പാ​​രീ​​സ്: ഫ്ര​​ഞ്ച് ഓ​​പ്പ​​ണ്‍ ടെ​​ന്നീ​​സി​​ൽ മു​​ൻ​​നി​​ര താ​​ര​​ങ്ങ​​ളാ​​യ സെ​​ർ​​ബി​​യ​​യു​​ടെ നൊ​​വാ​​ക് ജോ​​ക്കോ​​വി​​ച്ച്, അ​​ല​​ക്സാ​​ണ്ട​​ർ സ്വ​​രേ​​വ്, ഡാ​​നി​​ൽ മെ​​ദ്‌​വ​​ദേ​​വ്, ബെ​​ലാ​​റൂ​​സി​​ന്‍റെ അ​​രീ​​ന സ​​ബ​​ലെ​​ങ്ക, പോ​​ള​​ണ്ടി​​ന്‍റെ ഇ​​ഗ ഷ്യാ​​ങ്ടെ​​ക് തു​​ട​​ങ്ങി​​യ​​വ​​ർ മൂ​​ന്നാം റൗ​​ണ്ടി​​ൽ.

പു​​രു​​ഷ സിം​​ഗി​​ൾ​​സി​​ൽ ഒ​​ന്നാം സീ​​ഡാ​​യ നൊ​​വാ​​ക് ജോ​​ക്കോ​​വി​​ച്ച് ര​​ണ്ടാം റൗ​​ണ്ടി​​ൽ സ്പെ​​യി​​നിന്‍റെ റോ​​ബ​​ർ​​ട്ടോ കാ​​ർ​​ബ​​ല്ലെ​​സ് ബെ​​യ്ന​​യെ നേ​​രി​​ട്ടു​​ള്ള സെ​​റ്റു​​ക​​ൾ​​ക്ക് കീ​​ഴ​​ട​​ക്കി. സ്കോ​​ർ: 6-4, 6-1, 6-2. നാ​​ലാം സീ​​ഡാ​​യ സ്വ​​രേ​​വ് 7-6 (7-4), 6-2, 6-2ന് ​​ബെ​​ൽ​​ജി​​യ​​ത്തി​​ന്‍റെ ഡേ​​വി​​ഡ് ഗോ​​ഫി​​നെ ര​​ണ്ടാം റൗ​​ണ്ടി​​ൽ മ​​റി​​ക​​ട​​ന്നു. ര​​ണ്ടാം ന​​ന്പ​​റാ​​യ ഇ​​റ്റ​​ലി​​യു​​ടെ യാ​​നി​​ക് സി​​ന്ന​​ർ 6-4, 6-2, 6-2ന് ​​ഫ്ര​​ഞ്ച് താ​​രം റി​​ച്ചാ​​ർ​​ഡ് ഗാ​​സ്ക​​റ്റി​​നെ തോ​​ൽ​​പ്പി​​ച്ചു.


സെ​​ർ​​ബി​​യ​​യു​​ടെ മി​​യോ​​മി​​ർ കെ​​ക്മാ​​നോ​​വി​​ച്ചി​​നെ​​തി​​രേ 1-6, 0-5 എ​​ന്ന നി​​ല​​യി​​ൽ മു​​ന്നി​​ട്ട് നി​​ൽ​​ക്കേ റ​​ഷ്യ​​യു​​ടെ മെ​​ദ്‌​വ​​ദേ​​വി​​ന് വാ​​ക്കോ​​വ​​ർ ല​​ഭി​​ച്ചു.

വ​​നി​​താ സിം​​ഗി​​ൾ​​സി​​ൽ ര​​ണ്ടാം സീ​​ഡാ​​യ അ​​രീ​​ന സ​​ബ​​ലെ​​ങ്ക നേ​​രി​​ട്ടു​​ള്ള സെ​​റ്റി​​ന് ജ​​പ്പാ​​ന്‍റെ മൊ​​യു​​ക ഉ​​ചി​​ജി​​മ​​യെ കീ​​ഴ​​ട​​ക്കി. സ്കോ​​ർ: 6-2, 6-2. ജ​​പ്പാ​​ന്‍റെ ന​​വോ​​മി ഒ​​സാ​​ക്ക​​യു​​ടെ വെ​​ല്ലു​​വി​​ളി അ​​തി​​ജീ​​വി​​ച്ച് ഒ​​ന്നാം ന​​ന്പ​​റാ​​യ ഷ്യാ​​ങ്ടെ​​ക്കും മൂ​​ന്നാം റൗ​​ണ്ടി​​ലെ​​ത്തി. സ്കോ​​ർ: 7-6 (7-1), 1-6, 7-5. നാ​​ലാം സീ​​ഡാ​​യ ക​​സാ​​ക്കി​​സ്ഥാ​​ന്‍റെ എ​​ലെ​​ന റെ​​ബാ​​കി​​ന​​യും മൂ​​ന്നാം റൗ​​ണ്ടി​​ൽ പ്ര​​വേ​​ശി​​ച്ചു.