ഉ​ത്സ​വ​രാ​വു​ക​ൾ​ക്ക് തു​ട​ക്ക​മാ​കു​ന്നു; നാ​ട​ക സ​മി​തി​ക​ൾ ഒരുങ്ങി
Sunday, September 29, 2024 4:26 AM IST
മൂ​വാ​റ്റു​പു​ഴ: ഉ​ത്സ​വ​രാ​വു​ക​ൾ​ക്ക് തു​ട​ക്ക​മാ​കു​ന്ന​തോ​ടെ ക​ലാ​പ​രി​പാ​ടി​ക​ൾ​ക്ക് വേ​ദി​ക​ൾ കി​ട്ടു​മെ​ന്ന പ്ര​തീ​ക്ഷ​യി​ൽ നാ​ട​ക സ​മി​തി​ക​ളും മ​റ്റും ഒ​രു​ങ്ങി​ക്ക​ഴി​ഞ്ഞു. കാ​വു​ക​ളി​ലും ക്ഷേ​ത്ര​ങ്ങ​ളി​ലും പ​ള്ളി​ക​ളി​ലും ആ​ഘോ​ഷ​ങ്ങ​ൾ നി​റ​യു​ന്ന സ​മ​യം.

ക്ഷേ​ത്ര​ങ്ങ​ളും പ​ള്ളി​ക​ളും ഒ​ക്ടോ​ബ​ർ മു​ത​ൽ മെ​യ് വ​രെ നീ​ളു​ന്ന ആ​ഘോ​ഷ പ​രി​പാ​ടി​ക​ൾ ന​ട​ത്തു​ന്ന​തി​ന്‍റെ തി​ര​ക്കി​ലേ​ക്ക് നീ​ങ്ങു​ന്പോ​ൾ ക​ലാ​പ​രി​പാ​ടി​ക​ൾ​ക്ക് വേ​ദി​ക​ൾ കി​ട്ടു​മെ​ന്ന പ്ര​തീ​ക്ഷ​യി​ൽ നാ​ട​ക സ​മി​തി​ക​ളും ഇ​തി​നു​ള്ള ത​യാ​റെ​ടു​പ്പി​ലാ​ണ്. അ​ങ്ക​മാ​ലി അ​മൃ​ത 2000ൽ ​അ​വ​ത​രി​പ്പി​ച്ചു തു​ട​ങ്ങി​യ ‘മാ​ന്ത്രി​ക​ച്ചെ​പ്പ്’ എ​ന്ന നാ​ട​കം പ​ത്താ​മ​ത് വ​ർ​ഷ​ത്തി​ലും അ​വ​ത​രി​പ്പി​ക്കാ​നു​ള്ള ഒ​രു​ക്ക​ങ്ങ​ൾ പൂ​ർ​ത്തി​യാ​യി.

കു​ര്യ​നാ​ട് ച​ന്ദ്ര​ൻ ര​ചി​ച്ച്, ബി​മ​ൽ മു​ര​ളി സം​വി​ധാ​നം ചെ​യ്ത നാ​ട​കം ഇ​തി​നോ​ട​കം 1124 വേ​ദി​ക​ളി​ൽ അ​വ​ത​രി​പ്പി​ച്ചു ക​ഴി​ഞ്ഞു. സ്ത്രീ​ധ​നം, മ​ദ്യ​പാ​നം, കൂ​ട്ട ആ​ത്മ​ഹ​ത്യ, കൊ​ല​പാ​ത​കം, ബ്ലേ​ഡ് മാ​ഫി​യ എ​ന്നീ സാ​മൂ​ഹി​ക വി​പ​ത്തു​ക​ളി​ൽ​പ്പെ​ട്ട് റി​ട്ട. യു​പി സ്കൂ​ൾ പ്ര​ധാ​നാ​ധ്യാ​പ​ക​ൻ അ​ച്ചു​ത പ​ണി​ക്ക​രു​ടെ കു​ടും​ബം ന​ശി​ക്കു​ന്ന​താ​ണ് മാ​ന്ത്രി​ക​ച്ചെ​പ്പി​ന്‍റെ ഇ​തി​വൃ​ത്തം.

കെ​പി​എ​സി​യു​ടെ നി​ങ്ങ​ളെ​ന്നെ ക​മ്യൂ​ണി​സ്റ്റാ​ക്കി, മു​ടി​യ​നാ​യ പു​ത്ര​ൻ എ​ന്നീ നാ​ട​ക​ങ്ങ​ൾ​ക്ക് ശേ​ഷം അ​ങ്ക​മാ​ലി അ​മൃ​ത​യാ​ണ് പ​ത്താം വ​ർ​ഷ​വും മാ​ന്ത്രി​ക​ച്ചെ​പ്പ് എ​ന്ന നാ​ട​കം അ​ര​ങ്ങി​ൽ എ​ത്തി​ക്കു​ന്ന​ത്. ഇ​തി​നോ​ട​കം മാ​ന്ത്രി​ക​ച്ചെ​പ്പ് നാ​ട​കം നി​ര​വ​ധി വേ​ദി​ക​ളി​ൽ അ​ര​ങ്ങേ​റാ​ൻ ബു​ക്കിം​ഗ് പൂ​ർ​ത്തി​യാ​യ​താ​യി ഗു​രു​പൂ​ജ പു​ര​സ്കാ​ര ജേ​താ​വ് കൂ​ടി​യാ​യ നാ​ട​കൃ​ത്ത് കു​ര്യ​നാ​ട് ച​ന്ദ്ര​ൻ പ​റ​ഞ്ഞു.
Copyright @ 2018 , Rashtra Deepika Ltd.