല്ല ഇ​ട​പെ​ട​ല​ല്ല ഉ​ണ്ടാ​യ​ത്. ശു​ചീ​ക​ര​ണ​ത്തൊ​ഴി​ലാ​ളി​യാ​യ ജോ​യി​യു​ടെ മ​ര​ണശേ​ഷ​വും ഇ​ക്കാ​ര്യ​ത്തി​ൽ മാ​റ്റ​മു​ണ്ടാ​യി​ട്ടി​ല്ല. മാ​ലി​ന്യ നീ​ക്ക​വു​മാ​യി ബ​ന്ധ​പ്പെ​ട്ടു മോ​ശം സ​മീ​പ​ന​മാ​ണു റെ​യി​ൽ​വേ സ്വീ​ക​രി​ക്കു​ന്ന​തെ​ന്നും മേ​യ​ർ പ​റ​ഞ്ഞു.

റെ​യി​ൽ നീ​ർ കു​പ്പി ഉ​ൾ​പ്പെ​ടെ മാ​ലി​ന്യ​ത്തി​ൽനി​ന്നു ല​ഭി​ക്കു​ന്നു. നോ​ട്ടീ​സ് ന​ൽ​കി​യ​പ്പോ​ൾ ആ​ദ്യം നി​ഷേ​ധി​ച്ചു. പി​ന്നീ​ട് തെ​ളി​വു ന​ൽ​കി​യ​പ്പോ​ൾ മാ​ലി​ന്യം മാ​റ്റി. എ​ന്നാ​ൽ റെ​യി​ൽ​വേ വീ​ണ്ടും മാ​ലി​ന്യനി​ക്ഷേ​പം ന​ട​ത്തി. 10 ലോ​ഡ് മാ​ലി​ന്യ​ങ്ങ​ൾ സ്വ​കാ​ര്യ വ്യ​ക്തി​യു​ടെ സ്ഥ​ല​ത്താ​ണു നി​ക്ഷേ​പി​ച്ചി​രി​ക്കു​ന്ന​ത്.

കോ​ർ​പ​റേ​ഷ​ൻ ഉ​ദ്യോ​ഗ​സ്ഥ​രു​ടെ പ​രി​ശോ​ധ​ന​യി​ലാ​ണ് ക​ഴി​ഞ്ഞ ദി​വ​സം പു​ല​ർ​ച്ചെ സ്വ​കാ​ര്യവ്യ​ക്തി​യു​ടെ സ്ഥ​ല​ത്തു മാ​ലി​ന്യം ത​ള്ളു​ന്ന​താ​യി ശ്ര​ദ്ധ​യി​ൽ​പ്പെ​ട്ട​ത്. തു​ട​ർ​ന്നു ലോ​റി​ക​ൾ പി​ടി​ച്ചെ​ടു​ത്തു. പോ​ലീ​സ് കേ​സ് ര​ജി​സ്റ്റ​ർ ചെ​യ്തു. വി​ശ​ദീ​ക​ര​ണം തേ​ടി നോ​ട്ടീ​സ് ന​ൽ​കി​യെ​ങ്കി​ലും റെ​യി​ൽ​വേ ഇ​തു​വ​രെ വി​ശ​ദീ​ക​ര​ണം ത​ന്നി​ട്ടി​ല്ലെ​ന്നും മേ​യ​ർ പ​റ​ഞ്ഞു.

കേ​ന്ദ്ര​സ​ർ​ക്കാ​ർ ഭാ​ഗ​മാ​യ സ്ഥാ​പ​ന​ത്തി​ൽനി​ന്നു തു​ട​ർ​ച്ച​യാ​യു​ണ്ടാ​കു​ന്ന ഈ ​സ​മീ​പ​നം ഗു​രു​ത​ര വി​ഷ​യ​മാ​ണ്. ഇ​ക്കാ​ര്യ​ത്തി​ൽ ന​ഗ​ര​സ​ഭ നി​യ​മ​ന​ട​പ​ടി​ക​ളു​മാ​യി മു​ന്നോ​ട്ടു പോ​കും. റെ​യി​ൽ​വേ​യു​ടെ തെ​റ്റാ​യ ന​ട​പ​ടി​ക​ൾ കോ​ട​തി​യു​ടെ മു​ന്നി​ൽ കൊ​ണ്ടു​വ​രും. നി​യ​മ സം​വി​ധാ​ന​ങ്ങ​ളെ കാ​റ്റി​ൽ പ​റ​ത്തു​ന്ന ഈ ​പ്ര​വ​ണ​ത ശ​രി​യ​ല്ല. തെ​റ്റ് തി​രു​ത്താ​നു​ള്ള ശ്ര​മം ഉ​ണ്ടാ​വ​ണ​മെ​ന്നും മേ​യ​ർ കൂ​ട്ടി​ച്ചേ​ർ​ത്തു.