ക്വ​ലാ​ലം​പു​ർ: മ​ലേ​ഷ്യ ഓപ്പൺ ബാ​ഡ്മി​ന്‍റ​ണ്‍ ടൂ​ർ​ണ​മെ​ന്‍റ് ഇ​ന്നാ​രം​ഭി​ക്കും. ഇ​ന്ത്യ​യു​ടെ പു​രു​ഷ ഡ​ബി​ൾ​സ് സ​ഖ്യം സാ​ത്വി​ക് സാ​യ് രാ​ജ് ര​ങ്ക​റെ​ഡ്ഢി-​ചി​രാ​ഗ് ഷെ​ട്ടി കൂ​ട്ടു​കെ​ട്ട് കി​രീ​ട​ത്തോ​ടെ ഈ ​സീ​സ​ണ്‍ തു​ട​ങ്ങാ​നാ​ണ് ഇ​റ​ങ്ങു​ന്ന​ത്.

ക​ഴി​ഞ്ഞ വ​ർ​ഷം ഫൈ​ന​ലി​ൽ ഇ​ന്ത്യ സ​ഖ്യം പ​രാ​ജ​യ​പ്പെ​ട്ടു. ഏ​ഴാം സീ​ഡു​ക​ളാ​യ ഇ​ന്ത്യ​ൻ കൂ​ട്ടു​കെ​ട്ടി​ന്‍റെ ആ​ദ്യ​മ​ത്സ​രം ചൈ​നീ​സ് താ​യ്പേ​യു​ടെ മിം​ഗ് ചെ ​ലു- താം​ഗ് കെ​യ് വീ ​സ​ഖ്യ​ത്തി​നെ​തി​രേ​യാ​ണ്. ഫോ​മി​ലു​ള്ള ല​ക്ഷ്യ സെ​ൻ മി​ക​വ് തു​ട​രു​ക​യെ​ന്ന ല​ക്ഷ്യ​ത്തോ​ടെ​യാ​ണ് ഇ​റ​ങ്ങു​ന്ന​ത്. നീ​ണ്ട​നാ​ള​ത്തെ ഇ​ട​വേ​ള​യെ​ടു​ത്ത എ​ച്ച്.​എ​സ്. പ്ര​ണോ​യി​യും പ്ര​തീ​ക്ഷ​യി​ലാ​ണ്.

സ​യ്യ​ദ് മോ​ദി ഇ​ന്‍റ​ർ​നാ​ഷ​ണ​ൽ സൂ​പ്പ​ർ 300 ജേ​താ​വാ​യും കിം​ഗ്സ് ക​പ്പ് ഇ​ന്‍റ​ർ​നാ​ഷ​ണ​ലി​ൽ മൂ​ന്നാം സ്ഥാ​ന​ത്തെ​ത്തു​ക​യും ചെ​യ്ത ല​ക്ഷ്യ ഫോ​മി​ലാ​ണ്. ഒ​ളി​ന്പി​ക്സ് പ്രീ​ക്വാ​ർ​ട്ട​റി​ൽ പു​റ​ത്താ​യ​ശേ​ഷം അ​ഞ്ചു​മാ​സ​ത്തെ ഇ​ട​വേ​ള​യ്ക്കു​ശേ​ഷ​മാ​ണ് പ്ര​ണോ​യ് ബാ​ഡ്മി​ന്‍റ​ണ്‍ ക​ള​ത്തി​ൽ തി​രി​ച്ചെ​ത്തു​ന്ന​ത്.


ഇ​ന്ത്യ​യു​ടെ സിം​ഗി​ൾ​സ് പ്ര​തീ​ക്ഷ​ക​ളാ​യ പി.​വി. സി​ന്ധു ടൂ​ർ​ണ​മെ​ന്‍റി​ൽ പ​ങ്കെ​ടു​ക്കു​ന്നി​ല്ല. സിം​ഗി​ൾ​സി​ൽ മാ​ള​വി​ക ബ​ൻ​സോ​ദ്, ആ​ക​ർ​ഷി ക​ശ്യ​പ്, അ​നു​പ​മ ഉ​പാ​ധ്യാ​യ എ​ന്നി​വ​ർ ഇ​റ​ങ്ങും. ഡ​ബി​ൾ​സി​ൽ ട്രീ​സ ജോ​ളി-​ഗാ​യ​ത്രി ഗോ​പി​ച​ന്ദ്, ത​നീ​ഷ ക്രാ​സ്റ്റോ-​അ​ശ്വി​നി പൊ​ന്ന​പ്പ സ​ഖ്യ​മാ​ണ് ഇ​ന്ത്യ​യു​ടെ പ്ര​തീ​ക്ഷ​ക​ൾ വ​ഹി​ക്കു​ക. മി​ക്സ​ഡ് ഡ​ബി​ൾ​സി​ൽ ഇ​ന്ത്യ​ക്കു മൂ​ന്നു ടീ​മു​ക​ളാ​ണു​ള്ള​ത്.