ക​ണ്ണൂ​ർ കെ​എ​സ്ആ​ർ​ടി​സി സ്റ്റാ​ൻ​ഡി​ലെ കൊ​ല​പാ​ത​കം: ഒ​ന്നാം പ്ര​തി കു​റ്റ​ക്കാ​ര​ൻ
Sunday, September 29, 2024 1:43 AM IST
ത​ല​ശേ​രി: ക​ണ്ണൂ​ർ കെ​എ​സ്ആ​ർ​ടി​സി ബ​സ് സ്റ്റാ​ൻ​ഡി​ലെ കം​ഫ​ർ​ട്ട് സ്റ്റേ​ഷ​ൻ സെ​ക്യൂ​രി​റ്റി ജീ​വ​ന​ക്കാ​ര​നെ കൊ​ല​പ്പെ​ടു​ത്തു​ക​യും ത​ട​യാ​ൻ ശ്ര​മി​ച്ച ബ​സ് ജീ​വ​ന​ക്കാ​ര​നെ കൊ​ല്ലാ​ൻ ശ്ര​മി​ക്കു​ക​യും ചെ​യ്ത കേ​സി​ൽ ഒ​ന്നാം പ്ര​തി കു​റ്റ​ക്കാ​ര​നാ​ണെ​ന്ന് കോ​ട​തി ക​ണ്ടെ​ത്തി. പ്ര​തി​ക്കു​ള്ള ശി​ക്ഷ  ജി​ല്ല സെ​ഷ​ൻ​സ് ജ​ഡ്ജ് കെ.​ടി. നി​സാ​ർ അ​ഹ​മ്മ​ദ് നാ​ളെ പ്ര​ഖ്യാ​പി​ക്കും. ചേ​ലോ​റ മു​ണ്ട​യാ​ട്ടെ പ​ന​ക്ക​ൽ വീ​ട്ടി​ൽ പി. ​ഹ​രി​ഹ​ര​നാ​ണ് (48) പ്ര​തി. തി​രു​വ​ന​ന്ത​പു​രം തോ​ന്ന​ക്ക​ൽ വെ​റ്റു​വി​ള പി.​എ​സ് ഭ​വ​നി​ൽ സു​നി​ൽ​കു​മാ​റി​നെ (35) തു​ണി​യി​ൽ ക​രി​ക്ക് കെ​ട്ടി ഇ​ടി​ച്ചു കൊ​ല്ലു​ക​യും ത​ട​യാ​ൻ ശ്ര​മി​ച്ച ജീ​വ​ന​ക്കാ​ര​ൻ അ​ഴീ​ക്കോ​ട് ക​ച്ചേ​രി പോ​ത്താ​ടി വീ​ട്ടി​ൽ പി. ​വി​നോ​ദ് കു​മാ​റി​നെ (52) കൊ​ല​പ്പെ​ടു​ത്താ​ൻ ശ്ര​മി​ച്ചു​വെ​ന്നു​മാ​ണ് കേ​സ്.

2017 ജ​നു​വ​രി 24 ന് ​രാ​ത്രി​യാ​ണ് കേ​സി​നാ​സ്പ​ദ​മാ​യ സം​ഭ​വം. അ​ക്ര​മ​ത്തി​ന്‍റെ ര​ണ്ട് ദി​വ​സം മു​മ്പ് സു​നി​ൽ​കു​മാ​റു​മാ​യു​ണ്ടാ​യ വാ​ക്ക് ത​ർ​ക്ക​ത്തി​ന്‍റെ വി​രോ​ധ​ത്തി​ൽ പ്ര​തി​യും മം​ഗ​ളൂ​രു സ്വ​ദേ​ശി​യാ​യ ബി. ​അ​ബ്ദു​ള്ള​യും (47) ആ​സൂ​ത്രി​ത​മാ​യി എ​ത്തി കൊ​ല ന​ട​ത്തി​യെ​ന്നാ​ണ് കേ​സ്. അ​ബ്ദു​ള്ള കേ​സി​ന്‍റെ വി​ചാ​ര​ണ​യ്ക്കി​ടെ മു​ങ്ങു​ക​യാ​യി​രു​ന്നു. അ​ബ്ദു​ള്ള​യു​ടെ കേ​സ് പി​ന്നീ​ട് പ​രി​ഗ​ണി​ക്കും. പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ.​കെ.​അ​ജി​ത് കു​മാ​റാ​ണ് പ്രോ​സി​ക്യൂ​ഷ​ന് വേ​ണ്ടി ഹാ​ജ​രാ​യ​ത്.
Copyright @ 2018 , Rashtra Deepika Ltd.