പാ​ലോ​ട്: കു​ര​ങ്ങ​ന്മാ​രു​ടെ ശ​ല്യം പൊ​റു​തി​മു​ട്ടി നാ​ട്ടു​കാ​ർ. കു​ര​ങ്ങു​ക​ള്‍ കൂ​ട്ട​മാ​യെ​ത്തി വീ​ടി​ന്‍റെ മേ​ല്‍​ക്കൂ​ര പൊ​ളി​ച്ച് അ​ക​ത്തു​ക​യ​റി ഭ​ക്ഷ​ണ​സാ​ധ​ന​ങ്ങ​ളും വീ​ട്ടു​പ​ക​ര​ണ​ങ്ങ​ളും ന​ശി​പ്പി​ക്കു​ന്ന​തു പ​തി​വാ​കു​ന്നു. ക​ഴി​ഞ്ഞ​ദി​വ​സം പാ​ലോ​ട് ജ​വ​ഹ​ര്‍ കോ​ള​നി ല​ക്ഷം വീ​ട് കോ​ള​നി​യി​ല്‍ ശ്രീ​ല​ത​യു​ടെ വീ​ട്ടി​ലാ​ണു കു​ര​ങ്ങു​ക​ള്‍ കൂ​ട്ട​ത്തോ​ടെയെ​ത്തി അ​ക്ര​മം ന​ട​ത്തി​യ​ത്.

വീട്ടിലെ ഭ​ക്ഷ​ണ​സാ​ധ​ന​ങ്ങ​ള്‍ മു​ഴു​വ​ന്‍ തി​ന്നു തീ​ര്‍​ത്തു. ശേ​ഷി​ച്ച​വ ത​റ​യി​ല്‍ ത​ട്ടി​ക​ള​യു​ക​യും ചെ​യ്തു. അ​രി, പ​ല​വ്യ​ഞ്ജ​ന​ങ്ങ​ളുൾപ്പെടെ യുള്ള മ​റ്റു സാ​ധ​ന​ങ്ങ​ള്‍ എ​ന്നി​വ​യെ​ല്ലാം ത​ള്ളി​യി​ട്ടും വാ​രി എ​റി​ഞ്ഞും ന​ശി​പ്പി​ച്ചു. തു​ണി​ക​ള്‍ മു​ഴു​വ​ന്‍ ക​ടി​ച്ചു കീ​റി. സ​മീ​പ​ത്തെ ജ​വ​ഹ​ര്‍ കോ​ള​നി ഹൈ​ സ്‌​കൂ​ളി​ലെ കു​ട്ടി​ക​ള്‍​ക്കും ഈ ​കു​ര​ങ്ങു​ക​ള്‍ ഭീ​ഷ​ണി​യാ​ണ്. പ​ള്ളി​ക്കൂ​ട​ത്തി​ലേ​ക്കു കാ​ല്‍​ന​ട​യാ​യി വ​രു​ന്ന കു​ട്ടി​ക​ളും അ​വ​രു​ടെ ര​ക്ഷി​താ​ക്ക​ളും ഏ​റെ ഭ​യാ​ശ​ങ്ക​യി​ലാ​ണ്.

മൂ​ന്നു​മാ​സം മു​ന്‍​പ് സ​മാ​ന​മാ​യി കു​ര​ങ്ങ​ന്മാ​രു​ടെ ആ​ക്ര​മ​ണം ഉ​ണ്ടാ​യ​പ്പോ​ള്‍ വ​നം വ​കു​പ്പ് കൂ​ടു​ക​ള്‍ സ്ഥാ​പി​ക്കമെന്നു പറഞ്ഞിരുന്നു. കൂ​ടു​ക​ള്‍ സ്ഥാ​പി​ക്കേ​ണ്ട സ്ഥ​ല​ങ്ങ​ളും നി​ശ്ച​യി​ച്ചി​രു​ന്നു. എ​ന്നാ​ല്‍ ഇതുവരെ നടപ ടിയായില്ല.

കു​ര​ങ്ങ​ന്‍ കൂ​ട്ട​ത്തെ കൊ​ണ്ട് നാ​ട്ടു​കാ​ര്‍ പൊ​റു​തി​മു​ട്ടി​യി​രി​ക്കു​ക​യാ​ണ്. ഫ​ല​വൃ​ക്ഷ​ങ്ങ​ളി​ല്‍ ഒ​ന്നി​ല്‍ നി​ന്നുപോ​ലും ക​ര്‍​ഷ​ക​ര്‍​ക്കു വി​ള​വെ​ടു​ക്കാ​ന്‍ ക​ഴി​യു​ന്നി​ല്ല. ചി​പ്പ​ന്‍​ചി​റ, ജ​വ​ഹ​ര്‍ കോ​ള​നി, ഇ​രു​മ്പു​പാ​ലം തു​ട​ങ്ങി​യ പ്ര​ദേ​ശ​ങ്ങ​ളി​ലാ​ണ് കു​ര​ങ്ങു​ശ​ല്യം രൂ​ക്ഷ​മാ​യി​ട്ടു​ള്ള​ത്.